የሐዋርያት፡ሥራ።

(ክለሳ.1.20020507)

_______________የሐዋርያት፡ሥራ፥ምዕራፍ፡1።______________
ምዕራፍ፡1፤
1-2፤ቴዎፍሎስ፡ሆይ፥ኢየሱስ፡የመረጣቸውን፡ሐዋርያትን፡በመንፈስ፡ቅዱስ፡ካዘዛቸው፡በዃላ፡እስከዐረገበት፡ቀ ን፡ድረስ፥ያደርገውና፡ያስተምረው፡ዘንድ፡ስለዠመረው፡ዅሉ፡መዠመሪያውን፡ነገር፡ጻፍኹ፤
3፤ደግሞ፡አርባ፡ቀን፡እየታያቸው፡ስለእግዚአብሔርም፡መንግሥት፡ነገር፡እየነገራቸው፥በብዙ፡ማስረጃ፡ከሕማማ ቱ፡በዃላ፡ሕያው፡ኾኖ፡ለእነርሱ፡ራሱን፡አሳያቸው።
4፤ከነርሱም፡ጋራ፡ዐብሮ፡ሳለ፡ከኢየሩሳሌም፡እንዳይወጡ፡አዘዛቸው፥ነገር፡ግን፦ከእኔ፡የሰማችኹትን፡አብ፡የ ሰጠውን፡የተስፋ፡ቃል፡ጠብቁ፤
5፤ዮሐንስ፡በውሃ፡አጥምቆ፡ነበርና፥እናንተ፡ግን፡ከጥቂት፡ቀን፡በዃላ፡በመንፈስ፡ቅዱስ፡ትጠመቃላችኹ፡አለ።
6፤እነርሱም፡በተሰበሰቡ፡ጊዜ፦ጌታ፡ሆይ፥በዚህ፡ወራት፡ለእስራኤል፡መንግሥትን፡ትመልሳለኽን፧ብለው፡ጠየቁት ።
7፤ርሱም፦አብ፡በገዛ፡ሥልጣኑ፡ያደረገውን፡ወራትንና፡ዘመናትን፡ታውቁ፡ዘንድ፡ለእናንተ፡አልተሰጣችኹም፤
8፤ነገር፡ግን፥መንፈስ፡ቅዱስ፡በእናንተ፡ላይ፡በወረደ፡ጊዜ፡ኀይልን፡ትቀበላላችኹ፥በኢየሩሳሌምም፡በይሁዳም ፡ዅሉ፡በሰማርያም፡እስከምድር፡ዳርም፡ድረስ፡ምስክሮቼ፡ትኾናላችኹ፡አለ።
9፤ይህንም፡ከተናገረ፡በዃላ፡እነርሱ፡እያዩት፡ከፍ፡ከፍ፡አለ፤ደመናም፡ከዐይናቸው፡ሰውራ፡ተቀበለችው።
10፤ርሱም፡ሲኼድ፡ወደ፡ሰማይ፡ትኵር፡ብለው፡ሲመለከቱ፡ሳሉ፥እንሆ፥ነጫጭ፡ልብስ፡የለበሱ፡ኹለት፡ሰዎች፡በአ ጠገባቸው፡ቆሙ፤
11፤ደግሞም፦የገሊላ፡ሰዎች፡ሆይ፥ወደ፡ሰማይ፡እየተመለከታችኹ፡ስለ፡ምን፡ቆማችዃል፧ይህ፡ከእናንተ፡ወደ፡ሰ ማይ፡የወጣው፡ኢየሱስ፡ወደ፡ሰማይ፡ሲኼድ፡እንዳያችኹት፥እንዲሁ፡ይመጣል፡አሏቸው።
12፤በዚያን፡ጊዜ፡ደብረ፡ዘይት፡ከሚባለው፡ተራራ፡ወደ፡ኢየሩሳሌም፡ተመለሱ፥ርሱም፡ከኢየሩሳሌም፡የሰንበት፡ መንገድ፡ያኽል፡የራቀ፡ነው።
13፤በገቡም፡ጊዜ፡ወደሚኖሩበት፡ሰገነት፡ወጡ፥ጴጥሮስና፡ዮሐንስም፣ያዕቆብም፣እንድርያስም፣ፊልጶስም፣ቶማስ ም፣በርተሎሜዎስም፣ማቴዎስም፣የእልፍዮስ፡ልጅ፡ያዕቆብም፣ቀናተኛ፡የሚባለው፡ስምዖንም፣የያዕቆብ፡ልጅ፡ይሁ ዳም።
14፤እነዚህ፡ዅሉ፡ከሴቶችና፡ከኢየሱስ፡እናት፡ከማርያም፡ከወንድሞቹም፡ጋራ፡ባንድ፡ልብ፡ኾነው፡ለጸሎት፡ይተ ጉ፡ነበር።
15፤በዚህም፡ወራት፡ጴጥሮስ፡መቶ፡ኻያ፡በሚያኽል፡በሰዎች፡ማኅበር፡ዐብረው፡በነበሩ፡በወንድሞቹ፡መካከል፡ተ ነሥቶ፡አለ፦
16፤ወንድሞች፡ሆይ፥ኢየሱስን፡ለያዙት፡መሪ፡ስለኾናቸው፡ስለ፡ይሁዳ፡መንፈስ፡ቅዱስ፡አስቀድሞ፡በዳዊት፡አፍ ፡የተናገረው፡የመጽሐፍ፡ቃል፡ይፈጸም፡ዘንድ፡ይገ፟ባ፟፡ነበር፤
17፤ከእኛ፡ጋራ፡ተቈጥሮ፡ነበርና፥ለዚህም፡አገልግሎት፡ታድሎ፡ነበርና።
18፤ይህም፡ሰው፡በዐመፅ፡ዋጋ፡መሬት፡ገዛ፥በግንባሩም፡ተደፍቶ፡ከመካከሉ፡ተሰነጠቀ፥አንዠቱም፡ዅሉ፡ተዘረገ ፈ፤
19፤በኢየሩሳሌምም፡ለሚኖሩ፡ዅሉ፡ታወቀ፤ስለዚህም፡ያ፡መሬት፡በቋንቋቸው፡አኬልዳማ፡ተብሎ፡ተጠራ፥ርሱም፡የ ደም፡መሬት፡ማለት፡ነው።
20፤በመዝሙር፡መጽሐፍ፦መኖሪያው፡ምድረ፡በዳ፡ትኹን፥የሚኖርባትም፡አይኑር፤ደግሞም፦ሹመቱን፡ሌላ፡ይውሰዳት ፡ተብሎ፡ተጽፏልና።
21-22፤ስለዚህ፥ከዮሐንስ፡ጥምቀት፡ዠምሮ፥ከእኛ፡ዘንድ፡እስካረገበት፡ቀን፡ድረስ፥ጌታ፡ኢየሱስ፡በእኛ፡መካከ ል፡በገባበትና፡በወጣበት፡ዘመን፡ዅሉ፥ከእኛ፡ጋራ፡ዐብረው፡ከነበሩት፡ሰዎች፥ከነዚህ፡አንዱ፡ከእኛ፡ጋራ፡የ ትንሣኤው፡ምስክር፡ይኾን፡ዘንድ፡ይገ፟ባ፟ል።
23፤ኢዮስጦስም፡የሚሉትን፡በርስያን፡የተባለውን፡ዮሴፍንና፡ማትያስን፡ኹለቱን፡አቆሙ።
24-25፤ሲጸልዩም፦የዅሉን፡ልብ፡የምታውቅ፡አንተ፡ጌታ፡ሆይ፥ይሁዳ፡ወደገዛ፡ራሱ፡ስፍራ፡ይኼድ፡ዘንድ፡በተዋት ፡በዚች፡አገልግሎትና፡ሐዋርያነት፡ስፍራን፡እንዲቀበል፡የመረጥኸውን፡ከነዚህ፡ከኹለቱ፡አንዱን፡ሹመው፡አሉ ።
26፤ዕጣም፡ተጣጣሉላቸው፥ዕጣውም፡ለማትያስ፡ወደቀና፡ከዐሥራ፡አንዱ፡ሐዋርያት፡ጋራ፡ተቈጠረ።
_______________የሐዋርያት፡ሥራ፥ምዕራፍ፡2።______________
ምዕራፍ፡2፤
1፤በዓለ፡ኀምሳ፡የተባለውም፡ቀን፡በደረሰ፡ጊዜ፥ዅሉም፡ባንድ፡ልብ፡ኾነው፡ዐብረው፡ሳሉ፥
2፤ድንገት፡እንደሚነጥቅ፡ዐውሎ፡ነፋስ፡ከሰማይ፡ድምፅ፡መጣ፥ተቀምጠው፡የነበሩበትንም፡ቤት፡ዅሉ፡ሞላው።
3፤እንደ፡እሳትም፡የተከፋፈሉ፡ልሳኖች፡ታይዋቸው፤በያንዳንዳቸውም፡ላይ፡ተቀመጡባቸው።
4፤በዅሉም፡መንፈስ፡ቅዱስ፡ሞላባቸው፥መንፈስም፡ይናገሩ፡ዘንድ፡እንደ፡ሰጣቸው፡በሌላ፡ልሳኖች፡ይናገሩ፡ዠመ ር።
5፤ከሰማይም፡በታች፡ካሉ፡ሕዝብ፡ዅሉ፡በጸሎት፡የተጉ፡አይሁድ፡በኢየሩሳሌም፡ይኖሩ፡ነበር፤
6፤ይህም፡ድምፅ፡በኾነ፡ጊዜ፡ሕዝብ፡ዅሉ፡ተሰበሰቡ፥እያንዳንዱም፡በገዛ፡ቋንቋው፡ሲናገሩ፡ይሰማ፡ስለ፡ነበር ፡የሚሉትን፡ዐጡ።
7፤ተገርመውም፡ተደንቀውም፡እንዲህ፡አሉ፦እንሆ፥እነዚህ፡የሚናገሩት፡ዅሉ፡የገሊላ፡ሰዎች፡አይደሉምን፧
8፤እኛም፡እያንዳንዳችን፡የተወለድንበትን፡የገዛ፡ቋንቋችንን፡እንዴት፡እንሰማለን፧
9፤የጳርቴና፡የሜድ፡የኢላሜጤም፡ሰዎች፥በኹለት፡ወንዝም፡መካከል፡በይሁዳም፡በቀጰዶቅያም፡በጳንጦስም፡በእስ ያም፥
10፤በፍርግያም፡በጵንፍልያም፡በግብጽም፡በቀሬናም፡በኩል፡ባሉት፡በሊብያ፡ወረዳዎች፡የምንኖር፥በሮሜም፡የም ንቀመጥ፥አይሁድም፡ወደ፡ይሁዲነትም፡የገባን፥
11፤የቀርጤስና፡የዐረብ፡ሰዎች፥የእግዚአብሔርን፡ታላቅ፡ሥራ፡በልሳኖቻችን፡ሲናገሩ፡እንሰማቸዋለን።
12፤ዅሉም፡ተገረሙና፡አመንትተው፡ርስ፡በርሳቸው፦እንጃ፥ይህ፡ምን፡ይኾን፧አሉ።
13፤ሌላዎች፡ግን፡እያፌዙባቸው፦ጕሽ፡የወይን፡ጠጅ፡ጠግበዋል፡አሉ።
14፤ነገር፡ግን፥ጴጥሮስ፡ከዐሥራ፡አንዱ፡ጋራ፡ቆመ፥ድምፁንም፡ከፍ፡አድርጎ፡እንዲህ፡ሲል፡ተናገራቸው፦አይሁ ድ፡በኢየሩሳሌምም፡የምትኖሩ፡ዅላችኹ፥ይህ፡በእናንተ፡ዘንድ፡የታወቀ፡ይኹን፥ቃሎቼንም፡አድምጡ።
15፤ለእናንተ፡እንደ፡መሰላችኹ፡እነዚህ፡የሰከሩ፡አይደሉም፥ከቀኑ፡ሦስተኛ፡ሰዓት፡ነውና፤
16፤ነገር፡ግን፥ይህ፡በነቢዩ፡በኢዮኤል፡የተባለው፡ነው።
17፤እግዚአብሔር፡ይላል፦በመጨረሻው፡ቀን፡እንዲህ፡ይኾናል፤ሥጋ፡በለበሰ፡ዅሉ፡ላይ፡ከመንፈሴ፡አፈሳለኹ፤ወ ንዶችና፡ሴቶች፡ልጆቻችኹም፡ትንቢት፡ይናገራሉ፥ጐበዞቻችኹም፡ራእይ፡ያያሉ፥ሽማግሌዎቻችኹም፡ሕልም፡ያልማሉ ፤
18፤ደግሞም፡በዚያች፡ወራት፡በወንዶችና፡በሴቶች፡ባሪያዎቼ፡ላይ፡ከመንፈሴ፡አፈሳለኹ፡ትንቢትም፡ይናገራሉ።
19፤ድንቆችን፡በላይ፡በሰማይ፥ምልክቶችንም፡በታች፡በምድር፡እሰጣለኹ፤ደምም፡እሳትም፡የጢስ፡ጭጋግም፡ይኾና ል፤
20፤ታላቅ፡የኾነ፡የተሰማም፡የጌታ፡ቀን፡ሳይመጣ፡ፀሓይ፡ወደ፡ጨለማ፡ጨረቃም፡ወደ፡ደም፡ይለወጣሉ።
21፤የጌታን፡ስም፡የሚጠራም፡ዅሉ፡ይድናል።
22፤የእስራኤል፡ሰዎች፡ሆይ፥ይህን፡ቃል፡ስሙ፤ራሳችኹ፡እንደምታውቁ፥የናዝሬቱ፡ኢየሱስ፡እግዚአብሔር፡በመካ ከላችኹ፡በርሱ፡በኩል፡ባደረገው፡ተኣምራትና፡በድንቆች፡በምልክቶችም፡ከእግዚአብሔር፡ዘንድ፡ለእናንተ፡የተ ገለጠ፡ሰው፡ነበረ፤
23፤ርሱንም፡በእግዚአብሔር፡በተወሰነው፡ዐሳቡና፡በቀደመው፡ዕውቀቱ፡ተሰጥቶ፡በዐመፀኛዎች፡እጅ፡ሰቅላችኹ፡ ገደላችኹት።
24፤እግዚአብሔር፡ግን፡የሞትን፡ጣር፡አጥፍቶ፡አስነሣው፥ሞት፡ይይዘው፡ዘንድ፡አልቻለምና።
25፤ዳዊት፡ስለ፡ርሱ፡እንዲህ፡ይላልና፦ጌታን፡ዅልጊዜ፡በፊቴ፡አየኹት፥እንዳልታወክ፡በቀኜ፡ነውና።
26፤ስለዚህ፥ልቤን፡ደስ፡አለው፥ልሳኔም፡ሐሤት፡አደረገ፥ደግሞም፡ሥጋዬ፡በተስፋ፡ያድራል፤
27፤ነፍሴን፡በሲኦል፡አትተዋትምና፥ቅዱስኽንም፡መበስበስን፡ያይ፡ዘንድ፡አትሰጠውም።
28፤የሕይወትን፡መንገድ፡አስታወቅኸኝ፤ከፊትኽ፡ጋራ፡ደስታን፡ትሞላብኛለኽ።
29፤ወንድሞች፡ሆይ፥ስላባቶች፡አለቃ፡ስለ፡ዳዊት፡እንደ፡ሞተም፡እንደ፡ተቀበረም፡ለእናንተ፡በግልጥ፡እናገር ፡ዘንድ፡ፍቀዱልኝ፤መቃብሩም፡እስከ፡ዛሬ፡በእኛ፡ዘንድ፡ነው።
30፤ነቢይ፡ስለ፡ኾነ፥ከወገቡም፡ፍሬ፡በዙፋኑ፡ያስቀምጥ፡ዘንድ፡እግዚአብሔር፡መሐላ፡እንደ፡ማለለት፡ስላወቀ ፥
31፤ስለክርስቶስ፡ትንሣኤ፡አስቀድሞ፡አይቶ፥ነፍሱ፡በሲኦል፡እንዳልቀረች፡ሥጋውም፡መበስበስን፡እንዳላየ፡ተ ናገረ።
32፤ይህን፡ኢየሱስን፡እግዚአብሔር፡አስነሣው፡ለዚህም፡ነገር፡እኛ፡ዅላችን፡ምስክሮች፡ነን፤
33፤ስለዚህ፥በእግዚአብሔር፡ቀኝ፡ከፍ፡ከፍ፡ብሎና፥የመንፈስ፡ቅዱስን፡የተስፋ፡ቃል፡ከአብ፡ተቀብሎ፥ይህን፡ እናንተ፡አኹን፡የምታዩትንና፡የምትሰሙትን፡አፈሰሰው።
34-35፤ዳዊት፡ወደ፡ሰማያት፡አልወጣምና፥ነገር፡ግን፥ርሱ፦ጌታ፡ጌታዬን፦ጠላቶችኽን፡የእግርኽ፡መረገጫ፡እስካ ደርግልኽ፡ድረስ፡በቀኜ፡ተቀመጥ፡አለው፡
36፤አለ፦እንግዲህ፡ይህን፡እናንተ፡የሰቀላችኹትን፡ኢየሱስን፡እግዚአብሔር፡ጌታም፡ክርስቶስም፡እንዳደረገው ፡የእስራኤል፡ወገን፡ዅሉ፡በርግጥ፡ይወቅ።
37፤ይህንም፡በሰሙ፡ጊዜ፡ልባቸው፡ተነካ፥ጴጥሮስንና፡ሌላዎችንም፡ሐዋርያት።ወንድሞች፡ሆይ፥ምን፡እናድርግ፧ አሏቸው።
38፤ጴጥሮስም፦ንስሓ፡ግቡ፥ኀጢአታችኹም፡ይሰረይ፡ዘንድ፡እያንዳንዳችኹ፡በኢየሱስ፡ክርስቶስ፡ስም፡ተጠመቁ፤ የመንፈስ፡ቅዱስንም፡ስጦታ፡ትቀበላላችኹ።
39፤የተስፋው፡ቃል፡ለእናንተና፡ለልጆቻችኹ፡ጌታ፡አምላካችንም፡ወደ፡ርሱ፡ለሚጠራቸው፡በሩቅ፡ላሉ፡ዅሉ፡ነው ና፥አላቸው።
40፤በብዙ፡ሌላ፡ቃልም፡መሰከረና፦ከዚህ፡ጠማማ፡ትውልድ፡ዳኑ፡ብሎ፡መከራቸው።
41፤ቃሉንም፡የተቀበሉ፡ተጠመቁ፥በዚያም፡ቀን፡ሦስት፡ሺሕ፡የሚያኽል፡ነፍስ፡ተጨመሩ፤
42፤በሐዋርያትም፡ትምህርትና፡በኅብረት፡እንጀራውንም፡በመቍረስ፡በየጸሎቱም፡ይተጉ፡ነበር።
43፤ነገር፡ግን፥በሰው፡ዅሉ፡ፍርሀት፡ኾነ፤በሐዋርያትም፡እጅ፡ብዙ፡ድንቅና፡ምልክት፡ተደረገ።
44፤ያመኑትም፡ዅሉ፡ዐብረው፡ነበሩ፤
45፤ያላቸውንም፡ዅሉ፡አንድነት፡አደረጉ።መሬታቸውንና፡ጥሪታቸውንም፡እየሸጡ፥ማንኛውም፡እንደሚፈልግ፡ለዅሉ ፡ያካፍሉት፡ነበር።
46፤በየቀኑም፡ባንድ፡ልብ፡ኾነው፡በመቅደስ፡እየተጉ፡በቤታቸውም፡እንጀራ፡እየቈረሱ፥በደስታና፡በጥሩ፡ልብ፡ ምግባቸውን፡ይመገቡ፡ነበር፤
47፤እግዚአብሔርንም፡እያመሰገኑ፡በሕዝብ፡ዅሉ፡ፊት፡ሞገስ፡ነበራቸው።ጌታም፡የሚድኑትን፡ዕለት፡ዕለት፡በእ ነርሱ፡ላይ፡ይጨምር፡ነበር።
_______________የሐዋርያት፡ሥራ፥ምዕራፍ፡3።______________
ምዕራፍ፡3፤
1፤ጴጥሮስና፡ዮሐንስም፡በጸሎት፡ጊዜ፡በዘጠኝ፡ሰዓት፡ወደ፡መቅደስ፡ይወጡ፡ነበር።
2፤ወደ፡መቅደስም፡ከሚገቡት፡ምጽዋት፡ይለምን፡ዘንድ፥ሰዎች፡ተሸክመው፡መልካም፡በሚሏት፡በመቅደስ፡ደጅ፡በየ ቀኑ፡ያስቀምጡት፡የነበሩ፡ከእናቱ፡ማሕፀን፡ዠምሮ፡ዐንካሳ፡የኾነ፡አንድ፡ሰው፡ነበረ።
3፤ርሱም፡ጴጥሮስና፡ዮሐንስ፡ወደ፡መቅደስ፡ሊገቡ፡እንዳላቸው፡ባየ፡ጊዜ፥ምጽዋትን፡ለመናቸው።
4፤ጴጥሮስም፡ከዮሐንስ፡ጋራ፡ትኵር፡ብሎ፡ወደ፡ርሱ፡ተመልክቶ፦ወደ፡እኛ፡ተመልከት፡አለው።
5፤ርሱም፡አንድ፡ነገር፡ከነርሱ፡እንዲቀበል፡ሲጠብቅ፡ወደ፡እነርሱ፡ተመለከተ።
6፤ጴጥሮስ፡ግን፦ብርና፡ወርቅ፡የለኝም፤ይህን፡ያለኝን፡ግን፡እሰጥኻለኹ፤በናዝሬቱ፡በኢየሱስ፡ክርስቶስ፡ስም ፡ተነሣና፡ተመላለስ፡አለው።
7፤በቀኝ፡እጁም፡ይዞ፡አስነሣው፤በዚያን፡ጊዜም፡እግሩና፡ቍርጭምጭሚቱ፡ጸና፥
8፤ወደ፡ላይ፡ዘሎም፡ቆመ፥ይመላለስም፡ዠመር፤እየተመላለሰም፡እየዘለለም፡እግዚአብሔርንም፡እያመሰገነ፡ከነር ሱ፡ጋራ፡ወደ፡መቅደስ፡ገባ።
9፤ሕዝቡም፡ዅሉ፡እግዚአብሔርን፡እያመሰገነ፡ሲመላለስ፡አዩት፤
10፤መልካምም፡በሚሏት፡በመቅደስ፡ደጅ፡ስለ፡ምጽዋት፡ተቀምጦ፡የነበረው፡ርሱ፡እንደ፡ኾነ፡ዐወቁት፤በርሱም፡ ከኾነው፡የተነሣ፡መደነቅና፡መገረም፡ሞላባቸው።
11፤ርሱም፡ጴጥሮስንና፡ዮሐንስን፡ይዞ፡ሳለ፥ሕዝቡ፡ዅሉ፡እየተደነቁ፡የሰሎሞን፡ደጅ፡መመላለሻ፡በሚባለው፡ዐ ብረው፡ወደ፡እነርሱ፡ሮጡ።
12፤ጴጥሮስም፡አይቶ፡ለሕዝቡ፡እንዲህ፡ሲል፡መለሰ፦የእስራኤል፡ሰዎች፡ሆይ፥በዚህ፡ስለ፡ምን፡ትደነቃላችኹ፧ ወይስ፡በገዛ፡ኀይላችን፡ወይስ፡እግዚአብሔርን፡በመፍራታችን፡ይህ፡ይመላለስ፡ዘንድ፡እንዳደረግነው፡ስለ፡ም ን፡ትኵር፡ብላችኹ፡ታዩናላችኹ፧
13፤የአብርሃምና፡የይሥሐቅ፡የያዕቆብም፡አምላክ፥የአባቶቻችን፡አምላክ፥እናንተ፡አሳልፋችኹ፡የሰጣችኹትንና ፡ሊፈታው፡ቈርጦ፡ሳለ፡በጲላጦስ፡ፊት፡የካዳችኹትን፡ብላቴናውን፡ኢየሱስን፡አከበረው።
14፤እናንተ፡ግን፡ቅዱሱን፡ጻድቁንም፡ክዳችኹ፡ነፍሰ፡ገዳዩን፡ሰው፡ይሰጣችኹ፡ዘንድ፡ለመናችኹ፥
15፤የሕይወትንም፡ራስ፡ገደላችኹት፤ርሱን፡ግን፡እግዚአብሔር፡ከሙታን፡አስነሣው፥ለዚህም፡ነገር፡እኛ፡ምስክ ሮች፡ነን።
16፤በስሙም፡በማመን፡ይህን፡የምታዩትንና፡የምታውቁትን፡የርሱ፡ስም፡አጸናው፥በርሱም፡በኩል፡የኾነው፡እምነ ት፡በኹላችኹ፡ፊት፡ይህን፡ፍጹም፡ጤና፡ሰጠው።
