የሐዋርያው፡ጳውሎስ፡መልእክት፡
ወደኤፌሶን፡ሰዎች።

(ክለሳ.1.20020507)

_______________ኤፌሶን፥ምዕራፍ፡1።______________
ምዕራፍ፡1፤
1፤በእግዚአብሔር፡ፈቃድ፡የኢየሱስ፡ክርስቶስ፡ሐዋርያ፡የኾነ፡ጳውሎስ፥በኤፌሶን፡ላሉት፡ቅዱሳን፡በክርስቶስ ፡ኢየሱስም፡ላሉት፡ምእመናን፤
2፤ከእግዚአብሔር፡ከአባታችን፡ከጌታም፡ከኢየሱስ፡ክርስቶስ፡ጸጋና፡ሰላም፡ለእናንተ፡ይኹን።
3፤በክርስቶስ፡በሰማያዊ፡ስፍራ፡በመንፈሳዊ፡በረከት፡ዅሉ፡የባረከን፡የጌታችን፡የኢየሱስ፡ክርስቶስ፡አምላክ ና፡አባት፡ይባረክ።
4፤ዓለም፡ሳይፈጠር፥በፊቱ፡ቅዱሳንና፡ነውር፡የሌለን፡በፍቅር፡እንኾን፡ዘንድ፡በክርስቶስ፡መረጠን።
5፤በበጎ፡ፈቃዱ፡እንደ፡ወደደ፥በኢየሱስ፡ክርስቶስ፡ሥራ፡ለርሱ፡ልጆች፡ልንኾን፡አስቀድሞ፡ወሰነን።
6፤በውድ፡ልጁም፡እንዲያው፡የሰጠን፡የጸጋው፡ክብር፡ይመሰገን፡ዘንድ፡ይህን፡አደረገ።
7፤በውድ፡ልጁም፥እንደ፡ጸጋው፡ባለጠግነት፡መጠን፥በደሙ፡የተደረገ፡ቤዛነታችንን፡አገኘን፡ርሱም፡የበደላችን ፡ስርየት።
8፤ጸጋውንም፡በጥበብና፡በአእምሮ፡ዅሉ፡አበዛልን።
9፤በክርስቶስ፡ለማድረግ፡እንደ፡ወደደ፡እንደ፡ዐሳቡ፥የፈቃዱን፡ምስጢር፡አስታውቆናልና፤
10፤በዘመን፡ፍጻሜ፡ይደረግ፡ዘንድ፡ያለው፡ዐሳቡም፡በሰማይና፡በምድር፡ያለውን፡ዅሉ፡በክርስቶስ፡ለመጠቅለል ፡ነው።
11፤እንደ፡ፈቃዱ፡ምክር፡ዅሉን፡የሚሠራ፡እንደ፡ርሱ፡ዐሳብ፥አስቀድመን፡የተወሰን፟፡በክርስቶስ፡ደግሞ፡ርስ ትን፡ተቀበልን።
12፤ይኸውም፥በክርስቶስ፡አስቀድመን፡ተስፋ፡ያደረግን፡እኛ፡ለክብሩ፡ምስጋና፡እንኾን፡ዘንድ፡ነው።
13፤እናንተም፡ደግሞ፡የእውነትን፡ቃል፥ይኸውም፡የመዳናችኹን፡ወንጌል፥ሰምታችኹ፡ደግሞም፡በክርስቶስ፡አምና ችኹ፥በተስፋው፡መንፈስ፡በመንፈስ፡ቅዱስ፡ታተማችኹ፤
14፤ርሱም፡የርስታችን፡መያዣ፡ነው፥ለእግዚአብሔር፡ያለውን፡ዅሉ፡እስኪዋጅ፡ድረስ፥ይህም፡ለክብሩ፡ምስጋና፡ ይኾናል።
15፤ስለዚህ፥እኔ፡ደግሞ፡በእናንተ፡ዘንድ፡ስለሚኾን፡በጌታ፡በኢየሱስ፡ስለ፡ማመንና፡ለቅዱሳን፡ዅሉ፡ስለሚኾ ን፡መውደድ፡ሰምቼ፥
16፤ስለ፡እናንተ፡እያመሰገንኹ፡ስጸልይ፡ስለ፡እናንተ፡ማሳሰብን፡አልተውም፤
17፤የክብር፡አባት፡የጌታችን፡የኢየሱስ፡ክርስቶስ፡አምላክ፡ርሱን፡በማወቅ፡የጥበብንና፡የመገለጥን፡መንፈስ ፡እንዲሰጣችኹ፡እለምናለኹ።
