ኹለተኛዪቱ፡የሐዋርያው፡የጳውሎስ፡መልእክት፡
ወደ፡ጢሞቴዎስ።

(ክለሳ.1.20020507)

_______________2ኛ፡ጢሞቴዎስ፥ምዕራፍ፡1።______________
ምዕራፍ፡1፤
1፤በክርስቶስ፡ኢየሱስ፡እንደሚኾን፡የሕይወት፡ተስፋ፥በእግዚአብሔር፡ፈቃድ፡የኢየሱስ፡ክርስቶስ፡ሐዋርያ፡የ ኾነ፡ጳውሎስ፥
2፤ለተወደደው፡ልጄ፡ለጢሞቴዎስ፤ከእግዚአብሔር፡አብ፡ከጌታችንም፡ከክርስቶስ፡ኢየሱስ፡ጸጋና፡ምሕረት፡ሰላም ም፡ይኹን።
3፤ሌትና፡ቀን፡በልመናዬ፡ሳላቋርጥ፡ስለማስብኽ፡እንደ፡አባቶቼ፡አድርጌ፡በንጹሕ፡ኅሊና፡የማመልከውን፡እግዚ አብሔርን፡አመሰግናለኹ፤
4፤እንባኽን፡እያሰብኹ፡በደስታ፡እሞላ፡ዘንድ፡ላይኽ፡እናፍቃለኹ።
5፤ባንተ፡ያለውን፡ግብዝነት፡የሌለበትን፡እምነትኽን፡ዐስባለኹ፤ይህም፡እምነት፡ቀድሞ፡ባያትኽ፡በሎይድ፡በእ ናትኽም፡በኤውንቄ፡ነበረባቸው፥ባንተም፡ደግሞ፡እንዳለ፡ተረድቻለኹ።
6፤ስለዚህ፡ምክንያት፥እሳት፡እንደሚያቀጣጥል፡ሰው፥እጆቼን፡በመጫኔ፡ባንተ፡ያለውን፡የእግዚአብሔርን፡ስጦታ ፡እንድታነሣሣ፡አሳስብኻለኹ።
7፤እግዚአብሔር፡የኀይልና፡የፍቅር፡ራስንም፡የመግዛት፡መንፈስ፡እንጂ፡የፍርሀት፡መንፈስ፡አልሰጠንምና።
8፤እንግዲህ፡በጌታችን፡ምስክርነት፡ወይም፡በእስረኛው፡በእኔ፡አትፈር፥ነገር፡ግን፥እንደእግዚአብሔር፡ኀይል ፡መጠን፡ስለ፡ወንጌል፡ዐብረኸኝ፡መከራን፡ተቀበል፤
9፤ያዳነን፡በቅዱስም፡አጠራር፡የጠራን፡እግዚአብሔር፡ነውና፥ይህም፡እንደ፡ራሱ፡ዐሳብና፡ጸጋ፡መጠን፡ነው፡እ ንጂ፡እንደ፡ሥራችን፡መጠን፡አይደለም፤ይህም፡ጸጋ፡ከዘለዓለም፡ዘመናት፡በፊት፡በክርስቶስ፡ኢየሱስ፡ተሰጠን ፥
10-11፤አኹን፡ግን፡በመድኀኒታችን፡በኢየሱስ፡ክርስቶስ፡መገለጥ፡ታይቷል።ርሱ፡ሞትን፡ሽሯልና፥እኔ፡ሰባኪና፡ ሐዋርያ፥አሕዛብንም፡አስተማሪ፡እንድኾን፡በተሾምኹበት፡በወንጌል፡ሕይወትንና፡አለመጥፋትን፡ወደ፡ብርሃን፡ አውጥቷል።
12፤ስለዚህም፡ምክንያት፡ይህን፡መከራ፡ደግሞ፡ተቀብያለኹ፥ነገር፡ግን፥አላፍርበትም፤ያመንኹትን፡ዐውቃለኹና ፥የሰጠኹትንም፡ዐደራ፡እስከዚያ፡ቀን፡ድረስ፡ሊጠብቅ፡እንዲችል፡ተረድቻለኹ።
13፤በክርስቶስ፡ኢየሱስ፡ባለ፡እምነትና፡ፍቅር፡አድርገኽ፥ከእኔ፡የሰማኸውን፡ጤናማ፡ቃል፡ምሳሌ፡ያዝ፤