17፤አኹንም፥ወንድሞቼ፡ሆይ፥እናንተ፡እንደ፡አለቃዎቻችኹ፡ደግሞ፡ባለማወቅ፡እንዳደረጋችኹት፡ዐውቄያለኹ፤
18፤እግዚአብሔር፡ግን፡ክርስቶስ፡መከራ፡እንዲቀበል፡አስቀድሞ፡በነቢያት፡ዅሉ፡አፍ፡የተናገረውን፡እንዲሁ፡ ፈጸመው።
19-20፤እንግዲህ፡ከጌታ፡ፊት፡የመጽናናት፡ዘመን፡እንድትመጣላችኹ፥አስቀድሞም፡ለእናንተ፡የመረጠውን፡ኢየሱስ ፡ክርስቶስን፡እንዲልክላችኹ፥ኀጢአታችኹ፡ይደመሰስ፡ዘንድ፡ንስሓ፡ግቡ፥ተመለሱም።
21፤እግዚአብሔር፡ከጥንት፡ዠምሮ፡በቅዱሳን፡ነቢያቱ፡አፍ፡የተናገረው፥ነገር፡ዅሉ፡እስከሚታደስበት፡ዘመን፡ ድረስ፡ሰማይ፡ይቀበለው፡ዘንድ፡ይገ፟ባ፟ልና።
22፤ሙሴም፡ለአባቶች፦ጌታ፡አምላክ፡እኔን፡እንዳስነሣኝ፡ነቢይን፡ከወንድሞቻችኹ፡ያስነሣላችዃል፤በሚነግራች ኹ፡ዅሉ፡ርሱን፡ስሙት።
23፤ያንም፡ነቢይ፡የማትሰማው፡ነፍስ፡ዅሉ፡ከሕዝብ፡ተለይታ፡ትጠፋለች፡አለ።
24፤ኹለተኛም፡ከሳሙኤል፡ዠምሮ፡ከርሱም፡በዃላ፡የተናገሩት፡ነቢያት፡ዅሉ፡ደግሞ፡ስለዚህ፡ወራት፡ተናገሩ።
25፤እናንተ፡የነቢያት፡ልጆችና፡እግዚአብሔር፡ለአብርሃም፦በዘርኽ፡የምድር፡ወገኖች፡ዅሉ፡ይባረካሉ፡ብሎ፥ከ አባቶቻችን፡ጋራ፡ያደረገው፡የኪዳን፡ልጆች፡ናችኹ።
26፤ለእናንተ፡አስቀድሞ፡እግዚአብሔር፡ብላቴናውን፡አስነሥቶ፥እያንዳንዳችኹን፡ከክፋታችኹ፡እየመለሰ፡ይባር ካችኹ፡ዘንድ፥ሰደደው።
_______________የሐዋርያት፡ሥራ፥ምዕራፍ፡4።______________
ምዕራፍ፡4፤
1፤ለሕዝቡም፡ሲናገሩ፡የካህናት፡አለቃዎችና፡የመቅደስ፡አዛዥ፡ሰዱቃውያንም፥
2፤ሕዝቡን፡ስላስተማሩና፡በኢየሱስ፡የሙታንን፡ትንሣኤ፡ስለ፡ሰበኩ፡ተቸግረው፥ወደ፡እነርሱ፡ቀረቡ፥
3፤እጃቸውንም፡ጭነውባቸው፡አኹን፡መሽቶ፡ነበርና፥እስከ፡ማግስቱ፡ድረስ፡በወህኒ፡አኖሯቸው።
4፤ነገር፡ግን፥ቃሉን፡ከሰሙት፡ብዙዎች፡አመኑ፥የወንዶችም፡ቍጥር፡ዐምስት፡ሺሕ፡ያኽል፡ኾነ።
5-6፤በነገውም፡አለቃዎቻቸውና፡ሽማግሌዎች፡ጻፊዎችም፡ሊቀ፡ካህናቱ፡ሐናም፡ቀያፋም፡ዮሐንስም፡እስክንድሮስም ፡የሊቀ፡ካህናቱም፡ዘመዶች፡የነበሩት፡ዅሉ፡በኢየሩሳሌም፡ተሰበሰቡ፤
7፤እነርሱንም፡በመካከል፡አቁመው።በምን፡ኀይል፡ወይስ፡በማን፡ስም፡እናንተ፡ይህን፡አደረጋችኹ፧ብለው፡ጠየቋ ቸው።
8፤በዚያን፡ጊዜ፡ጴጥሮስ፡መንፈስ፡ቅዱስንም፡ተሞልቶ፡እንዲህ፡አላቸው፦እናንተ፡የሕዝብ፡አለቃዎችና፡ሽማግሌ ዎች፥
9፤እኛ፡ዛሬ፡ለድውዩ፡ሰው፡ስለተደረገው፡መልካም፡ሥራ፡ይህ፡በምን፡እንደ፡ዳነ፡ብንመረመር፥
10፤እናንተ፡በሰቀላችኹት፡እግዚአብሔርም፡ከሙታን፡ባስነሣው፡በናዝሬቱ፡በኢየሱስ፡ክርስቶስ፡ስም፡ይህ፡ደኅ ና፡ኾኖ፡በፊታችኹ፡እንደ፡ቆመ፥ለእናንተ፡ለኹላችኹ፡ለእስራኤልም፡ሕዝብ፡ዅሉ፡የታወቀ፡ይኹን።
11፤እናንተ፡ግንበኛዎች፡የናቃችኹት፥የማእዘን፡ራስ፡የኾነው፡ይህ፡ድንጋይ፡ነው።
12፤መዳንም፡በሌላ፡በማንም፡የለም፤እንድንበት፡ዘንድ፡የሚገ፟ባ፟ን፡ለሰዎች፡የተሰጠ፡ስም፡ከሰማይ፡በታች፡ ሌላ፡የለምና።
13፤ጴጥሮስና፡ዮሐንስም፡በግልጥ፡እንደ፡ተናገሩ፡ባዩ፡ጊዜ፥መጽሐፍን፡የማያውቁና፡ያልተማሩ፡ሰዎች፡እንደ፡ ኾኑ፡አስተውለው፡አደነቁ፥ከኢየሱስም፡ጋራ፡እንደ፡ነበሩ፡ዐወቋቸው፤
14፤የተፈወሰውንም፡ሰው፡ከነርሱ፡ጋራ፡ቆሞ፡ሲያዩ፡የሚመልሱትን፡ዐጡ።
15፤ከሸንጎም፡ወደ፡ውጭ፡ይወጡ፡ዘንድ፡አዘ፟ው፦በእነዚህ፡ሰዎች፡ምን፡እንሥራ፧
16፤የታወቀ፡ምልክት፡በእነርሱ፡እጅ፡እንደ፡ተደረገ፡በኢየሩሳሌም፡ለሚኖሩ፡ዅሉ፡ተገልጧልና፥እንሸሽገው፡ዘ ንድ፡አንችልም፤
17፤ነገር፡ግን፥በሕዝቡ፡ዘንድ፡አብዝቶ፡እንዳይስፋፋ፥ከእንግዲህ፡ወዲህ፡ለማንም፡ሰው፡በዚህ፡ስም፡እንዳይ ናገሩ፡እየዛትን፡እንዘዛቸው፡ብለው፡ርስ፡በርሳቸው፡ተማከሩ።
18፤ጠርተውም፡በኢየሱስ፡ስም፡ፈጽመው፡እንዳይናገሩና፡እንዳያስተምሩ፡አዘዟቸው።
19፤ጴጥሮስና፡ዮሐንስ፡ግን፡መልሰው፦እግዚአብሔርን፡ከመስማት፡ይልቅ፡እናንተን፡እንሰማ፡ዘንድ፡በእግዚአብ ሔር፡ፊት፡የሚገ፟ባ፟፡እንደ፡ኾነ፡ቍረጡ፤
20፤እኛስ፡ያየነውንና፡የሰማነውን፡ከመናገር፡ዝም፡ማለት፡አንችልም፡አሏቸው።
21፤እነርሱም፡እንደ፡ምን፡እንደሚቀጡ፡ምክንያት፡ስላላገኙባቸው፥እንደ፡ገና፡ዝተው፡ከሕዝቡ፡የተነሣ፡ፈቷቸ ው፤ሰዎች፡ዅሉ፡ስለኾነው፡ነገር፡እግዚአብሔርን፡ያከብሩ፡ነበርና።
22፤ይህ፡የመፈወስ፡ምልክት፡የተደረገለት፡ሰው፡ከአርባ፡ዓመት፡ይበልጠው፡ነበርና።
23፤ተፈተ፟ውም፡ወደ፡ወገኖቻቸው፡መጡና፡የካህናት፡አለቃዎችና፡ሽማግሌዎች፡ያሏቸውን፡ዅሉ፡ነገሯቸው።
24፤እነርሱም፡በሰሙ፡ጊዜ፡ባንድ፡ልብ፡ኾነው፡ወደ፡እግዚአብሔር፡ድምፃቸውን፡ከፍ፡አደረጉ፡እንዲህም፡አሉ፦ ጌታ፡ሆይ፥አንተ፡ሰማዩንና፡ምድሩን፡ባሕሩንም፡በእነርሱም፡የሚኖረውን፡ዅሉ፡የፈጠርኽ፥
25፤በመንፈስ፡ቅዱስም፡በብላቴናኽ፡በአባታችን፡በዳዊት፡አፍ፦አሕዛብ፡ለምን፡አጕረመረሙ፧ሕዝቡስ፡ከንቱን፡ ነገር፡ለምን፡ዐሰቡ፧
26፤የምድር፡ነገሥታት፡ተነሡ፥አለቃዎችም፡በጌታና፡በተቀባው፡ላይ፡ዐብረው፡ተከማቹ፡ብለኽ፡የተናገርኽ፡አም ላክ፡ነኽ።
27-28፤በቀባኸው፡በቅዱሱ፡ብላቴናኽ፡በኢየሱስ፡ላይ፡ሄሮድስና፡ጰንጤናዊው፡ጲላጦስ፡ከአሕዛብና፡ከእስራኤል፡ ሕዝብ፡ጋራ፥እጅኽና፡ዐሳብኽ፡እንዲኾን፡አስቀድመው፡የወሰኑትን፡ዅሉ፡ሊፈጽሙ፥በዚች፡ከተማ፡በእውነት፡ተሰ በሰቡ።
29-30፤አኹንም፥ጌታ፡ሆይ፥ወደ፡ዛቻቸው፡ተመልከት፤ለመፈወስም፡እጅኽን፡ስትዘረጋ፡በቅዱስ፡ብላቴናኽም፡በኢየ ሱስ፡ስም፡ምልክትና፡ድንቅ፡ሲደረግ፥ባሪያዎችኽ፡በፍጹም፡ግልጥነት፡ቃልኽን፡እንዲናገሩ፡ስጣቸው።
31፤ከጸለዩም፡በዃላ፡ተሰብስበው፡የነበሩበት፡ስፍራ፡ተናወጠ፥በዅሉም፡መንፈስ፡ቅዱስ፡ሞላባቸው፥የእግዚአብ ሔርንም፡ቃል፡በግልጥ፡ተናገሩ።
32፤ያመኑትም፡ሕዝብ፡አንድ፡ልብ፡አንዲትም፡ነፍስ፡ነበሯቸው፥ገንዘባቸውም፡ዅሉ፡በአንድነት፡ነበረ፡እንጂ፡ ካለው፡አንድ፡ነገር፡ስንኳ፡የራሱ፡እንደ፡ኾነ፡ማንም፡አልተናገረም።
33፤ሐዋርያትም፡የጌታን፡የኢየሱስ፡ክርስቶስን፡ትንሣኤ፡በታላቅ፡ኀይል፡ይመሰክሩ፡ነበር፤በዅሉም፡ላይ፡ታላ ቅ፡ጸጋ፡ነበረባቸው።
34፤በመካከላቸው፡አንድ፡ስንኳ፡ችግረኛ፡አልነበረምና፤መሬት፡ወይም፡ቤት፡ያላቸው፡ዅሉ፡እየሸጡ፡የተሸጠውን ፡ዋጋ፡ያመጡ፡ነበርና፥
35፤በሐዋርያትም፡እግር፡አጠገብ፡ያኖሩ፡ነበር፤ማናቸውም፡እንደሚፈልግ፡መጠን፡ለያንዳንዱ፡ያካፍሉት፡ነበር ።
36፤ትውልዱም፡የቆጵሮስ፡ሰው፡የነበረ፡አንድ፡ሌዋዊ፡ዮሴፍ፡የሚሉት፡ነበረ፥ርሱም፡በሐዋርያት፡በርናባስ፡ተ ባለ፡ትርጓሜውም፡የመጽናናት፡ልጅ፡ነው፤
37፤ዕርሻም፡ነበረውና፡ሽጦ፡ገንዘቡን፡አምጥቶ፡ከሐዋርያት፡እግር፡አጠገብ፡አኖረው።
_______________የሐዋርያት፡ሥራ፥ምዕራፍ፡5።______________
ምዕራፍ፡5፤
1፤ሐናንያም፡የተባለ፡አንድ፡ሰው፡ሰጲራ፡ከተባለች፡ከሚስቱ፡ጋራ፡መሬት፡ሸጠ፥
2፤ሚስቱም፡ደግሞ፡ስታውቅ፡ከሽያጩ፡አስቀረና፡እኩሌታውን፡አምጥቶ፡በሐዋርያት፡እግር፡አጠገብ፡አኖረው።
3፤ጴጥሮስም፦ሐናንያ፡ሆይ፥መንፈስ፡ቅዱስን፡ታታልልና፥ከመሬቱ፡ሽያጭ፡ታስቀር፡ዘንድ፡ሰይጣን፡በልብኽ፡ስለ ፡ምን፡ሞላ፧
4፤ሳትሸጠው፡የአንተ፡አልነበረምን፧ከሸጥኸውስ፡በዃላ፡በሥልጣንኽ፡አልነበረምን፧ይህን፡ነገር፡ስለ፡ምን፡በ ልብኽ፡ዐሰብኽ፧እግዚአብሔርን፡እንጂ፡ሰውን፡አልዋሸኽም፡አለው።
5፤ሐናንያም፡ይህን፡ቃል፡ሰምቶ፡ወደቀ፡ሞተም፤በሰሙትም፡ዅሉ፡ላይ፡ታላቅ፡ፍርሀት፡ኾነ።
6፤ጐበዞችም፡ተነሥተው፡ከፈኑት፡አውጥተውም፡ቀበሩት።
7፤ከሦስት፡ሰዓት፡ያኽል፡በዃላም፡ሚስቱ፡የኾነውን፡ሳታውቅ፡ገባች።
8፤ጴጥሮስም፡መልሶ፦እስቲ፡ንገሪኝ፥መሬታችኹን፡ይህን፡ለሚያኽል፡ሸጣችኹትን፧አላት።ርሷም፦አዎን፥ይህን፡ለ ሚያኽል፡ነው፡አለች።
9፤ጴጥሮስም፦የጌታን፡መንፈስ፡ትፈታተኑ፡ዘንድ፡ስለ፡ምን፡ተስማማችኹ፧እንሆ፥ባልሽን፡የቀበሩት፡ሰዎች፡እግ ር፡በደጅ፡ነው፥አንቺንም፡ያወጡሻል፡አላት።
10፤ያን፡ጊዜም፡በእግሩ፡አጠገብ፡ወደቀች፡ሞተችም፤ጐበዞችም፡ሲገቡ፡ሞታ፡አገኟት፡አውጥተውም፡በባሏ፡አጠገ ብ፡ቀበሯት።
11፤በቤተ፡ክርስቲያን፡ዅሉና፡ይህንም፡በሰሙ፡ዅሉ፡ላይ፡ታላቅ፡ፍርሀት፡ኾነ።
12፤በሐዋርያትም፡እጅ፡ብዙ፡ምልክትና፡ድንቅ፡በሕዝብ፡መካከል፡ይደረግ፡ነበር፤ዅሉም፡ባንድ፡ልብ፡ኾነው፡በ ሰሎሞን፡ደጅ፡መመላለሻ፡ነበሩ።
13፤ከሌላዎችም፡አንድ፡ስንኳ፡ሊተባበራቸው፡የሚደፍር፡አልነበረም፥
14፤ሕዝቡ፡ግን፡ያከብሯቸው፡ነበር፤የሚያምኑትም፡ከፊት፡ይልቅ፡ለጌታ፡ይጨመሩለት፡ነበር፤ወንዶችና፡ሴቶችም ፡ብዙ፡ነበሩ።
15፤ስለዚህም፡ጴጥሮስ፡ሲያልፍ፡ጥላውም፡ቢኾን፡ከነርሱ፡አንዱን፡ይጋርድ፡ዘንድ፡ድውያንን፡ወደ፡አደባባይ፡ አውጥተው፡በዐልጋና፡በወሰካ፡ያኖሯቸው፡ነበር።
16፤ደግሞም፡በኢየሩሳሌም፡ዙሪያ፡ካለችው፡ከተማ፡ድውያንንና፡በርኩሳን፡መናፍስት፡የተሣቀዩትን፡እያመጡ፡ብ ዙ፡ሰዎች፡ይሰበስቡ፡ነበር፤ዅሉም፡ይፈወሱ፡ነበር።
17፤ሊቀ፡ካህናቱ፡ግን፡የሰዱቃውያን፡ወገን፡ኾነውም፡ከርሱ፡ጋራ፡የነበሩት፡ዅሉ፡ተነሡ፡ቅንአትም፡ሞላባቸው ።
18፤በሐዋርያትም፡ላይ፡እጃቸውን፡ጭነው፡በሕዝቡ፡ወህኒ፡ውስጥ፡አኖሯቸው።
19፤የጌታ፡መልአክ፡ግን፡በሌሊት፡የወህኒውን፡ደጅ፡ከፍቶ፡አወጣቸውና፦
20፤ኺዱና፡ቆማችኹ፡የዚህን፡ሕይወት፡ቃል፡ዅሉ፡ለሕዝብ፡በመቅደስ፡ንገሩ፡አላቸው።
21፤በሰሙም፡ጊዜ፡ማልደው፡ወደ፡መቅደስ፡ገብተው፡አስተማሩ።ግን፡ሊቀ፡ካህናቱና፡ከርሱ፡ጋራ፡የነበሩት፡መጥ ተው፡ሸንጎውንና፡የእስራኤልን፡ልጆች፡ሽማግሌዎች፡ዅሉ፡በአንድነት፡ጠሩ፥ያመጧቸውም፡ዘንድ፡ወደ፡ወህኒ፡ላ ኩ።
22-23፤ሎሌዎችም፡መጥተው፡በወህኒው፡አላገኟቸውም፤ተመልሰውም፦ወህኒው፡በጣም፡በጥንቃቄ፡ተዘግቶ፡ጠባቂዎችም ፡በደጁ፡ፊት፡ቆመው፡አገኘን፥በከፈትን፡ጊዜ፡ግን፡በውስጡ፡አንድ፡ስንኳ፡አላገኘንም፡አሏቸው።
24፤የመቅደስ፡አዛዥና፡የካህናት፡አለቃዎችም፡ይህን፡ነገር፡በሰሙ፡ጊዜ፦እንጃ፡ይህ፡ምን፡ይኾን፧እያሉ፡ስለ ፡እነርሱ፡አመነቱ።
25፤አንድ፡ሰውም፡መጥቶ፦እንሆ፥በወህኒ፡ያኖራችዃቸው፡ሰዎች፡እየቆሙ፡ሕዝቡንም፡እያስተማሩ፡በመቅደስ፡ናቸ ው፡ብሎ፡አወራላቸው።
26፤በዚያን፡ጊዜ፡አዛዡ፡ከሎሌዎች፡ጋራ፡ኼዶ፡አመጣቸው፥በኀይል፡ግን፡አይደለም፤ሕዝቡ፡እንዳይወግሯቸው፡ይ ፈሩ፡ነበርና።
27፤አምጥተውም፡በሸንጎ፡አቆሟቸው።
28፤ሊቀ፡ካህናቱም፦በዚህ፡ስም፡እንዳታስተምሩ፡አጥብቀን፡አላዘዝናችኹምን፧እንሆም፥ኢየሩሳሌምን፡በትምህር ታችኹ፡ሞልታችዃል፤የዚያንም፡ሰው፡ደም፡በእኛ፡ታመጡብን፡ዘንድ፡ታስባላችኹ፡ብሎ፡ጠየቃቸው።
29፤ጴጥሮስና፡ሐዋርያትም፡መልሰው፡አሉ፦ከሰው፡ይልቅ፡ለእግዚአብሔር፡ልንታዘዝ፡ይገ፟ባ፟ል።
30፤እናንተ፡በዕንጨት፡ላይ፡ሰቅላችኹ፡የገደላችኹትን፡ኢየሱስን፡የአባቶቻችን፡አምላክ፡አስነሣው፤
31፤ይህን፡እግዚአብሔር፥ለእስራኤል፡ንስሓን፡የኀጢአትንም፡ስርየት፡ይሰጥ፡ዘንድ፥ራስም፡መድኀኒትም፡አድር ጎ፡በቀኙ፡ከፍ፡ከፍ፡አደረገው።
32፤እኛም፡ለዚህ፡ነገር፡ምስክሮች፡ነን፥ደግሞም፡እግዚአብሔር፡ለሚታዘዙት፡የሰጠው፡መንፈስ፡ቅዱስ፡ምስክር ፡ነው።
33፤እነርሱም፡ሲሰሙ፡በጣም፡ተቈጡ፥ሊገድሏቸውም፡ዐሰቡ።
34፤ነገር፡ግን፥በሕዝብ፡ዅሉ፡ዘንድ፡የከበረ፡የሕግ፡መምህር፡ገማልኤል፡የሚሉት፡አንድ፡ፈሪሳዊ፡በሸንጎ፡ተ ነሥቶ፡ሐዋርያትን፡ጥቂት፡ፈቀቅ፡እንዲያደርጓቸው፡አዘዘ፥
35፤እንዲህም፡አላቸው፦የእስራኤል፡ሰዎች፡ሆይ፥ስለ፡እነዚህ፡ሰዎች፡ምን፡እንደምታደርጉ፡ለራሳችኹ፡ተጠንቀ ቁ።
36፤ከዚህ፡ወራት፡አስቀድሞ፡ቴዎዳስ፦እኔ፡ታላቅ፡ነኝ፡ብሎ፡ተነሥቶ፡ነበርና፥አራት፡መቶ፡የሚያኽሉ፡ሰዎችም ፡ከርሱ፡ጋራ፡ተባበሩ፤ርሱም፡ጠፋ፡የሰሙትም፡ዅሉ፡ተበተኑ፡እንደ፡ምናምንም፡ኾኑ።
37፤ከዚህ፡በዃላ፡ሰዎች፡በተጻፉበት፡ዘመን፡የገሊላው፡ይሁዳ፡ተነሣ፡ብዙ፡ሰዎችንም፡አሸፍቶ፡አስከተለ፤ርሱ ም፡ጠፋ፡የሰሙትም፡ዅሉ፡ተበታተኑ።
38፤አኹንም፡እላችዃለኹ፦ከነዚህ፡ሰዎች፡ተለዩ፡ተዉአቸውም፤ይህ፡ዐሳብ፡ወይም፡ይህ፡ሥራ፡ከሰው፡እንደ፡ኾነ ፡ይጠፋልና፤
39፤ከእግዚአብሔር፡እንደ፡ኾነ፡ግን፡ታጠፏቸው፡ዘንድ፡አይቻላችኹም፥በርግጥ፡ከእግዚአብሔር፡ጋራ፡ስትጣሉ፡ ምናልባት፡እንዳትገኙ።
40፤ሰሙትም፥ሐዋርያትንም፡ወደ፡እነርሱ፡ጠርተው፡ገረፏቸው፥በኢየሱስም፡ስም፡እንዳይናገሩ፡አዘ፟ው፡ፈቷቸው ።
41፤እነርሱም፡ስለ፡ስሙ፡ይናቁ፡ዘንድ፡የተገባቸው፡ኾነው፡ስለ፡ተቈጠሩ፡ከሸንጎው፡ፊት፡ደስ፡እያላቸው፡ወጡ ፤
42፤ዕለት፡ዕለትም፡በመቅደስና፡በቤታቸው፡ስለ፡ኢየሱስ፡ርሱ፡ክርስቶስ፡እንደ፡ኾነ፡ማስተማርንና፡መስበክን ፡አይተዉም፡ነበር።
_______________የሐዋርያት፡ሥራ፥ምዕራፍ፡6።______________
ምዕራፍ፡6፤
