መዠመሪያዪቱ፡የሐዋርያው፡ጳውሎስ፡መልእክት፡
ወደ፡ጢሞቴዎስ።

(ክለሳ.1.20020507)

_______________1ኛ፡ጢሞቴዎስ፥ምዕራፍ፡1።______________
ምዕራፍ፡1፤
1፤መድኀኒታችን፡እግዚአብሔር፡ተስፋችንም፡ኢየሱስ፡ክርስቶስ፡እንዳዘዘው፡ትእዛዝ፡የኢየሱስ፡ክርስቶስ፡ሐዋ ርያ፡የኾነ፡ጳውሎስ፥
2፤በእምነት፡እውነተኛ፡ልጄ፡ለኾነ፡ለጢሞቴዎስ፤ከእግዚአብሔር፡ከአባታችን፡ከክርስቶስ፡ኢየሱስም፡ከጌታችን ፡ጸጋና፡ምሕረት፡ሰላምም፡ይኹን።
3-4፤ወደ፡መቄዶንያ፡በኼድኹ፡ጊዜ፥አንዳንዶች፡ልዩ፡ትምህርትን፡እንዳያስተምሩና፡ወደ፡ተረት፡መጨረሻም፡ወደ ሌለው፡ወደትውልዶች፡ታሪክ፡እንዳያደምጡ፡ልታዛቸው፡በኤፌሶን፡ትቀመጥ፡ዘንድ፡ለመንኹኽ፤እንደ፡እነዚህ፡ያ ሉ፡ነገሮች፡ክርክርን፡ያመጣሉና፡በእምነት፡ግን፡ላለ፡ለእግዚአብሔር፡መጋቢነት፡አይጠቅሙም።
5፤የትእዛዝ፡ፍጻሜ፡ግን፡ከንጹሕ፡ልብና፡ከበጎ፡ኅሊና፡ግብዝነትም፡ከሌለበት፡እምነት፡የሚወጣ፡ፍቅር፡ነው፤
6-7፤ከነዚህም፡አንዳንዶች፡ስተው፥የሚሉትን፡ወይም፡ስለ፡እነርሱ፡አስረግጠው፡የሚናገሩትን፡ሳያስተውሉ፥የሕ ግ፡አስተማሪዎች፡ሊኾኑ፡እየወደዱ፥ወደ፡ከንቱ፡ንግግር፡ፈቀቅ፡ብለዋል።
8፤ነገር፡ግን፥ሰው፡እንደሚገ፟ባ፟፡ቢሠራበት፡ሕግ፡መልካም፡እንደ፡ኾነ፡እናውቃለን፤
9-11፤ይኸውም፥ለበደለኛዎችና፡ለማይታዘዙ፥ለዐመፀኛዎችና፡ለኀጢአተኛዎች፥ቅድስና፡ለሌላቸውና፡ለርኩሳን፥አ ባትና፡እናትን፡ለሚገድሉ፥ለነፍሰ፡ገዳዮችና፡ለሴሰኛዎች፥ከወንድ፡ጋራም፡ለሚተኙ፥በሰዎችም፡ለሚነግዱ፥ለው ሸተኛዎችም፡በውሸትም፡ለሚምሉ፥የቡሩክ፡እግዚአብሔርንም፡ክብር፡እንደሚገልጥ፡ለእኔ፡ዐደራ፡እንደ፡ተሰጠኝ ፡ወንጌል፡የኾነውን፡ደኅና፡ትምህርት፡ለሚቃወም፡ለሌላ፡ነገር፡ዅሉ፡ሕግ፡እንደ፡ተሠራ፡እንጂ፡ለጻድቅ፡እን ዳልተሠራ፡ሲያውቅ፡ነው።
12፤ለአገልግሎቱ፡ሾሞኝ፡ታማኝ፡አድርጎ፡ስለ፡ቈጠረኝ፥ኀይል፡የሰጠኝን፡ክርስቶስ፡ኢየሱስን፡ጌታችንን፡አመ ሰግናለኹ፤
