መዠመሪያዪቱ፡የሐዋርያው፡የዮሐንስ፡መልእክት።

(ክለሳ.1.20020507)

_______________1ኛ፡ዮሐንስ፥ምዕራፍ፡1።______________
ምዕራፍ፡1፤
1፤ስለ፡ሕይወት፡ቃል፡ከመዠመሪያው፡የነበረውንና፡የሰማነውን፡በዐይኖቻችንም፡ያየነውን፡የተመለከትነውንም፡ እጆቻችንም፡የዳሰሱትን፡እናወራለን፤
2፤ሕይወትም፡ተገለጠ፡አይተንማል፡እንመሰክርማለን፥ከአብ፡ዘንድ፡የነበረውንም፡ለእኛም፡የተገለጠውን፡የዘለ ዓለምን፡ሕይወት፡እናወራላችዃለን፤
3፤እናንተ፡ደግሞ፡ከእኛ፡ጋራ፡ኅብረት፡እንዲኖራችኹ፡ያየነውንና፡የሰማነውን፡ለእናንተ፡ደግሞ፡እናወራላችዃ ለን።ኅብረታችንም፡ከአባት፡ጋራ፡ከልጁም፡ከኢየሱስ፡ክርስቶስ፡ጋራ፡ነው።
4፤ደስታችኹም፡እንዲፈጸም፡ይህን፡እንጽፍላችዃለን።
5፤ከርሱም፡የሰማናት፡ለእናንተም፡የምናወራላችኹ፡መልእክት፦እግዚአብሔር፡ብርሃን፡ነው፥ጨለማም፡በርሱ፡ዘን ድ፡ከቶ፡የለም፡የምትል፡ይህች፡ናት።
6፤ከርሱ፡ጋራ፡ኅብረት፡አለን፡ብንል፡በጨለማም፡ብንመላለስ፡እንዋሻለን፡እውነትንም፡አናደርግም፤
7፤ነገር፡ግን፥ርሱ፡በብርሃን፡እንዳለ፡በብርሃን፡ብንመላለስ፡ለያንዳንዳችን፡ኅብረት፡አለን፥የልጁም፡የኢየ ሱስ፡ክርስቶስ፡ደም፡ከኀጢአት፡ዅሉ፡ያነጻናል።
8፤ኀጢአት፡የለብንም፡ብንል፡ራሳችንን፡እናስታለን፥እውነትም፡በእኛ፡ውስጥ፡የለም።
9፤በኀጢአታችን፡ብንናዘዝ፡ኀጢአታችንን፡ይቅር፡ሊለን፡ከዐመፃም፡ዅሉ፡ሊያነጻን፡የታመነና፡ጻድቅ፡ነው።
10፤ኀጢአትን፡አላደረግንም፡ብንል፡ሐሰተኛ፡እናደርገዋለን፡ቃሉም፡በእኛ፡ውስጥ፡የለም።
_______________1ኛ፡ዮሐንስ፥ምዕራፍ፡2።______________
ምዕራፍ፡2፤
1፤ልጆቼ፡ሆይ፥ኀጢአትን፡እንዳታደርጉ፡ይህን፡እጽፍላችዃለኹ።ማንም፡ኀጢአትን፡ቢያደርግ፡ከአብ፡ዘንድ፡ጠበ ቃ፡አለን፡ርሱም፡ጻድቅ፡የኾነ፡ኢየሱስ፡ክርስቶስ፡ነው።
2፤ርሱም፡የኀጢአታችን፡ማስተስረያ፡ነው፥ለኀጢአታችንም፡ብቻ፡አይደለም፥ነገር፡ግን፥ለዓለሙ፡ዅሉ፡ኀጢአት፡ እንጂ።
3፤ትእዛዛቱንም፡ብንጠብቅ፡በዚህ፡እንዳወቅነው፡እናውቃለን።
4፤ዐውቄዋለኹ፡የሚል፡ትእዛዛቱንም፡የማይጠብቅ፡ውሸተኛ፡ነው፥እውነትም፡በርሱ፡ውስጥ፡የለም።