1፤በዚህም፡ወራት፡ደቀ፡መዛሙርት፡እየበዙ፡ሲኼዱ፡ከግሪክ፡አገር፡መጥተው፡የነበሩት፡አይሁድ፡በይሁዳ፡ኖረው ፡በነበሩት፡አይሁድ፡አንጐራጐሩባቸው፥በየቀኑ፡በተሠራው፡አገልግሎት፡መበለቶቻቸውን፡ችላ፡ይሉባቸው፡ነበር ና።
2፤ዐሥራ፡ኹለቱም፡ደቀ፡መዛሙርት፡ዅሉን፡ጠርተው፡እንዲህ፡አሏቸው፦የእግዚአብሔር፡ቃል፡ትተን፡ማእዱን፡እና ገለግል፡ዘንድ፡የሚገ፟ባ፟፡ነገር፡አይደለም።
3፤ወንድሞች፡ሆይ፥በመልካም፡የተመሰከረላቸውን፡መንፈስ፡ቅዱስና፡ጥበብም፡የሞላባቸውን፡ሰባት፡ሰዎች፡ከእና ንተ፡ምረጡ፥ለዚህም፡ጕዳይ፡እንሾማቸዋለን፤
4፤እኛ፡ግን፡ለጸሎትና፡ቃሉን፡ለማገልገል፡እንተጋለን።
5፤ይህም፡ቃል፡ሕዝብን፡ዅሉ፡ደስ፡አሠኛቸው፤እምነትና፡መንፈስ፡ቅዱስም፡የሞላበትን፡ሰው፡እስጢፋኖስን፡ፊል ጶስንም፡ጵሮኮሮስንም፡ኒቃሮናንም፡ጢሞናንም፡ጳርሜናንም፡ወደ፡ይሁዲነት፡ገብቶ፡የነበረውን፡የአንጾኪያውን ፡ኒቆላዎስንም፡መረጡ።
6፤በሐዋርያትም፡ፊት፡አቆሟቸው፥ከጸለዩም፡በዃላ፡እጃቸውን፡ጫኑባቸው።
7፤የእግዚአብሔርም፡ቃል፡እየሰፋ፡ኼደ፥በኢየሩሳሌምም፡የደቀ፡መዛሙርት፡ቍጥር፡እጅግ፡እየበዛ፡ኼደ፤ከካህና ትም፡ብዙ፡ሰዎች፡ለሃይማኖት፡የታዘዙ፡ኾኑ።
8፤እስጢፋኖስም፡ጸጋንና፡ኀይልን፡ተሞልቶ፡በሕዝቡ፡መካከል፡ድንቅንና፡ታላቅ፡ምልክትን፡ያደርግ፡ነበር።
9፤የነጻ፡ወጪዎች፡ከተባለችው፡ምኵራብም፡ከቀሬናና፡ከእስክንድርያም፡ሰዎች፡ከኪልቅያና፡ከእስያም፡ከነበሩት ፡አንዳንዶቹ፡ተነሥተው፡እስጢፋኖስን፡ይከራከሩት፡ነበር፤
10፤ይናገርበት፡የነበረውንም፡ጥበብና፡መንፈስ፡ይቃወሙ፡ዘንድ፡አልቻሉም።
11፤በዚያን፡ጊዜ፦በሙሴ፡ላይ፡በእግዚአብሔርም፡ላይ፡የስድብን፡ነገር፡ሲናገር፡ሰምተነዋል፡የሚሉ፡ሰዎችን፡ አስነሡ።
12፤ሕዝቡንና፡ሽማግሌዎችንም፡ጻፊዎችንም፡አናደዱ፥ቀርበውም፡ያዙት፡ወደ፡ሸንጎም፡አመጡትና፦
13፤ይህ፡ሰው፡በዚህ፡በተቀደሰው፡ስፍራ፡በሕግም፡ላይ፡የስድብን፡ነገር፡ለመናገር፡አይተውም፤
14፤ይህ፡የናዝሬቱ፡ኢየሱስ፡ይህን፡ስፍራ፡ያፈርሰዋል፡ሙሴም፡ያስተላለፈልንን፡ሥርዐት፡ይለውጣል፡ሲል፡ሰም ተነዋልና፥የሚሉ፡የሐሰት፡ምስክሮችን፡አቆሙ።
15፤በሸንጎም፡የተቀመጡት፡ዅሉ፡ትኵር፡ብለው፡ሲመለከቱት፡እንደ፡መልአክ፡ፊት፡ኾኖ፡ፊቱን፡አዩት።
_______________የሐዋርያት፡ሥራ፥ምዕራፍ፡7።______________
ምዕራፍ፡7፤
1፤ሊቀ፡ካህናቱም፦ይህ፡ነገር፡እንዲህ፡ነውን፧አለው፤
2፤ርሱም፡እንዲህ፡አለ፦ወንድሞችና፡አባቶች፡ሆይ፥ስሙ።የክብር፡አምላክ፡ለአባታችን፡ለአብርሃም፡በካራን፡ሳ ይቀመጥ፡ገና፡በኹለት፡ወንዝ፡መካከል፡ሳለ፡ታየና፦
3፤ከአገርኽና፡ከዘመዶችኽም፡ወጥተኽ፡ወደማሳይኽ፡ወደ፡ማንኛውም፡ምድር፡ና፡አለው።
4፤በዚያን፡ጊዜ፡ከከለዳውያን፡አገር፡ወጥቶ፡በካራን፡ተቀመጠ።ከዚያም፡አባቱ፡ከሞተ፡በዃላ፡እናንተ፡ዛሬ፡ወ ደምትኖሩባት፡ወደዚች፡አገር፡አወጣው።
5፤በዚችም፡የእግር፡ጫማ፡ስንኳ፡የሚያኽል፡ርስት፡አልሰጠውም፤ነገር፡ግን፥ልጅ፡ሳይኖረው፡ለርሱ፡ከርሱም፡በ ዃላ፡ለዘሩ፡ርስት፡አድርጎ፡ይሰጠው፡ዘንድ፡ተስፋ፡ሰጠው።
6፤እግዚአብሔርም፡ዘሩ፡በሌላ፡አገር፡መጻተኛዎች፡እንዲኾኑ፡አራት፡መቶ፡ዓመትም፡ባሪያዎች፡እንዲያደርጓቸው ፡እንዲያስጨንቋቸውም፡እንዲህ፡ተናገረ፤
7፤ደግሞም፡እግዚአብሔር፦እንደ፡ባሪያዎች፡በሚገዟቸው፡ሕዝብ፡ላይ፡እኔ፡እፈርድባቸዋለኹ፥ከዚህም፡በዃላ፡ይ ወጣሉ፡በዚህም፡ስፍራ፡ያመልኩኛል፡አለ።
8፤የመገረዝንም፡ኪዳን፡ሰጠው፤እንዲሁም፡ይሥሐቅን፡ወለደ፡በስምንተኛውም፡ቀን፡ገረዘው፡ይሥሐቅም፡ያዕቆብን ፡ያዕቆብም፡ዐሥራ፡ኹለቱን፡የአባቶችን፡አለቃዎች።
9፤የአባቶችም፡አለቃዎች፡በዮሴፍ፡ቀንተው፡ወደ፡ግብጽ፡ሸጡት፤እግዚአብሔርም፡ከርሱ፡ጋራ፡ነበረ፥
10፤ከመከራውም፡ዅሉ፡አወጣው፥በግብጽ፡ንጉሥ፡በፈርዖንም፡ፊት፡ሞገስንና፡ጥበብን፡ሰጠው፥በግብጽና፡በቤቱ፡ ዅሉ፡ላይም፡ቢትወደድ፡አድርጎ፡ሾመው።
11፤በግብጽና፡በከነዓንም፡አገር፡ዅሉ፡ራብና፡ብዙ፡ጭንቅ፡መጣ፥አባቶቻችንም፡ምግብን፡አላገኙም።
12፤ያዕቆብም፡በግብጽ፡እኽል፡መኖሩን፡በሰማ፡ጊዜ፡በመዠመሪያ፡አባቶቻችንን፡ሰደዳቸው፤
13፤በኹለተኛውም፡ዮሴፍ፡ለወንድሞቹ፡ታወቀ፥የዮሴፍም፡ትውልድ፡በፈርዖን፡ዘንድ፡ተገለጠ።
14፤ዮሴፍም፡አባቱን፡ያዕቆብንና፡ሰባ፡ዐምስት፡ነፍስ፡የነበረውን፡ቤተ፡ዘመድ፡ዅሉ፡ልኮ፡አስጠራ።
15፤ያዕቆብም፡ወደ፡ግብጽ፡ወረደ፥ርሱም፡ሞተ፥አባቶቻችንም፤
16፤ወደ፡ሴኬምም፡አፍልሰው፡አብርሃም፡ከሴኬም፡አባት፡ከኤሞር፡ልጆች፡በብር፡በገዛው፡መቃብር፡ቀበሯቸው።
17-18፤እግዚአብሔርም፡ለአብርሃም፡የማለለት፡የተስፋው፡ዘመን፡ሲቀርብ፥ዮሴፍን፡የማያውቀው፡ሌላ፡ንጉሥ፡በግ ብጽ፡ላይ፡እስኪነሣ፡ድረስ፥ሕዝቡ፡እየተጨመሩ፡በግብጽ፡በዙ።
19፤ርሱም፡ወገናችንን፡ተተንኵሎ፡ሕፃናትን፡በሕይወት፡እንዳይጠብቁ፡ወደ፡ውጭ፡ይጥሉ፡ዘንድ፡አድርጎ፡አባቶ ቻችንን፡አስጨነቀ።
20፤በዚያን፡ጊዜ፡ሙሴ፡ተወለደ፡በእግዚአብሔርም፡ፊት፡ያማረ፡ነበር፤በአባቱ፡ቤትም፡ሦስት፡ወር፡አደገ፤
21፤በተጣለም፡ጊዜ፡የፈርዖን፡ልጅ፡አነሣችው፡ልጅም፡ይኾናት፡ዘንድ፡አሳደገችው።
22፤ሙሴም፡የግብጾችን፡ጥበብ፡ዅሉ፡ተማረ፥በቃሉና፡በሥራውም፡የበረታ፡ኾነ።
23፤ነገር፡ግን፥አርባ፡ዓመት፡ሲሞላው፡ወንድሞቹን፡የእስራኤልን፡ልጆች፡ይጐበኝ፡ዘንድ፡በልቡ፡ዐሰበ።
24፤አንዱም፡ሲበደል፡አይቶ፡ረዳው፥የግብጽን፡ሰውም፡መቶ፟፡ለተገፋው፡ተበቀለ።
25፤ወንድሞቹም፡እግዚአብሔር፡በእጁ፡መዳንን፡እንዲሰጣቸው፡የሚያስተውሉ፡ይመስለው፡ነበር፥እነርሱ፡ግን፡አ ላስተዋሉም።
26፤በማግስቱም፡ርስ፡በርሳቸው፡ሲጣሉ፡አገኛቸው፥ሊያስታርቃቸውም፡ወዶ፦ሰዎች፡ሆይ፥እናንተስ፡ወንድማማች፡ ናችኹ፤ስለ፡ምን፡ርስ፡በርሳችኹ፡ትበዳደላላችኹ፧አላቸው።
27፤ያም፡ባልንጀራውን፡የሚበድል፡ግን፦አንተን፡በእኛ፡ላይ፡ሹምና፡ፈራጅ፡እንድትኾን፡የሾመኽ፡ማን፡ነው፧
28፤ወይስ፡ትናንትና፡የግብጹን፡ሰው፡እንደ፡ገደልኸው፡ልትገድለኝ፡ትወዳለኽን፧ብሎ፡ገፋው።
29፤ሙሴም፡ከዚህ፡ነገር፡የተነሣ፡ሸሽቶ፡በምድያም፡አገር፡መጻተኛ፡ኾኖ፡ኖረ፤በዚያም፡ኹለት፡ልጆች፡ወለደ።
30፤አርባ፡ዓመትም፡ሲሞላ፡የጌታ፡መልአክ፡በሲና፡ተራራ፡ምድረ፡በዳ፡በቍጥቋጦ፡መካከል፡በእሳት፡ነበልባል፡ ታየው።
31-32፤ሙሴም፡አይቶ፡ባየው፡ተደነቀ፤ሊመለከትም፡ሲቀርብ፡የጌታ፡ቃል፦እኔ፡የአባቶችኽ፡አምላክ፣፡የአብርሃም ፡አምላክ፣የይሥሐቅም፡አምላክ፣የያዕቆብም፡አምላክ፡ነኝ፡ብሎ፡ወደ፡ርሱ፡መጣ።ሙሴም፡ተንቀጥቅጦ፡ሊመለከት ፡አልደፈረም።
33፤ጌታም፦የቆምኽባት፡ስፍራ፡የተቀደሰች፡ምድር፡ናትና፥የእግርኽን፡ጫማ፡አውልቅ።
34፤በግብጽ፡ያሉትን፡የሕዝቤን፡መከራ፡ፈጽሜ፡አይቼ፡መቃተታቸውንም፡ሰምቼ፡ላድናቸው፡ወረድኹ፤አኹንም፡ና፥ ወደ፡ግብጽ፡እልክኻለኹ፡አለው።
35፤ሹምና፡ፈራጅ፡እንድትኾን፡የሾመኽ፡ማን፡ነው፧ብለው፡የካዱትን፥ይህን፡ሙሴን፡በቍጥቋጦው፡በታየው፡በመል አኩ፡እጅ፡እግዚአብሔር፡ሹምና፡ቤዛ፡አድርጎ፡ላከው።
36፤ይህ፡ሰው፡በግብጽ፡ምድርና፡በቀይ፡ባሕር፡በምድረ፡በዳም፡አርባ፡ዓመት፡ድንቅና፡ምልክት፡እያደረገ፡አወ ጣቸው።
37፤ይህ፡ሰው፡ለእስራኤል፡ልጆች፦እግዚአብሔር፡ከወንድሞቻችኹ፡እንደ፡እኔ፡ያለ፡ነቢይ፡ያስነሣላችዃል፤ርሱ ን፡ስሙት፡ያላቸው፡ሙሴ፡ነው።
38፤ይህ፡ሰው፡በሲና፡ተራራ፡ከተናገረው፡መልአክና፡ከአባቶቻችን፡ጋራ፡በምድረ፡በዳ፡በማኅበሩ፡ውስጥ፡የነበ ረው፡ነው፤ይሰጠንም፡ዘንድ፡ሕይወት፡ያላቸውን፡ቃላት፡ተቀበለ፤
39፤ለርሱም፡አባቶቻችን፡ሊታዘዙት፡አልወደዱም፤ነገር፡ግን፥ገፉት፡በልባቸውም፡ወደ፡ግብጽ፡ተመለሱ፤
40፤አሮንንም፦በፊታችን፡የሚኼዱ፡አማልክት፡ሥራልን፤ይህ፡ከግብጽ፡ምድር፡ያወጣን፡ሙሴ፡ምን፡እንደ፡ኾነ፡አ ናውቅምና፡አሉት።
41፤በዚያም፡ወራት፡ጥጃ፡አደረጉ፡ለጣዖቱም፡መሥዋዕት፡አቀረቡ፥በእጃቸውም፡ሥራ፡ደስ፡አላቸው።
42፤እግዚአብሔር፡ግን፡ዘወር፡አለ፡የሰማይንም፡ጭፍራ፡ያመልኩ፡ዘንድ፡አሳልፎ፡ሰጣቸው፥በነቢያትም፡መጽሐፍ ።እናንተ፡የእስራኤል፡ቤት፥አርባ፡ዓመት፡በምድረ፡በዳ፡የታረደውን፡ከብትና፡መሥዋዕትን፡አቀረባችኹልኝን፧
43፤ትሰግዱላቸውም፡ዘንድ፡የሠራችዃቸውን፡ምስሎች፡እነርሱንም፡የሞሎክን፡ድንኳንና፡ሬምፉም፡የሚሉትን፡የአ ምላካችኹን፡ኮከብ፡አነሣችኹ፤እኔም፡ከባቢሎን፡ወዲያ፡እሰዳችዃለኹ፡ተብሎ፡እንዲህ፡ተጽፏል።
44፤እንዳየው፡ምስል፡አድርጎ፡ይሠራት፡ዘንድ፡ሙሴን፡ተናግሮ፡እንዳዘዘው፥የምስክር፡ድንኳን፡ከአባቶቻችን፡ ዘንድ፡በምድረ፡በዳ፡ነበረች፤
45፤አባቶቻችንም፡ደግሞ፡በተራ፡ተቀብለው፡እግዚአብሔር፡በፊታቸው፡ያወጣቸውን፡የአሕዛብን፡አገር፡በያዙት፡ ጊዜ፡ከኢያሱ፡ጋራ፡አገቧት፥እስከዳዊት፡ዘመንም፡ድረስ፡ኖረች።
46፤ርሱም፡በእግዚአብሔር፡ፊት፡ሞገስ፡አግኝቶ፡ለያዕቆብ፡አምላክ፡ማደሪያን፡ያገኝ፡ዘንድ፡ለመነ።
47፤ነገር፡ግን፥ሰሎሞን፡ቤት፡ሠራለት።
48-50፤ነገር፡ግን፥ነቢዩ፦ሰማይ፡ዙፋኔ፡ነው፥ምድርም፡የእግሬ፡መረገጫ፡ናት፤ለእኔ፡ምን፡ዐይነት፡ቤት፡ትሠራ ላችኹ፧ይላል፡ጌታ፥ወይስ፡የማርፍበት፡ስፍራ፡ምንድር፡ነው፧ይህንስ፡ዅሉ፡እጄ፡የሠራችው፡አይደለምን፧እንዳ ለ፥ልዑል፡የሰው፡እጅ፡በሠራችው፡አይኖርም።
51፤እናንተ፡ዐንገተ፡ደንዳናዎች፥ልባችኹና፡ዦሯችኹም፡ያልተገረዘ፥እናንተ፡ዅልጊዜ፡መንፈስ፡ቅዱስን፡ትቃወ ማላችኹ፤አባቶቻችኹ፡እንደ፡ተቃወሙት፡እናንተ፡ደግሞ።
52-53፤ከነቢያትስ፡አባቶቻችኹ፡ያላሳደዱት፡ማን፡ነው፧የጻድቁንም፡መምጣት፡አስቀድሞ፡የተናገሩትን፡ገደሏቸው ፤በመላእክት፡ሥርዐት፡ሕግን፡ተቀብላችኹ፡ያልጠበቃችኹት፡እናንተም፡አኹን፡ርሱን፡አሳልፋችኹ፡ሰጣችኹት፥ገ ደላችኹትም።
54፤ይህንም፡በሰሙ፡ጊዜ፡በልባቸው፡በጣም፡ተቈጡ፡ጥርሳቸውንም፡አፋጩበት።
55፤መንፈስ፡ቅዱስንም፡ተሞልቶ፡ወደ፡ሰማይ፡ትኵር፡ብሎ፡ሲመለከት፡የእግዚአብሔርን፡ክብር፡ኢየሱስንም፡በእ ግዚአብሔር፡ቀኝ፡ቆሞ፡አየና፦
56፤እንሆ፥ሰማያት፡ተከፍተው፡የሰው፡ልጅም፡በእግዚአብሔር፡ቀኝ፡ቆሞ፡አያለኹ፡አለ።
57፤በታላቅ፡ድምፅም፡እየጮኹ፡ዦሯቸውን፡ደፈኑ፥ባንድ፡ልብ፡ኾነውም፡ወደ፡ርሱ፡ሮጡ፥
58፤ከከተማም፡ወደ፡ውጭ፡አውጥተው፡ወገሩት።ምስክሮችም፡ልብሳቸውን፡ሳውል፡በሚሉት፡ባንድ፡ጐበዝ፡እግር፡አ ጠገብ፡አኖሩ።
59፤እስጢፋኖስም፦ጌታ፡ኢየሱስ፡ሆይ፥ነፍሴን፡ተቀበል፡ብሎ፡ሲጠራ፡ይወግሩት፡ነበር።
60፤ተንበርክኮም፦ጌታ፡ሆይ፥ይህን፡ኀጢአት፡አትቍጠርባቸው፡ብሎ፡በታላቅ፡ድምፅ፡ጮኸ።ይህንም፡ብሎ፡አንቀላ ፋ።ሳውልም፡በርሱ፡መገደል፡ተስማምቶ፡ነበር።
_______________የሐዋርያት፡ሥራ፥ምዕራፍ፡8።______________
ምዕራፍ፡8፤
1፤በዚያን፡ቀንም፡በኢየሩሳሌም፡ባለች፡ቤተ፡ክርስቲያን፡ላይ፡ታላቅ፡ስደት፡ኾነ፤ዅሉም፡ከሐዋርያትም፡በቀር ፡ወደ፡ይሁዳና፡ወደሰማርያ፡አገሮች፡ተበተኑ።
2፤በጸሎትም፡የተጉ፡ሰዎች፡እስጢፋኖስን፡ቀበሩት፡ታላቅ፡ልቅሶም፡አለቀሱለት።
3፤ሳውል፡ግን፡ቤተ፡ክርስቲያንን፡ያፈርስ፡ነበር፤ወደዅሉም፡ቤት፡እየገባ፡ወንዶችንም፡ሴቶችንም፡እየጐተተ፡ ወደ፡ወህኒ፡አሳልፎ፡ይሰጥ፡ነበር።
4፤የተበተኑትም፡ቃሉን፡እየሰበኩ፡ዞሩ።
5፤ፊልጶስም፡ወደሰማርያ፡ከተማ፡ወርዶ፡ክርስቶስን፡ሰበከላቸው።
6፤ሕዝቡም፡የፊልጶስን፡ቃል፡በሰሙ፡ጊዜ፡ያደርጋት፡የነበረውንም፡ምልክት፡ባዩ፡ጊዜ፥የተናገረውን፡ባንድ፡ል ብ፡አደመጡ።
7፤ርኩሳን፡መናፍስት፡በታላቅ፡ድምፅ፡እየጮኹ፡ከብዙ፡ሰዎች፡ይወጡ፡ነበርና፤ብዙም፡ሽባዎችና፡ዐንካሳዎች፡ተ ፈወሱ፤
8፤በዚያችም፡ከተማ፡ታላቅ፡ደስታ፡ኾነ።
9፤ሲሞን፡የሚሉት፡አንድ፡ሰው፡ግን፦እኔ፡ታላቅ፡ነኝ፡ብሎ፥እየጠነቈለ፡የሰማርያንም፡ወገን፡እያስገረመ፡ቀድ ሞ፡በከተማ፡ነበረ።
10፤ከታናናሾችም፡ዠምሮ፡እስከ፡ታላላቆቹ፡ድረስ፦ታላቁ፡የእግዚአብሔር፡ኀይል፡ይህ፡ነው፡እያሉ፡ዅሉ፡ያደም ጡት፡ነበር።
11፤ከብዙ፡ዘመንም፡ዠምሮ፡በጥንቈላ፡ስላስገረማቸው፡ያደምጡት፡ነበር።
12፤ነገር፡ግን፥ስለእግዚአብሔር፡መንግሥትና፡ስለኢየሱስ፡ክርስቶስ፡ስም፡እየሰበከላቸው፡ፊልጶስን፡ባመኑት ፡ጊዜ፥ወንዶችም፡ሴቶችም፡ተጠመቁ።
13፤ሲሞንም፡ደግሞ፡ራሱ፡አመነ፤ተጠምቆም፡ከፊልጶስ፡ጋራ፡ይተባበር፡ነበር፤የሚደረገውንም፡ምልክትና፡ታላቅ ፡ተኣምራት፡ባየ፡ጊዜ፡ተገረመ።
14፤በኢየሩሳሌምም፡የነበሩት፡ሐዋርያት፡የሰማርያ፡ሰዎች፡የእግዚአብሔርን፡ቃል፡እንደተቀበሉ፡ሰምተው፡ጴጥ ሮስንና፡ዮሐንስን፡ሰደዱላቸው።
15፤እነርሱም፡በወረዱ፡ጊዜ፡መንፈስ፡ቅዱስን፡ይቀበሉ፡ዘንድ፡ጸለዩላቸው፤
16፤በጌታ፡በኢየሱስ፡ስም፡ብቻ፡ተጠምቀው፡ነበር፡እንጂ፡ከነርሱ፡ባንዱ፡ላይ፡ስንኳ፡ገና፡አልወረደም፡ነበር ና።
17፤በዚያን፡ጊዜ፡እጃቸውን፡ጫኑባቸው፡መንፈስ፡ቅዱስንም፡ተቀበሉ።
18፤ሲሞንም፡በሐዋርያት፡እጅ፡መጫን፡መንፈስ፡ቅዱስ፡እንዲሰጥ፡ባየ፡ጊዜ፥ገንዘብ፡አመጣላቸውና፦