13፤አስቀድሞ፡ተሳዳቢና፡አሳዳጅ፡አንገላችም፡ምንም፡ብኾን፥ይህን፡አደረገልኝ፤ነገር፡ግን፥ሳላውቅ፡ባለማመ ን፡ስላደረግኹት፡ምሕረትን፡አገኘኹ፥
14፤የጌታችንም፡ጸጋ፡በክርስቶስ፡ኢየሱስ፡ካሉ፡ከእምነትና፡ከፍቅር፡ጋራ፡አብልጦ፡በዛ።
15፤ኀጢአተኛዎችን፡ሊያድን፡ክርስቶስ፡ኢየሱስ፡ወደ፡ዓለም፡መጣ፡የሚለው፡ቃል፡የታመነና፡ዅሉ፡እንዲቀበሉት ፡የተገባ፡ነው፤ከኀጢአተኛዎችም፡ዋና፡እኔ፡ነኝ፤
16፤ስለዚህ፡ግን፥የዘለዓለምን፡ሕይወት፡ለማግኘት፡በርሱ፡ያምኑ፡ዘንድ፡ላላቸው፡ሰዎች፡ምሳሌ፡እንድኾን፥ኢ የሱስ፡ክርስቶስ፡ዋና፡በምኾን፡በእኔ፡ላይ፡ትዕግሥቱን፡ዅሉ፡ያሳይ፡ዘንድ፥ምሕረትን፡አገኘኹ።
17፤ብቻውን፡አምላክ፡ለሚኾን፡ለማይጠፋው፡ለማይታየውም፡ለዘመናት፡ንጉሥ፡ምስጋናና፡ክብር፡እስከ፡ዘለዓለም ፡ድረስ፡ይኹን፤አሜን።
18፤ጢሞቴዎስ፡ልጄ፡ሆይ፥አስቀድሞ፡ስለ፡አንተ፡እንደተነገረው፡ትንቢት፥በርሱ፡መልካም፡ጦርነት፡ትዋጋ፡ዘን ድ፡ይህችን፡ትእዛዝ፡ዐደራ፡እሰጥኻለኹ፤
19፤እምነትና፡በጎ፡ኅሊና፡ይኑርኽ፥አንዳንዶች፡ኅሊናን፡ጥለው፥መርከብ፡አለ፡መሪ፡እንደሚጠፋ፥በእምነት፡ነ ገር፡ጠፍተዋልና፤
20፤ከነዚያም፥እንዳይሳደቡ፡ይማሩ፡ዘንድ፡ለሰይጣን፡አሳልፌ፡የሰጠዃቸው፥ሄሜኔዎስና፡እስክንድሮስ፡ናቸው።
_______________1ኛ፡ጢሞቴዎስ፥ምዕራፍ፡2።______________
ምዕራፍ፡2፤
1-2፤እንግዲህ፡እግዚአብሔርን፡በመምሰልና፡በጭምትነት፡ዅሉ፡ጸጥና፡ዝግ፡ብለን፡እንድንኖር፥ልመናና፡ጸሎት፡ ምልጃም፡ምስጋናም፡ስለ፡ሰዎች፡ዅሉ፡ስለ፡ነገሥታትና፡ስለ፡መኳንንትም፡ዅሉ፡እንዲደረጉ፡ከዅሉ፡በፊት፡እመ ክራለኹ።
3-4፤ሰዎች፡ዅሉ፡ሊድኑና፡እውነቱን፡ወደ፡ማወቅ፡ሊደርሱ፡በሚወድ፡በእግዚአብሔር፡በመድኀኒታችን፡ፊት፡መልካ ምና፡ደስ፡የሚያሠኝ፡ይህ፡ነው።
5፤አንድ፡እግዚአብሔር፡አለና፥በእግዚአብሔርና፡በሰውም፡መካከል፡ያለው፡መካከለኛው፡ደግሞ፡አንድ፡አለ፥ርሱ ም፡ሰው፡የኾነ፡ክርስቶስ፡ኢየሱስ፡ነው፤
6፤ራሱንም፡ለዅሉ፡ቤዛ፡ሰጠ፥ይህም፡በገዛ፡ዘመኑ፡ምስክርነቱ፡ነበረ፤