14፤መልካሙን፡ዐደራ፡በእኛ፡በሚኖረው፡በመንፈስ፡ቅዱስ፡ጠብቅ።
15፤በእስያ፡ያሉቱ፡ዅሉ፡ከእኔ፡ፈቀቅ፡እንዳሉ፡ታውቃለኽ፥ከነርሱም፡ፊሎጎስና፡ሄርዋጌኔስ፡ናቸው።
16፤ጌታ፡ልሄኔሲፎሩ፡ቤተ፡ሰዎች፡ምሕረትን፡ይስጥ፥ብዙ፡ጊዜ፡አሳርፎኛልና፤
17፤በሰንሰለቴም፡አላፈረበትም፥ነገር፡ግን፥በሮሜ፡ባደረ፡ጊዜ፡ፈልጎ፡ፈልጎ፡አገኘኝ፤
18፤በዚያን፡ቀን፡ከጌታ፡ምሕረትን፡እንዲያገኝ፡ጌታ፡ይስጠው፤በኤፌሶንም፡እንዴት፡እንዳገለገለኝ፡አንተ፡በ ደኅና፡ታውቃለኽ።
_______________2ኛ፡ጢሞቴዎስ፥ምዕራፍ፡2።______________
ምዕራፍ፡2፤
1፤እንግዲህ፥ልጄ፡ሆይ፥አንተ፡በክርስቶስ፡ኢየሱስ፡ባለው፡ጸጋ፡በርታ።
2፤ብዙ፡ሰዎች፡የመሰከሩለትን፥ከእኔም፡የሰማኸውን፥ሌላዎችን፡ደግሞ፡ሊያስተምሩ፡ለሚችሉ፣ለታመኑ፡ሰዎች፡ዐ ደራ፡ስጥ።
3፤እንደኢየሱስ፡ክርስቶስ፡በጎ፡ወታደር፡ኾነኽ፥ዐብረኸኝ፡መከራ፡ተቀበል።
4፤የሚዘምተው፡ዅሉ፡ለጦር፡ያስከተተውን፡ደስ፡ያሠኝ፡ዘንድ፡ትዳር፡በሚገኝበት፡ንግድ፡ራሱን፡አያጠላልፍም።
5፤ደግሞም፡በጨዋታ፡የሚታገል፡ማንም፡ቢኾን፥እንደሚገ፟ባ፟፡አድርጎ፡ባይታገል፥የድሉን፡አክሊል፡አያገኝም።
6፤የሚደክመው፡ገበሬ፡ፍሬውን፡ከሚበሉት፡መዠመሪያ፡እንዲኾን፡ይገ፟ባ፟ዋል።
7፤የምለውን፡ተመልከት፤ጌታም፡በነገር፡ዅሉ፡ማስተዋልን፡ይስጥኽ።
8፤በወንጌል፡እንደምሰብከው፥ከሙታን፡የተነሣውን፥ከዳዊት፡ዘርም፡የኾነውን፡ኢየሱስ፡ክርስቶስን፡ዐስብ፤
9፤ይህንም፡በመስበክ፡እንደ፡ክፉ፡አድራጊ፡እስክታሰር፡ድረስ፡መከራ፡እቀበላለኹ፥የእግዚአብሔር፡ቃል፡ግን፡ አይታሰርም።
10፤ስለዚህ፥እነርሱ፡ደግሞ፡በክርስቶስ፡ኢየሱስ፡ያለውን፡መዳን፡ከዘለዓለም፡ክብር፡ጋራ፡እንዲያገኙ፡ስለተ መረጡት፡በነገር፡ዅሉ፡እጸናለኹ።
11፤ቃሉ፡የታመነ፡ነው፡እንዲህ፡የሚለው፦ከርሱ፡ጋራ፡ከሞትን፥ከርሱ፡ጋራ፡ደግሞ፡በሕይወት፡እንኖራለን፤
12፤ብንጸና፥ከርሱ፡ጋራ፡ደግሞ፡እንነግሣለን፤ብንክደው፥ርሱ፡ደግሞ፡ይክደናል፤
13፤ባናምነው፥ርሱ፡የታመነ፡ኾኖ፡ይኖራል፤ራሱን፡ሊክድ፡አይችልምና።
14፤ይህን፡አሳስባቸው፥በቃልም፡እንዳይጣሉ፡በእግዚአብሔር፡ፊት፡ምከራቸው፥ይህ፡ምንም፡የማይረባ፡የሚሰሙት ንም፡የሚያፈርስ፡ነውና።