18-19፤ይህም፡የልባችኹ፡ዐይኖች፡ሲበሩ፡የመጥራቱ፡ተስፋ፡ምን፡እንዲኾን፡በቅዱሳንም፡ዘንድ፡ያለው፡የርስት፡ ክብር፡ባለጠግነት፡ምን፡እንዲኾን፡ለምናምን፡ከዅሉ፡የሚበልጥ፡የኀይሉ፡ታላቅነት፡ምን፡እንዲኾን፡ታውቁ፡ዘ ንድ፡ነው፤
20-21፤ክርስቶስንም፡ከሙታን፡ሲያስነሣው፥ከአለቅነትና፡ከሥልጣንም፡ከኀይልም፡ከጌትነትም፡ዅሉ፡በላይና፡በዚ ህ፡ዓለም፡ብቻ፡ሳይኾን፥ነገር፡ግን፥ሊመጣ፡ባለው፡ዓለም፥ደግሞ፡ከሚጠራው፡ስም፡ዅሉ፡በላይ፥በሰማያዊ፡ስፍ ራ፡በቀኙ፡ሲያስቀምጠው፥በክርስቶስ፡ባደረገው፡ሥራ፡የብርታቱ፡ጕልበት፡ይታያል፤
22፤ዅሉንም፡ከእግሩ፡በታች፡አስገዛለት፥ከዅሉ፡በላይም፡ራስ፡እንዲኾን፡ለቤተ፡ክርስቲያን፡ሰጠው።
23፤ርሷም፡አካሉና፡ዅሉን፡በዅሉ፡የሚሞላ፡የርሱ፡ሙላቱ፡ናት።
_______________ኤፌሶን፥ምዕራፍ፡2።______________
ምዕራፍ፡2፤
1-2፤በበደላችኹና፡በኀጢአታችኹ፡ሙታን፡ነበራችኹ፤በእነርሱም፥በዚህ፡ዓለም፡እንዳለው፡ኑሮ፥በማይታዘዙትም፡ ልጆች፡ላይ፡አኹን፡ለሚሠራው፡መንፈስ፡አለቃ፡እንደኾነው፡በአየር፡ላይ፡ሥልጣን፡እንዳለው፡አለቃ፡ፈቃድ፥በ ፊት፡ተመላለሳችኹባቸው።
3፤በእነዚህም፡ልጆች፡መካከል፡እኛ፡ዅላችን፡ደግሞ፥የሥጋችንንና፡የልቡናችንን፡ፈቃድ፡እያደረግን፥በሥጋችን ፡ምኞት፡በፊት፡እንኖር፡ነበርን፡እንደ፡ሌላዎቹም፡ደግሞ፡ከፍጥረታችን፡የቍጣ፡ልጆች፡ነበርን።
4፤ነገር፡ግን፥እግዚአብሔር፡በምሕረቱ፡ባለጠጋ፡ስለ፡ኾነ፥
5፤ከወደደን፡ከትልቅ፡ፍቅሩ፡የተነሣ፡በበደላችን፡ሙታን፡እንኳ፡በኾን፟፡ጊዜ፡ከክርስቶስ፡ጋራ፡ሕይወት፡ሰጠ ን፥በጸጋ፡ድናችዃልና፥
6-7፤በሚመጡ፡ዘመናትም፡በክርስቶስ፡ኢየሱስ፡ለእኛ፡ባለው፡ቸርነት፡ከዅሉ፡የሚበልጠውን፡የጸጋውን፡ባለጠግነ ት፡ያሳይ፡ዘንድ፥ከርሱ፡ጋራ፡አስነሣን፡በክርስቶስ፡ኢየሱስም፡በሰማያዊ፡ስፍራ፡ከርሱ፡ጋራ፡አስቀመጠን።
8፤ጸጋው፡በእምነት፡አድኗችዃልና፤ይህም፡የእግዚአብሔር፡ስጦታ፡ነው፡እንጂ፡ከእናንተ፡አይደለም፤
9፤ማንም፡እንዳይመካ፡ከሥራ፡አይደለም።
10፤እኛ፡ፍጥረቱ፡ነንና፤እንመላለስበት፡ዘንድ፡እግዚአብሔር፡አስቀድሞ፡ያዘጋጀውን፡መልካሙን፡ሥራ፡ለማድረ ግ፡በክርስቶስ፡ኢየሱስ፡ተፈጠርን።
11፤ስለዚህ፥እናንተ፡አስቀድሞ፡በሥጋ፡አሕዛብ፡የነበራችኹ፥በሥጋ፡በእጅ፡የተገረዙ፡በተባሉት፡ያልተገረዙ፡ የተባላችኹ፥ይህን፡ዐስቡ፤
12፤በዚያ፡ዘመን፡ከእስራኤል፡መንግሥት፡ርቃችኹ፥ለተስፋውም፡ቃል፡ኪዳን፡እንግዳዎች፡ኾናችኹ፥በዚህም፡ዓለ ም፡ተስፋን፡ዐጥታችኹ፥ከእግዚአብሔርም፡ተለይታችኹ፥ያለክርስቶስ፡ነበራችኹ።