19፤እጄን፡የምጭንበት፡ዅሉ፡መንፈስ፡ቅዱስን፡ይቀበል፡ዘንድ፡ለእኔ፡ደግሞ፡ይህን፡ሥልጣን፡ስጡኝ፡አለ።
20፤ጴጥሮስ፡ግን፡እንዲህ፡አለው፦የእግዚአብሔርን፡ስጦታ፡በገንዘብ፡እንድታገኝ፡ዐስበኻልና፥ብርኽ፡ከአንተ ፡ጋራ፡ይጥፋ።
21፤ልብኽ፡በእግዚአብሔር፡ፊት፡የቀና፡አይደለምና፡ከዚህ፡ነገር፡ዕድል፡ወይም፡ፈንታ፡የለኽም።
22፤እንግዲህ፡ስለዚህ፡ክፋትኽ፡ንስሓ፡ግባ፥ምናልባትም፡የልብኽን፡ዐሳብ፡ይቅር፡ይልኽ፡እንደ፡ኾነ፡ወደ፡እ ግዚአብሔር፡ለምን፤
23፤በመራራ፡መርዝና፡በዐመፅ፡እስራት፡እንዳለኽ፡አይኻለኹና።
24፤ሲሞንም፡መልሶ፦ካላችኹት፡አንዳች፡እንዳይደርስብኝ፡እናንተው፡ወደ፡ጌታ፡ለምኑልኝ፡አላቸው።
25፤እነርሱም፡ከመሰከሩና፡የጌታን፡ቃል፡ከተናገሩ፡በዃላ፡ወደ፡ኢየሩሳሌም፡ተመለሱ፤በሳምራውያን፡በብዙ፡መ ንደሮችም፡ወንጌልን፡ሰበኩ።
26፤የጌታም፡መልአክ፡ፊልጶስን፦ተነሥተኽ፡በደቡብ፡በኩል፡ከኢየሩሳሌም፡ወደ፡ጋዛ፡ወደሚያወርደው፡ምድረ፡በ ዳ፡ወደ፡ኾነ፡መንገድ፡ኺድ፡አለው።
27፤ተነሥቶም፡ኼደ።እንሆም፥ህንደኬ፡የተባለች፡የኢትዮጵያ፡ንግሥት፡አዛዥና፡ጃን፡ደረባ፡የነበረ፡በገንዘቧ ም፡ዅሉ፡የሠለጠነ፡አንድ፡የኢትዮጵያ፡ሰው፡ሊሰግድ፡ወደ፡ኢየሩሳሌም፡መጥቶ፡ነበር፤
28፤ሲመለስም፡በሠረገላ፡ተቀምጦ፡የነቢዩን፡የኢሳይያስን፡መጽሐፍ፡ያነብ፡ነበር።
29፤መንፈስም፡ፊልጶስን፦ወደዚህ፡ሠረገላ፡ቅረብና፡ተገናኝ፡አለው።
30፤ፊልጶስም፡ሮጦ፡የነቢዩን፡የኢሳይያስን፡መጽሐፍ፡ሲያነብ፡ሰማና፦በእውኑ፡የምታነበውን፡ታስተውለዋለኽን ፧አለው።
31፤ርሱም፦የሚመራኝ፡ሳይኖር፡ይህ፡እንዴት፡ይቻለኛል፧አለው።ወጥቶም፡ከርሱ፡ጋራ፡ይቀመጥ፡ዘንድ፡ፊልጶስን ፡ለመነው።
32፤ያነበውም፡የነበረ፡የመጽሐፉ፡ክፍል፡ይህ፡ነበረ፤እንደ፡በግ፡ወደ፡መታረድ፡ተነዳ፥የበግ፡ጠቦትም፡በሸላ ቹ፡ፊት፡ዝም፡እንደሚል፥እንዲሁ፡አፉን፡አልከፈተም።
33፤በውርደቱ፡ፍርዱ፡ተወገደ፤ሕይወቱ፡ከምድር፡ተወግዳለችና፡ትውልዱንስ፡ማን፡ይናገራል፧
34፤ጃን፡ደረባውም፡ለፊልጶስ፡መልሶ፦እባክኽ፥ነቢዩ፡ይህን፡ስለ፡ማን፡ይናገራል፧ስለ፡ራሱ፡ነውን፡ወይስ፡ስ ለ፡ሌላ፧አለው።
35፤ፊልጶስም፡አፉን፡ከፈተ፥ከዚህም፡መጽሐፍ፡ዠምሮ፡ስለ፡ኢየሱስ፡ወንጌልን፡ሰበከለት።
36፤በመንገድም፡ሲኼዱ፡ወደ፡ውሃ፡ደረሱ፤ጃን፡ደረባውም፦እንሆ፥ውሃ፤እንዳልጠመቅ፡የሚከለክለኝ፡ምንድር፡ነ ው፧አለው።
37፤ፊልጶስም፦በፍጹም፡ልብኽ፡ብታምን፥ተፈቅዷል፡አለው።መልሶም፦ኢየሱስ፡ክርስቶስ፡የእግዚአብሔር፡ልጅ፡እ ንደ፡ኾነ፡አምናለኹ፡አለ።
38፤ሠረገላውም፡ይቆም፡ዘንድ፡አዘዘ፥ፊልጶስና፡ጃን፡ደረባው፡ኹለቱም፡ወደ፡ውሃ፡ወረዱ፥አጠመቀውም።
39፤ከውሃውም፡ከወጡ፡በዃላ፡የጌታ፡መንፈስ፡ፊልጶስን፡ነጠቀው፤ጃን፡ደረባውም፡ኹለተኛ፡አላየውም፥ደስ፡ብሎ ት፡መንገዱን፡ይኼድ፡ነበርና።
40፤ፊልጶስ፡ግን፡በአዛጦን፡ተገኘ፥ወደ፡ቂሳርያም፡እስኪመጣ፡ድረስ፡እየዞረ፡በከተማዎች፡ዅሉ፡ወንጌልን፡ይ ሰብክ፡ነበር።
_______________የሐዋርያት፡ሥራ፥ምዕራፍ፡9።______________
ምዕራፍ፡9፤
1፤ሳውል፡ግን፡የጌታን፡ደቀ፡መዛሙርት፡እንዲገድላቸው፡ገና፡እየዛተ፡ወደ፡ሊቀ፡ካህናት፡ኼደ፥
2፤በዚህ፡መንገድ፡ያሉትንም፡ሰዎች፡ወንዶችንም፡ሴቶችንም፡ቢያገኝ፥እያሰረ፡ወደ፡ኢየሩሳሌም፡ያመጣቸው፡ዘን ድ፡በደማስቆ፡ላሉት፡ምኵራቦች፡ደብዳቤ፡ከርሱ፡ለመነ።
3፤ሲኼድም፡ወደ፡ደማስቆ፡በቀረበ፡ጊዜ፡ድንገት፡በርሱ፡ዙሪያ፡ከሰማይ፡ብርሃን፡አንጸባረቀ፤
4፤በምድርም፡ላይ፡ወድቆ፡ሳለ፦ሳውል፡ሳውል፥ስለ፡ምን፡ታሳድደኛለኽ፧የሚለውን፡ድምፅ፡ሰማ።
5፤ጌታ፡ሆይ፥ማን፡ነኽ፧አለው።ርሱም፦አንተ፡የምታሳድደኝ፡እኔ፡ኢየሱስ፡ነኝ፤የመውጊያውን፡ብረት፡ብትቃወም ፡ለአንተ፡ይብስብኻል፡አለው።
6፤እየተንቀጠቀጠና፡እየተደነቀ፦ጌታ፡ሆይ፥ምን፡ኣደርግ፡ዘንድ፡ትወዳለኽ፧አለው።ጌታም፦ተነሥተኽ፡ወደ፡ከተ ማ፡ግባና፡ታደርገው፡ዘንድ፡የሚያስፈልግኽን፡ይነግሩኻል፡አለው።
7፤ከርሱም፡ጋራ፡በመንገድ፡የኼዱ፡ሰዎች፡ድምፁን፡እየሰሙ፡ማንን፡ግን፡ሳያዩ፡እንደ፡ዲዳዎች፡ቁሙ።
8፤ሳውልም፡ከምድር፡ተነሣ፥አይኖቹም፡በተከፈቱ፡ጊዜ፡ምንም፡አላየም፤እጁንም፡ይዘው፡እየመሩ፡ወደ፡ደማስቆ፡ አገቡት።
9፤ሳያይም፡ሦስት፡ቀን፡ኖረ፤አልበላምም፡አልጠጣምም።
10፤በደማስቆም፡ሐናንያ፡የሚሉት፡አንድ፡ደቀ፡መዝሙር፡ነበረ፥ጌታም፡በራእይ፦ሐናንያ፡ሆይ፥አለው።ርሱም፦ጌ ታ፡ሆይ፥እንሆኝ፡አለ።
11፤ጌታም፦ተነሥተኽ፡ቅን፡ወደሚባለው፡መንገድ፡ኺድ፥በይሁዳ፡ቤትም፡ሳውል፡የሚሉትን፡አንድ፡የጠርሴስ፡ሰው ፡ፈልግ፤
12፤እንሆ፥ርሱ፡ይጸልያልና፤ሐናንያ፡የሚሉትም፡ሰው፡ገብቶ፡ደግሞ፡እንዲያይ፡እጁን፡ሲጭንበት፡አይቷል፡አለ ው።
13፤ሐናንያም፡መልሶ፦ጌታ፡ሆይ፥በኢየሩሳሌም፡በቅዱሳንኽ፡ላይ፡ስንት፡ክፉ፡እንዳደረገ፡ስለዚህ፡ሰው፡ከብዙ ዎች፡ሰምቻለኹ፤
14፤በዚህም፡ስምኽን፡የሚጠሩትን፡ዅሉ፡ለማሰር፡ከካህናት፡አለቃዎች፡ሥልጣን፡አለው፡አለ።
15፤ጌታም፦ይህ፡በአሕዛብም፡በነገሥታትም፡በእስራኤልም፡ልጆች፡ፊት፡ስሜን፡ይሸከም፡ዘንድ፡ለእኔ፡የተመረጠ ፡ዕቃ፡ነውና፥ኺድ፤
16፤ስለ፡ስሜ፡ስንት፡መከራ፡ሊቀበል፡እንዲያስፈልገው፡እኔ፡አመለክተዋለኹና፡አለው።
17፤ሐናንያም፡ኼዶ፡ወደ፡ቤቱ፡ገባ፥እጁንም፡ጭኖበት፦ወንድሜ፡ሳውል፡ሆይ፥ጌታ፥ርሱም፡በመጣኽበት፡መንገድ፡ የታየኽ፡ኢየሱስ፡ነው፥ደግሞ፡ታይ፡ዘንድና፡መንፈስ፡ቅዱስ፡ይሞላብኽ፡ዘንድ፡ላከኝ፡አለ።
18፤ወዲያውም፡እንደ፡ቅርፊት፡ያለ፡ከዐይኑ፡ወደቀ፥ያን፡ጊዜም፡ደግሞ፡አየ፤ተነሥቶም፡ተጠመቀ፥
19፤መብልም፡በልቶ፡በረታ።በደማስቆም፡ካሉት፡ደቀ፡መዛሙርት፡ጋራ፡ጥቂት፡ቀን፡ኖረ።
20፤ወዲያውም፡ስለ፡ኢየሱስ፡ክርስቶስ፡ርሱ፡የእግዚአብሔር፡ልጅ፡እንደ፡ኾነ፡በምኵራቦቹ፡ሰበከ።
21፤የሰሙትም፡ዅሉ፡ተገረሙና፦ይህ፡በኢየሩሳሌም፡ይህን፡ስም፡የሚጠሩትን፡ያጠፋ፡አይደለምን፧ስለዚህስ፡ታስ ረው፡ወደካህናት፡አለቃዎች፡ይወስዳቸው፡ዘንድ፡ወደዚህ፡አልመጣምን፧አሉ።
22፤ሳውል፡ግን፡እየበረታ፡ኼደ፥በደማስቆም፡ለተቀመጡት፡አይሁድ፡ይህ፡ክርስቶስ፡እንደ፡ኾነ፡አስረድቶ፡መል ስ፡ያሳጣቸው፡ነበር።
23፤ብዙ፡ቀንም፡ሲሞላ፡አይሁድ፡ሊገድሉት፡ተማከሩ፤
24፤ሳውል፡ግን፡ዐሳባቸውን፡ዐወቀ።ይገድሉትም፡ዘንድ፡በሌሊትና፡በቀን፡የከተማዪቱን፡በር፡ዅሉ፡ይጠብቁ፡ነ በር፤
25፤ደቀ፡መዛሙርት፡ግን፡በሌሊት፡ወስደው፡በቅጥር፡ላይ፡አሳልፈው፡በቅርጫት፡አወረዱት።
26፤ሳውልም፡ወደ፡ኢየሩሳሌም፡በደረሰ፡ጊዜ፡ከደቀ፡መዛሙርት፡ጋራ፡ይተባበር፡ዘንድ፡ሞከረ፤ዅሉም፡ደቀ፡መዝ ሙር፡እንደ፡ኾነ፡ስላላመኑ፡ፈሩት።
27፤በርናባስ፡ግን፡ወስዶ፡ወደ፡ሐዋርያት፡አገባውና፡ጌታን፡በመንገድ፡እንዴት፡እንዳየውና፡እንደ፡ተናገረው ፡በደማስቆም፡በኢየሱስ፡ስም፡ደፍሮ፡እንዴት፡እንደ፡ነገረ፡ተረከላቸው።
28፤በጌታም፡በኢየሱስ፡ስም፡ደፍሮ፡እየተናገረ፡በኢየሩሳሌም፡ሲወጣና፡ሲገባ፡ከነርሱ፡ጋራ፡ነበረ፤
29፤ከግሪክ፡አገርም፡መጥተው፡ከነበሩት፡አይሁድ፡ጋራ፡ይነጋገርና፡ይከራከር፡ነበር፤እነርሱ፡ግን፡ሊገድሉት ፡ፈለጉ።
30፤ወንድሞችም፡ይህን፡ባወቁ፡ጊዜ፡ወደ፡ቂሳርያ፡ወሰዱት፡ወደ፡ጠርሴስም፡ሰደዱት።
31፤በይሁዳም፡ዅሉና፡በገሊላ፡በሰማርያም፡የነበሩት፡አብያተ፡ክርስቲያናት፡በሰላም፡ኖሩ፡ታነጹም፤በእግዚአ ብሔርም፡ፍርሀትና፡በመንፈስ፡ቅዱስ፡መጽናናት፡እየኼዱ፡ይበዙ፡ነበር።
32፤ጴጥሮስም፡በየስፍራው፡ዅሉ፡ሲዞር፡በልዳ፡ወደሚኖሩ፡ቅዱሳን፡ደግሞ፡ወረደ።
33፤በዚያም፡ከስምንት፡ዓመት፡ዠምሮ፡በዐልጋ፡ላይ፡ተኝቶ፡የነበረውን፡ኤንያ፡የሚሉትን፡አንድ፡ሰው፡አገኘ፤ ርሱም፡ሽባ፡ነበረ።
34፤ጴጥሮስም፦ኤንያ፡ሆይ፥ኢየሱስ፡ክርስቶስ፡ይፈውስኻል፤ተነሣ፡ለራስኽም፡አንጥፍ፡አለው።
35፤ወዲያውም፡ተነሣ።በልዳና፡በሰሮናም፡የሚኖሩ፡ዅሉ፡ርሱን፡አይተው፡ወደ፡ጌታ፡ዘወር፡አሉ።
36፤በኢዮጴም፡ጣቢታ፡የሚሏት፡አንዲት፡ደቀ፡መዝሙር፡ነበረች፥ትርጓሜውም፡ዶርቃ፡ማለት፡ነው፤ርሷም፡መልካም ፡ነገር፡የሞላባት፡ምጽዋትም፡የምታደርግ፡ነበረች።
37፤በዚያም፡ወራት፡ታመመችና፡ሞተች፤ዐጥበውም፡በሰገነት፡አኖሯት።
38፤ልዳም፡ለኢዮጴ፡ቅርብ፡ናትና፥ደቀ፡መዛሙርት፡ጴጥሮስ፡በዚያ፡እንዳለ፡ሰምተው፥ወደ፡እነርሱ፡ከመምጣት፡ እንዳይዘገይ፡እየለመኑ፡ኹለት፡ሰዎች፡ወደ፡ርሱ፡ላኩ።
39፤ጴጥሮስም፡ተነሥቶ፡ከነርሱ፡ጋራ፡መጣ፤በደረሰም፡ጊዜ፡በሰገነት፡አወጡት፡መበለቶችም፡ዅሉ፡እያለቀሱ፡ዶ ርቃ፡ከነርሱ፡ጋራ፡ሳለች፡ያደረገቻቸውን፡ቀሚሶችንና፡ልብሶችን፡ዅሉ፡እያሳዩት፡በፊቱ፡ቆሙ።
40፤ጴጥሮስም፡ዅሉን፡ወደ፡ውጭ፡አስወጥቶ፡ተንበርክኮም፡ጸለየ፥ወደ፡ሬሳውም፡ዘወር፡ብሎ፦ጣቢታ፡ሆይ፥ተነሺ ፡አላት።ርሷም፡ዐይኖቿን፡ከፈተች፡ጴጥሮስንም፡ባየች፡ጊዜ፡ተቀመጠች።
41፤እጁንም፡ለርሷ፡ሰጥቶ፡አስነሣት፤ቅዱሳንንና፡መበለቶችንም፡ጠራ፡ሕያውም፡ኾና፡በፊታቸው፡አቆማት።
42፤ይህም፡በኢዮጴ፡ዅሉ፡የታወቀ፡ኾነ፥ብዙ፡ሰዎችም፡በጌታ፡አመኑ።
43፤በኢዮጴም፡ስምዖን፡ከሚሉት፡ካንድ፡ቍርበት፡ፋቂ፡ጋራ፡ዐያሌ፡ቀን፡ኖረ።
_______________የሐዋርያት፡ሥራ፥ምዕራፍ፡10።______________
ምዕራፍ፡10፤
1፤በቂሳርያም፡ኢጣሊቄ፡ለሚሉት፡ጭፍራ፡የመቶ፡አለቃ፡የኾነ፡ቆርኔሌዎስ፡የሚሉት፡አንድ፡ሰው፡ነበረ።
2፤ርሱም፡ከቤተ፡ሰዎቹ፡ዅሉ፡ጋራ፡እግዚአብሔርን፡የሚያመልክና፡የሚፈራ፡ለሕዝብም፡እጅግ፡ምጽዋት፡የሚያደር ግ፡ወደ፡እግዚአብሔርም፡ዅልጊዜ፡የሚጸልይ፡ነበረ።
3፤ከቀኑም፡ዘጠኝ፡ሰዓት፡ያኽል፦ቆርኔሌዎስ፡ሆይ፡የሚለው፡የእግዚአብሔር፡መልአክ፡ወደ፡ርሱ፡ሲገባ፡በራእይ ፡በግልጥ፡አየው።
4፤ርሱም፡ትኵር፡ብሎ፡ሲመለከተው፡ደንግጦ፦ጌታ፡ሆይ፥ምንድር፡ነው፧አለ።መልአኩም፡አለው፦ጸሎትኽና፡ምጽዋት ኽ፡በእግዚአብሔር፡ፊት፡ለመታሰቢያ፡እንዲኾን፡ዐረገ።
5፤አኹንም፡ወደኢዮጴ፡ሰዎችን፡ልከኽ፡ጴጥሮስ፡የሚባለውን፡ስምዖንን፡አስመጣ።
6፤ርሱ፡ቤቱ፡በባሕር፡አጠገብ፡ባለው፡በቍርበት፡ፋቂው፡በስምዖን፡ዘንድ፡እንግድነት፡ተቀምጧል፤ልታደርገው፡ የሚገ፟ባ፟ኽን፡ርሱ፡ይነግርኻል።
7፤የተናገረውም፡መልአክ፡በኼደ፡ጊዜ፥ከሎሌዎቹ፡ኹለቱን፥ከማይለዩትም፡ጭፍራዎቹ፡እግዚአብሔርን፡የሚያመልክ ፡አንዱን፡ወታደር፡ጠርቶ፥
8፤ነገሩን፡ዅሉ፡ተረከላቸው፥ወደ፡ኢዮጴም፡ላካቸው።
9፤እነርሱም፡በነገው፡ሲኼዱ፡ወደ፡ከተማም፡ሲቀርቡ፥ጴጥሮስ፡በስድስት፡ሰዓት፡ያኽል፡ይጸልይ፡ዘንድ፡ወደ፡ጣ ራው፡ወጣ።
10፤ተርቦም፡ሊበላ፡ወደደ፤ሲያዘጋጁለት፡ሳሉም፡ተመስጦ፡መጣበት፤
11፤ሰማይም፡ተከፍቶ፡ባራት፡ማእዘን፡የተያዘ፡ታላቅ፡ሸማ፡የሚመስል፡ዕቃ፡ወደ፡ምድር፡ሲወርድ፡አየ፤
12፤በዚያውም፡አራት፡እግር፡ያላቸው፡ዅሉ፡አራዊትም፡በምድርም፡የሚንቀሳቀሱት፡የሰማይ፡ወፎችም፡ነበሩበት።
13፤ጴጥሮስ፡ሆይ፥ተነሣና፡ዐርደኽ፡ብላ፡የሚልም፡ድምፅ፡ወደ፡ርሱ፡መጣ።
14፤ጴጥሮስ፡ግን፦ጌታ፡ሆይ፥አይኾንም፤አንዳች፡ርኵስ፡የሚያስጸይፍም፡ከቶ፡በልቼ፡አላውቅምና፡አለ።
15፤ደግሞም፡ኹለተኛ፦እግዚአብሔር፡ያነጻውን፡አንተ፡አታርክሰው፡የሚል፡ድምፅ፡ወደ፡ርሱ፡መጣ።
16፤ይህም፡ሦስት፡ጊዜ፡ኾነ፥ወዲያውም፡ዕቃው፡ወደ፡ሰማይ፡ተወሰደ።
17፤ጴጥሮስም፡ስላየው፡ራእይ፦ምን፡ይኾን፧ብሎ፡በልቡ፡ሲያመነታ፥እንሆ፥ቆርኔሌዎስ፡የላካቸው፡ሰዎች፡ስለስ ምዖን፡ቤት፡ጠይቀው፡ወደ፡ደጁ፡ቀረቡ፤
18፤ድምፃቸውንም፡ከፍ፡አድርገው፦ጴጥሮስ፡የተባለው፡ስምዖን፡በዚህ፡እንግድነት፡ተቀምጧልን፧ብለው፡ይጠይቁ ፡ነበር።
19፤ጴጥሮስም፡ስለ፡ራእዩ፡ሲያወጣ፡ሲያወርድ፡ሳለ፥መንፈስ፦እንሆ፥ሦስት፡ሰዎች፡ይፈልጉኻል፤
20፤ተነሥተኽ፡ውረድ፥እኔም፡ልኬያቸዋለኹና፡ሳትጠራጠር፡ከነርሱ፡ጋራ፡ኺድ፡አለው።
21፤ጴጥሮስም፡ወደ፡ሰዎቹ፡ወርዶ፦እንሆ፥የምትፈልጉኝ፡እኔ፡ነኝ፤የመጣችኹበትስ፡ምክንያት፡ምንድር፡ነው፧አ ላቸው።
22፤እነርሱም፦ጻድቅ፡ሰው፣እግዚአብሔርንም፡የሚፈራ፥በአይሁድም፡ሕዝብ፡ዅሉ፡የተመሰከረለት፡የመቶ፡አለቃ፡ ቆርኔሌዎስ፡ወደ፡ቤቱ፡ያስመጣኽ፡ዘንድ፥ከአንተም፡ቃልን፡ይሰማ፡ዘንድ፥ከቅዱስ፡መልአክ፡ተረዳ፡አሉት።
23፤ርሱም፡ወደ፡ውስጥ፡ጠርቶ፡እንግድነት፡ተቀበላቸው።በነገውም፡ተነሥቶ፡ከነርሱ፡ጋራ፡ወጣ፥በኢዮጴም፡ከነ በሩት፡ወንድሞች፡አንዳንዶቹ፡ከርሱ፡ጋራ፡ዐብረው፡ኼዱ።
24፤በነገውም፡ወደ፡ቂሳርያ፡ገቡ፤ቆርኔሌዎስም፡ዘመዶቹንና፡የቅርብ፡ወዳጆቹን፡ባንድነት፡ጠርቶ፡ይጠባበቃቸ ው፡ነበር።
25፤ጴጥሮስም፡በገባ፡ጊዜ፡ቆርኔሌዎስ፡ተገናኝቶ፡ከእግሩ፡በታች፡ወደቀና፡ሰገደለት።
26፤ጴጥሮስ፡ግን፦ተነሣ፤እኔ፡ራሴ፡ደግሞ፡ሰው፡ነኝ፡ብሎ፡አስነሣው።
27፤ከርሱም፡ጋራ፡እየተነጋገረ፡ገባ፥ብዙዎችም፡ተከማችተው፡አግኝቶ፦