5፤ቃሉን፡ግን፡የሚጠብቅ፡ዅሉ፡በርሱ፡የእግዚአብሔር፡ፍቅር፡በእውነት፡ተፈጽሟል።በርሱ፡እንዳለን፡በዚህ፡እ ናውቃለን፤
6፤በርሱ፡እኖራለኹ፡የሚል፡ርሱ፡እንደ፡ተመላለሰ፡ራሱ፡ደግሞ፡ሊመላለስ፡ይገ፟ባ፟ዋል።
7፤ወንድሞች፡ሆይ፥ከመዠመሪያ፡የነበረቻችኹ፡አሮጌ፡ትእዛዝ፡እንጂ፡የምጽፍላችኹ፡ዐዲስ፡ትእዛዝ፡አይደለችም ፤አሮጌዪቱ፡ትእዛዝ፡የሰማችዃት፡ቃል፡ናት።
8፤ዳግመኛ፡ዐዲስ፡ትእዛዝን፡እጽፍላችዃለኹ፥ይህም፡ነገር፡በርሱ፡በእናንተም፡እውነተኛ፡ነው፤ጨለማው፡ያልፋ ልና፥እውነተኛውም፡ብርሃን፡አኹን፡ይበራል።
9፤በብርሃን፡አለኹ፡የሚል፡ወንድሙንም፡የሚጠላ፡እስከ፡አኹን፡በጨለማ፡አለ።
10፤ወንድሙንም፡የሚወድ፡በብርሃን፡ይኖራል፡ማሰናከያም፡የለበትም፤
11፤ወንድሙን፡የሚጠላ፡ግን፡በጨለማ፡አለ፥በጨለማም፡ይመላለሳል፥የሚኼድበትንም፡አያውቅም፥ጨለማው፡ዐይኖቹ ን፡አሳውሮታልና።
12፤ልጆች፡ሆይ፥ኀጢአታችኹ፡ስለ፡ስሙ፡ተሰርዮላችዃልና፥እጽፍላችዃለኹ።
13፤አባቶች፡ሆይ፥ከመዠመሪያ፡የነበረውን፡ዐውቃችዃልና፥እጽፍላችዃለኹ።ጐበዞች፡ሆይ፥ክፉውን፡አሸንፋችዃል ና፥እጽፍላችዃለኹ።ልጆች፡ሆይ፥አብን፡ዐውቃችዃልና፥እጽፍላችዃለኹ።
14፤አባቶች፡ሆይ፥ከመዠመሪያ፡የነበረውን፡ዐውቃችዃልና፥እጽፍላችዃለኹ።ጐበዞች፡ሆይ፥ብርቱዎች፡ስለ፡ኾናች ኹ፡የእግዚአብሔርም፡ቃል፡በእናንተ፡ስለሚኖር፡ክፉውንም፡ስለ፡አሸነፋችኹ፡እጽፍላችዃለኹ።
15-16፤ዓለምን፡ወይም፡በዓለም፡ያሉትን፡አትውደዱ፤በዓለም፡ያለው፡ዅሉ፡ርሱም፡የሥጋ፡ምኞትና፡የዐይን፡አምሮ ት፡ስለ፡ገንዘብም፡መመካት፡ከዓለም፡ስለ፡ኾነ፡እንጂ፡ከአባት፡ስላልኾነ፥ማንም፡ዓለምን፡ቢወድ፡የአባት፡ፍ ቅር፡በርሱ፡ውስጥ፡የለም።
17፤ዓለሙም፡ምኞቱም፡ያልፋሉ፤የእግዚአብሔርን፡ፈቃድ፡የሚያደርግ፡ግን፡ለዘለዓለም፡ይኖራል።
18፤ልጆች፡ሆይ፥መጨረሻው፡ሰዓት፡ነው፥የክርስቶስም፡ተቃዋሚ፡ይመጣ፡ዘንድ፡እንደ፡ሰማችኹ፡አኹን፡እንኳ፡ብ ዙዎች፡የክርስቶስ፡ተቃዋሚዎች፡ተነሥተዋል፤ስለዚህም፡መጨረሻው፡ሰዓት፡እንደ፡ኾነ፡እናውቃለን።
19፤ከእኛ፡ዘንድ፡ወጡ፥ዳሩ፡ግን፡ከእኛ፡ወገን፡አልነበሩም፤ከእኛ፡ወገንስ፡ቢኾኑ፡ከእኛ፡ጋራ፡ጸንተው፡በኖ ሩ፡ነበር፤ነገር፡ግን፥ዅሉ፡ከእኛ፡ወገን፡እንዳልኾኑ፡ይገለጡ፡ዘንድ፡ወጡ።