15፤የእውነትን፡ቃል፡በቅንነት፡የሚናገር፡የማያሳፍርም፡ሠራተኛ፡ኾነኽ፥የተፈተነውን፡ራስኽን፡ለእግዚአብሔ ር፡ልታቀርብ፡ትጋ።
16፤ነገር፡ግን፥ለዓለም፡ከሚመች፡ከከንቱ፡መለፍለፍ፡ራቅ፤ኀጢአተኝነታቸውን፡ከፊት፡ይልቅ፡ይጨምራሉና፥ቃላ ቸውም፡እንደ፡ጭንቍር፡ይባላል፤
17፤ከነርሱም፡ሄሜኔዎስና፡ፊሊጦስ፡ናቸው፤
18፤እነዚህም፦ትንሣኤ፡ካኹን፡በፊት፡ኾኗል፡እያሉ፥ስለ፡እውነት፡ስተው፥የአንዳንዶችን፡እምነት፡ይገለብጣሉ ።
19፤ኾኖም፦ጌታ፡ለርሱ፡የኾኑትን፡ያውቃል፥ደግሞም፦የጌታን፡ስም፡የሚጠራ፡ዅሉ፡ከዐመፅ፡ይራቅ፡የሚለው፡ማኅ ተም፡ያለበት፡የተደላደለ፡የእግዚአብሔር፡መሠረት፡ቆሟል።
20፤በትልቅም፡ቤት፡የዕንጨትና፡የሸክላ፡ዕቃ፡ደግሞ፡አለ፡እንጂ፡የወርቅና፡የብር፡ዕቃ፡ብቻ፡አይደለም፥እኩ ሌቶቹም፡ለክብር፥እኩሌቶቹም፡ለውርደት፡ይኾናሉ፤
21፤እንግዲህ፡ማንም፡ራሱን፡ከነዚህ፡ቢያነጻ፥ለክብር፡የሚኾን፡የተቀደሰም፡ለጌታውም፡የሚጠቅም፡ለበጎም፡ሥ ራ፡ዅሉ፡የተዘጋጀ፡ዕቃ፡ይኾናል።
22፤ከክፉ፡የጕልማሳነት፡ምኞት፡ግን፡ሽሽ፥በንጹሕም፡ልብ፡ጌታን፡ከሚጠሩ፡ጋራ፡ጽድቅን፡እምነትን፡ፍቅርን፡ ሰላምን፡አጥብቀኽ፡ተከተል።
23፤ነገር፡ግን፥ጠብን፡እንዲያመጣ፡ዐውቀኽ፡ከሰነፎችና፡ካልተማሩ፡ምርመራ፡ራቅ፤
24፤የጌታም፡ባሪያ፡ለሰው፡ዅሉ፡ገር፡ለማስተማርም፡የሚበቃ፡ለትዕግሥትም፡የሚጸና፡ሊኾን፡እንጂ፡ሊጣላ፡አይ ገ፟ባ፟ውም።
25-26፤ደግሞም፦ምናልባት፡እግዚአብሔር፡እውነትን፡ያውቁ፡ዘንድ፡ንስሓን፡ይሰጣቸዋልና፥ፈቃዱን፡ለማድረግ፡በ ዲያብሎስ፡ሕያዋን፡ኾነው፡ከተያዙበት፡ወጥመድ፡ወጥተው፥ወደ፡አእምሮ፡ይመለሳሉ፡ብሎ፡የሚቃወሙትን፡በየዋህ ነት፡ይቅጣ።
_______________2ኛ፡ጢሞቴዎስ፥ምዕራፍ፡3።______________
ምዕራፍ፡3፤
1፤ነገር፡ግን፥በመጨረሻው፡ቀን፡የሚያስጨንቅ፡ዘመን፡እንዲመጣ፡ይህን፡ዕወቅ።
2፤ሰዎች፡ራሳቸውን፡የሚወዱ፡ይኾናሉና፥ገንዘብን፡የሚወዱ፥ትምክሕተኛዎች፥ትዕቢተኛዎች፥ተሳዳቢዎች፥ለወላጆ ቻቸው፡የማይታዘዙ፥የማያመሰግኑ፥
3፤ቅድስና፡የሌላቸው፥ፍቅር፡የሌላቸው፥ዕርቅን፡የማይሰሙ፥ሐሜተኛዎች፥ራሳቸውን፡የማይገዙ፥ጨካኞች፥መልካም ፡የኾነውን፡የማይወዱ፥
4፤ከዳ፟ተኛዎች፥ችኵሎች፥በትዕቢት፡የተነፉ፥ከእግዚአብሔር፡ይልቅ፡ተድላን፡የሚወዱ፡ይኾናሉ፤