28፤አይሁዳዊ፡ሰው፡ከሌላ፡ወገን፡ጋራ፡ይተባበር፡ወይም፡ይቃረብ፡ዘንድ፡እንዳልተፈቀደ፡እናንተ፡ታውቃላችኹ ፤ለእኔ፡ግን፡እግዚአብሔር፡ማንንም፡ሰው፡ርኩስና፡የሚያስጸይፍ፡ነው፡እንዳልል፡አሳየኝ፤
29፤ስለዚህም፡ደግሞ፡ብትጠሩኝ፡ሳልከራከር፡መጣኹ።አኹንም፡በምን፡ምክንያት፡አስመጣችኹኝ፧ብዬ፡እጠይቃችዃ ለኹ፡አላቸው።
30፤ቆርኔሌዎስም፡እንዲህ፡አለው፦በዚች፡ሰዓት፡የዛሬ፡አራት፡ቀን፡የዘጠኝ፡ሰዓት፡ጸሎት፡በቤቴ፡እጸልይ፡ነ በር፤እንሆም፥የሚያንጸባርቅ፡ልብስ፡የለበሰ፡ሰው፡በፊቴ፡ቆመና፦
31፤ቆርኔሌዎስ፡ሆይ፥በእግዚአብሔር፡ፊት፡ጸሎትኽ፡ተሰማ፥ምጽዋትኽም፡ታሰበ።
32፤እንግዲህ፡ወደ፡ኢዮጴ፡ልከኽ፡ጴጥሮስ፡የተባለውን፡ስምዖንን፡አስጠራ፤ርሱ፡በቍርበት፡ፋቂው፡በስምዖን፡ ቤት፡በባሕር፡አጠገብ፡እንግድነት፡ተቀምጧል፡አለኝ።
33፤ስለዚህ፥ያን፡ጊዜ፡ወዳንተ፡ላክኹ፥አንተም፡በመምጣትኽ፡መልካም፡አድርገኻል።እንግዲህ፡አንተ፡ከእግዚአ ብሔር፡ዘንድ፡የታዘዝኸውን፡ዅሉ፡እንድንሰማ፡እኛ፡ዅላችን፡አኹን፡በእግዚአብሔር፡ፊት፡በዚህ፡አለን።
34-35፤ጴጥሮስም፡አፉን፡ከፍቶ፡እንዲህ፡አለ፦እግዚአብሔር፡ለሰው፡ፊት፡እንዳያደላ፥ነገር፡ግን፥በአሕዛብ፡ዅ ሉ፡ርሱን፡የሚፈራና፡ጽድቅን፡የሚያደርግ፡በርሱ፡የተወደደ፡እንደ፡ኾነ፡በእውነት፡አስተዋልኹ።
36፤የዅሉ፡ጌታ፡በሚኾን፡በኢየሱስ፡ክርስቶስ፡ሰላምን፡እየሰበከ፡ይህን፡ቃል፡ወደእስራኤል፡ልጆች፡ላከ።
37፤ዮሐንስ፡ከሰበከው፡ጥምቀት፡በዃላ፡ከገሊላ፡ዠምሮ፡በይሁዳ፡ዅሉ፡የኾነውን፡ነገር፡እናንተ፡ታውቃላችኹ።
38፤እግዚአብሔር፡የናዝሬቱን፡ኢየሱስን፡በመንፈስ፡ቅዱስ፡በኀይልም፡ቀባው፥ርሱም፡መልካም፡እያደረገ፡ለዲያ ብሎስም፡የተገዙትን፡ዅሉ፡እየፈወሰ፡ዞረ፥እግዚአብሔር፡ከርሱ፡ጋራ፡ነበረና፤
39፤እኛም፡በአይሁድ፡አገርና፡በኢየሩሳሌም፡ባደረገው፡ነገር፡ዅሉ፡ምስክሮች፡ነን፤ርሱንም፡በዕንጨት፡ላይ፡ ሰቅለው፡ገደሉት።
40፤ርሱን፡እግዚአብሔር፡በሦስተኛው፡ቀን፡አስነሣው፡ይገለጥም፡ዘንድ፡ሰጠው፤
41፤ይኸውም፡ለሕዝብ፡ዅሉ፡አይደለም፥ነገር፡ግን፥በእግዚአብሔር፡አስቀድሞ፡የተመረጡ፡ምስክሮች፡ለኾን፟፡ለ እኛ፡ነው፡እንጂ፤ከሙታንም፡ከተነሣ፡በዃላ፡ከርሱ፡ጋራ፡የበላን፡የጠጣንም፡እኛ፡ነን።
42፤ለሕዝብም፡እንድንሰብክና፡በሕያዋንና፡በሙታን፡ሊፈርድ፡በእግዚአብሔር፡የተወሰነ፡ርሱ፡እንደ፡ኾነ፡እን መሰክር፡ዘንድ፡አዘዘን።
43፤በርሱ፡የሚያምን፡ዅሉ፡በስሙ፡የኀጢአቱን፡ስርየት፡እንዲቀበል፡ነቢያት፡ዅሉ፡ይመሰክሩለታል።
44፤ጴጥሮስ፡ይህን፡ነገር፡ገና፡ሲናገር፡ቃሉን፡በሰሙት፡ዅሉ፡ላይ፡መንፈስ፡ቅዱስ፡ወረደ።
45፤ከጴጥሮስም፡ጋራ፡የመጡት፡ዅሉ፡ከተገረዙት፡ወገን፡የኾኑ፡ምዕመናን፡በአሕዛብ፡ላይ፡ደግሞ፡የመንፈስ፡ቅ ዱስ፡ስጦታ፡ስለ፡ፈሰሰ፡ተገረሙ፤
46፤በልሳኖች፡ሲናገሩ፥እግዚአብሔርንም፡ሲያከብሩ፡ሰምተዋቸዋልና።
47፤በዚያን፡ጊዜ፡ጴጥሮስ፡መልሶ፦እነዚህ፡እንደ፡እኛ፡ደግሞ፡መንፈስ፡ቅዱስን፡የተቀበሉ፡እንዳይጠመቁ፡ውሃ ን፡ይከለክላቸው፡ዘንድ፡የሚችል፡ማን፡ነው፧አለ።
48፤በኢየሱስ፡ክርስቶስ፡ስምም፡ይጠመቁ፡ዘንድ፡አዘዛቸው።ከዚህ፡በዃላ፡ጥቂት፡ቀን፡እንዲቀመጥ፡ለመኑት።
_______________የሐዋርያት፡ሥራ፥ምዕራፍ፡11።______________
ምዕራፍ፡11፤
1፤ሐዋርያትና፡በይሁዳም፡የነበሩት፡ወንድሞች፡አሕዛብ፡ደግሞ፡የእግዚአብሔርን፡ቃል፡እንደ፡ተቀበሉ፡ሰሙ።
2፤ጴጥሮስም፡ወደ፡ኢየሩሳሌም፡በወጣ፡ጊዜ፡ከተገረዙት፡ወገን፡የኾኑት፡ሰዎች፡ከርሱ፡ጋራ፡ተከራክረው።
3፤ወዳልተገረዙ፡ሰዎች፡ገብተኽ፡ከነርሱ፡ጋራ፡በላኽ፡አሉት።
4፤ጴጥሮስ፡ግን፡ከመዠመሪያው፡ዠምሮ፡በተራ፡ገለጠላቸው፡እንዲህም፡አለ፦
5፤እኔ፡በኢዮጴ፡ከተማ፡ስጸልይ፡ሳለኹ፡ተመስጬ፡ራእይን፡አየኹ፤ታላቅ፡ሸማ፡የመሰለ፡ዕቃ፡ባራት፡ማእዘን፡ተ ይዞ፡ከሰማይ፡ወረደና፡ወደ፡እኔ፡መጣ፤
6፤ይህንም፡ትኵር፡ብዬ፡ስመለከት፡አራት፡እግር፡ያላቸውን፡የምድር፡እንስሳዎች፡አራዊትንም፡ተንቀሳቃሾችንም ፡የሰማይ፡ወፎችንም፡አየኹ።
7፤ጴጥሮስ፡ሆይ፥ተነሣና፡ዐርደኽ፡ብላ፡የሚለኝንም፡ድምፅ፡ሰማኹ።
8፤እኔም፦ጌታ፡ሆይ፥አይኾንም፤ርኩስ፡ወይም፡የሚያስጸይፍ፡ከቶ፡ወደ፡አፌ፡ገብቶ፡አያውቅምና፡አልኹ።
9፤ኹለተኛም፦እግዚአብሔር፡ያነጻውን፡አንተ፡አታርክሰው፡የሚል፡ድምፅ፡ከሰማይ፡መለሰልኝ።
10፤ይህም፡ሦስት፡ጊዜ፡ኾነ፡እንደ፡ገናም፡ዅሉ፡ወደ፡ሰማይ፡ተሳበ።
11፤እንሆም፥ያን፡ጊዜ፡ሦስት፡ሰዎች፡ከቂሳርያ፡ወደ፡እኔ፡ተልከው፡ወዳለኹበት፡ቤት፡ቀረቡ።
12፤መንፈስም፡ሳልጠራጠር፡ከነርሱ፡ጋራ፡እኼድ፡ዘንድ፡ነገረኝ።እነዚህም፡ስድስቱ፡ወንድሞች፡ደግሞ፡ከእኔ፡ ጋራ፡መጡ፡ወደዚያ፡ሰውም፡ቤት፡ገባን።
13፤ርሱም፡መልአክ፡በቤቱ፡ቆሞ፡እንዳየና፦ወደኢዮጴ፡ሰዎች፡ልከኽ፡ጴጥሮስ፡የተባለውን፡ስምዖንን፡አስመጣ፤
14፤ርሱም፡አንተና፡የቤትኽ፡ሰዎች፡ዅሉ፡የምትድኑበትን፡ነገር፡ይነግርኻል፡እንዳለው፡ነገረን።
15፤ለመናገርም፡በዠመርኹ፡ጊዜ፡መንፈስ፡ቅዱስ፡ለእኛ፡ደግሞ፡በመዠመሪያ፡እንደ፡ወረደ፡ለእነርሱ፡ወረደላቸ ው።
16፤ዮሐንስ፡በውሃ፡አጠመቀ፡እናንተ፡ግን፡በመንፈስ፡ቅዱስ፡ትጠመቃላችኹ፡ያለውም፡የጌታ፡ቃል፡ትዝ፡አለኝ።
17፤እንግዲህ፡እግዚአብሔር፡በጌታ፡በኢየሱስ፡ክርስቶስ፡ላመነው፡ለእኛ፡ደግሞ፡እንደ፡ሰጠን፡ያን፡ስጦታ፡ለ እነርሱ፡ከሰጠ፥እግዚአብሔርን፡ለመከልከል፡እችል፡ዘንድ፡እኔ፡ማን፡ነበርኹ፧
18፤ይህን፡በሰሙ፡ጊዜም፡ዝም፡አሉና፦እንኪያስ፡እግዚአብሔር፡ለአሕዛብ፡ደግሞ፡ለሕይወት፡የሚኾን፡ንስሓን፡ ሰጣቸው፡እያሉ፡እግዚአብሔርን፡አከበሩ።
19፤በእስጢፋኖስም፡ላይ፡በተደረገው፡መከራ፡የተበተኑት፡እስከ፡ፊንቄ፡እስከ፡ቆጵሮስም፡እስከ፡አንጾኪያም፡ ድረስ፡ዞሩ፥ቃሉንም፡ለአይሁድ፡ብቻ፡እንጂ፡ላንድ፡ስንኳ፡አይናገሩም፡ነበር።
20፤ከነርሱ፡ግን፡የቆጵሮስና፡የቀሬና፡ሰዎች፡የነበሩት፡አንዳንዶቹ፡ወደ፡አንጾኪያ፡መጥተው፡የጌታን፡የኢየ ሱስን፡ወንጌል፡እየሰበኩ፡ለግሪክ፡ሰዎች፡ተናገሩ።
21፤የጌታም፡እጅ፡ከነርሱ፡ጋራ፡ነበረ፤ቍጥራቸውም፡እጅግ፡የሚኾን፡ሰዎች፡አምነው፡ወደ፡ጌታ፡ዘወር፡አሉ።
22፤ወሬውም፡በኢየሩሳሌም፡ባለችው፡ቤተ፡ክርስቲያን፡ስለ፡እነርሱ፡ተሰማ፥በርናባስንም፡ወደ፡አንጾኪያ፡ላኩ ት፤
23፤ርሱም፡መጥቶ፡የእግዚአብሔርን፡ጸጋ፡ባየ፡ጊዜ፡ደስ፡አለው፥ዅሉንም፡በልባቸው፡ፈቃድ፡በጌታ፡ጸንተው፡ይ ኖሩ፡ዘንድ፡መከራቸው፤
24፤ደግ፡ሰውና፡መንፈስ፡ቅዱስ፡እምነትም፡የሞላበት፡ነበረና።ብዙ፡ሕዝብም፡ወደ፡ጌታ፡ተጨመሩ።
25፤በርናባስም፡ሳውልን፡ሊፈልግ፡ወደ፡ጠርሴስ፡መጣ፤
26፤ባገኘውም፡ጊዜ፡ወደ፡አንጾኪያ፡አመጣው።በቤተ፡ክርስቲያንም፡አንድ፡ዓመት፡ሙሉ፡ተሰበሰቡ፥ብዙ፡ሕዝብን ም፡አስተማሩ፤ደቀ፡መዛሙርትም፡መዠመሪያ፡በአንጾኪያ፡ክርስቲያን፡ተባሉ።
27፤በዚያም፡ወራት፡ነቢያት፡ከኢየሩሳሌም፡ወደ፡አንጾኪያ፡ወረዱ፤
28፤ከነርሱም፡አጋቦስ፡የሚሉት፡አንድ፡ሰው፡ተነሥቶ፥በዓለም፡ዅሉ፡ታላቅ፡ራብ፡ሊኾን፡እንዳለው፡በመንፈስ፡ አመለከተ፤ይህም፡በቀላውዴዎስ፡ቄሳር፡ዘመን፡ኾነ።
29፤ደቀ፡መዛሙርትም፡እያንዳንዳቸው፡እንደ፡ችሎታቸው፡መጠን፡አዋጥተው፡በይሁዳ፡ለሚኖሩት፡ወንድሞች፡ርዳታ ን፡ይልኩ፡ዘንድ፡ወሰኑ፤
30፤እንዲህም፡ደግሞ፡አደረጉ፥በበርናባስና፡በሳውልም፡እጅ፡ወደ፡ሽማግሌዎቹ፡ሰደዱት።
_______________የሐዋርያት፡ሥራ፥ምዕራፍ፡12።______________
ምዕራፍ፡12፤
1፤በዚያም፡ዘመን፡ንጉሡ፡ሄሮድስ፡መከራ፡ያጸናባቸው፡ዘንድ፡ከቤተ፡ክርስቲያኑ፡ባንዳንዶቹ፡ላይ፡እጁን፡ጫነ ባቸው።
2፤የዮሐንስንም፡ወንድም፡ያዕቆብን፡በሰይፍ፡ገደለው።
3፤አይሁድንም፡ደስ፡እንዳሠኛቸው፡አይቶ፡ጨምሮ፡ጴጥሮስን፡ደግሞ፡ያዘው።የቂጣ፡በዓልም፡ወራት፡ነበረ።
4፤በያዘውም፡ጊዜ፡ወደ፡ወህኒ፡አገባው፡ከፋሲካም፡በዃላ፡ወደ፡ሕዝብ፡ያወጣው፡ዘንድ፡ዐስቦ፡እያንዳንዱ፡አራ ት፡ወታደሮች፡ኾነው፡እንዲጠብቁት፡ለአራት፡ጭፍራ፡ክፍል፡አሳልፎ፡ሰጠው።
5፤ጴጥሮስም፡በወህኒ፡ይጠበቅ፡ነበር፤ነገር፡ግን፥በቤተ፡ክርስቲያን፡ስለ፡ርሱ፡ወደ፡እግዚአብሔር፡ጸሎት፡አ ጥብቆ፡ይደረግ፡ነበር።
6፤ሄሮድስም፡ሊያወጣው፡ባሰበ፡ጊዜ፥በዚያች፡ሌሊት፡ጴጥሮስ፡በኹለት፡ሰንሰለት፡ታስሮ፡ከኹለት፡ወታደሮች፡መ ካከል፡ተኝቶ፡ነበር፤ጠባቂዎችም፡በደጁ፡ፊት፡ኾነው፡ወህኒውን፡ይጠብቁ፡ነበር።
7፤እንሆም፥የጌታ፡መልአክ፡ቀረበ፡በቤትም፡ውስጥ፡ብርሃን፡በራ፤ጴጥሮስንም፡ጐድኑን፡መቶ፟፡አነቃውና፦ፈጥነ ኽ፡ተነሣ፡አለው።ሰንሰለቶቹም፡ከእጁ፡ወደቁ።
8፤መልአኩም፦ታጠቅና፡ጫማኽን፡አግባ፡አለው፥እንዲሁም፡አደረገ።
9፤ልብስኽንም፡ልበስና፡ተከተለኝ፡አለው።ወጥቶም፡ተከተለው፤ራእይንም፡የሚያይ፡ይመስለው፡ነበር፡እንጂ፡በመ ልአኩ፡የሚደረገው፡ነገር፡እውነት፡እንደ፡ኾነ፡አላወቀም።
10፤የመዠመሪያውንና፡የኹለተኛውንም፡ዘብ፡ዐልፈው፡ወደ፡ከተማ፡ወደሚያወጣው፡ወደብረቱ፡መዝጊያ፡ደረሱ፤ርሱ ም፡ዐውቆ፡ተከፈተላቸው፤ወጥተውም፡አንዲት፡ስላች፡ዐለፉ፡ወዲያውም፡መልአኩ፡ከርሱ፡ተለየ።
11፤ጴጥሮስም፡ወደ፡ልቡ፡ተመልሶ፦ጌታ፡መልአኩን፡ልኮ፡ከሄሮድስ፡እጅና፡የአይሁድ፡ሕዝብ፡ይጠብቁት፡ከነበረ ው፡ዅሉ፡እንደ፡አዳነኝ፡አኹን፡በእውነት፡ዐወቅኹ፡አለ።
12፤ባስተዋለም፡ጊዜ፡እጅግ፡ሰዎች፡ተከማችተው፡ይጸልዩበት፡ወደነበረው፡ማርቆስ፡ወደተባለው፡ወደዮሐንስ፡እ ናት፡ወደማርያም፡ቤት፡መጣ።
13፤ጴጥሮስም፡የደጁን፡መዝጊያ፡ባንኳኳ፡ጊዜ፡ሮዴ፡የሚሏት፡አንዲት፡ገረድ፡ትሰማ፡ዘንድ፡ቀረበች፤
14፤የጴጥሮስ፡ድምፅ፡መኾኑንም፡ባወቀች፡ጊዜ፡ከደስታዋ፡የተነሣ፡ደጁን፡አልከፈተችም፥ነገር፡ግን፥ወደ፡ውስ ጥ፡ሮጣ፡ጴጥሮስ፡በደጅ፡ፊት፡ቆሞ፡እንዳለ፡አወራች።
15፤እነርሱም፦አብደሻል፡አሏት።ርሷ፡ግን፡እንዲሁ፡እንደ፡ኾነ፡ታስረግጥ፡ነበር።እነርሱም፦መልአኩ፡ነው፡አ ሉ።
16፤ጴጥሮስ፡ግን፡ማንኳኳቱን፡አዘወተረ፤ከፍተውም፡አዩትና፡ተገረሙ።
17፤ግን፡ዝም፡እንዲሉ፡በእጁ፡ጠቅሶ፡ጌታ፡ከወህኒ፡እንዴት፡እንዳወጣው፡ተረከላቸውና፦ይህን፡ለያዕቆብና፡ለ ወንድሞች፡ንገሩ፡አላቸው።ወጥቶም፡ወደ፡ሌላ፡ስፍራ፡ኼደ።
18፤በነጋም፡ጊዜ፦ጴጥሮስን፡ምን፡አግኝቶት፡ይኾን፧ብለው፡በጭፍራዎች፡ዘንድ፡ብዙ፡ሁከት፡ኾነ።
19፤ሄሮድስም፡አስፈልጎ፡ባጣው፡ጊዜ፡ጠባቂዎችን፡መረመረ፡ይገድሏቸውም፡ዘንድ፡አዘዘ፤ከይሁዳም፡ወደ፡ቂሳር ያ፡ወርዶ፡በዚያ፡ተቀመጠ።
20፤ከጢሮስና፡ከሲዶና፡ሰዎችም፡ጋራ፡ተጣልቶ፡ነበር፤ባንድ፡ልብ፡ኾነውም፡ወደ፡ርሱ፡መጡ፥የንጉሥንም፡ቢትወ ደድ፡ብላስጦስን፡ዕሺ፡አሠኝተው፡ዕርቅ፡ለመኑ፥አገራቸው፡ከንጉሥ፡አገር፡ምግብ፡ያገኝ፡ነበረና።
21፤በተቀጠረ፡ቀንም፡ሄሮድስ፡ልብሰ፡መንግሥቱን፡ለብሶ፡በዙፋን፡ተቀመጠ፡እነርሱንም፡ተናገራቸው፤
22፤ሕዝቡም፦የእግዚአብሔር፡ድምፅ፡ነው፥የሰውም፡አይደለም፡ብለው፡ጮኹ።
23፤ለእግዚአብሔርም፡ክብር፡ስላልሰጠ፡ያን፡ጊዜ፡የጌታ፡መልአክ፡መታው፡በትልም፡ተበልቶ፡ሞተ።
24፤የእግዚአብሔር፡ቃል፡ግን፡ያድግና፡ይበዛ፡ነበር።
25፤በርናባስና፡ሳውልም፡አገልግሎታቸውን፡ፈጽመው፡ከኢየሩሳሌም፡ተመለሱ፥ማርቆስ፡የተባለውን፡ዮሐንስንም፡ ከነርሱ፡ጋራ፡ይዘውት፡መጡ።
_______________የሐዋርያት፡ሥራ፥ምዕራፍ፡13።______________
ምዕራፍ፡13፤
1፤በአንጾኪያም፡ባለችው፡ቤተ፡ክርስቲያን፡ነቢያትና፡መምህራን፡ነበሩ፤እነርሱም፡በርናባስ፥ኔጌር፡የተባለው ፡ስምዖንም፥የቀሬናው፡ሉክዮስም፥የአራተኛው፡ክፍል፡ገዢ፡የሄሮድስም፡ባለሟል፡ምናሔ፥ሳውልም፡ነበሩ።
2፤እነዚህም፡ጌታን፡ሲያመልኩና፡ሲጦሙ፡መንፈስ፡ቅዱስ።በርናባስንና፡ሳውልን፡ለጠራዃቸው፡ሥራ፡ለዩልኝ፡አለ ።
3፤በዚያን፡ጊዜም፡ከጦሙ፡ከጸለዩም፡እጃቸውንም፡ከጫኑ፡በዃላ፡አሰናበቷቸው።
4፤እነርሱም፡በመንፈስ፡ቅዱስ፡ተልከው፡ወደ፡ሴሌውቅያ፡ወረዱ፤ከዚያም፡በመርከብ፡ወደ፡ቆጵሮስ፡ኼዱ።
5፤በስልማናም፡በነበሩ፡ጊዜ፡በአይሁድ፡ምኵራቦች፡የእግዚአብሔርን፡ቃል፡ሰበኩ፤አገልጋይም፡ዮሐንስ፡ነበራቸ ው።
6፤ደሴቲቱንም፡ዅሉ፡እስከ፡ጳፉ፡በዞሩ፡ጊዜ፥በርያሱስ፡የሚሉትን፡ጠንቋይና፡ሐሰተኛ፡ነቢይ፡የኾነውን፡አንድ ፡አይሁዳዊ፡ሰው፡አገኙ፤
7፤ርሱም፡አስተዋይ፡ሰው፡ከኾነው፡ሰርግዮስ፡ጳውሎስ፡ከሚባለው፡አገረ፡ገዢ፡ጋራ፡ነበረ።ይህም፡በርናባስንና ፡ሳውልን፡ወደ፡ርሱ፡ጠርቶ፡የእግዚአብሔርን፡ቃል፡ሊሰማ፡ፈለገ።
8፤ጠንቋዩ፡ግን፡ኤልማስ፥ስሙ፡እንዲሁ፡ይተረጐማልና፥አገረ፡ገዢውን፡ከማመን፡ሊያጣምም፡ፈልጎ፡ተቃወማቸው።
9፤ጳውሎስ፡የተባለው፡ሳውል፡ግን፡መንፈስ፡ቅዱስን፡ተሞልቶ፡ትኵር፡ብሎ፡ሲመለከተው።
10፤አንተ፡ተንኰል፡ዅሉ፡ክፋትም፡ዅሉ፡የሞላብኽ፥የዲያብሎስ፡ልጅ፥የጽድቅም፡ዅሉ፡ጠላት፥የቀናውን፡የጌታን ፡መንገድ፡ከማጣመም፡አታርፍምን፧
11፤አኹንም፥እንሆ፥የጌታ፡እጅ፡ባንተ፡ላይ፡ናት፥ዕውርም፡ትኾናለኽ፡እስከ፡ጊዜውም፡ፀሓይን፡አታይም፡አለው ።ያን፡ጊዜም፡ጭጋግና፡ጨለማ፡ወደቀበት፥በእጁም፡የሚመራውን፡እየዞረ፡ፈለገ።
