መዠመሪያዪቱ፡ዚሐዋርያው፡ጳውሎስ፡መልእክት፡
ወደተሰሎንቄ፡ሰዎቜ።

(ክለሳ.1.20020507)

_______________1ኛ፡ተሰሎንቄ፥ምዕራፍ፡1።______________
ምዕራፍ፡1ፀ
1ፀጳውሎስና፡ስልዋኖስ፡ጢሞ቎ዎስም፥በእግዚአብሔር፡አብ፡በጌታ፡በኢዚሱስ፡ክርስቶስም፡ወደምትኟን፡ወደተሰሎ ንቄ፡ሰዎቜ፡ቀተ፡ክርስቲያንፀኚእግዚአብሔር፡ኚአባታቜን፡ኚጌታ፡ኚኢዚሱስ፡ክርስቶስም፡ጞጋ፡ሰላምም፡ለእና ንተ፡ይኹን።
2-3ፀበጞሎታቜን፡ጊዜ፡ስለ፡እናንተ፡ስናሳስብ፥ዚእምነታቜኹን፡ሥራ፡ዚፍቅራቜኹንም፡ድካም፡በጌታቜንም፡በኢዚ ሱስ፡ክርስቶስ፡ያለውን፡ዚተስፋቜኹን፡መጜናት፡በአምላካቜንና፡በአባታቜን፡ፊት፡ሳናቋርጥ፡እያሰብን፥እግዚ አብሔርን፡ዅል፡ጊዜ፡በዅላቜኹ፡ምክንያት፡እናመሰግናለንፀ
4ፀበእግዚአብሔር፡ዚምትወደዱ፡ወንድሞቜ፡ሆይ፥እንደ፡ተመሚጣቜኹ፡ዐውቀናልና።
5ፀወንጌላቜን፡በኀይልና፡በመንፈስ፡ቅዱስ፡በብዙ፡መሚዳትም፡እንጂ፡በቃል፡ብቻ፡ወደ፡እናንተ፡አልመጣምናፀበ እናንተ፡ዘንድ፡ስለ፡እናንተ፡እንዎት፡እንደ፡ነበርን፡ታውቃላቜኹ።
6ፀደግሞ፡እናንተ፡ቃሉን፡በብዙ፡መኚራ፡ኚመንፈስ፡ቅዱስ፡ደስታ፡ጋራ፡ተቀብላቜኹ፥እኛንና፡ጌታን፡ዚምትመስሉ ፡ኟናቜኹፀ
7ፀስለዚህም፡በመቄዶንያና፡በአካይያ፡ላሉት፡ምእመናን፡ዅሉ፡ምሳሌ፡ኟናቜኹላ቞ው።
8ፀኚእናንተ፡ወጥቶ፡ዚጌታ፡ቃል፡በመቄዶንያና፡በአካይያ፡ብቻ፡አልተሰማምና፥ነገር፡ግን፥ምንም፡እንድንናገር ፡እስኚማያስፈልግ፡ድሚስ፥በእግዚአብሔር፡ዘንድ፡ዚሚኟን፡እምነታቜኹ፡በዅሉ፡ስፍራ፡ተወርቷል።
9-10ፀእነርሱ፡ራሳ቞ው፡ወደ፡እናንተ፡መግባታቜን፡እንዎት፡እንደነበሚ፡ስለ፡እኛ፡ይናገራሉናፀለሕያውና፡ለእ ውነተኛ፡አምላክም፡ታገለግሉ፡ዘንድ፥ኚሙታንም፡ያስነሣውን፡ልጁን፡ርሱንም፡ኢዚሱስን፡ኚሚመጣው፡ቍጣ፡ዚሚያ ድነንን፡ኚሰማይ፡ትጠብቁ፡ዘንድ፥ኚጣዖቶቜ፡ወደ፡እግዚአብሔር፡እንዎት፡ዘወር፡እንዳላቜኹ፡ይናገራሉ።
_______________1ኛ፡ተሰሎንቄ፥ምዕራፍ፡2።______________
ምዕራፍ፡2ፀ
1ፀወንድሞቜ፡ሆይ፥ራሳቜኹ፡ወደ፡እናንተ፡መግባታቜን፡ኚንቱ፡እንዳልኟነ፡ታውቃላቜኹና።