20፤እናንተም፡ከቅዱሱ፡ቅባት፡ተቀብላችዃል፥ዅሉንም፡ታውቃላችኹ።
21፤እውነትን፡የምታውቁ፡ስለ፡ኾናችኹ፥ውሸትም፡ዅሉ፡ከእውነት፡እንዳልኾነ፡ስለምታውቁ፡እንጂ፡እውነትን፡ስ ለማታውቁ፡አልጽፍላችኹም።
22፤ክርስቶስ፡አይደለም፡ብሎ፡ኢየሱስን፡ከሚክድ፡በቀር፡ውሸተኛው፡ማን፡ነው፧አብንና፡ወልድን፡የሚክድ፡ይህ ፡የክርስቶስ፡ተቃዋሚ፡ነው።
23፤ወልድን፡የሚክድ፡ዅሉ፡አብ፡እንኳ፡የለውም፤በወልድ፡የሚታመን፡አብ፡ደግሞ፡አለው።
24፤እናንተስ፡ከመዠመሪያ፡የሰማችኹት፡በእናንተ፡ጸንቶ፡ይኑር።ከመዠመሪያ፡የሰማችኹት፡በእናንተ፡ቢኖር፥እ ናንተ፡ደግሞ፡በወልድና፡በአብ፡ትኖራላችኹ።
25፤ርሱም፡የሰጠን፡ተስፋ፡ይህ፡የዘለዓለም፡ሕይወት፡ነው።
26፤ስለሚያስቷችኹ፡ሰዎች፡ይህን፡ጽፌላችዃለኹ።
27፤እናንተስ፡ከርሱ፡የተቀበላችኹት፡ቅባት፡በእናንተ፡ይኖራል፥ማንም፡ሊያስተምራችኹ፡አያስፈልጋችኹም፤ነገ ር፡ግን፥የርሱ፡ቅባት፡ስለ፡ዅሉ፡እንደሚያስተምራችኹ፥እውነተኛም፡እንደ፡ኾነ፡ውሸትም፡እንዳልኾነ፥እናንተ ንም፡እንዳስተማራችኹ፥በርሱ፡ኑሩ።
28፤አኹንም፥ልጆች፡ሆይ፥በሚገለጥበት፡ጊዜ፡እምነት፡እንዲኾንልን፡በመምጣቱም፡በርሱ፡ፊት፡እንዳናፍር፡በር ሱ፡ኑሩ።
29፤ጻድቅ፡እንደ፡ኾነ፡ካወቃችኹ፡ጽድቅን፡የሚያደርግ፡ዅሉ፡ከርሱ፡እንደ፡ተወለደ፡ዕወቁ።
_______________1ኛ፡ዮሐንስ፥ምዕራፍ፡3።______________
ምዕራፍ፡3፤
1፤የእግዚአብሔር፡ልጆች፡ተብለን፡ልንጠራ፡አብ፡እንዴት፡ያለውን፡ፍቅር፡እንደ፡ሰጠን፡እዩ፥እንዲሁም፡ነን። ስለዚህ፡ምክንያት፡ዓለም፡ርሱን፡ስላላወቀው፡እኛን፡አያውቀንም።
2፤ወዳጆች፡ሆይ፥አኹን፡የእግዚአብሔር፡ልጆች፡ነን፥ምንም፡እንደምንኾን፡ገና፡አልተገለጠም።ዳሩ፡ግን፡ቢገለ ጥ፡ርሱ፡እንዳለ፡እናየዋለንና፡ርሱን፡እንድንመስል፡እናውቃለን።
3፤በርሱም፡ይህን፡ተስፋ፡የሚያደርግ፡ዅሉ፡ርሱ፡ንጹሕ፡እንደ፡ኾነ፡ራሱን፡ያነጻል።
4፤ኀጢአትን፡የሚያደርግ፡ዅሉ፡ዐመፅን፡ደግሞ፡ያደርጋል፥ኀጢአትም፡ዐመፅ፡ነው።
5፤ርሱም፡ኀጢአትን፡ሊያስወግድ፡እንደ፡ተገለጠ፡ታውቃላችኹ፥በርሱም፡ኀጢአት፡የለም።