12፤በዚያን፡ጊዜ፡አገረ፡ገዢው፡የተደረገውን፡ባየ፡ጊዜ፡ከጌታ፡ትምህርት፡የተነሣ፡ተገርሞ፡አመነ።
13፤ጳውሎስም፡ከጓደኛዎቹ፡ጋራ፡ከጳፉ፡ተነሥቶ፥የጵንፍልያ፡ወደምትኾን፥ወደ፡ጴርጌን፡መጣ፤ዮሐንስም፡ከነር ሱ፡ተለይቶ፡ወደ፡ኢየሩሳሌም፡ተመለሰ።
14፤እነርሱ፡ግን፡ከጴርጌን፡ዐልፈው፥የጲስድያ፡ወደምትኾን፥ወደ፡አንጾኪያ፡ደረሱ፤በሰንበትም፡ቀን፡ወደ፡ም ኵራብ፡ገብተው፡ተቀመጡ።
15፤ሕግና፡ነቢያትም፡ከተነበቡ፡በዃላ፥የምኵራቡ፡አለቃዎች፦ወንድሞች፡ሆይ፥ሕዝብን፡የሚመክር፡ቃል፡እንዳላ ችኹ፡ተናገሩ፡ብለው፡ላኩባቸው።
16፤ጳውሎስም፡ተነሣና፥በእጁ፡ጠቅሶ፡እንዲህ፡አለ፦የእስራኤል፡ሰዎችና፡እግዚአብሔርን፡የምትፈሩት፡ሆይ፥ስ ሙ።
17፤የዚህ፡የእስራኤል፡ሕዝብ፡አምላክ፡አባቶቻችንን፡መርጦ፥በግብጽ፡አገር፡በእንግድነት፡ሳሉ፥ሕዝቡን፡ከፍ ፡ከፍ፡አደረጋቸው፥ከፍ፡ባለችውም፡ክንዱ፡ከዚያ፡አወጣቸው።
18፤በበረሓም፡አርባ፡ዓመት፡ያኽል፡መገባቸው።
19፤በከነዓንም፡አገር፡ሰባት፡አሕዛብን፡አጥፍቶ፥ምድራቸውን፡አወረሳቸው።
20፤ከዚህም፡በዃላ፥እስከ፡ነቢዩ፡እስከ፡ሳሙኤል፡ድረስ፥አራት፡መቶ፡ዐምሳ፡ዓመት፡ያኽል፡መሳፍንትን፡ሰጣቸ ው።
21፤ከዚያም፡ወዲያ፡ንጉሥን፡ያነግሥላቸው፡ዘንድ፡ለመኑ፥እግዚአብሔርም፡ከብንያም፡ወገን፡የሚኾን፡ሰው፡የቂ ስን፡ልጅ፡ሳኦልን፡አርባ፡ዓመት፡ሰጣቸው፤
22፤ርሱንም፡ከሻረው፡በዃላ፥ዳዊትን፡በእነርሱ፡ላይ፡እንዲነግሥ፡አስነሣው፥ሲመሰክርለትም፦እንደ፡ልቤ፡የኾ ነ፡ሰው፥ፈቃዴንም፡ዅሉ፡የሚያደርግ፥የእሴይን፡ልጅ፡ዳዊትን፡አገኘኹ፡አለ።
23፤ከዚህም፡ሰው፡ዘር፡እግዚአብሔር፥እንደ፡ተስፋው፡ቃል፥ለእስራኤል፡መድኀኒትን፥ርሱም፡ኢየሱስን፡አመጣ።
24፤ከመምጣቱ፡በፊት፥ዮሐንስ፡አስቀድሞ፡ለእስራኤል፡ሕዝብ፡ዅሉ፡የንስሓን፡ጥምቀት፡ሰብኮ፡ነበር።
25፤ዮሐንስም፡ሩጫውን፡ሲፈጽም፡ሳለ፦እኔ፡ማን፡እንደ፡ኾንኹ፡ታስባላችኹ፧እኔስ፡ርሱን፡አይደለኹም፤ነገር፡ ግን፥እንሆ፥የእግሩን፡ጫማ፡እፈታ፡ዘንድ፡ከማይገ፟ባ፟ኝ፡ከእኔ፡በዃላ፡ይመጣል፡ይል፡ነበር።
26፤እናንተ፡ወንድሞቻችን፥የአብርሃም፡ዘር፡ልጆች፡ከእናንተ፡መካከልም፡እግዚአብሔርን፡የምትፈሩ፡ሆይ፥ለእ ናንተ፡የዚህ፡የመዳን፡ቃል፡ተላከ።
27፤በኢየሩሳሌም፡የሚኖሩ፡ሰዎችና፡አለቃዎቻቸው፡ርሱንና፡በየሰንበቱ፡የሚነበቡትን፡የነቢያትን፡ድምፆች፡ስ ላላወቁ፡በፍርዳቸው፡ፈጽመዋልና፤
28፤ለሞትም፡የሚያደርስ፡ምክንያት፡አንድ፡ስንኳ፡ባያገኙበት፥ይገድለው፡ዘንድ፡ጲላጦስን፡ለመኑት፤
29፤ስለ፡ርሱም፡የተጻፈውን፡ዅሉ፡በፈጸሙ፡ጊዜ፡ከዕንጨት፡አውርደው፡በመቃብር፡አኖሩት።
30፤እግዚአብሔር፡ግን፡ከሙታን፡አስነሣው፤
31፤በሕዝብም፡ዘንድ፡ምስክሮቹ፡ለኾኑት፡ከርሱ፡ጋራ፡ከገሊላ፡ወደ፡ኢየሩሳሌም፡ለወጡት፡ብዙ፡ቀን፡ታያቸው።
32፤እኛም፡ለአባቶች፡የተሰጠውን፡ተስፋ፡የምሥራቹን፡ለእናንተ፡እንሰብካለን፤
33፤ይህን፡ተስፋ፡እግዚአብሔር፡በኹለተኛው፡መዝሙር፡ደግሞ፦አንተ፡ልጄ፡ነኽ፡እኔ፡ዛሬ፡ወለድኹኽ፡ተብሎ፡እ ንደ፡ተጻፈ፥ኢየሱስን፡አስነሥቶ፡ለእኛ፡ለልጆቻቸው፡ፈጽሟልና።
34፤እንደገናም፡ወደ፡መበስበስ፡እንዳይመለስ፡ከሙታን፡እንደ፡አስነሣው፥እንዲህ፦የታመነውን፡የዳዊትን፡ቅዱ ስ፡ተስፋ፡እሰጣችዃለኹ፡ብሏል።
35፤ደግሞ፡በሌላ፡ስፍራ፦ቅዱስኽን፡መበስበስን፡ያይ፡ዘንድ፡አትሰጠውም፡ይላልና።
36፤ዳዊትም፡በራሱ፡ዘመን፡የእግዚአብሔርን፡ዐሳብ፡ካገለገለ፡በዃላ፡አንቀላፋ፥ከአባቶቹም፡ጋራ፡ተጨምሮ፡መ በስበስን፡አየ፤
37፤ይህ፡እግዚአብሔር፡ያስነሣው፡ግን፡መበስበስን፡አላየም።
38-39፤እንግዲህ፡ወንድሞች፡ሆይ፥በርሱ፡በኩል፡የኀጢአት፡ስርየት፡እንዲነገርላችኹ፥በሙሴም፡ሕግ፡ትጸድቁበት ፡ዘንድ፡ከማይቻላችኹ፡ዅሉ፡ያመነ፡ዅሉ፡በርሱ፡እንዲጸድቅ፡በእናንተ፡ዘንድ፡የታወቀ፡ይኹን።
40-41፤እንግዲህ፦እናንተ፡የምትንቁ፥እዩ፡ተደነቁም፡ጥፉም፡አንድ፡ስንኳ፡ቢተርክላችኹ፡የማታምኑትን፡ሥራ፡በ ዘመናችኹ፡እኔ፡እሠራለኹና፡ተብሎ፡በነቢያት፡የተነገረው፡እንዳይደርስባችኹ፡ተጠንቀቁ።
42፤በወጡም፡ጊዜ፡ይህን፡ነገር፡በሚመጣው፡ሰንበት፡ይነግሯቸው፡ዘንድ፡ለመኗቸው።
43፤ጉባኤውም፡ከተፈታ፡በዃላ፡ከአይሁድና፡ወደ፡ይሁዲነት፡ገብተው፡ከሚያመልኩ፡ብዙዎች፡ጳውሎስንና፡በርናባ ስን፡ተከተሏቸው፥እነርሱም፡ሲነግሯቸው፡በእግዚአብሔር፡ጸጋ፡ጸንተው፡እንዲኖሩ፡አስረዷቸው።
44፤በኹለተኛውም፡ሰንበት፡ከጥቂቶቹ፡በቀር፡የከተማው፡ሰው፡ዅሉ፡የእግዚአብሔርን፡ቃል፡ይሰሙ፡ዘንድ፡ተሰበ ሰቡ።
45፤አይሁድም፡ብዙ፡ሕዝብ፡ባዩ፡ጊዜ፡ቅንአት፡ሞላባቸው፥እየተሳደቡም፡ጳውሎስ፡የተናገረውን፡ቃል፡ተቃወሙ።
46፤ጳውሎስና፡በርናባስም፡ገልጠው፦የእግዚአብሔር፡ቃል፡አስቀድሞ፡ለእናንተ፡ይነገር፡ዘንድ፡ያስፈልጋል፤ከ ገፋችኹትና፡የዘለዓለም፡ሕይወት፡እንዳይገ፟ባ፟ችኹ፡በራሳችኹ፡ከፈረዳችኹ፡ግን፥እንሆ፥ወደ፡አሕዛብ፡ዘወር ፡እንላለን።
47፤እንዲሁ፡ጌታ፦እስከምድር፡ዳርቻ፡ድረስ፡ለማዳን፡ትኾን፡ዘንድ፡ለአሕዛብ፡ብርሃን፡አድርጌኻለኹ፡ብሎ፡አ ዞናልና፥አሉ።
48፤አሕዛብም፡ሰምተው፡ደስ፡አላቸው፡የእግዚአብሔርንም፡ቃል፡አከበሩ፥ለዘለዓለም፡ሕይወትም፡የተዘጋጁ፡ዅሉ ፡አመኑ፤
49፤የጌታም፡ቃል፡ባገሩ፡ዅሉ፡ተስፋፋ።
50፤አይሁድ፡ግን፡የሚያመልኩትን፡የከበሩትንም፡ሴቶችና፡የከተማውን፡መኳንንት፡አወኩ፥በጳውሎስና፡በበርናባ ስም፡ላይ፡ስደትን፡አስነሥተው፡ከአገራቸው፡አወጧቸው።
51፤እነርሱ፡ግን፡የእግራቸውን፡ትቢያ፡አራግፈውባቸው፡ወደ፡ኢቆንዮን፡መጡ።
52፤በደቀ፡መዛሙርትም፡ደስታና፡መንፈስ፡ቅዱስ፡ሞላባቸው።
_______________የሐዋርያት፡ሥራ፥ምዕራፍ፡14።______________
ምዕራፍ፡14፤
1፤በኢቆንዮንም፡እንደ፡ቀድሞ፡ወደአይሁድ፡ምኵራብ፡ገብተው፡ከአይሁድና፡ከግሪክ፡ሰዎች፡ብዙ፡እስኪያምኑ፡ድ ረስ፡ተናገሩ።
2፤ያላመኑት፡አይሁድ፡ግን፡የአሕዛብን፡ልብ፡በወንድሞች፡ላይ፡አነሣሡ፡አስከፉም።
3፤ምልክትና፡ድንቅ፡በእጃቸው፡ይደረግ፡ዘንድ፡እየሰጠ፡ለጸጋው፡ቃል፡ስለመሰከረው፡ስለ፡ጌታ፡ገልጠው፡እየተ ናገሩ፡ረዥም፡ወራት፡ተቀመጡ።
4፤የከተማውም፡ሕዝብ፡ተከፍለው፡እኩሌቶቹ፡ከአይሁድ፡እኩሌቶቹም፡ከሐዋርያት፡ጋራ፡ኾኑ።
5፤አሕዛብና፡አይሁድ፡ግን፡ከአለቃዎቻቸው፡ጋራ፡ሊያንገላቷቸውና፡ሊወግሯቸው፡ባሰቡ፡ጊዜ፥
6፤ዐውቀው፡ልስጥራንና፡ደርቤን፡ወደሚባሉት፡ወደሊቃኦንያ፡ከተማዎች፡በእነርሱም፡ዙሪያ፡ወዳለው፡አገር፡ሸሹ ፤
7፤በዚያም፡ወንጌልን፡ይሰብኩ፡ነበር።
8፤በልስጥራንም፡እግሩ፡የሰለለ፥ከእናቱም፡ማሕፀን፡ዠምሮ፡ዐንካሳ፡የኾነ፥ከቶም፡ኼዶ፡የማያውቅ፡አንድ፡ሰው ፡ተቀምጦ፡ነበር።
9፤ይህም፡ሰው፡ጳውሎስ፡ሲናገር፡ይሰማ፡ነበር፤ርሱም፡ትኵር፡ብሎ፡ተመለከተውና፡ይድን፡ዘንድ፡እምነት፡እንዳ ለው፡ባየ፡ጊዜ፥
10፤በታላቅ፡ድምፅ፦ቀጥ፡ብለኽ፡በእግርኽ፡ቁም፡አለው።ብድግ፡ብሎም፡ተንሥቶ፡ይመላለስ፡ነበር።
11፤ሕዝቡም፡ጳውሎስ፡ያደረገውን፡ባዩ፡ጊዜ፡ድምፃቸውን፡ከፍ፡አድርገው፡በሊቃኦንያ፡ቋንቋ።አማልክት፡ሰዎች ን፡መስለው፡ወደ፡እኛ፡ወርደዋል፡አሉ፤
12፤በርናባስንም፡ድያ፡አሉት፤ጳውሎስንም፡ርሱ፡በመናገር፡ዋና፡ስለ፡ነበረ፡ሄርሜን፡አሉት።
13፤በከተማውም፡ፊት፡ቤተ፡መቅደስ፡ያለው፡የድያ፡ካህን፡ኰርማዎችንና፡የአበባን፡አክሊሎች፡ወደ፡ደጃፍ፡አም ጥቶ፡ከሕዝቡ፡ጋራ፡ኾኖ፡ሊሠዋላቸው፡ወደደ።
14፤ሐዋርያት፡በርናባስና፡ጳውሎስ፡ግን፡ይህን፡በሰሙ፡ጊዜ፡ልብሳቸውን፡ቀደው፡ወደሕዝቡ፡መካከል፡እየጮኹ፡ ሮጡ፥
15፤እንዲህም፡አሉ፦እናንተ፡ሰዎች፥ይህን፡ስለ፡ምን፡ታደርጋላችኹ፧እኛ፡ደግሞ፡እንደናንተ፡የምንሰማ፡ሰዎች ፡ነን፥ከዚህም፡ከንቱ፡ነገር፡ሰማይንና፡ምድርን፡ባሕርንም፡በእነርሱም፡ያለውን፡ዅሉ፡ወደ፡ፈጠረ፡ወደ፡ሕያ ው፡እግዚአብሔር፡ዘወር፡ትሉ፡ዘንድ፡ወንጌልን፡እንሰብካለን።
16፤ርሱ፡ባለፉት፡ትውልዶች፡አሕዛብን፡ዅሉ፡በገዛ፡ራሳቸው፡ጐዳና፡ይኼዱ፡ዘንድ፡ተዋቸው።
17፤ከዚህም፡ዅሉ፡ጋራ፡መልካም፡ሥራ፡እየሠራ፥ከሰማይ፡ዝናብን፡ፍሬ፡የሚኾንበትንም፡ወራት፡ሲሰጠን፥ልባችን ንም፡በመብልና፡በደስታ፡ሲሞላው፡ራሱን፡ያለምስክር፡አልተወም።
18፤ይህንም፡ብለው፡እንዳይሠዉላቸው፡ሕዝቡን፡በጭንቅ፡አስተዉአቸው።
19፤አይሁድ፡ግን፡ከአንጾኪያና፡ከኢቆንዮን፡መጡ፤ሕዝቡንም፡አባብለው፡ጳውሎስን፡ወገሩ፡የሞተም፡መስሏቸው፡ ከከተማ፡ወደ፡ውጭ፡ጐተቱት።
20፤ደቀ፡መዛሙርት፡ግን፡ከበ፟ውት፡ሳሉ፥ተነሥቶ፡ወደ፡ከተማ፡ገባ።በነገውም፡ከበርናባስ፡ጋራ፡ወደ፡ደርቤን ፡ወጣ።
21-22፤በዚያችም፡ከተማ፡ወንጌልን፡ሰብከው፡እጅግ፡ደቀ፡መዛሙርትን፡ካደረጉ፡በዃላ፥የደቀ፡መዛሙርትን፡ልብ፡ እያጸኑ፥በሃይማኖትም፡ጸንተው፡እንዲኖሩ፡እየመከሩና፦ወደእግዚአብሔር፡መንግሥት፡በብዙ፡መከራ፡እንገባ፡ዘ ንድ፡ያስፈልገናል፡እያሉ፥ወደ፡ልስጥራን፡ወደ፡ኢቆንዮንም፡ወደ፡አንጾኪያም፡ተመለሱ።
23፤በየቤተ፡ክርስቲያኑም፡ሽማግሌዎችን፡ከሾሙላቸው፡በዃላ፡ጦመውም፡ከጸለዩ፡በዃላ፥ላመኑበት፡ለጌታ፡ዐደራ ፡ሰጧቸው።
24፤በጲስድያም፡ዐልፈው፡ወደ፡ጵንፍልያ፡መጡ፥
25፤በጴርጌንም፡ቃሉን፡ከተናገሩ፡በዃላ፡ወደ፡አጣልያ፡ወረዱ፥
26፤ከዚያም፡ስለፈጸሙት፡ሥራ፡ለእግዚአብሔር፡ጸጋ፡ዐደራ፡ወደተሰጡበት፡ወደ፡አንጾኪያ፡በመርከብ፡ኼዱ።
27፤በደረሱም፡ጊዜ፡ቤተ፡ክርስቲያኑን፡ሰብስበው፡እግዚአብሔር፡ከነርሱ፡ጋራ፡ያደረገውን፡ዅሉ፡ለአሕዛብም፡ የሃይማኖትን፡ደጅ፡እንደ፡ከፈተላቸው፡ተናገሩ።
28፤ከደቀ፡መዛሙርትም፡ጋራ፡ዐያሌ፡ቀን፡ተቀመጡ።
_______________የሐዋርያት፡ሥራ፥ምዕራፍ፡15።______________
ምዕራፍ፡15፤
1፤አንዳንዶችም፡ከይሁዳ፡ወረዱና፦እንደ፡ሙሴ፡ሥርዐት፡ካልተገረዛችኹ፡ትድኑ፡ዘንድ፡አትችሉም፡ብለው፡ወንድ ሞችን፡ያስተምሩ፡ነበር።
2፤በእነርሱና፡በጳውሎስ፡በበርናባስም፡መካከል፡ብዙ፡ጥልና፡ክርክር፡በኾነ፡ጊዜ፥ስለዚህ፡ክርክር፡ጳውሎና፡ በርናባስ፡ከነርሱም፡አንዳንዶች፡ሌላዎች፡ሰዎች፡ወደ፡ሐዋርያት፡ወደ፡ሽማግሌዎችም፡ወደ፡ኢየሩሳሌም፡ይወጡ ፡ዘንድ፡ተቈረጠ።
3፤ቤተ፡ክርስቲያኑም፡በመንገድ፡እየረዳቸው፡እነርሱ፡የአሕዛብን፡መመለስ፡እየተረኩ፡በፊንቄና፡በሰማርያ፡ዐ ለፉ፥ወንድሞችንም፡ዅሉ፡እጅግ፡ደስ፡አሰኟቸው።
4፤ወደ፡ኢየሩሳሌምም፡በደረሱ፡ጊዜ፡ቤተ፡ክርስቲያንና፡ሐዋርያት፡ሽማግሌዎችም፡ተቀበሏቸው፥እግዚአብሔርም፡ ከነርሱ፡ጋራ፡ያደረገውን፡ዅሉ፡አወሩ።
5፤ከፈሪሳውያን፡ወገን፡ግን፡ያመኑት፡አንዳንዶቹ፡ተነሥተው፦ትገርዟቸው፡ዘንድና፡የሙሴን፡ሕግ፡እንዲጠብቁ፡ ታዟቸው፡ዘንድ፡ይገ፟ባ፟ል፡አሉ።
6፤ሐዋርያትና፡ሽማግሌዎችም፡ስለዚህ፡ነገር፡ለመማከር፡ተሰበሰቡ።
7፤ከብዙ፡ክርክርም፡በዃላ፡ጴጥሮስ፡ተነሥቶ፡እንዲህ፡አላቸው፡ወንድሞች፡ሆይ፥አሕዛብ፡ከአፌ፡የወንጌልን፡ቃ ል፡ሰምተው፡ያምኑ፡ዘንድ፡እግዚአብሔር፡በመዠመሪያው፡ዘመን፡ከእናንተ፡እኔን፡እንደ፡መረጠኝ፡እናንተ፡ታው ቃላችኹ።
8፤ልብንም፡የሚያውቅ፡አምላክ፡ለእኛ፡ደግሞ፡እንደ፡ሰጠን፡መንፈስ፡ቅዱስን፡በመስጠት፡መሰከረላቸው፤
9፤ልባቸውንም፡በእምነት፡ሲያነጻ፡በእኛና፡በእነርሱ፡መካከል፡አንዳች፡አልለየም።
10፤እንግዲህ፡አባቶቻችንና፡እኛ፡ልንሸከመው፡ያልቻልነውን፡ቀንበር፡በደቀ፡መዛሙርት፡ጫንቃ፡ላይ፡በመጫን፡ እግዚአብሔርን፡አኹን፡ስለ፡ምን፡ትፈታተናላችኹ፧
11፤ነገር፡ግን፥በጌታ፡በኢየሱስ፡ክርስቶስ፡ጸጋ፡እንደ፡እነርሱ፡ደግሞ፡እንድን፡ዘንድ፡እናምናለን።
12፤ሕዝቡም፡ዅሉ፡ዝም፡አሉ፥በርናባስና፡ጳውሎስም፡እግዚአብሔር፡በእጃቸው፡በአሕዛብ፡መካከል፡ያደረገውን፡ ምልክትና፡ድንቅ፡ዅሉ፡ሲተርኩላቸው፡ይሰሙ፡ነበር።
13፤እነርሱም፡ዝም፡ካሉ፡በዃላ፡ያዕቆብ፡እንዲህ፡ብሎ፡መለሰ፦ወንድሞች፡ሆይ፥ስሙኝ።
14፤እግዚአብሔር፡ለስሙ፡የሚኾንን፡ወገን፡ከአሕዛብ፡ይወስድ፡ዘንድ፡አስቀድሞ፡እንዴት፡እንደ፡ጐበኘ፡ስምዖ ን፡ተርኳል።
15፤ከዚህም፡ጋራ፡የነቢያት፡ቃል፡ይሰማማል፥እንዲህ፡ተብሎ፡እንደ፡ተጻፈ።
16-17፤ከዚህ፡በዃላ፡የቀሩት፡ሰዎችና፡በስሜ፡የተጠሩት፡አሕዛብ፡ዅሉ፡ጌታን፡ይፈልጉ፡ዘንድ፡እመለሳለኹ፥የወ ደቀችውንም፡የዳዊትን፡ድንኳን፡እንደ፡ገና፡እሠራታለኹ፥ፍራሿንም፡እንደ፡ገና፡እሠራታለኹ፡እንደ፡ገናም፡አ ቆማታለኹ፡ይላል፡ይህን፡የሚያደርግ፡ጌታ።
18፤ከጥንት፡ዠምሮ፡ሥራው፡ዅሉ፡በእግዚአብሔር፡ዘንድ፡የታወቀ፡ነው።
19፤ስለዚህ፥ከአሕዛብ፡ወደ፡እግዚአብሔር፡የዞሩትን፡እንዳናስቸግራቸው፥
20፤ነገር፡ግን፥ከጣዖት፡ርኵሰትና፡ከዝሙት፡ከታነቀም፡ከደምም፡ይርቁ፡ዘንድ፡እንድንጽፍላቸው፡እቈርጣለኹ።
21፤ሙሴስ፡ከቀደሙት፡ትውልድ፡ዠምሮ፡በሰንበት፡በሰንበት፡በምኵራቦቹ፡ሲያነቡ፡በየከተማው፡ርሱን፡የሚሰብኩ ፡አሉት።