13፤አኹን፡ግን፡እናንተ፡በፊት፡ርቃችኹ፡የነበራችኹ፡በክርስቶስ፡ኢየሱስ፡ኾናችኹ፡በክርስቶስ፡ደም፡ቀርባች ዃል።
14-15፤ርሱ፡ሰላማችን፡ነውና፤ኹለቱን፡ያዋሐደ፡በዐዋጅ፡የተነገሩትንም፡የትእዛዛትን፡ሕግ፡ሽሮ፡በመካከል፡ያ ለውን፡የጥል፡ግድግዳን፡በሥጋው፡ያፈረሰ፤ይህም፡ከኹለታቸው፡አንድን፡ዐዲስን፡ሰው፡በራሱ፡ይፈጥር፡ዘንድ፡ ሰላምንም፡ያደርግ፡ዘንድ፥
16፤ጥልንም፡በመስቀሉ፡ገድሎ፡በርሱ፡ኹለታቸውን፡ባንድ፡አካል፡ከእግዚአብሔር፡ጋራ፡ያስታርቅ፡ዘንድ፡ነው።
17፤መጥቶም፡ርቃችኹ፡ለነበራችኹ፡ለእናንተ፡ሰላምን፥ቀርበው፡ለነበሩትም፡ሰላምን፡የምሥራች፡ብሎ፡ሰበከ፤
18፤በርሱ፡ሥራ፡ዅላችን፡ባንድ፡መንፈስ፡ወደ፡አብ፡መግባት፡አለንና።
19፤እንግዲያስ፡ከእንግዲህ፡ወዲህ፡ከቅዱሳን፡ጋራ፡ባላገሮችና፡የእግዚአብሔር፡ቤተ፡ሰዎች፡ናችኹ፡እንጂ፡እ ንግዳዎችና፡መጻተኛዎች፡አይደላችኹም።
20፤በሐዋርያትና፡በነቢያት፡መሠረት፡ላይ፡ታንጻችዃል፥የማእዘኑም፡ራስ፡ድንጋይ፡ክርስቶስ፡ኢየሱስ፡ነው፤
21፤በርሱም፡ሕንጻ፡ዅሉ፡እየተጋጠመ፡በጌታ፡ቅዱስ፡ቤተ፡መቅደስ፡እንዲኾን፡ያድጋል፤
22፤በርሱም፡እናንተ፡ደግሞ፡ለእግዚአብሔር፡መኖሪያ፡ለመኾን፡በመንፈስ፡ዐብራችኹ፡ትሠራላችኹ።
_______________ኤፌሶን፥ምዕራፍ፡3።______________
ምዕራፍ፡3፤
1፤ስለዚህም፡አሕዛብ፡ስለኾናችኹ፡ስለ፡እናንተ፡የክርስቶስ፡ኢየሱስ፡እስር፡የኾንኹ፡እኔ፡ጳውሎስ፡ለእግዚአ ብሔር፡እንበረከካለኹ።
2፤ለእናንተ፡ስለተሰጠኝ፡ስለእግዚአብሔር፡ጸጋ፡መጋቢነት፡በርግጥ፡ሰምታችዃል፤
3፤አስቀድሜ፡በዐጪሩ፡እንደ፡ጻፍኹ፥ይህን፡ምስጢር፡በመግለጥ፡አስታወቀኝ፤
4፤ይህንም፡ስታነቡ፡የክርስቶስን፡ምስጢር፡እንዴት፡እንደማስተውል፡ልትመለከቱ፡ትችላላችኹ፤
5-6፤ይህም፥አሕዛብ፡ዐብረው፡እንዲወርሱ፥ባንድ፡አካልም፡ዐብረው፡እንዲኾኑ፥በወንጌልም፡መስበክ፡በክርስቶስ ፡ኢየሱስ፡በኾነ፡የተስፋ፡ቃል፡ዐብረው፡እንዲካፈሉ፥ለቅዱሳን፡ሐዋርያትና፡ለነቢያት፡በመንፈስ፡አኹን፡እን ደ፡ተገለጠ፡በሌላዎቹ፡ትውልዶች፡ዘንድ፡ለሰው፡ልጆች፡አልታወቀም።
7፤እንደ፡ኀይሉ፡ሥራ፡እንደተሰጠኝም፡እንደእግዚአብሔር፡ጸጋ፡ስጦታ፡መጠን፡የወንጌል፡አገልጋይ፡ኾንኹለት።
8-9፤ፍለጋ፡የሌለውን፡የክርስቶስን፡ባለጠግነት፡ለአሕዛብ፡እሰብክ፡ዘንድ፥ዅሉንም፡በፈጠረው፡በእግዚአብሔር ፡ከዘለዓለም፡የተሰወረው፡የምስጢር፡ሥርዐት፡ምን፡እንደ፡ኾነ፡ለዅሉ፡እገልጥ፡ዘንድ፡ይህ፡ጸጋ፡ከቅዱሳን፡ ዅሉ፡ይልቅ፡ለማንስ፡ለእኔ፡ተሰጠ፤