6፤በርሱ፡የሚኖር፡ዅሉ፡ኀጢአትን፡አያደርግም፤ኀጢአትን፡የሚያደርግ፡ዅሉ፡አላየውም፡አላወቀውምም።
7፤ልጆች፡ሆይ፥ማንም፡አያስታችኹ፤ርሱ፡ጻድቅ፡እንደ፡ኾነ፡ጽድቅን፡የሚያደርግ፡ጻድቅ፡ነው።
8፤ኀጢአትን፡የሚያደርግ፡ከዲያብሎስ፡ነው፥ዲያብሎስ፡ከመዠመሪያ፡ኀጢአትን፡ያደርጋልና።
9፤ስለዚህ፥የዲያብሎስን፡ሥራ፡እንዲያፈርስ፡የእግዚአብሔር፡ልጅ፡ተገለጠ።ከእግዚአብሔር፡የተወለደ፡ዅሉ፡ኀ ጢአትን፡አያደርግም፥ዘሩ፡በርሱ፡ይኖራልና፤ከእግዚአብሔርም፡ተወልዷልና፥ኀጢአትን፡ሊያደርግ፡አይችልም።
10፤የእግዚአብሔር፡ልጆችና፡የዲያብሎስ፡ልጆች፡በዚህ፡የተገለጡ፡ናቸው፤ጽድቅን፡የማያደርግና፡ወንድሙን፡የ ማይወድ፡ዅሉ፡ከእግዚአብሔር፡አይደለም።
11፤ከመዠመሪያ፡የሰማችዃት፡መልእክት።ርስ፡በርሳችን፡እንዋደድ፡የምትል፡ይህች፡ናትና፤
12፤ከክፉው፡እንደ፡ነበረ፡ወንድሙንም፡እንደ፡ገደለ፡እንደ፡ቃየል፡አይደለም፤ስለ፡ምንስ፡ገደለው፧የገዛ፡ሥ ራው፡ክፉ፥የወንድሙም፡ሥራ፡ጽድቅ፡ስለ፡ነበረ፡ነው።
13፤ወንድሞች፡ሆይ፥ዓለም፡ቢጠላችኹ፡አትደነቁ።
14፤እኛ፡ወንድሞችን፡የምንወድ፡ስለ፡ኾን፟፡ከሞት፡ወደ፡ሕይወት፡እንደ፡ተሻገርን፡እናውቃለን፤ወንድሙን፡የ ማይወድ፡በሞት፡ይኖራል።
15፤ወንድሙን፡የሚጠላ፡ዅሉ፡ነፍሰ፡ገዳይ፡ነው፥ነፍሰ፡ገዳይም፡የኾነ፡ዅሉ፡የዘለዓለም፡ሕይወት፡በርሱ፡እን ዳይኖር፡ታውቃላችኹ።
16፤ርሱ፡ስለ፡እኛ፡ነፍሱን፡አሳልፎ፡ሰጥቷልና፥በዚህ፡ፍቅርን፡ዐውቀናል፤እኛም፡ስለ፡ወንድሞቻችን፡ነፍሳች ንን፡አሳልፈን፡እንድንሰጥ፡ይገ፟ባ፟ናል።
17፤ነገር፡ግን፥የዚህ፡ዓለም፡ገንዘብ፡ያለው፥ወንድሙም፡የሚያስፈልገው፡ሲያጣ፡አይቶ፡ያልራራለት፡ማንም፡ቢ ኾን፥የእግዚአብሔር፡ፍቅር፡በርሱ፡እንዴት፡ይኖራል፧
18፤ልጆቼ፡ሆይ፥በሥራና፡በእውነት፡እንጂ፡በቃልና፡በአንደበት፡አንዋደድ።
19-20፤ልባችንም፡በእኛ፡ላይ፡በሚፈርድበት፡ዅሉ፥ከእውነት፡እንደ፡ኾን፟፡በዚህ፡እናውቃለን፡በፊቱም፡ልባችን ን፡እናሳርፋለን፥እግዚአብሔር፡ከልባችን፡ይልቅ፡ታላቅ፡ነውና፥ዅሉንም፡ያውቃል።
21፤ወዳጆች፡ሆይ፥ልባችንስ፡ባይፈርድብን፡በእግዚአብሔር፡ዘንድ፡ድፍረት፡አለን፥