5፤የአምልኮት፡መልክ፡አላቸው፡ኀይሉን፡ግን፡ክደዋል፤ከነዚህ፡ደግሞ፡ራቅ።
6-7፤ወደ፡ቤቶች፡ሾልከው፡እየገቡ፥ኀጢአታቸው፡የተከመረባቸውን፡በልዩ፡ልዩ፡ምኞትንም፡የሚወሰዱትን፡ዅልጊዜ ም፡እየተማሩ፡እውነትን፡ወደ፡ማወቅ፡ሊደርሱ፡ከቶ፡የማይችሉትን፡ሞኞችን፡ሴቶች፡የሚማርኩ፥ከነዚህ፡ዘንድ፡ ናቸውና።
8፤ኢያኔስና፡ኢያንበሬስም፡ሙሴን፡እንደ፡ተቃወሙት፥እንዲሁ፡እነዚህ፡ደግሞ፡አእምሯቸው፡የጠፋባቸው፡ስለ፡እ ምነትም፡የተጣሉ፡ሰዎች፡ኾነው፥እውነትን፡ይቃወማሉ።
9፤ዳሩ፡ግን፡የእነዚያ፡ሞኝነት፡ደግሞ፡ግልጥ፡እንደ፡ኾነ፥ሞኝነታቸው፡ለዅሉ፡ይገለጣልና፥ከፊት፡ይልቅ፡አይ ቀናላቸውም።
10፤አንተ፡ግን፡ትምህርቴንና፡አካኼዴን፡ዐሳቤንም፡እምነቴንም፡ትዕግሥቴንም፡ፍቅሬንም፡መጽናቴንም፡ስደቴን ም፡መከራዬንም፡ተከተልኽ፤
11፤በአንጾኪያና፡በኢቆንዮን፡በልስጥራንም፡የኾነብኝን፡የታገሥኹትንም፡ስደት፡ታውቃለኽ፤ጌታም፡ከዅሉ፡አዳ ነኝ።
12፤በእውነትም፡በክርስቶስ፡ኢየሱስ፡እግዚአብሔርን፡እየመሰሉ፡ሊኖሩ፡የሚወዱ፡ዅሉ፡ይሰደዳሉ።
13፤ነገር፡ግን፥ክፉዎች፡ሰዎችና፡አታላዮች፥እያሳቱና፡እየሳቱ፥በክፋት፡እየባሱ፡ይኼዳሉ።
14፤አንተ፡ግን፡በተማርኽበትና፡በተረዳኽበት፡ነገር፡ጸንተኽ፡ኑር፥ከማን፡እንደ፡ተማርኸው፡ታውቃለኽና፤
15፤ከሕፃንነትኽም፡ዠምረኽ፡ክርስቶስ፡ኢየሱስን፡በማመን፥መዳን፡የሚገኝበትን፡ጥበብ፡ሊሰጡኽ፡የሚችሉትን፡ ቅዱሳን፡መጻሕፍትን፡ዐውቀኻል።
16-17፤የእግዚአብሔር፡ሰው፡ፍጹምና፡ለበጎ፡ሥራ፡ዅሉ፡የተዘጋጀ፡ይኾን፡ዘንድ፥የእግዚአብሔር፡መንፈስ፡ያለበ ት፡መጽሐፍ፡ዅሉ፡ለትምህርትና፡ለተግሣጽ፥ልብንም፡ለማቅናት፥በጽድቅም፡ላለው፡ምክር፡ደግሞ፡ይጠቅማል።
_______________2ኛ፡ጢሞቴዎስ፥ምዕራፍ፡4።______________
ምዕራፍ፡4፤
1፤በእግዚአብሔር፡ፊት፡በሕያዋንና፡በሙታንም፡ሊፈርድ፡ባለው፡በጌታ፡በኢየሱስ፡ክርስቶስ፡ፊት፥በመገለጡና፡ በመንግሥቱም፡እመክርኻለኹ፤
2፤ቃሉን፡ስበክ፥በጊዜውም፡አለጊዜውም፡ጽና፥ፈጽመኽ፡እየታገሥኽና፡እያስተማርኽ፥ዝለፍና፡ገሥጽ፡ምከርም።
3፤ሕይወት፡የሚገኝበትን፡ትምህርት፡የማይታገሡበት፡ዘመን፡ይመጣልና፤ነገር፡ግን፥ዦሮዎቻቸውን፡የሚያሳክክ፡ ስለ፡ኾነ፥እንደ፡ገዛ፡ምኞታቸው፡ለራሳቸው፡አስተማሪዎችን፡ያከማቻሉ።