10፤ብዙ፡ልዩ፡ልዩ፡የእግዚአብሔር፡ጥበብ፡አኹን፡በቤተ፡ክርስቲያን፡በኩል፡በሰማያዊ፡ስፍራ፡ውስጥ፡ላሉት፡ አለቃዎችና፡ሥልጣናት፡ትታወቅ፡ዘንድ፤
11፤ይህም፡በክርስቶስ፡ኢየሱስ፡በጌታችን፡የፈጸመው፡የዘለዓለም፡ዐሳብ፡ነበረ፥
12፤በርሱም፡ዘንድ፡ባለ፡እምነታችን፡በኩል፡በመታመን፡ድፍረትና፡መግባት፡በርሱ፡አለን።
13፤ስለዚህ፥ስለ፡እናንተ፡ስላለ፡መከራዬ፡እንዳትታክቱ፡እለምናችዃለኹ፥ክብራችኹ፡ነውና።
14-15፤ስለዚህ፡ምክንያት፡በሰማይና፡በምድር፡ያለ፡አባትነት፡ዅሉ፡ከሚሰየምበት፡ከአብ፡ፊት፡እንበረከካለኹ፤
16-17፤በመንፈሱ፡በውስጥ፡ሰውነታችኹ፡በኀይል፡እንድትጠነክሩ፥ክርስቶስም፡በልባችኹ፡በእምነት፡እንዲኖር፡እ ንደ፡ክብሩ፡ባለጠግነት፡መጠን፡ይስጣችኹ፤የእናንተ፡ሥርና፡መሠረት፡በፍቅር፡ይጸና፡ዘንድ፥
18-19፤ከቅዱሳን፡ዅሉ፡ጋራ፡ስፋቱና፡ርዝመቱ፣ከፍታውም፡ጥልቅነቱም፡ምን፡ያኽል፡መኾኑን፡ለማስተዋል፥ከመታወ ቅም፡የሚያልፈውን፡የክርስቶስን፡ፍቅር፡ለማወቅ፡ትበረቱ፡ዘንድ፥እስከ፡እግዚአብሔርም፡ፍጹም፡ሙላት፡ደርሳ ችኹ፡ትሞሉ፡ዘንድ።
20፤እንግዲህ፡በእኛ፡እንደሚሠራው፡ኀይል፡መጠን፡ከምንለምነው፡ወይም፡ከምናስበው፡ዅሉ፡ይልቅ፡እጅግ፡አብል ጦ፡ሊያደርግ፡ለሚቻለው፥
21፤ለርሱ፡በቤተ፡ክርስቲያን፡በክርስቶስ፡ኢየሱስ፡እስከ፡ትውልዶች፡ዅሉ፡ከዘለዓለም፡እስከ፡ዘለዓለም፡ክብ ር፡ይኹን፤አሜን።
_______________ኤፌሶን፥ምዕራፍ፡4።______________
ምዕራፍ፡4፤
1፤እንግዲህ፡በጌታ፡እስር፡የኾንኹ፡እኔ፡በተጠራችኹበት፡መጠራታችኹ፡እንደሚገ፟ባ፟፡ትመላለሱ፡ዘንድ፡እለም ናችዃለኹ፤
2፤በትሕትና፡ዅሉና፡በየዋህነት፡በትዕግሥትም፤ርስ፡በርሳችኹ፡በፍቅር፡ታገሡ፤
3፤በሰላም፡ማሰሪያ፡የመንፈስን፡አንድነት፡ለመጠበቅ፡ትጉ።
4፤በመጠራታችኹ፡ባንድ፡ተስፋ፡እንደ፡ተጠራችኹ፡አንድ፡አካልና፡አንድ፡መንፈስ፡አለ፤
5፤አንድ፡ጌታ፡አንድ፡ሃይማኖት፡አንዲት፡ጥምቀት፤
6፤ከዅሉ፡በላይ፡የሚኾን፡በዅሉም፡የሚሠራ፡በዅሉም፡የሚኖር፡አንድ፡አምላክ፡የዅሉም፡አባት፡አለ።
7፤ነገር፡ግን፥እንደክርስቶስ፡ስጦታ፡መጠን፡ለያንዳንዳችን፡ጸጋ፡ተሰጠን።
8፤ስለዚህ፦ወደ፡ላይ፡በወጣ፡ጊዜ፡ምርኮን፡ማረከ፡ለሰዎችም፡ስጦታን፡ሰጠ፡ይላል።
9፤ወደምድር፡ታችኛ፡ክፍል፡ደግሞ፡ወረደ፡ማለት፡ካልኾነ፥ይህ፡ወጣ፡ማለትስ፡ምን፡ማለት፡ነው፧