2ፀነገር፡ግን፥እንደምታውቁት፡በፊልጵስዩስ፡አስቀድመን፡መኚራ፡ተቀብለን፡ተንገላተ፟ንም፥በብዙ፡ገድል፡ዚእ ግዚአብሔርን፡ወንጌል፡ለእናንተ፡እንናገር፡ዘንድ፡በአምላካቜን፡ደፈርን።
3ፀልመናቜን፡ኚስሕተት፡ወይም፡ኚርኵሰት፡ወይም፡ኚተንኰል፡አልነበሚምናፀ
4ፀነገር፡ግን፥ወንጌልን፡ዐደራ፡ይሰጠን፡ዘንድ፡እግዚአብሔር፡ዚታመን፟፡ኟነን፡እንዳገኘን፡መጠን፥እንዲሁ፡ እንናገራለን፥ልባቜንን፡ዚሚመሚምር፡እግዚአብሔርን፡እንጂ፡ሰውን፡ደስ፡እንደምናሠኝ፡አይደለም።
5ፀእንደምታውቁ፥እያቈላመጥን፡ኚቶ፡አልተናገርንም፥እግዚአብሔርም፡እንደሚመሰክር፡እያመካኘን፡በመጐምዠት፡ አልሠራንምፀ
6ፀዚክርስቶስም፡ሐዋርያት፡እንደ፡መኟናቜን፡ልንኚብድባቜኹ፡ስንቜል፥ኚእናንተ፡ቢኟን፡ወይም፡ኚሌላዎቜ፡ክብ ርን፡ኚሰው፡አልፈለግንም።
7ፀነገር፡ግን፥ሞግዚት፡ዚራሷን፡ልጆቜ፡እንደምትኚባኚብ፥በመካኚላቜኹ፡ዚዋሆቜ፡ኟን፟ፀ
8ፀእንዲሁም፡እያፈቀርናቜኹ፡ዚእግዚአብሔርን፡ወንጌል፡ለማካፈል፡ብቻ፡ሳይኟን፡ዚገዛ፡ነፍሳቜንን፡ደግሞ፡እ ናካፍላቜኹ፡ዘንድ፡በጎ፡ፈቃዳቜን፡ነበሚ፥ለእኛ፡ዚተወደዳቜኹ፡ኟናቜኹ፡ነበርና።
9ፀወንድሞቜ፡ሆይ፥ድካማቜንና፡ጥሚታቜን፡ትዝ፡ይላቜዃልናፀኚእናንተ፡በአንዱ፡ስንኳ፡እንዳንኚብድበት፡ሌሊት ና፡ቀን፡እዚሠራን፥ዚእግዚአብሔርን፡ወንጌል፡ለእናንተ፡ሰበክን።
10ፀበእናንተ፡በምታምኑ፡ዘንድ፡በእንዎት፡ያለ፡ቅድስናና፡ጜድቅ፡ነቀፋም፡በሌለበት፡ኑሮ፡እንደ፡ኌድን፥እና ንተና፡እግዚአብሔር፡ምስክሮቜ፡ናቜኹፀ
11-12ፀወደ፡መንግሥቱ፡ወደ፡ክብሩም፡ለጠራቜኹ፡ለእግዚአብሔር፡እንደሚገ፟ባ፟፡ትመላለሱ፡ዘንድ፡እዚመኚርንና ፡እያጞናን፡እዚመሰኚርንላቜኹም፥አባት፡ለልጆቹ፡እንደሚኟን፡ለያንዳንዳቜኹ፡እንደ፡ኟን፟፡ታውቃላቜኹና።
13ፀስለዚህም፡ዚመልእክትን፡ቃል፡ርሱም፡ዚእግዚአብሔር፡ቃል፡ኚእኛ፡በተቀበላቜኹ፡ጊዜ፥በእውነት፡እንዳለ፡ በእናንተ፡በምታምኑ፡ደግሞ፡እንደሚሠራ፡እንደእግዚአብሔር፡ቃል፡እንጂ፡እንደ፡ሰው፡ቃል፡አድርጋቜኹ፡ስላል ተቀበላቜኹት፥እኛ፡ደግሞ፡እግዚአብሔርን፡ሳናቋርጥ፡እናመሰግናለን።