22፤ትእዛዙንም፡የምንጠብቅና፡በፊቱ፡ደስ፡የሚያሠኘውን፡የምናደርግ፡ስለኾን፟፡የምንለምነውን፡ዅሉ፡ከርሱ፡ እናገኛለን።
23፤ትእዛዚቱም፡ይህች፡ናት፥በልጁ፡በኢየሱስ፡ክርስቶስ፡ስም፡እናምን፡ዘንድ፥ትእዛዝንም፡እንደ፡ሰጠን፡ርስ ፡በርሳችን፡እንዋደድ፡ዘንድ።
24፤ትእዛዙንም፡የሚጠብቅ፡በርሱ፡ይኖራል፡ርሱም፡ይኖርበታል፤በዚህም፡በእኛ፡እንዲኖር፡ከሰጠን፡ከመንፈሱ፡ እናውቃለን።
_______________1ኛ፡ዮሐንስ፥ምዕራፍ፡4።______________
ምዕራፍ፡4፤
1፤ወዳጆች፡ሆይ፥መንፈስን፡ዅሉ፡አትመኑ፥ነገር፡ግን፥መናፍስት፡ከእግዚአብሔር፡ኾነው፡እንደ፡ኾነ፡መርምሩ፤ ብዙዎች፡ሐሰተኛዎች፡ነቢያት፡ወደ፡ዓለም፡ወጥተዋልና።
2፤የእግዚአብሔርን፡መንፈስ፡በዚህ፡ታውቃላችኹ፤ኢየሱስ፡ክርስቶስ፡በሥጋ፡እንደ፡መጣ፡የሚታመን፡መንፈስ፡ዅ ሉ፡ከእግዚአብሔር፡ነው፥
3፤ኢየሱስ፡ክርስቶስም፡በሥጋ፡እንደ፡መጣ፡የማይታመን፡መንፈስ፡ዅሉ፡ከእግዚአብሔር፡አይደለም፤ይህም፡የክር ስቶስ፡ተቃዋሚው፡መንፈስ፡ነው፤ይህም፡እንዲመጣ፡ሰምታችዃል፥አኹንም፡እንኳ፡በዓለም፡አለ።
4፤ልጆች፡ሆይ፥እናንተ፡ከእግዚአብሔር፡ናችኹ፡አሸንፋችዃቸውማል፥በዓለም፡ካለው፡ይልቅ፡በእናንተ፡ያለው፡ታ ላቅ፡ነውና።
5፤እነርሱ፡ከዓለም፡ናቸው፤ስለዚህ፥ከዓለም፡የኾነውን፡ይናገራሉ፥ዓለሙም፡ይሰማቸዋል።
6፤እኛ፡ከእግዚአብሔር፡ነን፤እግዚአብሔርን፡የሚያውቅ፡ይሰማናል፤ከእግዚአብሔር፡ያልኾነ፡አይሰማንም።የእው ነትን፡መንፈስና፡የስሕተትን፡መንፈስ፡በዚህ፡እናውቃለን።
7፤ወዳጆች፡ሆይ፥ፍቅር፡ከእግዚአብሔር፡ስለ፡ኾነ፥የሚወደ፟ውም፡ዅሉ፡ከእግዚአብሔር፡ስለ፡ተወለደ፡እግዚአብ ሔርንም፡ስለሚያውቅ፥ርስ፡በርሳችን፡እንዋደድ።
8፤ፍቅር፡የሌለው፡እግዚአብሔርን፡አያውቅም፥እግዚአብሔር፡ፍቅር፡ነውና።
9፤በዚህ፡የእግዚአብሔር፡ፍቅር፡በእኛ፡ዘንድ፡ተገለጠ፥በርሱ፡በኩል፡በሕይወት፡እንኖር፡ዘንድ፡እግዚአብሔር ፡አንድ፡ልጁን፡ወደ፡ዓለም፡ልኮታልና።
10፤ፍቅርም፡እንደዚህ፡ነው፤እግዚአብሔር፡ርሱ፡ራሱ፡እንደ፡ወደደን፥ስለኀጢአታችንም፡ማስተስረያ፡ይኾን፡ዘ ንድ፡ልጁን፡እንደ፡ላከ፡እንጂ፡እኛ፡እግዚአብሔርን፡እንደ፡ወደድነው፡አይደለም።