10፤ይህ፡የወረደው፡ዅሉን፡ይሞላ፡ዘንድ፡ከሰማያት፡ዅሉ፡በላይ፡የወጣው፡ደግሞ፡ያው፡ነው።
11፤ርሱም፡አንዳንዶቹ፡ሐዋርያት፥ሌላዎቹም፡ነቢያት፥ሌላዎቹም፡ወንጌልን፡ሰባኪዎች፥ሌላዎቹም፡እረኛዎችና፡ አስተማሪዎች፡እንዲኾኑ፡ሰጠ፤
12-13፤ዅላችን፡የእግዚአብሔርን፡ልጅ፡በማመንና፡በማወቅ፡ወደሚገኝ፡አንድነት፥ሙሉ፡ሰውም፡ወደ፡መኾን፥የክር ስቶስም፡ሙላቱ፡ወደሚኾን፡ወደ፡ሙላቱ፡ልክ፡እስክንደርስ፡ድረስ፥ቅዱሳን፡አገልግሎትን፡ለመሥራትና፡ለክርስ ቶስ፡አካል፡ሕንጻ፡ፍጹማን፡ይኾኑ፡ዘንድ።
14፤እንደ፡ስሕተት፡ሽንገላ፡ባለ፡ተንኰል፡በሰዎችም፡ማታለል፡ምክንያት፡በትምህርት፡ነፋስ፡ዅሉ፡እየተፍገመ ገምን፡ወዲያና፡ወዲህም፡እየተንሳፈፍን፡ሕፃናት፡መኾን፡ወደ፡ፊት፡አይገ፟ባ፟ንም፥
15፤ነገር፡ግን፥እውነትን፡በፍቅር፡እየያዝን፡በነገር፡ዅሉ፡ወደርሱ፡ራስ፡ወደሚኾን፡ወደ፡ክርስቶስ፡እንደግ ፤
16፤ከርሱም፡የተነሣ፡አካል፡ዅሉ፡እያንዳንዱ፡ክፍል፡በልክ፡እንደሚሠራ፥በተሰጠለት፡በዥማት፡ዅሉ፡እየተጋጠ መና፡እየተያያዘ፥ራሱን፡በፍቅር፡ለማነጽ፡አካሉን፡ያሳድጋል።
17፤እንግዲህ፡አሕዛብ፡ደግሞ፡በአእምሯቸው፡ከንቱነት፡እንደሚመላለሱ፡ከእንግዲህ፡ወዲህ፡እንዳትመላለሱ፡እ ላለኹ፡በጌታም፡ኾኜ፡እመሰክራለኹ።
18፤እነርሱ፥ባለማወቃቸው፡ጠንቅ፥በልባቸውም፡ደንዳናነት፡ጠንቅ፡ልቡናቸው፡ጨለመ፥ከእግዚአብሔርም፡ሕይወት ፡ራቁ፤
19፤ደንዝዘውም፡በመመኘት፡ርኵሰትን፡ዅሉ፡ለማድረግ፡ራሳቸውን፡ወደ፡ሴሰኝነት፡አሳልፈው፡ሰጡ።
20፤እናንተ፡ግን፡ክርስቶስን፡እንደዚህ፡አልተማራችኹም፤
21፤በርግጥ፡ሰምታችኹታልና፥እውነትም፡በኢየሱስ፡እንዳለ፡በርሱ፡ተምራችዃል፤
22፤ፊተኛ፡ኑሯችኹን፡እያሰባችኹ፡እንደሚያታልል፡ምኞት፡የሚጠፋውን፡አሮጌውን፡ሰው፡አስወግዱ፥
23፤በአእምሯችኹም፡መንፈስ፡ታደሱ፥
24፤ለእውነትም፡በሚኾኑ፡ጽድቅና፡ቅድስና፡እንደእግዚአብሔር፡ምሳሌ፡የተፈጠረውን፡ዐዲሱን፡ሰው፡ልበሱ።
25፤ስለዚህ፥ውሸትን፡አስወግዳችኹ፥ርስ፡በርሳችን፡ብልቶች፡ኾነናልና፥እያንዳንዳችኹ፡ከባልንጀራዎቻችኹ፡ጋ ራ፡እውነትን፡ተነጋገሩ።
26፤ተቈጡ፡ኀጢአትንም፡አታድርጉ፤
27፤በቍጣችኹ፡ላይ፡ፀሓይ፡አይግባ፥ለዲያብሎስም፡ፈንታ፡አትስጡት።
28፤የሰረቀ፡ከእንግዲህ፡ወዲህ፡አይስረቅ፥ነገር፡ግን፥በዚያ፡ፈንታ፡ለጐደለው፡የሚያካፍለው፡እንዲኖርለት፡ በገዛ፡እጆቹ፡መልካምን፡እየሠራ፡ይድከም።