22፤ያን፡ጊዜ፡ሐዋርያትና፡ሽማግሌዎች፡ከቤተ፡ክርስቲያኑ፡ዅሉ፡ጋራ፡ከነርሱ፡የተመረጡትን፡ሰዎች፡ከጳውሎስ ና፡ከበርናባስ፡ጋራ፡ወደ፡አንጾኪያ፡ይልኩ፡ዘንድ፡ፈቀዱ፤እነርሱም፡በወንድሞች፡መካከል፡ዋናዎች፡ኾነው፡በ ርስያን፡የተባለው፡ይሁዳና፡ሲላስ፡ነበሩ።
23፤እንዲህም፡ጽፈው፡በእነርሱ፡እጅ፡ላኩ፦ሐዋርያትና፡ሽማግሌዎች፡ወንድሞችም፡በአንጾኪያና፡በሶርያ፡በኪል ቅያም፡ለሚኖሩ፡ከአሕዛብ፡ወገን፡ለኾኑ፡ወንድሞች፡ሰላምታ፡ያቀርባሉ።
24፤ያላዘዝናቸው፡ሰዎች፡ከእኛ፡ወጥተው፦ትገረዙ፡ዘንድና፡ሕግን፡ትጠብቁ፡ዘንድ፡ይገ፟ባ፟ችዃል፥ብለው፡ልባ ችኹን፡እያወኩ፡በቃል፡እንዳናወጧችኹ፡ስለ፡ሰማን፥
25-26፤ስለ፡ጌታችን፡ስለኢየሱስ፡ክርስቶስ፡ስም፡ነፍሳቸውን፡ከሰጡት፡ከምንወዳቸው፡ከበርናባስና፡ከጳውሎስ፡ ጋራ፡የተመረጡትን፡ሰዎች፡ወደ፡እናንተ፡እንልክ፡ዘንድ፡ባንድ፡ልብ፡ኾነን፡ፈቀድን።
27፤ራሳቸውም፡ደግሞ፡በቃላቸው፡ያንኑ፡ይነግሯችኹ፡ዘንድ፡ይሁዳንና፡ሲላስን፡ልከናል።
28-29፤ለጣዖት፡ከተሠዋ፥ከደምም፥ከታነቀም፥ከዝሙትም፡ትርቁ፡ዘንድ፡ከዚህ፡ከሚያስፈልገው፡በቀር፡ሌላ፡ሸክም ፡እንዳንጭንባችኹ፡እኛና፡መንፈስ፡ቅዱስ፡ፈቅደናልና፤ከዚህም፡ዅሉ፡ራሳችኹን፡ብትጠብቁ፡በመልካም፡ትኖራላ ችኹ።ጤና፡ይስጣችኹ።
30፤እነርሱም፡ተሰናብተው፡ወደ፡አንጾኪያ፡ወረዱ፥ሕዝቡንም፡ሰብስበው፡ደብዳቤውን፡ሰጧቸው።
31፤ባነበቡትም፡ጊዜ፡ከምክሩ፡የተነሣ፡ደስ፡አላቸው።
32፤ይሁዳና፡ሲላስም፡ደግሞ፡ነቢያት፡ነበሩና፥ወንድሞችን፡በብዙ፡ቃል፡መክረው፡አጸኗቸው።
33፤ዐያሌ፡ቀንም፡ከተቀመጡ፡በዃላ፡ከወንድሞች፡በሰላም፡ተሰናብተው፡ወደ፡ሐዋርያት፡ኼዱ።
34፤ሲላስ፡ግን፡በዚያ፡ይኖር፡ዘንድ፡ፈቀደ።
35፤ጳውሎስና፡በርናባስም፡ከሌላዎች፡ከብዙ፡ሰዎች፡ጋራ፡ደግሞ፡የጌታን፡ቃል፡እያስተማሩና፡ወንጌልን፡እየሰ በኩ፡በአንጾኪያ፡ይቀመጡ፡ነበር።
36፤ከጥቂት፡ቀንም፡በዃላ፡ጳውሎስ፡በርናባስን፦ተመልሰን፡የጌታን፡ቃል፡በተናገርንበት፡በየከተማው፡ዅሉ፡ወ ንድሞችን፡እንጐብኛቸው፥እንዴት፡እንዳሉም፡እንወቅ፡አለው።
37፤በርናባስም፡ማርቆስ፡የተባለውን፡ዮሐንስን፡ደግሞ፡ከነርሱ፡ጋራ፡ይወስድ፡ዘንድ፡ዐሰበ፤
38፤ጳውሎስ፡ግን፡ይህን፡ከነርሱ፡ጋራ፡ሊወስድ፡አልፈቀደም፥ከነርሱ፡ዘንድ፡ከጵንፍልያ፡ተለይቶ፡ነበርና፥ወ ደ፡ሥራም፡ከነርሱ፡ጋራ፡አልመጣም፡ነበርና።
39፤ስለዚህም፡ርስ፡በርሳቸው፡እስኪለያዩ፡ድረስ፡መከፋፋት፡ኾነ፥በርናባስም፡ማርቆስን፡ይዞ፡በመርከብ፡ወደ ፡ቆጵሮስ፡ኼደ።
40፤ጳውሎስ፡ግን፡ሲላስን፡መረጠ፥ወንድሞችም፡ለእግዚአብሔር፡ጸጋ፡ዐደራ፡ከሰጡት፡በዃላ፡ወጣ፤
41፤አብያተ፡ክርስቲያናትንም፡እያጸና፡በሶርያና፡በኪልቅያ፡ይዞር፡ነበር።
_______________የሐዋርያት፡ሥራ፥ምዕራፍ፡16።______________
ምዕራፍ፡16፤
1፤ወደ፡ደርቤንና፡ወደ፡ልስጥራንም፡ደረሰ።እንሆም፥በዚያ፡የአንዲት፡ያመነች፡አይሁዳዊት፡ልጅ፡ጢሞቴዎስ፡የ ሚባል፡አንድ፡ደቀ፡መዝሙር፡ነበረ፤አባቱ፡ግን፡የግሪክ፡ሰው፡ነበረ።
2፤ለርሱም፡በልስጥራንና፡በኢቆንዮን፡ያሉ፡ወንድሞች፡መሰከሩለት።
3፤ጳውሎስ፡ይህ፡ከርሱ፡ጋራ፡ይወጣ፡ዘንድ፡ወደደ፥በእነዚያም፡ስፍራዎች፡ስለ፡ነበሩ፡አይሁድ፡ይዞ፡ገረዘው፤ አባቱ፡የግሪክ፡ሰው፡እንደ፡ኾነ፡ዅሉ፡ያውቁ፡ነበርና።
4፤በከተማዎችም፡ሲዞሩ፡በኢየሩሳሌም፡የነበሩት፡ሐዋርያትና፡ሽማግሌዎች፡የቈረጡትን፡ሥርዐት፡ይጠብቁ፡ዘንድ ፡ሰጧቸው።
5፤አብያተ፡ክርስቲያናትም፡በሃያማኖት፡ይበረቱ፡ነበር፥በቍጥርም፡ዕለት፡ዕለት፡ይበዙ፡ነበር።
6፤በእስያም፡ቃሉን፡እንዳይናገሩ፡መንፈስ፡ቅዱስ፡ስለ፡ከለከላቸው፡በፍርግያና፡በገላትያ፡አገር፡ዐለፉ፤
7፤በሚስያም፡አንጻር፡በደረሱ፡ጊዜ፡ወደ፡ቢታንያ፡ይኼዱ፡ዘድን፡ሞከሩ፥የኢየሱስ፡መንፈስም፡አልፈቀደላቸውም ፤
8፤በሚስያም፡አጠገብ፡ዐልፈው፡ወደ፡ጢሯዳ፡ወረዱ።
9፤ራእይም፡ለጳውሎስ፡በሌሊት፡ታየው፤አንድ፡የመቄዶንያ፡ሰው፦ወደ፡መቄዶንያ፡ተሻገርና፡ርዳን፡እያለ፡ቆሞ፡ ሲለምነው፡ነበር።
10፤ራእዩንም፡ካየ፡በዃላ፡ወዲያው፡ወደ፡መቄዶንያ፡ልንወጣ፡ፈለግን፥ወንጌልን፡እንሰብክላቸው፡ዘንድ፡እግዚ አብሔር፡እንደ፡ጠራን፡መስሎናልና።
11፤ከጢሯዳም፡ተነሥተን፡በቀጥታ፡ወደ፡ሳሞትራቄ፡በነገውም፡ወደ፡ናጱሌ፡በመርከብ፡ኼድን፤
12፤ከዚያም፡ወደ፡ፊልጵስዩስ፡ደረስን፤ርሷም፡የመቄዶንያ፡ከተማ፡ኾና፡የወረዳ፡ዋና፡ከተማና፡ቅኝ፡አገር፡ና ት፤በዚችም፡ከተማ፡አንዳንድ፡ቀን፡እንቀመጥ፡ነበር።
13፤በሰንበት፡ቀንም፡ከከተማው፡በር፡ውጭ፡የጸሎት፡ስፍራ፡በዚያ፡መኾኑን፡ስላሰብን፡ወደወንዝ፡አጠገብ፡ወጣ ን፤ተቀምጠንም፡ለተሰበሰቡት፡ሴቶች፡ተናገርን።
14፤ከትያጥሮን፡ከተማም፡የመጣች፡ቀይ፡ሐር፡ሸያጭ፡እግዚአብሔርን፡የምታመልክ፡ልድያ፡የሚሏት፡አንዲት፡ሴት ፡ትሰማ፡ነበር፤ጳውሎስም፡የሚናገረውን፡ታዳምጥ፡ዘንድ፡ጌታ፡ልቧን፡ከፈተላት።
15፤ርሷም፡ከቤተ፡ሰዎቿ፡ጋራ፡ከተጠመቀች፡በዃላ፦በጌታ፡የማምን፡እንድኾን፡ከፈረዳችኹልኝ፥ወደ፡ቤቴ፡ገብታ ችኹ፡ኑሩ፡ብላ፡ለመነችን፤በግድም፡አለችን።
16፤ወደጸሎት፡ስፍራም፡ስንኼድ፥የሟርተኝነት፡መንፈስ፡የነበረባት፡ለጌታዎቿም፡እየጠነቈለች፡ብዙ፡ትርፍ፡ታ መጣ፡የነበረች፡አንዲት፡ገረድ፡አገኘችን።
17፤ርሷ፡ጳውሎስንና፡እኛን፡እየተከተለች።የመዳንን፡መንገድ፡የሚነግሯችኹ፡እነዚህ፡ሰዎች፡የልዑል፡አምላክ ፡ባሪያዎች፡ናቸው፡ብላ፡ትጮኽ፡ነበር።
18፤ይህንም፡እጅግ፡ቀን፡አደረገች።ጳውሎስ፡ግን፡ተቸገረና፡ዘወር፡ብሎ፡መንፈሱን፦ከርሷ፡እንድትወጣ፡በኢየ ሱስ፡ክርስቶስ፡ስም፡አዝኻለኹ፡አለው፤በዚያም፡ሰዓት፡ወጣ።
19፤ጌታዎቿም፡የትርፋቸው፡ተስፋ፡እንደ፡ወጣ፡ባዩ፡ጊዜ፡ጳውሎስንና፡ሲላስን፡ይዘው፡ወደ፡ገበያ፡በሹማምት፡ ፊት፡ጐተቷቸው፤
20፤ወደ፡ገዢዎችም፡አቅርበው፦እነዚህ፡ሰዎች፡አይሁድ፡ኾነው፡ከተማችንን፡እጅግ፡ያናውጣሉ።
21፤እኛም፡የሮሜ፡ሰዎች፡ኾነን፡እንቀበላቸውና፡እናደርጋቸው፡ዘንድ፡ያልተፈቀደልንን፡ልማዶች፡ይናገራሉ፡አ ሉ።
22፤ሕዝቡም፡ዐብረው፡ተነሡባቸው፥ገዢዎቹም፡ልብሳቸውን፡ገፈው፡በበትር፡ይመቷቸው፡ዘንድ፡አዘዙ፤
23፤በብዙም፡ከደበደቧቸው፡በዃላ፡ወደ፡ወህኒ፡ጣሏቸው፥የወህኒውንም፡ጠባቂ፡ተጠንቅቆ፡እንዲጠብቃቸው፡አዘዙ ት።
24፤ርሱም፡የዚህን፡ዐይነት፡ትእዛዝ፡ተቀብሎ፡ወደ፡ውስጠኛው፡ወህኒ፡ጣላቸው፥እግራቸውንም፡በግንድ፡አጣብቆ ፡ጠረቃቸው።
25፤በመንፈቀ፡ሌሊት፡ግን፡ጳውሎስና፡ሲላስ፡እየጸለዩ፡እግዚአብሔርን፡በዜማ፡ያመሰግኑ፡ነበር፥እስረኛዎቹም ፡ያደምጧቸው፡ነበር፡
26፤ድንገትም፡የወህኒው፡መሠረት፡እስኪናወጥ፡ድረስ፡ታላቅ፡የምድር፡መንቀጥቀጥ፡ኾነ፤በዚያን፡ጊዜም፡ደጆቹ ፡ዅሉ፡ተከፈቱ፡የዅሉም፡እስራት፡ተፈታ።
27፤የወህኒውም፡ጠባቂ፡ከእንቅልፉ፡ነቅቶ፡የወህኒው፡ደጆች፡ተከፍተው፡ባየ፡ጊዜ፥እስረኛዎቹ፡ያመለጡ፡መስሎ ት፡ራሱን፡ይገድል፡ዘንድ፡ዐስቦ፡ሰይፉን፡መዘዘ።
28፤ጳውሎስ፡ግን፡በታላቅ፡ድምፅ፦ዅላችን፡ከዚህ፡አለንና፡በራስኽ፡ክፉ፡ነገር፡አታድርግ፡ብሎ፡ጮኸ።
29፤መብራትም፡ለምኖ፡ወደ፡ውስጥ፡ሮጠ፥እየተንቀጠቀጠም፡ከጳውሎስና፡ከሲላስ፡ፊት፡ተደፋ፤
30፤ወደ፡ውጭም፡አውጥቶ፦ጌታዎች፡ሆይ፥እድን፡ዘንድ፡ምን፡ማድረግ፡ይገ፟ባ፟ኛል፧አላቸው።
31፤እነርሱም፦በጌታ፡በኢየሱስ፡ክርስቶስ፡እመን፡አንተና፡ቤተ፡ሰዎችኽ፡ትድናላችኹ፡አሉት።
32፤ለርሱና፡በቤቱም፡ላሉት፡ዅሉ፡የእግዚአብሔርን፡ቃል፡ተናገሯቸው።
33፤በሌሊትም፡በዚያች፡ሰዓት፡ወስዶ፡ቍስላቸውን፡ዐጠበላቸው፥ያን፡ጊዜውንም፡ርሱ፡ከቤተ፡ሰዎቹ፡ዅሉ፡ጋራ፡ ተጠመቀ፤
34፤ወደ፡ቤቱም፡አውጥቶ፡ማእድ፡አቀረበላቸው፥በእግዚአብሔርም፡ስላመነ፡ከቤተ፡ሰዎቹ፡ዅሉ፡ጋራ፡ሐሤት፡አደ ረገ።
35፤በነጋም፡ጊዜ፡ገዢዎቹ፦እነዚያን፡ሰዎች፡ፍታቸው፡ብለው፡ሎሌዎቻቸውን፡ላኩ።
36፤የወህኒውም፡ጠባቂ፦ትፈቱ፡ዘንድ፡ገዢዎቹ፡ልከዋል፤እንግዲህ፡አኹን፡ወጥታችኹ፡በሰላም፡ኺዱ፡ብሎ፡ይህን ፡ቃል፡ለጳውሎስ፡ነገረው።
37፤ጳውሎስ፡ግን፦እኛ፡የሮሜ፡ሰዎች፡ስንኾን፡ያለፍርድ፡በሕዝብ፡ፊት፡ደብድበው፡በወህኒ፡ጣሉን፤አኹንም፡በ ስውር፡ይጥሉናልን፧አይኾንም፡ራሳቸው፡ግን፡መጥተው፡ያውጡን፡አላቸው።
38፤ሎሌዎቹም፡ይህን፡ነገር፡ለገዢዎች፡ነገሩ።የሮሜ፡ሰዎችም፡እንደ፡ኾኑ፡በሰሙ፡ጊዜ፡ፈሩ፤
39፤መጥተውም፡ማለዷቸው፥አውጥተውም፡ከከተማ፡ይወጡ፡ዘንድ፡ለመኗቸው።
40፤ከወህኒውም፡ወጥተው፡ወደልድያ፡ቤት፡ገቡ፥ወንድሞችንም፡ባዩ፡ጊዜ፡አጽናኗቸውና፡ኼዱ።
_______________የሐዋርያት፡ሥራ፥ምዕራፍ፡17።______________
ምዕራፍ፡17፤
1፤በአንፊጶልና፡በአጶሎንያም፡ካለፉ፡በዃላ፡ወደ፡ተሰሎንቄ፡መጡ፥በዚያም፡የአይሁድ፡ምኵራብ፡ነበረ።
2፤ጳውሎስም፡እንደ፡ልማዱ፡ወደ፡እነርሱ፡ገባ፥ሦስት፡ሰንበትም፡ያኽል፡ከነርሱ፡ጋራ፡ከመጻሕፍት፡እየጠቀሰ፡ ይነጋገር፡ነበር፤
3፤ሲተረጕምም፥ክርስቶስ፡መከራ፡እንዲቀበልና፡ከሙታን፡እንዲነሣ፡ይገ፟ባ፟ው፡ዘንድ፡እያስረዳ፦ይህ፡እኔ፡የ ምሰብክላችኹ፡ኢየሱስ፡ርሱ፡ክርስቶስ፡ነው፡ይል፡ነበር።
4፤ከነርሱም፡አንዳንዶቹ፡ተረድተው፡ከሚያመልኩም፡ከግሪክ፡ሰዎች፡ብዙ፡ከከበሩትም፡ሴቶች፡ጥቂቶች፡ያይደሉ፥ ከጳውሎስና፡ከሲላስ፡ጋራ፡ተባበሩ።
5፤አይሁድ፡ግን፡ቀንተው፡ከሥራ፡ፈቶች፡ክፉ፡ሰዎችን፡አመጡ፡ሕዝብንም፡ሰብስበው፡ከተማውን፡አወኩ፥ወደ፡ሕዝ ብም፡ያወጧቸው፡ዘንድ፡ፈልገው፡ወደኢያሶን፡ቤት፡ቀረቡ፤
6፤ባላገኟቸውም፡ጊዜ፡ኢያሶንንና፡ከወንድሞች፡አንዳንዶችን፡ወደ፡ከተማው፡አለቃዎች፡ጐትተው፦ዓለምን፡ያወኩ ፡እነዚህ፡ወደዚህ፡ደግሞ፡መጥተዋል፥ኢያሶንም፡ተቀብሏቸዋል፤
7፤እነዚህም፡ዅሉ፦ኢየሱስ፡የሚሉት፡ሌላ፡ንጉሥ፡አለ፡እያሉ፡የቄሳርን፡ትእዛዝ፡ይቃወማሉ፡ብለው፡ጮኹ።
8፤ሕዝቡና፡የከተማውም፡አለቃዎች፡ይህን፡ነገር፡በሰሙ፡ጊዜ፡ታወኩ፥
9፤ከኢያሶንና፡ከሌላዎቹም፡ዋስ፡ተቀብለው፡ለቀቋቸው።
10፤ወዲያውም፡ወንድሞች፡ጳውሎስንና፡ሲላስን፡በሌሊት፡ወደ፡ቤርያ፡ሰደዷቸው፥በደረሱም፡ጊዜ፡ወደ፡አይሁድ፡ ምኵራብ፡ገቡ፤
11፤እነዚህም፡በተሰሎንቄ፡ከሚኖሩት፡ይልቅ፡ልበ፡ሰፊዎች፡ነበሩና፦ነገሩ፡እንደዚሁ፡ይኾንን፧ብለው፡ዕለት፡ ዕለት፡መጻሕፍትን፡እየመረመሩ፡ቃሉን፡በሙሉ፡ፈቃድ፡ተቀበሉ።
12፤ስለዚህም፡ከነርሱ፡ብዙ፥ከግሪኮችም፡የከበሩት፡ሴቶችና፡ወንዶች፡ጥቂት፡ያይደሉ፥አመኑ።
13፤በተሰሎንቄ፡ያሉት፡አይሁድ፡ግን፡ጳውሎስ፡በቤርያ፡ደግሞ፡የእግዚአብሔርን፡ቃል፡እንደ፡ሰበከ፡ባወቁ፡ጊ ዜ፥ወደዚያው፡ደግሞ፡መጡና፡ሕዝቡን፡አወኩ።
14፤በዚያን፡ጊዜም፡ወንድሞቹ፡ወዲያው፡ጳውሎስን፡እስከ፡ባሕር፡ድረስ፡ይኼድ፡ዘንድ፡ሰደዱት፤ሲላስና፡ጢሞቴ ዎስም፡በዚያው፡ቀሩ።
15፤ጳውሎስን፡የሸኙት፡ግን፡እስከ፡አቴና፡አደረሱት፥እንደሚቻላቸውም፡በፍጥነት፡ወደ፡ርሱ፡ይመጡ፡ዘንድ፡ወ ደ፡ሲላስና፡ወደ፡ጢሞቴዎስ፡ትእዛዝ፡ተቀብለው፡ኼዱ።
16፤ጳውሎስም፡በአቴና፡ሲጠብቃቸው፡ሳለ፥በከተማው፡ጣዖት፡መሙላቱን፡እየተመለከተ፡መንፈሱ፡ተበሳጨበት።
17፤ስለዚህም፡በምኵራብ፡ከአይሁድና፡እግዚአብሔርን፡ከሚያመልኩ፡ሰዎች፡ጋራ፡በየቀኑም፡በገበያ፡ከሚያገኛቸ ው፡ጋራ፡ይነጋገር፡ነበር።
18፤ከኤፊቆሮስ፡ወገንና፡ኢስጦኢኮችም፡ከተባሉት፡ፈላስፎች፡አንዳንዶቹ፡ከርሱ፡ጋራ፡ተገናኙ።አንዳንዶቹም፦ ይህ፡ለፍላፊ፡ምን፡ሊናገር፡ይወዳል፧አሉ፤ሌላዎችም፡የኢየሱስንና፡የትንሣኤውን፡ወንጌል፡ስለ፡ሰበከላቸው፦ ዐዲሶችን፡አማልክት፡የሚያወራ፡ይመስላል፡አሉ።
19-20፤ይዘውም፦ይህ፡የምትናገረው፡ዐዲስ፡ትምህርት፡ምን፡እንደ፡ኾነ፡እናውቅ፡ዘንድ፡ይቻለናልን፧በዦሯችን፡ እንግዳ፡ነገር፡ታሰማናለኽና፤እንግዲህ፡ይህ፡ነገር፡ምን፡እንደ፡ኾነ፡እናውቅ፡ዘንድ፡እንፈቅዳለን፡ብለው፡ አርዮስፋጎስ፡ወደተባለው፡ስፍራ፡ወሰዱት።
21፤የአቴና፡ሰዎች፡ዅሉና፡በዚያ፡የኖሩ፡እንግዳዎች፡ዐዲስ፡ነገርን፡ከመናገርና፡ከመስማት፡በቀር፡በሌላ፡ጕ ዳይ፡አይውሉም፡ነበርና።
22፤ጳውሎስም፡በአርዮስፋጎስ፡መካከል፡ቆሞ፡እንዲህ፡አለ፦የአቴና፡ሰዎች፡ሆይ፥እናንተ፡በዅሉ፡ነገር፡አማል ክትን፡እጅግ፡እንደምትፈሩ፡እመለከታለኹ።
23፤የምታመልኩትን፡እየተመለከትኹ፡ሳልፍ።ለማይታወቅ፡አምላክ፡የሚል፡ጽሕፈት፡ያለበትን፡መሠዊያ፡ደግሞ፡አ ግኝቻለኹና።እንግዲህ፡ይህን፡ሳታውቁ፡የምታመልኩትን፡እኔ፡እነግራችዃለኹ።
24፤ዓለሙንና፡በርሱ፡ያለውን፡ዅሉ፡የፈጠረ፡አምላክ፡ርሱ፡የሰማይና፡የምድር፡ጌታ፡ነውና፥እጅ፡በሠራው፡መቅ ደስ፡አይኖርም፤
25፤ርሱም፡ሕይወትንና፡እስትንፋስን፡ዅሉንም፡ለዅሉ፡ይሰጣልና፥አንዳች፡እንደሚጐድለው፡በሰው፡እጅ፡አይገለ ገልም።