7፤እኔም፡ለዚህ፡ነገር፡ዐዋጅ፡ነጋሪና፡ሐዋርያ፡በእምነትና፡በእውነትም፡የአሕዛብ፡አስተማሪ፡ለመኾን፡ተሾም ኹ፤እውነት፡እናገራለኹ፤አልዋሽም።
8፤እንግዲህ፡ወንዶች፡በስፍራ፡ዅሉ፡አለ፡ቍጣና፡አለ፡ክፉ፡ዐሳብ፡የተቀደሱትን፡እጆች፡እያነሡ፡እንዲጸልዩ፡ እፈቅዳለኹ።
9-10፤እንዲሁም፡ደግሞ፡ሴቶች፡በሚገ፟ባ፟፡ልብስ፡ከዕፍረትና፡ራሳቸውን፡ከመግዛት፡ጋራ፡ሰውነታቸውን፡ይሸል ሙ፤እግዚአብሔርን፡እንፈራለን፡ለሚሉት፡ሴቶች፡እንደሚገ፟ባ፟፥መልካም፡በማድረግ፡እንጂ፡በሽሩባና፡በወርቅ ፡ወይም፡በዕንቍ፡ወይም፡ዋጋው፡እጅግ፡በከበረ፡ልብስ፡አይሸለሙ።
11፤ሴት፡በነገር፡ዅሉ፡እየተገዛች፡በዝግታ፡ትማር፤
12፤ሴት፡ግን፡በዝግታ፡ትኑር፡እንጂ፡ልታስተምር፡ወይም፡በወንድ፡ላይ፡ልትሠለጥን፡አልፈቅድም።
13፤አዳም፡ቀድሞ፡ተፈጥሯልና፥በዃላም፡ሔዋን፡ተፈጠረች።
14፤የተታለለም፡አዳም፡አይደለም፥ሴቲቱ፡ግን፡ተታላ፟፡በመተላለፍ፡ወደቀች፤
15፤ነገር፡ግን፥በእምነትና፡በፍቅር፡በቅድስናም፡ራሳቸውን፡እየገዙ፡ቢኖሩ፡በመውለድ፡ትድናለች።
_______________1ኛ፡ጢሞቴዎስ፥ምዕራፍ፡3።______________
ምዕራፍ፡3፤
1፤ማንም፡ኤጲስ፡ቆጶስነትን፡ቢፈልግ፡መልካምን፡ሥራ፡ይመኛል፡የሚለው፡ቃል፡የታመነ፡ነው።
2፤እንግዲህ፡ኤጲስ፡ቆጶስ፡እንዲህ፡ሊኾን፡ይገ፟ባ፟ዋል፤የማይነቀፍ፥የአንዲት፡ሚስት፡ባል፥ልከኛ፥ራሱን፡የ ሚገዛ፥እንደሚገ፟ባ፟ው፡የሚሠራ፥እንግዳ፡ተቀባይ፥ለማስተማር፡የሚበቃ፥
3፤የማይሰክር፥የማይጨቃጨቅ፥ነገር፡ግን፥ገር፡የኾነ፥የማይከራከር፥ገንዘብን፡የማይወድ፥
4፤ልጆቹን፡በጭምትነት፡ዅሉ፡እየገዛ፡የራሱን፡ቤት፡በመልካም፡የሚያስተዳድር፤
5፤ሰው፡ግን፡የራሱን፡ቤት፡እንዲያስተዳድር፡ባያውቅ፥የእግዚአብሔርን፡ቤተ፡ክርስቲያን፡እንዴት፡ይጠብቃታል ፧
6፤በትዕቢት፡ተነፍቶ፡በዲያብሎስ፡ፍርድ፡እንዳይወድቅ፥ዐዲስ፡ክርስቲያን፡አይኹን።
7፤በዲያብሎስ፡ነቀፋና፡ወጥመድም፡እንዳይወድቅ፥በውጭ፡ካሉት፡ሰዎች፡ደግሞ፡መልካም፡ምስክር፡ሊኖረው፡ይገ፟ ባ፟ዋል።