29፤ለሚሰሙት፡ጸጋን፡ይሰጥ፡ዘንድ፥እንደሚያስፈልግ፡ለማነጽ፡የሚጠቅም፡ማናቸውም፡በጎ፡ቃል፡እንጂ፡ክፉ፡ቃ ል፡ከአፋችኹ፡ከቶ፡አይውጣ።
30፤ለቤዛም፡ቀን፡የታተማችኹበትን፡ቅዱሱን፡የእግዚአብሔርን፡መንፈስ፡አታሳዝኑ።
31፤መራርነትና፡ንዴት፡ቍጣም፡ጩኸትም፡መሳደብም፡ዅሉ፡ከክፋት፡ዅሉ፡ጋራ፡ከእናንተ፡ዘንድ፡ይወገድ።
32፤ርስ፡በርሳችኹም፡ቸሮችና፡ርኅሩኆች፡ኹኑ፥እግዚአብሔርም፡ደግሞ፡በክርስቶስ፡ይቅር፡እንዳላችኹ፡ይቅር፡ ተባባሉ።
_______________ኤፌሶን፥ምዕራፍ፡5።______________
ምዕራፍ፡5፤
1፤እንግዲህ፡እንደተወደዱ፡ልጆች፡እግዚአብሔርን፡የምትከተሉ፡ኹኑ፥
2፤ክርስቶስም፡ደግሞ፡እንደ፡ወደዳችኹ፡ለእግዚአብሔርም፡የመዐዛ፡ሽታ፡የሚኾንን፡መባንና፡መሥዋዕትን፡አድር ጎ፡ስለ፡እናንተ፡ራሱን፡አሳልፎ፡እንደ፡ሰጠ፡በፍቅር፡ተመላለሱ።
3፤ለቅዱሳን፡እንደሚገ፟ባ፟፡ግን፡ዝሙትና፡ርኵሰት፡ዅሉ፡ወይም፡መመኘት፡በእናንተ፡ዘንድ፡ከቶ፡አይሰማ፤
4፤የሚያሳፍር፡ነገርም፡የስንፍና፡ንግግርም፡ወይም፡ዋዛ፡የማይገቡ፡ናቸውና፥አይኹኑ፥ይልቁን፡ምስጋና፡እንጂ ።
5፤ይህን፡ዕወቁ፤አመንዝራም፡ቢኾን፡ወይም፡ርኩስ፡ወይም፡የሚመኝ፡ርሱም፡ጣዖትን፡የሚያመልክ፡በክርስቶስና፡ በእግዚአብሔር፡መንግሥት፡ርስት፡የለውም።
6፤ከዚህ፡የተነሣ፡በማይታዘዙት፡ልጆች፡ላይ፡የእግዚአብሔር፡ቍጣ፡ይመጣልና፥ማንም፡በከንቱ፡ንግግር፡አያታላ ፟ችኹ።
7፤እንግዲህ፡ከነርሱ፡ጋራ፡ተካፋዮች፡አትኹኑ፤
8፤ቀድሞ፡ጨለማ፡ነበራችኹና፥አኹን፡ግን፡በጌታ፡ብርሃን፡ናችኹ፤
9-10፤የብርሃኑ፡ፍሬ፡በበጎነትና፡በጽድቅ፡በእውነትም፡ዅሉ፡ነውና፥ለጌታ፡ደስ፡የሚያሠኘውን፡እየመረመራችኹ ፥እንደ፡ብርሃን፡ልጆች፡ተመላለሱ፤
11፤ፍሬም፡ከሌለው፡ከጨለማ፡ሥራ፡ጋራ፡አትተባበሩ፥ይልቁን፡ግለጡት፡እንጂ፥
12፤እነርሱ፡በስውር፡ስለሚያደርጉት፡መናገር፡እንኳ፡ነውር፡ነውና፤
13፤ዅሉ፡ግን፡በብርሃን፡ሲገለጥ፡ይታያል፤የሚታየው፡ዅሉ፡ብርሃን፡ነውና።
14፤ስለዚህ፦አንተ፡የምትተኛ፡ንቃ፡ከሙታንም፡ተነሣ፡ክርስቶስም፡ያበራልኻል፡ይላል።
15፤እንግዲህ፡እንደ፡ጥበበኛዎች፡እንጂ፡ጥበብ፡እንደሌላቸው፡ሳይኾን፡እንዴት፡እንድትመላለሱ፡በጥንቃቄ፡ተ ጠበቁ፤
16፤ቀኖቹ፡ክፉዎች፡ናቸውና፥ዘመኑን፡ዋጁ።
17፤ስለዚህ፥የጌታ፡ፈቃድ፡ምን፡እንደ፡ኾነ፡አስተውሉ፡እንጂ፡ሞኞች፡አትኹኑ።
18፤መንፈስ፡ይሙላባችኹ፡እንጂ፡በወይን፡ጠጅ፡አትስከሩ፡ይህ፡ማባከን፡ነውና፤