11፤ወዳጆች፡ሆይ፥እግዚአብሔር፡እንዲህ፡አድርጎ፡ከወደደን፡እኛ፡ደግሞ፡ርስ፡በርሳችን፡ልንዋደድ፡ይገ፟ባ፟ ናል።
12፤እግዚአብሔርን፡ማንም፡ከቶ፡አላየውም፤ርስ፡በርሳችን፡ብንዋደድ፡እግዚአብሔር፡በእኛ፡ይኖራል፡ፍቅሩም፡ በእኛ፡ፍጹም፡ኾኗል።
13፤ከመንፈሱ፡ስለ፡ሰጠን፥በርሱ፡እንድንኖር፡ርሱም፡በእኛ፡እንዲኖር፡በዚህ፡እናውቃለን።
14፤እኛም፡አይተናል፡አባትም፡ልጁን፡የዓለም፡መድኀኒት፡ሊኾን፡እንደ፡ላከው፡እንመሰክራለን።
15፤ኢየሱስ፡የእግዚአብሔር፡ልጅ፡እንደ፡ኾነ፡በሚታመን፡ዅሉ፡እግዚአብሔር፡በርሱ፡ይኖራል፡ርሱም፡በእግዚአ ብሔር፡ይኖራል።
16፤እኛም፡እግዚአብሔር፡ለእኛ፡ያለውን፡ፍቅር፡ዐውቀናል፡አምነንማል።እግዚአብሔር፡ፍቅር፡ነው፥በፍቅርም፡ የሚኖር፡በእግዚአብሔር፡ይኖራል፡እግዚአብሔርም፡በርሱ፡ይኖራል።
17፤በፍርድ፡ቀን፡ድፍረት፡ይኾንልን፡ዘንድ፡ፍቅር፡በዚህ፡ከእኛ፡ጋራ፡ተፈጽሟል፤ርሱ፡እንዳለ፡እኛ፡ደግሞ፡ እንዲሁ፡በዚህ፡ዓለም፡ነንና።
18፤ፍጹም፡ፍቅር፡ፍርሀትን፡አውጥቶ፡ይጥላል፡እንጂ፡በፍቅር፡ፍርሀት፡የለም፥ፍርሀት፡ቅጣት፡አለውና፤የሚፈ ራም፡ሰው፡ፍቅሩ፡ፍጹም፡አይደለም።
19፤ርሱ፡አስቀድሞ፡ወዶናልና፥እኛ፡እንወደዋለን።
20፤ማንም፦እግዚአብሔርን፡እወዳለኹ፡እያለ፡ወንድሙን፡ቢጠላ፡ሐሰተኛ፡ነው፤ያየውን፡ወንድሙን፡የማይወድ፡ያ ላየውን፡እግዚአብሔርን፡ሊወደ፟ው፡እንዴት፡ይችላል፧
21፤እግዚአብሔርንም፡የሚወድ፡ወንድሙን፡ደግሞ፡እንዲወድ፡ይህች፡ትእዛዝ፡ከርሱ፡አለችን።
_______________1ኛ፡ዮሐንስ፥ምዕራፍ፡5።______________
ምዕራፍ፡5፤
1፤ክርስቶስ፡ነው፡ብሎ፡በኢየሱስ፡የሚያምን፡ዅሉ፡ከእግዚአብሔር፡ተወልዷል፥ወላጁንም፡የሚወድ፡ዅሉ፡ከርሱ፡ የተወለደውን፡ደግሞ፡ይወዳል።
2፤እግዚአብሔርን፡ስንወድ፡ትእዛዛቱንም፡ስናደርግ፡የእግዚአብሔርን፡ልጆች፡እንድንወድ፡በዚህ፡እናውቃለን።
3፤ትእዛዛቱን፡ልንጠብቅ፡የእግዚአብሔር፡ፍቅር፡ይህ፡ነውና፤ትእዛዛቱም፡ከባዶች፡አይደሉም።
4፤ከእግዚአብሔር፡የተወለደ፡ዅሉ፡ዓለምን፡ያሸንፋልና፤ዓለምንም፡የሚያሸንፈው፡እምነታችን፡ነው።
5፤ኢየሱስም፡የእግዚአብሔር፡ልጅ፡እንደ፡ኾነ፡ከሚያምን፡በቀር፡ዓለምን፡የሚያሸንፍ፡ማን፡ነው፧