14ፀእናንተ፥ወንድሞቜ፡ሆይ፥በይሁዳ፡ዚሚኖሩትን፡በክርስቶስ፡ኢዚሱስ፡ያሉትን፡ዚእግዚአብሔርን፡ማኅበሮቜ፡ ዚምትመስሉ፡ኟናቜዃልናፀእነርሱ፡ኚአይሁድ፡መኚራ፡እንደ፡ተቀበሉ፥እናንተ፡ደግሞ፡ያንን፡መኚራ፡ኚአገራቜኹ ፡ሰዎቜ፡ተቀብላቜዃልና።
15ፀእነዚያም፡ጌታን፡ኢዚሱስን፡ደግሞ፡ገደሉ፡ነቢያትንም፡እኛንም፡አሳደዱ፥እግዚአብሔርንም፡ደስ፡አያሠኙም ፥ሰዎቜንም፡ዅሉ፡ይቃወማሉ፥
16ፀዅል፡ጊዜ፡ኀጢአታ቞ውን፡ይፈጜሙ፡ዘንድ፡አሕዛብ፡እንዲድኑ፡እንዳንናገራ቞ው፡ይኚለክሉናልና።ነገር፡ግን ፥ቍጣው፡ወደ፡እነርሱ፡ፈጜሞ፡ደርሷል።
17ፀእኛ፡ግን፥ወንድሞቜ፡ሆይ፥በልብ፡ያይደለ፡ፊት፡ለፊት፡ለጥቂት፡ጊዜ፡ዐጥተናቜኹ፥በብዙ፡ናፍቆት፡ፊታቜኹ ን፡ለማዚት፡እጅግ፡ሞኚርንፀ
18ፀወደ፡እናንተ፡ልንመጣ፡ወደን፡ነበርና፥እኔ፡ጳውሎስም፡አንድና፡ኹለት፡ጊዜ፥ሰይጣን፡ግን፡አዘገዚን።
19ፀተስፋቜን፡ወይስ፡ደስታቜን፡ወይስ፡ዚትምክሕታቜን፡አክሊል፡ማን፡ነው፧በጌታቜን፡በኢዚሱስ፡ፊት፡በመምጣ ቱ፡እናንተ፡አይደላቜኹምን፧
20ፀእናንተ፡ክብራቜን፡ደስታቜንም፡ናቜኹና።
_______________1ኛ፡ተሰሎንቄ፥ምዕራፍ፡3።______________
ምዕራፍ፡3ፀ
1ፀስለዚህ፥ወደ፡ፊት፡እንታገሥ፡ዘንድ፡ባልተቻለን፡ጊዜ፥በአ቎ና፡ብቻቜንን፡ልንቀር፡በጎ፡ፈቃዳቜን፡ኟነ።
2ፀስለ፡እምነታቜኹም፡እንዲያጞናቜኹና፡እንዲመክራቜኹ፡ወንድማቜንን፡ዚእግዚአብሔርንም፡አገልጋይ፡ኚእኛ፡ጋ ራም፡ዐብሮ፡በክርስቶስ፡ወንጌል፡ዚሚሠራውን፡ጢሞ቎ዎስን፡ላክነውፀ
3ፀበዚህ፡መኚራ፡ማንም፡እንዳይናወጥ፥ለዚህ፡እንደ፡ተመሚጥን፡ራሳቜኹ፡ታውቃላቜኹና።
4ፀበእውነት፡ኚእናንተ፡ጋራ፡ሳለን፥መኚራ፡እንቀበል፡ዘንድ፡እንዳለን፡አስቀድመን፡እንነግራቜኹ፡ነበርፀእን ዲሁም፡ደግሞ፡ኟነ፥ይህንም፡ታውቃላቜኹ።
5ፀስለዚህ፥እኔ፡ደግሞ፡ወደ፡ፊት፡እታገሥ፡ዘንድ፡ባልተቻለኝ፡ጊዜፊፈታኝ፡ምናልባት፡ፈትኗ቞ዋል፡ድካማቜንም ፡ኚንቱ፡ኟኗል፡ብዬ፡እምነታቜኹን፡ለማወቅ፡ላክኹ።
6ፀአኹን፡ግን፡ጢሞ቎ዎስ፡ኚእናንተ፡ዘንድ፡ወደ፡እኛ፡መጥቶ፡ስለ፡እምነታቜኹና፡ስለ፡ፍቅራቜኹ፡ዚምሥራቜ፡ብ ሎ፡በነገሚን፡ጊዜ፥እኛም፡እናያቜኹ፡ዘንድ፡እንደምንናፍቅ፡ታዩን፡ዘንድ፡እዚናፈቃቜኹ፡ዅል፡ጊዜ፡በመልካም ፡እንደምታስቡን፡በነገሚን፡ጊዜ፥