8፤እንዲሁም፡ዲያቆናት፡ጭምቶች፥በኹለት፡ቃል፡የማይናገሩ፥ለብዙ፡ወይን፡ጠጅ፡የማይጐመዡ፥
9፤ነውረኛ፡ረብ፡የማይወዱ፥በንጹሕ፡ኅሊና፡የሃይማኖትን፡ምስጢር፡የሚይዙ፡ሊኾኑ፡ይገ፟ባ፟ቸዋል።
10፤እነዚህም፡ደግሞ፡አስቀድሞ፡ይፈተኑ፥ከዚያም፡በዃላ፡ያለነቀፋ፡ቢኾኑ፡በዲቁና፡ሥራ፡ያገልግሉ።
11፤እንዲሁም፡ሴቶች፡ጭምቶች፥የማያሙ፥ልከኛዎች፥በነገር፡ዅሉ፡የታመኑ፡ሊኾኑ፡ይገ፟ባ፟ቸዋል።
12፤ዲያቆናት፡ልጆቻቸውንና፡የራሳቸውን፡ቤቶች፡በመልካም፡እየገዙ፡እያንዳንዳቸው፡የአንዲት፡ሴት፡ባሎች፡ይ ኹኑ።
13፤በዲቁና፡ሥራ፡በመልካም፡ያገለገሉ፡ለራሳቸው፡ትልቅ፡ማዕርግና፡በክርስቶስ፡ኢየሱስ፡ባለው፡እምነት፡ብዙ ፡ድፍረት፡ያገኛሉ።
14፤ፈጥኜ፡ወዳንተ፡እንድመጣ፡ተስፋ፡አድርጌ፡ይህን፡እጽፍልኻለኹ።
15፤ብዘገይ፡ግን፥በእግዚአብሔር፡ማደሪያ፡ቤት፡መኖር፡እንዴት፡እንደሚገ፟ባ፟፡ታውቅ፡ዘንድ፡እጽፍልኻለኹ፤ ቤቱም፡የእውነት፡ዐምድና፡መሠረት፥የሕያው፡እግዚአብሔር፡ቤተ፡ክርስቲያን፡ነው።
16፤እግዚአብሔርንም፡የመምሰል፡ምስጢር፡ያለጥርጥር፡ታላቅ፡ነው፤በሥጋ፡የተገለጠ፥በመንፈስ፡የጸደቀ፥ለመላ እክት፡የታየ፥በአሕዛብ፡የተሰበከ፥በዓለም፡የታመነ፥በክብር፡ያረገ።
_______________1ኛ፡ጢሞቴዎስ፥ምዕራፍ፡4።______________
ምዕራፍ፡4፤
1-2፤መንፈስ፡ግን፡በግልጥ፦በዃለኛዎች፡ዘመናት፡አንዳንዶች፡የሚያስቱ፡መናፍስትንና፡በውሸተኛዎች፡ግብዝነት ፡የተሰጠውን፡የአጋንንትን፡ትምህርት፡እያደመጡ፥ሃይማኖትን፡ይክዳሉ፡ይላል፤በገዛ፡ኅሊናቸው፡እንደሚቃጠሉ ፡ደንዝዘው፥
3፤እነዚህ፡ውሸተኛዎች፡መጋባትን፡ይከለክላሉ፥አምነውም፡እውነትን፡የሚያውቁ፡ከምስጋና፡ጋራ፡ይቀበሉ፡ዘንድ ፡እግዚአብሔር፡ከፈጠረው፡መብል፡እንዲርቁ፡ያዛ፟ሉ።
4፤እግዚአብሔር፡የፈጠረው፡ዅሉ፡መልካም፡ነውና፥ከምስጋናም፡ጋራ፡ቢቀበሉት፡የሚጣል፡ምንም፡የለም፤
5፤በእግዚአብሔር፡ቃልና፡በጸሎት፡የተቀደሰ፡ነውና።
6፤ስለዚህ፥ወንድሞችን፡ብታሳስብ፥በእምነትና፡በተከተልኸው፡በመልካም፡ትምህርት፡ቃል፡የምትመገብ፡የኢየሱስ ፡ክርስቶስ፡መልካም፡አገልጋይ፡ትኾናለኽ።