6፤በውሃና፡በደም፡የመጣ፡ይህ፡ነው፥ርሱም፡ኢየሱስ፡ክርስቶስ፤በውሃውና፡በደሙ፡እንጂ፡በውሃው፡ብቻ፡አይደለ ም።
7፤መንፈስም፡እውነት፡ነውና፥የሚመሰክረው፡መንፈስ፡ነው።
8፤የሚመሰክሩት፡መንፈሱና፡ውሃው፡ደሙም፡ሦስት፡ናቸውና፤ሦስቱም፡ባንድ፡ይስማማሉ።
9፤የሰውን፡ምስክር፡ብንቀበል፡የእግዚአብሔር፡ምስክር፡ከርሱ፡ይልቅ፡ይበልጣል፤ስለ፡ልጁ፡የመሰከረው፡የእግ ዚአብሔር፡ምስክር፡ይህ፡ነውና።
10፤በእግዚአብሔር፡ልጅ፡የሚያምን፡በነፍሱ፡ምስክር፡አለው፤በእግዚአብሔር፡የማያምን፡እግዚአብሔር፡ስለ፡ል ጁ፡የመሰከረውን፡ምስክር፡ስላላመነ፡ሐሰተኛ፡አድርጎታል።
11፤እግዚአብሔርም፡የዘለዓለምን፡ሕይወት፡እንደ፡ሰጠን፡ይህም፡ሕይወት፡በልጁ፡እንዳለ፡ምስክሩ፡ይህ፡ነው።
12፤ልጁ፡ያለው፡ሕይወት፡አለው፤የእግዚአብሔር፡ልጅ፡የሌለው፡ሕይወት፡የለውም።
13፤የዘለዓለም፡ሕይወት፡እንዳላችኹ፡ታውቁ፡ዘንድ፡በእግዚአብሔር፡ልጅ፡ስም፡ለምታምኑ፡ይህን፡ጽፌላችዃለኹ ።
14፤በርሱ፡ዘንድ፡ያለን፡ድፍረት፡ይህ፡ነው፤እንደ፡ፈቃዱ፡አንዳች፡ብንለምን፡ይሰማናል።
15፤የምንለምነውንም፡ዅሉ፡እንዲሰማልን፡ብናውቅ፡ከርሱ፡የለመነውን፡ልመና፡እንደ፡ተቀበልን፡እናውቃለን።
16፤ማንም፡ወንድሙን፡ሞት፡የማይገ፟ባ፟ውን፡ኀጢአት፡ሲያደርግ፡ቢያየው፡ይለምን፥ሞትም፡የማይገ፟ባ፟ውን፡ኀ ጢአት፡ላደረጉት፡ሕይወት፡ይሰጥለታል።ሞት፡የሚገ፟ባ፟ው፡ኀጢአት፡አለ፤ስለዚያ፡እንዲጠይቅ፡አልልም።
17፤ዐመፃ፡ዅሉ፡ኀጢአት፡ነው፥ሞትም፡የማይገ፟ባ፟ው፡ኀጢአት፡አለ።
18፤ከእግዚአብሔር፡የተወለደ፡ዅሉ፡ኀጢአትን፡እንዳያደርግ፥ነገር፡ግን፥ከእግዚአብሔር፡የተወለደው፡ራሱን፡ እንዲጠብቅ፡ክፉውም፡እንዳይነካው፡እናውቃለን።
19፤ከእግዚአብሔር፡እንደ፡ኾን፟፡ዓለምም፡በሞላው፡በክፉው፡እንደ፡ተያዘ፡እናውቃለን።
20፤የእግዚአብሔርም፡ልጅ፡እንደ፡መጣ፥እውነተኛም፡የኾነውን፡እናውቅ፡ዘንድ፡ልቡናን፡እንደ፡ሰጠን፡እናውቃ ለን፤እውነተኛም፡በኾነው፡በርሱ፡አለን፥ርሱም፡ልጁ፡ኢየሱስ፡ክርስቶስ፡ነው።ርሱ፡እውነተኛ፡አምላክና፡የዘ ለዓለም፡ሕይወት፡ነው።
21፤ልጆች፡ሆይ፥ከጣዖታት፡ራሳችኹን፡ጠብቁ፨

http://www.gzamargna.net