19፤በመዝሙርና፡በዝማሬ፡በመንፈሳዊም፡ቅኔ፡ርስ፡በርሳችኹ፡ተነጋገሩ፤ለጌታ፡በልባችኹ፡ተቀኙና፡ዘምሩ፤
20፤ዅልጊዜ፡ስለ፡ዅሉ፡በጌታችን፡በኢየሱስ፡ክርስቶስ፡ስም፡አምላካችንንና፡አባታችንን፡ስለ፡ዅሉ፡አመስግኑ ።
21፤ለያንዳንዳችኹ፡በክርስቶስ፡ፍርሀት፡የተገዛችኹ፡ኹኑ።
22፤ሚስቶች፡ሆይ፥ለጌታ፡እንደምትገዙ፡ለባሎቻችኹ፡ተገዙ፤
23፤ክርስቶስ፡ደግሞ፡የቤተ፡ክርስቲያን፡ራስ፡እንደ፡ኾነ፡ርሱም፡አካሉን፡የሚያድን፡እንደ፡ኾነ፡ባል፡የሚስ ት፡ራስ፡ነውና።
24፤ዳሩ፡ግን፡ቤተ፡ክርስቲያን፡ለክርስቶስ፡እንደምትገዛ፡እንዲሁ፡ሚስቶች፡ደግሞ፡በዅሉ፡ለባሎቻቸው፡ይገዙ ።
25-26፤ባሎች፡ሆይ፥ክርስቶስ፡ደግሞ፡ቤተ፡ክርስቲያንን፡እንደ፡ወደዳት፡ሚስቶቻችኹን፡ውደዱ፤በውሃ፡መታጠብና ፡ከቃሉ፡ጋራ፡አንጽቶ፡እንዲቀድሳት፡ስለ፡ርሷ፡ራሱን፡አሳልፎ፡ሰጠ፤
27፤እድፈት፡ወይም፡የፊት፡መጨማደድ፡ወይም፡እንዲህ፡ያለ፡ነገር፡ሳይኾንባት፡ቅድስትና፡ያለነውር፡ትኾን፡ዘ ንድ፡ክብርት፡የኾነችን፡ቤተ፡ክርስቲያን፡ለራሱ፡እንዲያቀርብ፡ፈለገ።
28፤እንዲሁም፡ባሎች፡ደግሞ፡እንደ፡ገዛ፡ሥጋቸው፡አድርገው፡የገዛ፡ሚስቶቻቸውን፡ሊወዷ፟ቸው፡ይገ፟ባ፟ቸዋል ።የገዛ፡ሚስቱን፡የሚወድ፡ራሱን፡ይወዳል፤
29-30፤ማንም፡የገዛ፡ሥጋውን፡የሚጠላ፡ከቶ፡የለምና፥ነገር፡ግን፥የአካሉ፡ብልቶች፡ስለ፡ኾን፟፥ክርስቶስ፡ደግ ሞ፡ለቤተ፡ክርስቲያን፡እንዳደረገላት፥ይመግበዋል፡ይከባከበውማል።
31፤ስለዚህ፥ሰው፡አባቱንና፡እናቱን፡ይተዋል፥ከሚስቱም፡ጋራ፡ይተባበራል፤ኹለቱም፡አንድ፡ሥጋ፡ይኾናሉ።
32፤ይህ፡ምስጢር፡ታላቅ፡ነው፥እኔ፡ግን፡ይህን፡ስለ፡ክርስቶስና፡ስለ፡ቤተ፡ክርስቲያን፡እላለኹ።
33፤ኾኖም፡ከእናንተ፡ደግሞ፡እያንዳንዱ፡የገዛ፡ሚስቱን፡እንዲህ፡እንደ፡ራሱ፡አድርጎ፡ይውደዳት፥ሚስቱም፡ባ ሏን፡ትፍራ።
_______________ኤፌሶን፥ምዕራፍ፡6።______________
ምዕራፍ፡6፤
1፤ልጆች፡ሆይ፥ለወላጆቻችኹ፡በጌታ፡ታዘዙ፥ይህ፡የሚገ፟ባ፟፡ነውና።
2-3፤መልካም፡እንዲኾንልኽ፡ዕድሜኽም፡በምድር፡ላይ፡እንዲረዝም፡አባትኽንና፡እናትኽን፡አክብር፤ርሷም፡የተስ ፋ፡ቃል፡ያላት፡ፊተኛዪቱ፡ትእዛዝ፡ናት።
4፤እናንተም፡አባቶች፡ሆይ፥ልጆቻችኹን፡በጌታ፡ምክርና፡በተግሣጽ፡አሳድጓቸው፡እንጂ፡አታስቈጧቸው።
5፤ባሪያዎች፡ሆይ፥ለክርስቶስ፡እንደምትታዘዙ፡በፍርሀትና፡በመንቀጥቀጥ፡በልባችኹ፡ቅንነት፡በሥጋ፡ጌታዎቻች ኹ፡ለኾኑ፡ታዘዙ፤