7፤ነገር፡ግን፥ለዚህ፡ዓለም፡ከሚመችና፡የአሮጊቶችን፡ሴቶች፡ጨዋታ፡ከሚመስለው፡ተረት፡ራቅ።እግዚአብሔርን፡ ለመምሰል፡ግን፡ራስኽን፡አስለምድ።
8፤ሰውነትን፡ለሥጋዊ፡ነገር፡ማስለመድ፡ለጥቂት፡ይጠቅማልና፤እግዚአብሔርን፡መምሰል፡ግን፡የአኹንና፡የሚመጣ ው፡ሕይወት፡ተስፋ፡ስላለው፥ለነገር፡ዅሉ፡ይጠቅማል።
9፤ይህ፡ቃል፡የታመነ፥ዅሉም፡እንዲቀበሉት፡የተገባ፡ነው፤
10፤ይህን፡ለማግኘት፡እንደክማለንና፥ስለዚህም፡እንሰደባለን፤ይህም፡ሰውን፡ዅሉ፡ይልቁንም፡የሚያምኑትን፡በ ሚያድን፡በሕያው፡አምላክ፡ተስፋ፡ስለምናደርግ፡ነው።
11-12፤ይህን፡እዘዝና፡አስተምር።በቃልና፡በኑሮ፡በፍቅርም፡በእምነትም፡በንጽሕናም፡ለሚያምኑቱ፡ምሳሌ፡ኹን፡ እንጂ፥ማንም፡ታናሽነትኽን፡አይናቀው።
13፤እስክመጣ፡ድረስ፡ለማንበብና፡ለመምከር፡ለማስተማርም፡ተጠንቀቅ።
14፤በትንቢት፡ከሽማግሌዎች፡እጅ፡መጫን፡ጋራ፡የተሰጠኽን፥ባንተ፡ያለውን፡የጸጋ፡ስጦታ፡ቸል፡አትበል።
15፤ማደግኽ፡በነገር፡ዅሉ፡እንዲገለጥ፡ይህን፡ዐስብ፥ይህንም፡አዘውትር።
16፤ለራስኽና፡ለትምህርትኽ፡ተጠንቀቅ፥በእነዚህም፡ጽና፤ይህን፡ብታደርግ፥ራስኽንም፡የሚሰሙኽንም፡ታድናለኽ ና።
_______________1ኛ፡ጢሞቴዎስ፥ምዕራፍ፡5።______________
ምዕራፍ፡5፤
1-2፤ሽማግሌ፡የኾነውን፡አትገሥጸው፥ርሱን፡ግን፡እንደ፡አባት፥ጐበዞችን፡እንደ፡ወንድሞች፥የሸመገሉትን፡ሴቶ ች፡እንደ፡እናቶች፥ቈነዣዥቱን፡እንደ፡እኅቶች፡በፍጹም፡ንጽሕና፡ለምናቸው።
3፤በእውነት፡ባልቴቶች፡የኾኑትን፡ባልቴቶች፡አክብር።
4፤ማንም፡ባልቴት፡ግን፡ልጆች፡ወይም፡የልጅ፡ልጆች፡ቢኖሯት፥እነርሱ፡አስቀድመው፡ለገዛ፡ቤተ፡ሰዎቻቸው፡እግ ዚአብሔርን፡መምሰል፡ያሳዩ፡ዘንድ፥ለወላጆቻቸውም፡ብድራትን፡ይመልሱላቸው፡ዘንድ፡ይማሩ፤ይህ፡በእግዚአብሔ ር፡ፊት፡መልካምና፡የተወደደ፡ነውና።
5፤ብቻዋንም፡ኖራ፡በእውነት፡ባልቴት፡የምትኾን፡በእግዚአብሔር፡ተስፋ፡ታደርጋለች፥ሌትና፡ቀንም፡በልመና፡በ ጸሎትም፡ጸንታ፡ትኖራለች፤