4፤እውነትንም፡ከመስማት፡ዦሮዎቻቸውን፡ይመልሳሉ፥ወደ፡ተረትም፡ፈቀቅ፡ይላሉ።
5፤አንተ፡ግን፡ነገርን፡ዅሉ፡በልክ፡አድርግ፥መከራን፡ተቀበል፥የወንጌል፡ሰባኪነትን፡ሥራ፡አድርግ፥አገልግሎ ትኽን፡ፈጽም።
6፤በመሥዋዕት፡እንደሚደረግ፥የእኔ፡ሕይወት፡ይሠዋልና፥የምኼድበትም፡ጊዜ፡ደርሷል።
7፤መልካሙን፡ገድል፡ተጋድያለኹ፥ሩጫውን፡ጨርሻለኹ፥ሃይማኖትን፡ጠብቄያለኹ፤
8፤ወደ፡ፊት፡የጽድቅ፡አክሊል፡ተዘጋጅቶልኛል፥ይህንም፡ጻድቅ፡ፈራጅ፡የኾነው፡ጌታ፡ያን፡ቀን፡ለእኔ፡ያስረክ ባል፥ደግሞም፡መገለጡን፡ለሚወዱት፡ዅሉ፡እንጂ፡ለእኔ፡ብቻ፡አይደለም።
9፤በቶሎ፡ወደ፡እኔ፡እንድትመጣ፡ትጋ፤
10፤ዴማስ፡የአኹኑን፡ዓለም፡ወዶ፡ትቶኛልና፥ወደ፡ተሰሎንቄም፡ኼዷል፤ቄርቂስም፡ወደ፡ገላትያ፡ቲቶም፡ወደ፡ድ ልማጥያ፡ኼደዋል፤
11፤ሉቃስ፡ብቻ፡ከእኔ፡ጋራ፡አለ።ማርቆስ፡ለአገልግሎት፡ብዙ፡ይጠቅመኛልና፥ይዘኸው፡ከአንተ፡ጋራ፡አምጣው።
12፤ቲኪቆስን፡ግን፡ወደ፡ኤፌሶን፡ላክኹት።
13፤ስትመጣ፡በጢሯዳ፡ከአክርጳ፡ዘንድ፡የተውኹትን፡በርኖሱንና፡መጻሕፍቱን፡ይልቁንም፡በብራና፡የተጻፉትን፡ አምጣልኝ።
14፤የናስ፡አንጥረኛው፡እስክንድሮስ፡እጅግ፡ከፋብኝ፤ጌታ፡እንደ፡ሥራው፡ይመልስለታል።
15፤አንተም፡ደግሞ፡ከርሱ፡ተጠበቅ፥የምንናገረውን፡እጅግ፡ተቃውሟልና።
16፤በፊተኛው፡ሙግቴ፡አንድ፡ስንኳ፡አልደረሰልኝም፥ዅሉም፡ተዉኝ፡እንጂ፤ይህንም፡አይቍጠርባቸው፤
17፤ዳሩ፡ግን፡የስብከቱ፡ሥራ፡በእኔ፡እንዲፈጸም፡አሕዛብም፡ዅሉ፡እንዲሰሙት፥ጌታ፡በእኔ፡አጠገብ፡ቆሞ፡አበ ረታኝ፥ከአንበሳ፡አፍም፡ዳንኹ።
18፤ጌታም፡ከክፉ፡ነገር፡ዅሉ፡ያድነኛል፡ለሰማያዊውም፡መንግሥት፡ይጠብቀኛል፤ለርሱ፡ከዘለዓለም፡እስከ፡ዘለ ዓለም፡ክብር፡ይኹን፤አሜን።
19፤ለጵርስቅላና፡ለአቂላ፡ለሄኔሲፎሩም፡ቤተ፡ሰዎች፡ሰላምታ፡አቅርብልኝ።
20፤ኤርስጦስ፡በቆሮንቶስ፡ቀረ፥ጥሮፊሞስን፡ግን፡ታሞ፡በሚሊጢን፡ተውኹት።
21፤ከክረምት፡በፊት፡እንድትመጣ፡ትጋ።ኤውግሎስና፡ጱዴስ፥ሊኖስም፡ቅላውዲያም፥ወንድሞችም፡ዅሉ፡ሰላምታ፡ያ ቀርቡልኻል።
22፤ጌታ፡ኢየሱስ፡ክርስቶስ፡ከመንፈስኽ፡ጋራ፡ይኹን።ጸጋ፡ከእናንተ፡ጋራ፡ይኹን፤አሜን፨

http://www.gzamargna.net