6፤የእግዚአብሔርን፡ፈቃድ፡እንደሚያደርጉ፡እንደክርስቶስ፡ባሪያዎች፡እንጂ፡ለሰው፡ደስ፡እንደምታሠኙ፡ለታይ ታ፡የምትገዙ፡አትኹኑ።
7፤ለሰው፡ሳይኾን፡ለጌታ፡እንደምትገዙ፡በትጋትና፡በበጎ፡ፈቃድ፡ተገዙ፤
8፤ባሪያ፡ቢኾን፡ወይም፡ጨዋ፡ሰው፥እያንዳንዱ፡የሚያደርገውን፡መልካም፡ነገር፡ዅሉ፡ከጌታ፡በብድራት፡እንዲቀ በለው፡ታውቃላችኹና።
9፤እናንተም፡ጌታዎች፡ሆይ፥ዛቻውን፡ትታችኹ፡እንዲሁ፡አድርጉላቸው፥በእነርሱና፡በእናንተ፡ላይ፡የሚገዛው፡ጌ ታ፡በሰማይ፡እንዳለ፡ለሰው፡ፊትም፡እንዳያደላ፡ታውቃላችኹና።
10፤በቀረውስ፡በጌታና፡በኀይሉ፡ችሎት፡የበረታችኹ፡ኹኑ።
11፤የዲያብሎስን፡ሽንገላ፡ትቃወሙ፡ዘንድ፡እንዲቻላችኹ፡የእግዚአብሔርን፡ዕቃ፡ጦር፡ዅሉ፡ልበሱ።
12፤መጋደላችን፡ከደምና፡ከሥጋ፡ጋራ፡አይደለምና፥ከአለቃዎችና፡ከሥልጣናት፡ጋራ፡ከዚህም፡ከጨለማ፡ዓለም፡ገ ዢዎች፡ጋራ፡በሰማያዊም፡ስፍራ፡ካለ፡ከክፋት፡መንፈሳውያን፡ሰራዊት፡ጋራ፡ነው፡እንጂ።
13፤ስለዚህ፥በክፉው፡ቀን፡ለመቃወም፥ዅሉንም፡ፈጽማችኹ፡ለመቆም፡እንድትችሉ፥የእግዚአብሔርን፡ዕቃ፡ጦር፡ዅ ሉ፡አንሡ።
14-15፤እንግዲህ፡ወገባችኹን፡በእውነት፡ታጥቃችኹ፥የጽድቅንም፡ጥሩር፡ለብሳችኹ፥በሰላም፡ወንጌልም፡በመዘጋጀ ት፡እግሮቻችኹ፡ተጫምተው፡ቁሙ፤
16፤በዅሉም፡ላይ፡ጨምራችኹ፡የሚንበለበሉትን፡የክፉውን፡ፍላጻዎች፡ዅሉ፡ልታጠፉ፡የምትችሉበትን፡የእምነትን ፡ጋሻ፡አንሡ፤
17፤የመዳንንም፡ራስ፡ቍር፡የመንፈስንም፡ሰይፍ፡ያዙ፡ርሱም፡የእግዚአብሔር፡ቃል፡ነው።
18፤በጸሎትና፡በልመናም፡ዅሉ፡ዘወትር፡በመንፈስ፡ጸልዩ፤በዚህም፡ዐሳብ፡ስለ፡ቅዱሳን፡ዅሉ፡እየለመናችኹ፡በ መጽናት፡ዅሉ፡ትጉ፤
19፤ደግሞ፡የወንጌልን፡ምስጢር፡በግልጥ፡እንዳስታውቅ፡አፌን፡በመክፈት፡ቃል፡ይሰጠኝ፡ዘንድ፡ስለ፡እኔ፡ለም ኑ፤
20፤ስለ፡ወንጌልም፡በሰንሰለት፡መልእክተኛ፡የኾንኹ፥መናገር፡እንደሚገ፟ባ፟ኝ፡ስለ፡ርሱ፡በግልጥ፡እናገር፡ ዘንድ፡ለምኑ።
21፤ነገር፡ግን፥እናንተ፡ደግሞ፡እንዴት፡እንዳለኹ፡ኑሮዬን፡እንድታውቁ፡የተወደደ፡ወንድምና፡በጌታ፡የታመነ ፡አገልጋይ፡ቲኪቆስ፡ዅሉን፡ያስታውቃችዃል፤
22፤ወሬያችንን፡እንድታውቁና፡ልባችኹን፡እንዲያጽናና፡ወደ፡እናንተ፡የምልከው፡ስለዚህ፡ምክንያት፡ነው።
23፤ከእግዚአብሔር፡አብ፡ከጌታም፡ከኢየሱስ፡ክርስቶስ፡ሰላምና፡ፍቅር፡ከእምነት፡ጋራ፡ለወንድሞች፡ይኹን።
24፤ጌታችንን፡ኢየሱስ፡ክርስቶስን፡ባለመጥፋት፡ከሚወዱ፡ዅሉ፡ጋራ፡ጸጋ፡ይኹን፤አሜን፨

http://www.gzamargna.net