6፤ቅምጥሊቱ፡ግን፡በሕይወቷ፡ሳለች፡የሞተች፡ናት።
7፤ያለነቀፋ፡እንዲኾኑ፡ይህን፡ደግሞ፡እዘዝ።
8፤ነገር፡ግን፥ለርሱ፡ስለኾኑት፡ይልቁንም፡ስለ፡ቤተ፡ሰዎቹ፡የማያስብ፡ማንም፡ቢኾን፥ሃይማኖትን፡የካደ፡ከማ ያምንም፡ሰው፡ይልቅ፡የሚከፋ፡ነው።
9፤ባልቴት፡በመዝገብ፡ብትጻፍ፡ዕድሜዋ፡ከስድሳ፡ዓመት፡እንዳያንስ፥የአንድም፡ባል፡ሚስት፡የነበረች፡እንድት ኾን፡ያስፈልጋል፤
10፤ልጆችን፡በማሳደግ፡እንግዳዎችንም፡በመቀበል፥የቅዱሳንንም፡እግሮች፡በማጠብ፥የተጨነቁትንም፡በመርዳት፡ በጎንም፡ሥራ፡ዅሉ፡በመከተል፥ይህን፡መልካም፡ሥራ፡በማድረግ፡የተመሰከረላት፡ልትኾን፡ይገ፟ባ፟ል።
11፤ባል፡የሞተባቸውን፡ቈነዣዥት፡ግን፡አትቀበል፤በክርስቶስ፡ላይ፡ተነሥተው፡ሲቀማጠሉ፡ሊያገቡ፡ይወዳሉና፤
12፤የፊተኛውንም፡እምነታቸውን፡ስለ፡ናቁ፡ይፈረድባቸዋል፤
13፤ከዚህም፡ጋራ፡ቤት፡ለቤት፡እየዞሩ፡ሥራን፡መፍታት፡ደግሞ፡ይማራሉ፥የማይገ፟ባ፟ውንም፡እየተናገሩ፡ለፍላ ፊዎችና፡በነገር፡ገቢዎች፡ይኾናሉ፡እንጂ፥ሥራ፡ፈቶች፡ብቻ፡አይደሉም።
14፤እንግዲህ፡ቈነዣዥት፡ሊያገቡ፥ልጆችንም፡ሊወልዱ፥ቤቶቻቸውንም፡ሊያስተዳድሩ፥ተቃዋሚውም፡የሚሳደብበትን ፡አንድን፡ምክንያት፡ስንኳ፡እንዳይሰጡ፡እፈቅዳለኹ፤
15፤ካኹን፡በፊት፡አንዳንዶች፡ሰይጣንን፡እንዲከተሉ፡ፈቀቅ፡ብለዋልና።
16፤ባልቴቶች፡ያሉት፡የሚያምን፡ቢኾን፡ወይም፡የምታምን፡ብትኾን፥ይርዷቸው፥ቤተ፡ክርስቲያንም፡እውነተኛዎች ን፡ባልቴቶች፡እንድትረዳ፡አይክበዱባት።
17፤በመልካም፡የሚያስተዳድሩ፡ሽማግሌዎች፥ይልቁንም፡በመስበክና፡በማስተማር፡የሚደክሙት፥ዕጥፍ፡ክብር፡ይገ ፟ባ፟ቸዋል።
18፤መጽሐፍ፦የሚያበራየውን፡በሬ፡አፉን፡አትሰር፥ደግሞ፦ለሠራተኛ፡ደመ፡ወዙ፡ይገ፟ባ፟ዋል፡ይላልና።
19፤ከኹለት፡ወይም፡ከሦስት፡ምስክር፡በቀር፡በሽማግሌ፡ላይ፡ክስ፡አትቀበል።
20፤ሌላዎቹ፡ደግሞ፡እንዲፈሩ፥ኀጢአት፡የሚሠሩትን፡በዅሉ፡ፊት፡ገሥጻቸው።