7ፀስለዚህ፥ወንድሞቜ፡ሆይ፥በእምነታቜኹ፡በኩል፡በቜግራቜንና፡በመኚራቜን፡ዅሉ፡ስለ፡እናንተ፡ተጜናናንፀ
8ፀእናንተ፡በጌታ፡ጞንታቜኹ፡ብትቆሙ፥አኹን፡በሕይወት፡እንኖራለንና።
9-10ፀፊታቜኹን፡ልናይ፡በእምነታቜኹም፡ዚጐደለውን፡ልንሞላበት፡ሌሊትና፡ቀን፡ኚመጠን፡ይልቅ፡እዚጞለይን፡በ አምላካቜን፡ፊት፡ኚእናንተ፡ዚተነሣ፡ስለምንደሰተው፡ደስታ፡ዅሉ፥ለእግዚአብሔር፡በእናንተ፡ምክንያት፡ምን፡ ያኜል፡ምስጋና፡እናስሚክብ፡ዘንድ፡እንቜላለን፧
11ፀአምላካቜንና፡አባታቜን፡ራሱ፡ጌታቜንም፡ኢዚሱስ፡ክርስቶስ፡ወደ፡እናንተ፡መንገዳቜንን፡ያቅናፀ
12-13ፀጌታቜንም፡ኢዚሱስ፡ክርስቶስ፡ኚቅዱሳኑ፡ዅሉ፡ጋራ፡ሲመጣ፥በአምላካቜንና፡በአባታቜን፡ፊት፡በቅድስና፡ ነቀፋ፡ዚሌለበት፡አድርጎ፡ልባቜኹን፡ያጞና፡ዘንድ፥እኛ፡ደግሞ፡ለእናንተ፡እንደምንኟን፡ጌታ፡ርስ፡በርሳቜኹ ፡ያላቜኹን፡ለዅሉም፡ዚሚኟን፡ፍቅራቜኹን፡ያብዛ፡ይጚምርም።
_______________1ኛ፡ተሰሎንቄ፥ምዕራፍ፡4።______________
ምዕራፍ፡4ፀ
1ፀእንግዲህ፡በቀሚውስ፥ወንድሞቜ፡ሆይ፥ልትመላለሱ፡እግዚአብሔርንም፡ደስ፡ልታሠኙ፡እንዎት፡እንደሚገ፟ባ፟ቜ ኹ፡ኚእኛ፡ዘንድ፡እንደ፡ተቀበላቜኹ፥እናንተ፡ደግሞ፡እንደምትመላለሱ፥ኚፊት፡ይልቅ፡ትበዙ፡ዘንድ፡በጌታ፡በ ኢዚሱስ፡እንለምናቜዃለን፡እንመክራቜኹማለን።
2ፀበጌታ፡በኢዚሱስ፡ዚትኛውን፡ትእዛዝ፡እንደ፡ሰጠናቜኹ፡ታውቃላቜኹና።
3ፀይህ፡ዚእግዚአብሔር፡ፈቃድ፡ርሱም፡መቀደሳቜኹ፡ነውናፀ
4-5ፀኚዝሙት፡እንድትርቁ፥እግዚአብሔርን፡እንደማያውቁ፡አሕዛብ፡በፍትወት፡ምኞት፡አይደለም፡እንጂ፥ኚእናንተ ፡እያንዳንዱ፡ዚራሱን፡ዕቃ፡በቅድስናና፡በክብር፡ያገኝ፡ዘንድ፡እንዲያውቅፀ
6ፀአስቀድመን፡ደግሞ፡እንዳልናቜኹና፡እንደ፡መሰኚርንላቜኹ፥ጌታ፡ስለዚህ፡ነገር፡ዅሉ፡ዚሚበቀል፡ነውና፥ማን ም፡በዚህ፡ነገር፡አይተላለፍ፡ወንድሙንም፡አያታል፟።
7ፀለርኵሰት፡ሳይኟን፡እግዚአብሔር፡በቅድስና፡ጠርቶናልና።
8ፀእንግዲህ፡ዚሚጥል፡ሰውን፡ዚጣለ፡አይደለም፥መንፈስ፡ቅዱስን፡በእናንተ፡እንዲኖር፡ዚሰጠውን፡እግዚአብሔር ን፡ነው፡እንጂ።