21፤አንድን፡እንኳ፡በአድልዎ፡ሳታደርግ፥እነዚህን፡ያለመዘንበል፡እንድትጠብቅ፡በእግዚአብሔርና፡በጌታ፡በኢ የሱስ፡ክርስቶስ፡በተመረጡትም፡መላእክት፡ፊት፡እመክርኻለኹ።
22፤በማንም፡ላይ፡ፈጥነኽ፡እጆችኽን፡አትጫን፥በሌላዎችም፡ኀጢአት፡አትተባበር፤ራስኽን፡በንጽሕና፡ጠብቅ።
23፤ስለ፡ሆድኽና፡ስለ፡በሽታኽ፡ብዛት፡ጥቂት፡የወይን፡ጠጅ፡ጠጣ፡እንጂ፥ወደ፡ፊት፡ውሃ፡ብቻ፡አትጠጣ።
24፤የአንዳንዶች፡ሰዎች፡ኀጢአት፡የተገለጠ፡ነው፥ፍርድንም፡ያመለክታል፥ሌላዎችን፡ግን፡ይከተላቸዋል፤
25፤እንዲሁ፡መልካም፡ሥራ፡ደግሞ፡የተገለጠ፡ነው፥ያልተገለጠም፡ከኾነ፡ሊሰወር፡አይችልም።
_______________1ኛ፡ጢሞቴዎስ፥ምዕራፍ፡6።______________
ምዕራፍ፡6፤
1፤የእግዚአብሔር፡ስምና፡ትምህርቱ፡እንዳይሰደብ፥ከቀንበር፡በታች፡ያሉቱ፡ባሪያዎች፡ዅሉ፡ለገዟቸው፡ጌታዎች ፡ክብር፡ዅሉ፡እንደተገባቸው፡ይቍጠሯቸው።
2፤የሚያምኑም፡ጌታዎች፡ያሏቸው፥ወንድሞች፡ስለ፡ኾኑ፡አይናቋቸው፥ነገር፡ግን፥በመልካም፡ሥራቸው፡የሚጠቅሙ፡ የሚያምኑና፡የተወደዱ፡ስለ፡ኾኑ፥ከፊት፡ይልቅ፡ያገልግሉ።
3፤እነዚህን፡አስተምርና፡ምከር።ማንም፡ልዩ፡ትምህርት፡የሚያስተምር፡ከጌታችንም፡ከኢየሱስ፡ክርስቶስ፡በኾነ ው፡ጤናማ፡ቃልና፡እግዚአብሔርን፡ለመምሰል፡በሚስማማ፡ትምህርት፡የማይጠጋ፡ቢኾን፥
4-5፤በትዕቢት፡ተነፍቷል፡አንዳችም፡አያውቅም፥ነገር፡ግን፥ምርመራን፡በቃልም፡መዋጋትን፡እንደ፡በሽተኛ፡ይና ፍቃል፤ከነዚህም፡ቅንአትና፡ክርክር፡ስድብም፡ክፉ፡ዐሳብም፡ርስ፡በርስ፡መናደድም፡ይወጣሉ፥አእምሯቸውም፡በ ጠፋባቸው፡እውነትንም፡በተቀሙ፥እግዚአብሔርን፡መምሰል፡ማትረፊያ፡የሚኾን፡በመሰላቸው፡ሰዎች፡ይገኛሉ።እን ደነዚህ፡ካሉት፡ራቅ።
6፤ኑሮዬ፡ይበቃኛል፡ለሚለው፡ግን፡እግዚአብሔርን፡መምሰል፡እጅግ፡ማትረፊያ፡ነው፤
7፤ወደ፡ዓለም፡ምንም፡እንኳ፡አላመጣንምና፥
8፤አንዳችንም፡ልንወስድ፡አይቻለንም፤ምግብና፡ልብስ፡ከኖረን፡ግን፥ርሱ፡ይበቃናል።
9፤ዳሩ፡ግን፡ባለጠጋዎች፡ሊኾኑ፡የሚፈልጉ፡በጥፋትና፡በመፍረስ፡ሰዎችን፡በሚያሰጥምና፡በሚያሰንፍ፡በሚጐዳም ፡በብዙ፡ምኞትና፡በፈተና፡በወጥመድም፡ይወድቃሉ።
10፤ገንዘብን፡መውደድ፡የክፋት፡ዅሉ፡ሥር፡ነውና፥አንዳንዶች፡ይህን፡ሲመኙ፥ከሃይማኖት፡ተሳስተው፡በብዙ፡ሥ ቃይ፡ራሳቸውን፡ወጉ።
11፤አንተ፡ግን፥የእግዚአብሔር፡ሰው፡ሆይ፥ከዚህ፡ሽሽ፤ጽድቅንና፡እግዚአብሔርን፡መምሰል፡እምነትንም፡ፍቅር ንም፡መጽናትንም፡የዋህነትንም፡ተከታተል።
12፤መልካሙን፡የእምነት፡ገድል፡ተጋደል፥የተጠራኽለትንም፡በብዙም፡ምስክሮች፡ፊት፡በመልካም፡መታመን፡የታመ ንኽለትን፡የዘለዓለምን፡ሕይወት፡ያዝ።
13፤ዅሉን፡በሕይወት፡በሚጠብቅ፡በእግዚአብሔር፡ፊት፥በጰንጤናዊውም፡በጲላጦስ፡ዘንድ፡መልካሙን፡መታመን፡በ መሰከረ፡በክርስቶስ፡ኢየሱስ፡ፊት፡አዝኻለኹ፤
14፤ጌታችን፡ኢየሱስ፡ክርስቶስ፡እስኪገለጥ፡ድረስ፡ያለእድፍና፡ያለነቀፋ፡ኾነኽ፡ትእዛዙን፡ጠብቅ፤
15፤ያንም፡መገለጡን፡በራሱ፡ጊዜ፡ብፁዕና፡ብቻውን፡የኾነ፡ገዢ፥የነገሥታት፡ንጉሥና፡የጌታዎች፡ጌታ፥ያሳያል ።
16፤ርሱ፡ብቻ፡የማይሞት፡ነው፤ማንም፡ሊቀርበው፡በማይችል፡ብርሃን፡ይኖራል፤አንድ፡ሰው፡እንኳ፡አላየውም፡ሊ ያይም፡አይቻለውም፤ለርሱ፡ክብርና፡የዘለዓለም፡ኀይል፡ይኹን፤አሜን።
17፤ባኹኑ፡ዘመን፡ባለጠጋዎች፡የኾኑት፡የትዕቢትን፡ነገር፡እንዳያስቡ፥ደስም፡እንዲለን፡ዅሉን፡አትርፎ፡በሚ ሰጠን፡በሕያው፡እግዚአብሔር፡እንጂ፡በሚያልፍ፡ባለጠግነት፡ተስፋ፡እንዳያደርጉ፡እዘዛቸው።
18-19፤እውነተኛውን፡ሕይወት፡ይይዙ፡ዘንድ፥ለሚመጣው፡ዘመን፡ለራሳቸው፡መልካም፡መሠረት፡የሚኾንላቸውን፡መዝ ገብ፡እየሰበሰቡ፥መልካምን፡እንዲያደርጉ፡በበጎም፡ሥራ፡ባለጠጋዎች፡እንዲኾኑ፥ሊረዱና፡ሊያካፍሉም፡የተዘጋ ጁ፡እንዲኾኑ፡ምከራቸው።
20፤ጢሞቴዎስ፡ሆይ፥በውሸት፡ዕውቀት፡ከተባለ፡ለዓለም፡ከሚመች፡ከከንቱ፡መለፍለፍና፡መከራከር፡እየራቅኽ፥የ ተሰጠኽን፡ዐደራ፡ጠብቅ፤
21፤ይህ፡ዕውቀት፡አለን፡ብለው፥አንዳንዶች፡ስለ፡እምነት፡ስተዋልና።ጸጋ፡ከአንተ፡ጋራ፡ይኹን፨

http://www.gzamargna.net