9ፀእናንተ፡ራሳቜኹ፡ርስ፡በርሳቜኹ፡ልትዋደዱ፡በእግዚአብሔር፡ተምራቜዃልና፥ስለወንድማማቜ፡መዋደድ፡ማንም፡ ይጜፍላቜኹ፡ዘንድ፡አያስፈልጋቜኹምፀ
10-12ፀእንዲሁ፡በመቄዶንያ፡ዅሉ፡ላሉት፡ወንድሞቜ፡ዅሉ፡ታደርጋላቜኹና።ነገር፡ግን፥ወንድሞቜ፡ሆይ፥ኚፊት፡ይ ልቅ፡ልትበዙ፥በጞጥታም፡ትኖሩ፡ዘንድ፡ልትቀኑ፥ዚራሳቜኹንም፡ጕዳይ፡ልትጠነቀቁ፥እንዳዘዝናቜኹም፥በውጭ፡ባ ሉት፡ዘንድ፡በአገባብ፡እንድትመላለሱ፥አንዳቜም፡እንዳያስፈልጋቜኹ፡በእጃቜኹ፡ልትሠሩ፡እንለምናቜዃለን።
13ፀነገር፡ግን፥ወንድሞቜ፡ሆይ፥ተስፋ፡እንደሌላ቞ው፡እንደ፡ሌላዎቜ፡ደግሞ፡እንዳታዝኑ፥አንቀላፍተው፡ስላሉ ቱ፡ታውቁ፡ዘንድ፡እንወዳለን።
14ፀኢዚሱስ፡እንደ፡ሞተና፡እንደ፡ተነሣ፡ካመን፟፥እንዲሁም፡በኢዚሱስ፡ያንቀላፉቱን፡እግዚአብሔር፡ኚርሱ፡ጋ ራ፡ያመጣ቞ዋልና።
15ፀበጌታ፡ቃል፡ዚምንላቜኹ፡ይህ፡ነውናፀእኛ፡ሕያዋን፡ኟነን፡ጌታ፡እስኪመጣ፡ድሚስ፡ዚምንቀር፡ያንቀላፉቱን ፡አንቀድምምፀ
16ፀጌታ፡ራሱ፡በትእዛዝ፡በመላእክትም፡አለቃ፡ድምፅ፡በእግዚአብሔርም፡መለኚት፡ኚሰማይ፡ይወርዳልና፥በክርስ ቶስም፡ዚሞቱ፡አስቀድመው፡ይነሣሉፀ
17ፀኚዚያም፡በዃላ፡እኛ፡ሕያዋን፡ኟነን፡ዚምንቀሚው፥ጌታን፡በአዚር፡ለመቀበል፡ኚነርሱ፡ጋራ፡በደመና፡እንነ ጠቃለንፀእንዲሁም፡ዅል፡ጊዜ፡ኚጌታ፡ጋራ፡እንኟናለን።
18ፀስለዚህ፥ርስ፡በርሳቜኹ፡በዚህ፡ቃል፡ተጜናኑ።
_______________1ኛ፡ተሰሎንቄ፥ምዕራፍ፡5።______________
ምዕራፍ፡5ፀ
1ፀወንድሞቜ፡ሆይ፥ስለ፡ዘመናትና፡ስለ፡ወራት፡ምንም፡እንዲጻፍላቜኹ፡አያስፈልጋቜኹምፀ
2ፀዚጌታ፡ቀን፥ሌባ፡በሌሊት፡እንደሚመጣ፥እንዲሁ፡ይመጣ፡ዘንድ፡ራሳቜኹ፡አጥብቃቜኹ፡ዐውቃቜዃልና።
3ፀሰላምና፡ደኅንነት፡ነው፡ሲሉ፡ያን፡ጊዜ፡ምጥ፡እርጕዝን፡እንደሚይዛት፡ጥፋት፡በድንገት፡ይመጣባ቞ዋል፡ኚቶ ም፡አያመልጡም።
4ፀእናንተ፡ግን፥ወንድሞቜ፡ሆይ፥ቀኑ፡እንደ፡ሌባ፡ይደርስባቜኹ፡ዘንድ፡በጚለማ፡አይደላቜኹም፥
5ፀዅላቜኹ፡ዚብርሃን፡ልጆቜ፡ዚቀንም፡ልጆቜ፡ናቜኹና።እኛ፡ኚሌሊት፡ወይም፡ኚጚለማ፡አይደለንምፀ
6ፀእንግዲያስ፡እንንቃ፡በመጠንም፡እንኑር፡እንጂ፡እንደ፡ሌላዎቜ፡አናንቀላፋ።
7ፀዚሚያንቀላፉ፡በሌሊት፡ያንቀላፋሉና፥ዚሚሰክሩም፡በሌሊት፡ይሰክራሉናፀ
8ፀእኛ፡ግን፡ኚቀን፡ስለ፡ኟን፟፥ዚእምነትንና፡ዚፍቅርን፡ጥሩር፡ዚመዳንንም፡ተስፋ፡እንደ፡ራስ፡ቍር፡እዚለበ ስን፡በመጠን፡እንኑርፀ
9ፀእግዚአብሔር፡ለቍጣ፡አልመሚጠንምና፥በጌታቜን፡በኢዚሱስ፡ክርስቶስ፡መዳንን፡ለማግኘት፡ነው፡እንጂ።
10ፀዚምንነቃም፡ብንኟን፥ዚምናንቀላፋም፡ብንኟን፥ኚርሱ፡ጋራ፡ዐብሚን፡በሕይወት፡እንኖር፡ዘንድ፡ስለ፡እኛ፡ ሞተ።
11ፀስለዚህ፥እናንተ፡ደግሞ፡እንደምታደርጉ፥ርስ፡በርሳቜኹ፡ተመካኚሩ፡አንዱም፡አንዱም፡ሌላውን፡ያንጞው።
12-13ፀወንድሞቜ፡ሆይ፥በመካኚላቜኹ፡ዚሚደክሙትን፡በጌታም፡ዚሚገዟቜኹን፡ዚሚገሥጿቜኹንም፡ታውቁ፡ዘንድ፥ስለ ፡ሥራ቞ውም፡በፍቅር፡ኚመጠን፡ይልቅ፡ታኚብሯ቞ው፡ዘንድ፡እንለምናቜዃለን።ርስ፡በርሳቜኹ፡በሰላም፡ኹኑ።
14ፀወንድሞቜ፡ሆይ፥እንመክራቜዃለንፀያለሥርዐት፡ዚሚኌዱትን፡ገሥጿ቞ውፀድፍሚት፡ዚሌላ቞ውን፡አጜኗ቞ውፀለደ ካማዎቜ፡ትጉላ቞ውፀሰውን፡ዅሉ፡ታገሡ።
15ፀማንም፡ለሌላው፡በክፉ፡ፈንታ፡ክፉ፡እንዳይመልስ፡ተጠንቀቁ፥ነገር፡ግን፥ዅል፡ጊዜ፡ርስ፡በርሳቜኹ፡ለዅሉ ም፡መልካሙን፡ለማድሚግ፡ትጉ።
16ፀዅል፡ጊዜ፡ደስ፡ይበላቜኹፀ
17-18ፀሳታቋርጡ፡ጞልዩፀበዅሉ፡አመስግኑፀይህ፡ዚእግዚአብሔር፡ፈቃድ፡በክርስቶስ፡ኢዚሱስ፡ወደ፡እናንተ፡ነው ና።
19ፀመንፈስን፡አታጥፉፀ
20-21ፀትንቢትን፡አትናቁፀዅሉን፡ፈትኑ፡መልካሙንም፡ያዙፀ
22ፀኚማና቞ውም፡ዐይነት፡ክፉ፡ነገር፡ራቁ።
23ፀዚሰላምም፡አምላክ፡ራሱ፡ዅለንተናቜኹን፡ይቀድስፀመንፈሳቜኹም፡ነፍሳቜኹም፡ሥጋቜኹም፡ጌታቜን፡ኢዚሱስ፡ ክርስቶስ፡በመጣ፡ጊዜ፡ያለነቀፋ፡ፈጜመው፡ይጠበቁ።
24ፀዚሚጠራቜኹ፡ዚታመነ፡ነው፥ርሱም፡ደግሞ፡ያደርገዋል።
25ፀወንድሞቜ፡ሆይ፥ስለ፡እኛ፡ጞልዩ።
26ፀኚወንድሞቜ፡ዅሉ፡ጋራ፡በተቀደሰ፡አሳሳም፡ሰላምታ፡ተሰጣጡ።
27ፀይህ፡መልእክት፡ለቅዱሳን፡ወንድሞቜ፡ዅሉ፡እንዲነበብ፡በጌታ፡አምላቜዃለኹ።
28ፀዚጌታቜን፡ዚኢዚሱስ፡ክርስቶስ፡ጞጋ፡ኚእናንተ፡ጋራ፡ይኹንፀአሜንፚ

http://www.gzamargna.net