26-27፤ምናልባትም፡እየመረመሩ፡ያገኙት፡እንደ፡ኾነ፥እግዚአብሔርን፡ይፈልጉ፡ዘንድ፡በምድር፡ዅሉ፡ላይ፡እንዲ ኖሩ፡የሰውን፡ወገኖች፡ዅሉ፡ካንድ፡ፈጠረ፥የተወሰኑትንም፡ዘመኖችና፡ለሚኖሩበት፡ስፍራ፡ዳርቻ፡መደበላቸው። ቢኾንም፡ከያንዳንዳችን፡የራቀ፡አይደለም።
28፤ከእናንተ፡ከባለቅኔዎች፡አንዳንዶች፡ደግሞ፦እኛ፡ደግሞ፡ዘመዶቹ፡ነንና፡ብለው፡እንደ፡ተናገሩ፥በርሱ፡ሕ ያዋን፡ነንና፡እንንቀሳቀሳለን፡እንኖርማለን።
29፤እንግዲህ፡የእግዚአብሔር፡ዘመዶች፡ከኾን፟፥አምላክ፡በሰው፡ብልኀትና፡ዐሳብ፡የተቀረጸውን፡ወርቅ፡ወይም ፡ብር፡ወይም፡ድንጋይ፡እንዲመስል፡እናስብ፡ዘንድ፡አይገ፟ባ፟ንም።
30፤እንግዲህ፡እግዚአብሔር፡ያለማወቅን፡ወራት፡አሳልፎ፡አኹን፡በየቦታቸው፡ንስሓ፡ይገቡ፡ዘንድ፡ሰውን፡ዅሉ ፡ያዛል፤
31፤ቀን፡ቀጥሯልና፥በዚያም፡ቀን፡ባዘጋጀው፡ሰው፡እጅ፡በዓለሙ፡ላይ፡በጽድቅ፡ሊፈርድ፡አለው፤ስለዚህም፡ርሱ ን፡ከሙታን፡በማስነሣቱ፡ዅሉን፡አረጋግጧል።
32፤የሙታንንም፡ትንሣኤ፡በሰሙ፡ጊዜ፡እኩሌቶቹ፡አፌዙበት፥እኩሌቶቹ፡ግን፦ስለዚህ፡ነገር፡ኹለተኛ፡እንሰማኻ ለን፡አሉት።
33፤እንዲሁም፡ጳውሎስ፡ከመካከላቸው፡ወጣ።
34፤አንዳንዶች፡ወንዶች፡ግን፡ተባብረው፡አመኑ፤ከነርሱ፡ደግሞ፡በአርዮስፋጎስ፡ያለው፡የፍርድ፡ቤት፡ፈራጅ፡ ዲዮናስዮስ፡ደማሪስ፡የሚሏትም፡አንዲት፡ሴት፡ሌላዎችም፡ከነርሱ፡ጋራ፡ነበሩ።
_______________የሐዋርያት፡ሥራ፥ምዕራፍ፡18።______________
ምዕራፍ፡18፤
1፤ከዚህም፡በዃላ፡ጳውሎስ፡ከአቴና፡ወጥቶ፡ወደ፡ቆሮንቶስ፡መጣ።
2፤በወገኑም፡የጳንጦስ፡ሰው፡የሚኾን፡አቂላ፡የሚሉትን፡አንድ፡አይሁዳዊ፡አገኘ፤ርሱም፡ከጥቂት፡ጊዜ፡በፊት፡ ከሚስቱ፡ከጵርስቅላ፡ጋራ፡ከኢጣልያ፡መጥቶ፡ነበር፥አይሁድ፡ከሮሜ፡ይወጡ፡ዘንድ፡ቀላውዴዎስ፡አዞ፡ነበርና፤ ወደ፡እነርሱ፡ቀረበ፥
3፤ሥራቸውም፡አንድ፡ስለ፡ነበረ፡በእነርሱ፡ዘንድ፡ተቀምጦ፡ባንድ፡ላይ፡ሠሩ፤ሥራቸው፡ድንኳን፡መስፋት፡ነበረ ና።
4፤በየሰንበቱም፡ዅሉ፡በምኵራብ፡ይነጋገር፡ነበር፥አይሁድንና፡የግሪክንም፡ሰዎች፡ያስረዳ፡ነበር።
5፤ሲላስና፡ጢሞቴዎስም፡ከመቄዶንያ፡በወረዱ፡ጊዜ፥ጳውሎስ፡ኢየሱስ፡ርሱ፡ክርስቶስ፡እንደ፡ኾነ፡ለአይሁድ፡እ የመሰከረ፡ለቃሉ፡ይተጋ፡ነበር።
6፤ነገር፡ግን፥በተቃወሙትና፡በተሳደቡ፡ጊዜ፥ልብሱን፡እያራገፈ፦ደማችኹ፡በራሳችኹ፡ነው፤እኔ፡ንጹሕ፡ነኝ፡ከ እንግዲህ፡ወዲህ፡ወደ፡አሕዛብ፡እኼዳለኹ፡አላቸው።
7፤ከዚያም፡ወጥቶ፡ኢዮስጦስ፡ወደሚባል፡እግዚአብሔርን፡ወደሚያመልክ፡ሰው፡ቤት፡ገባ፡ቤቱም፡በምኵራብ፡አጠገ ብ፡ነበረ።
8፤የምኵራብ፡አለቃ፡ቀርስጶስም፡ከቤተ፡ሰዎቹ፡ዅሉ፡ጋራ፡በጌታ፡አመነ፥ከቆሮንቶስ፡ሰዎችም፡ብዙ፡በሰሙ፡ጊዜ ፡አምነው፡ተጠመቁ።
9-10፤ጌታም፡ሌሊት፡በራእይ፡ጳውሎስን፦እኔ፡ከአንተ፡ጋራ፡ነኝ፥ማንም፡ክፉ፡ሊያደርግብኽ፡የሚነሣብኽ፡የለም ና፡አትፍራ፥ነገር፡ግን፥ተናገር፡ዝምም፡አትበል፤በዚህ፡ከተማ፡ብዙ፡ሕዝብ፡አሉኝና፡አለው።
11፤በመካከላቸውም፡የእግዚአብሔርን፡ቃል፡እያስተማረ፡ዓመት፡ከስድስት፡ወር፡ተቀመጠ።
12፤ጋልዮስም፡በአካይያ፡አገረ፡ገዢ፡በነበረ፡ጊዜ፥አይሁድ፡ባንድ፡ልብ፡ኾነው፡በጳውሎስ፡ላይ፡ተነሡ፥ወደፍ ርድ፡ወንበርም፡አምጥተው፦
13፤ይህ፡ሕግን፡ተቃውሞ፡እግዚአብሔርን፡ያመልኩት፡ዘንድ፡ሰዎችን፡ያባብላል፡አሉ።
14፤ጳውሎስም፡አፉን፡ሊከፍት፡ባሰበ፡ጊዜ፥ጋልዮስ፡አይሁድን፦አይሁድ፡ሆይ፥ዐመፅ፡ወይም፡ክፉ፡በደል፡በኾነ ፡እንድታገሣችኹ፡በተገባኝ፤
15፤ስለ፡ቃልና፡ስለ፡ስሞች፡ስለ፡ሕጋችኹም፡የምትከራከሩ፡ከኾነ፡ግን፥ራሳችኹ፡ተጠንቀቁ፡እኔ፡በዚህ፡ነገር ፡ፈራጅ፡እኾን፡ዘንድ፡አልፈቅድምና፡አላቸው።
16፤ከፍርድ፡ወንበርም፡ፊት፡አስወጣቸው።
17፤የግሪክ፡ሰዎችም፡ዅሉ፡የምኵራብ፡አለቃ፡ሶስቴንስን፡ይዘው፡በወንበሩ፡ፊት፡መቱት፤በእነዚህም፡ነገሮች፡ ጋልዮስ፡ግድ፡የለውም፡ነበር።
18፤ከዚህም፡በዃላ፡ጳውሎስ፡እጅግ፡ቀን፡ተቀምጦ፡ወንድሞቹንም፡ተሰናብቶ፡በመርከብ፡ወደ፡ሶርያ፡ኼደ፤ስለት ም፡ነበረበትና፡ራሱን፡በክንክራኦስ፡ተላጨ፤ጵርስቅላና፡አቂላም፡ከርሱ፡ጋራ፡ነበሩ።
19፤ወደ፡ኤፌሶንም፡በደረሱ፡ጊዜ፡እነዚያን፡ከዚያ፡ተዋቸው፥ራሱ፡ግን፡ወደ፡ምኵራብ፡ገብቶ፡ከአይሁድ፡ጋራ፡ ይነጋገር፡ነበር።
20፤እነርሱም፡ብዙ፡ጊዜ፡እንዲቀመጥላቸው፡ሲለምኑት፡ዕሺ፡አላለም፤
21፤ነገር፡ግን፥ሲሰናበታቸው፦የሚመጣውን፡በዓል፡በኢየሩሳሌም፡ኣደርግ፡ዘንድ፡ይገ፟ባ፟ኛል፡እግዚአብሔር፡ ቢፈቅድ፡ግን፡ወደ፡እናንተ፡ደግሞ፡እመለሳለኹ፡አላቸው።ከኤፌሶንም፡በመርከብ፡ተነሣ።
22፤ወደ፡ቂሳርያም፡በደረሰ፡ጊዜ፡ወጥቶ፡ለቤተ፡ክርስቲያን፡ሰላምታ፡ከሰጠ፡በዃላ፡ወደ፡አንጾኪያ፡ወረደ።
23፤ጥቂት፡ቀንም፡ቈይቶ፡ወጣ፥ደቀ፡መዛሙርትንም፡ዅሉ፡እያጸና፡በገላትያ፡አገርና፡በፍርግያ፡በተራ፡ዐለፈ።
24፤በወገኑም፡የእስክንድርያ፡ሰው፡የኾነ፡ነገር፡ዐዋቂ፡የነበረ፡አጵሎስ፡የሚሉት፡አንድ፡አይሁዳዊ፡ሰው፡ወ ደ፡ኤፌሶን፡ወረደ፤ርሱም፡በመጻሕፍት፡ዕውቀት፡የበረታ፡ነበረ።
25፤ርሱ፡የጌታን፡መንገድ፡የተማረ፡ነበረ፥የዮሐንስንም፡ጥምቀት፡ብቻ፡ዐውቆ፡በመንፈስ፡ሲቃጠል፡ስለ፡ኢየሱ ስ፡ይናገርና፡በትክክል፡ያስተምር፡ነበር።
26፤ርሱም፡በምኵራብ፡ገልጦ፡ይናገር፡ዠመር።ጵርስቅላና፡አቂላም፡በሰሙት፡ጊዜ፥ወስደው፡የእግዚአብሔርን፡መ ንገድ፡ከፊት፡ይልቅ፡በትክክል፡ገለጡለት።
27፤ርሱም፡ወደ፡አካይያ፡ማለፍ፡በፈቀደ፡ጊዜ፥ወንድሞቹ፡አጸናኑት፥ይቀበሉትም፡ዘንድ፡ወደ፡ደቀ፡መዛሙርት፡ ጻፉለት፤በደረሰም፡ጊዜ፡አምነው፡የነበሩትን፡በጸጋ፡እጅግ፡ይጠቅማቸው፡ነበር፤
28፤ኢየሱስ፡ርሱ፡ክርስቶስ፡እንደ፡ኾነ፡ከመጻሕፍት፡እየገለጠ፡ለአይሁድ፡በዅሉ፡ፊት፡በጽኑ፡ያስረዳቸው፡ነ በርና።
_______________የሐዋርያት፡ሥራ፥ምዕራፍ፡19።______________
ምዕራፍ፡19፤
1፤አጵሎስም፡በቆሮንቶስ፡ሳለ፡ጳውሎስ፡በላይኛው፡አገር፡ዐልፎ፡ወደ፡ኤፌሶን፡መጣ፥
2፤አንዳንድ፡ደቀ፡መዛሙርትንም፡አገኘ።ባመናችኹ፡ጊዜ፡መንፈስ፡ቅዱስን፡ተቀበላችኹን፧አላቸው።እነርሱም፦አ ልተቀበልንም፡መንፈስ፡ቅዱስ፡እንዳለ፡ስንኳ፡አልሰማንም፡አሉት።
3፤እንኪያ፡በምን፡ተጠመቃችኹ፧አላቸው።እነርሱም፦በዮሐንስ፡ጥምቀት፡አሉት።
4፤ጳውሎስም፦ዮሐንስስ፡ከርሱ፡በዃላ፡በሚመጣው፡በኢየሱስ፡ክርስቶስ፡ያምኑ፡ዘንድ፡ለሕዝብ፡እየተናገረ፡በን ስሓ፡ጥምቀት፡አጠመቀ፡አላቸው።
5፤ይህንም፡በሰሙ፡ጊዜ፡በጌታ፡በኢየሱስ፡ስም፡ተጠመቁ፤
6፤ጳውሎስም፡እጁን፡በጫነባቸው፡ጊዜ፡መንፈስ፡ቅዱስ፡ወረደባቸው፡በልሳኖችም፡ተናገሩ፥ትንቢትም፡ተናገሩ።
7፤ሰዎቹም፡ዅሉ፡ዐሥራ፡ኹለት፡ያኽሉ፡ነበር።
8፤ወደ፡ምኵራብም፡ገብቶ፡ስለእግዚአብሔር፡መንግሥት፡እየተነጋገረና፡እያስረዳቸው፡ሦስት፡ወር፡ያኽል፡በግል ጥ፡ይናገር፡ነበር።
9፤አንዳንዶች፡ግን፡እልከኛዎች፡ኾነው፡በሕዝብ፡ፊት፡መንገዱን፡እየሰደቡ፡ባላመኑ፡ጊዜ፥ከነርሱ፡ርቆ፡ደቀ፡ መዛሙርትን፡ለየ፥ጢራኖስም፡በሚሉት፡በትምህርት፡ቤት፡ዕለት፡ዕለት፡ይነጋገር፡ነበር።
10፤በእስያም፡የኖሩት፡ዅሉ፡አይሁድም፡የግሪክ፡ሰዎችም፡የጌታን፡ቃል፡እስኪሰሙ፡ድረስ፡ኹለት፡ዓመት፡ያኽል ፡እንዲህ፡ኾነ።
11፤እግዚአብሔርም፡በጳውሎስ፡እጅ፡የሚያስገርም፡ተኣምራት፡ያደርግ፡ነበር፤ስለዚህም፡ከአካሉ፡ጨርቅ፡ወይም ፡ልብስ፡ወደ፡ድውዮች፡ይወስዱ፡ነበር፥
12፤ደዌያቸውም፡ይለቃቸው፡ነበር፡ክፉዎች፡መናፍስትም፡ይወጡ፡ነበር።
13፤አጋንንትንም፡እያወጡ፡ይዞሩ፡ከነበሩት፡አይሁድ፡አንዳንዶች።ጳውሎስ፡በሚሰብከው፡በኢየሱስ፡እናምላችዃ ለን፡እያሉ፡ክፉዎች፡መናፍስት፡ባሉባቸው፡ላይ፡የጌታን፡የኢየሱስን፡ስም፡ይጠሩባቸው፡ዘንድ፡ሞከሩ።
14፤የካህናትም፡አለቃ፡ለኾነ፡አስቄዋ፡ለሚሉት፡ላንድ፡አይሁዳዊ፡ይህን፡ያደረጉ፡ሰባት፡ልጆች፡ነበሩት።
15፤ክፉው፡መንፈስ፡ግን፡መልሶ፦ኢየሱስንስ፡ዐውቀዋለኹ፡ጳውሎስንም፡ዐውቀዋለኹ፤እናንተሳ፡እነማን፡ናችኹ፧ አላቸው።
16፤ክፉው፡መንፈስም፡ያለበት፡ሰው፡ዘለለባቸው፡ቈስለውም፡ከዚያ፡ቤት፡ዕራቍታቸውን፡እስኪሸሹ፡ድረስ፡በረታ ባቸው፡አሸነፋቸውም።
17፤ይህም፡በኤፌሶን፡በሚኖሩት፡ዅሉ፡በአይሁድና፡በግሪክ፡ሰዎች፡ዘንድ፡የታወቀ፡ኾነ፥በዅላቸውም፡ላይ፡ፍር ሀት፡ወደቀባቸው፥የጌታም፡የኢየሱስ፡ስም፡ተከበረ፤
18፤አምነውም፡ከነበሩት፡እጅግ፡ሰዎች፡ያደረጉትን፡እየተናዘዙና፡እየተናገሩ፡ይመጡ፡ነበር።
19፤ከአስማተኛዎችም፡ብዙዎቹ፡መጽሐፋቸውን፡ሰብስበው፡በሰው፡ዅሉ፡ፊት፡አቃጠሉት፤ዋጋውም፡ቢታሰብ፡ዐምሳ፡ ሺሕ፡ብር፡ኾኖ፡ተገኘ።
20፤እንዲህም፡የጌታ፡ቃል፡በኀይል፡ያድግና፡ያሸንፍ፡ነበር።
21፤ይህም፡በተፈጸመ፡ጊዜ፡ጳውሎስ፦ወደዚያ፡ደርሼ፡ሮሜን፡ደግሞ፡አይ፡ዘንድ፡ይገ፟ባ፟ኛል፡ብሎ፡በመቄዶንያ ና፡በአካይያ፡ዐልፎ፡ወደ፡ኢየሩሳሌም፡እንዲኼድ፡በመንፈስ፡ዐሰበ።
22፤ከሚያገለግሉትም፡ኹለቱን፡ጢሞቴዎስንና፡ኤርስጦንን፡ወደ፡መቄዶንያ፡ልኮ፡ራሱ፡በእስያ፡ጥቂት፡ቀን፡ቈየ ።
23፤በዚያም፡ጊዜ፡ስለዚህ፡መንገድ፡ብዙ፡ሁከት፡ኾነ።
24፤ብር፡ሠሪ፡የኾነ፡ድሜጥሮስ፡የሚሉት፡አንድ፡ሰው፡የአርጤምስን፡ቤተ፡መቅደስ፡ምስሎች፡በብር፡እየሠራ፡ለ አንጥረኛዎች፡እጅግ፡ትርፍ፡ያገኝ፡ነበርና፤
25፤እነዚህንም፡ይህንም፡የሚመስለውን፡ሥራ፡የሠሩትን፡ሰብስቦ፡እንዲህ፡አላቸው፦ሰዎች፡ሆይ፥ትርፋችን፡በዚ ህ፡ሥራ፡እንደ፡ኾነ፡ታውቃላችኹ።
26፤ይህም፡ጳውሎስ።በእጅ፡የተሠሩቱ፡አማልክት፡አይደሉም፡ብሎ፥በኤፌሶን፡ብቻ፡ሳይኾን፡ከጥቂት፡ክፍል፡በቀ ር፡በእስያ፡ዅሉ፡ብዙ፡ሕዝብን፡እንደ፡አስረዳና፡እንደ፡አሳተ፡አይታችዃል፡ሰምታችኹማል።
27፤ሥራችንም፡እንዲናቅ፡ብቻ፡አይደለም፥እስያ፡ዅሉ፡ዓለሙም፡የሚያመልካት፡የታላቂቱ፡አምላክ፡የአርጤምስ፡ መቅደስ፡ምናምን፡ኾኖ፡እንዲቈጠር፡እንጂ፥ታላቅነቷም፡ደግሞ፡እንዳይሻር፡ያስፈራል።
28፤ይህንም፡በሰሙ፡ጊዜ፡ቍጣ፡ሞላባቸው።የኤፌሶን፡አርጤምስ፡ታላቅ፡ናት፡እያሉም፡ጮኹ።
29፤ከተማውም፡በሙሉው፡ተደባለቀ፥የመቄዶንያም፡ሰዎች፡የጳውሎስን፡ጓደኛዎች፡ጋይዮስንና፡አርስጥሮኮስን፡ከ ነርሱ፡ጋራ፡ነጥቀው፡ባንድ፡ልብ፡ኾነው፡ወደጨዋታ፡ስፍራ፡ሮጡ።
30፤ጳውሎስም፡ወደ፡ሕዝቡ፡ይገባ፡ዘንድ፡በፈቀደ፡ጊዜ፥ደቀ፡መዛሙርት፡ከለከሉት።
31፤ከእስያም፡አለቃዎች፡ወዳጆቹ፡የኾኑት፡አንዳንዶች፡ደግሞ፡ወደ፡ርሱ፡ልከው፡ወደጨዋታ፡ስፍራ፡ራሱን፡እን ዳይሰጥ፡ለመኑት።
32፤ወዲያና፡ወዲህም፡እያሉ፡ይጮኹ፡ነበር፤በጉባኤው፡ድብልቅልቅ፡ኾኖ፥የሚበልጡት፡ስንኳ፡ስለ፡ምን፡እንደተ ሰበሰቡ፡አላወቁም፡ነበርና።
33፤አይሁድም፡ሲያቀርቡት፥እስክንድሮስን፡ከሕዝቡ፡መካከል፡ወደ፡ፊት፡ገፉት፤እስክንድሮስም፡በእጁ፡ጠቅሶ፡ በሕዝብ፡ፊት፡እንዲሟገትላቸው፡ወደደ።
34፤አይሁዳዊ፡ግን፡እንደ፡ኾነ፡ባወቁ፡ጊዜ፥ዅሉ፡ባንድ፡ድምፅ፦የኤፌሶን፡አርጤምስ፡ታላቅ፡ናት፡እያሉ፡ኹለ ት፡ሰዓት፡ያኽል፡ጮኹ።
35፤የከተማዪቱም፡ጸሓፊ፡ሕዝቡን፡ጸጥ፡አሠኝቶ፡እንዲህ፡አለ፦የኤፌሶን፡ሰዎች፡ሆይ፥የኤፌሶን፡ከተማ፡ለታላ ቂቱ፡አርጤምስ፡ከሰማይም፡ለወረደው፡ጣዖቷ፡የመቅደስ፡ጠባቂ፡መኾኗን፡የማያውቅ፡ሰው፡ማን፡ነው፧
36፤ይህንም፡የሚክደው፡ከሌለ፥ጸጥ፡እንድትሉና፡አንዳች፡በችኰላ፡እንዳታደርጉ፡ይገ፟ባ፟ል።
37፤የመቅደስን፡ዕቃ፡ያልሰረቁ፡አምላካችንንም፡ያልሰደቡ፡እነዚህን፡ሰዎች፡አምጥታችዃቸዋልና።
38፤ድሜጥሮስና፡ከርሱ፡ጋራ፡ያሉት፡አንጥረኛዎች፡ግን፡በሰው፡ላይ፡ነገር፡እንዳላቸው፥የመጋቢያ፡ቀንና፡አገ ረ፡ገዢዎች፡አሉ፤ርስ፡በርሳቸው፡ይሟገቱ።
39፤ስለ፡ሌላ፡ነገር፡እንደ፡ኾነ፡ግን፡አንዳች፡ብትፈልጉ፥በተደነገገው፡ጉባኤ፡ይፈታል።
40፤ዛሬ፡ስለተደረገው፦ሁከት፡ነው፡ሲሉ፡እንዳይከሱን፡ያስፈራልና፤ስለዚህም፡ስብሰባ፡ምላሽ፡መስጠት፡አንች ልም፥ምክንያት፡የለምና።
41፤ይህንም፡ብሎ፡ጉባኤውን፡ፈታው።
_______________የሐዋርያት፡ሥራ፥ምዕራፍ፡20።______________
ምዕራፍ፡20፤
1፤ሁከቱም፡ከቀረ፡በዃላ፡ጳውሎስ፡ደቀ፡መዛሙርቱን፡አስመጥቶ፡መከራቸው፥ተሰናብቷቸውም፡ወደ፡መቄዶንያ፡ይኼ ድ፡ዘንድ፡ወጣ።
2፤ያንም፡አገር፡እያለፈ፡በብዙ፡ቃል፡ከመከራቸው፡በዃላ፡ወደግሪክ፡አገር፡መጣ።
3፤በዚያም፡ሦስት፡ወር፡ተቀምጦ፡ወደ፡ሶርያ፡በመርከብ፡ሊኼድ፡ባሰበ፡ጊዜ፥አይሁድ፡ሤራ፡ስላደረጉበት፡በመቄ ዶንያ፡ዐልፎ፡ይመለስ፡ዘንድ፡ቈረጠ።
4፤የሸኙትም፡የቤርያው፡ሱሲጳጥሮስ፡ከተሰሎንቄ፡ሰዎችም፡አርስጥሮኮስና፡ሲኮንዱስ፡የደርቤኑም፡ጋይዮስና፡ጢ ሞቴዎስ፡የእስያ፡ሰዎችም፡ቲኪቆስ፡ጥሮፊሞስም፡ነበሩ፤
5፤እነዚህም፡ወደ፡ፊታችን፡ዐልፈው፡በጢሯዳ፡ቈዩን።
6፤እኛ፡ግን፡ከቂጣ፡በዓል፡ቀን፡በዃላ፡ከፊልጵስዩስ፡በመርከብ፡ተነሥተን፡በዐምስት፡ቀን፡ወደ፡ጢሯዳ፡ወደ፡ እነርሱ፡ደረስንና፡በዚያ፡ሰባት፡ቀን፡ተቀመጥን።
7፤ከሳምንቱም፡በመዠመሪያ፡ቀን፡እንጀራ፡ለመቍረስ፡ተሰብስበን፡ሳለን፥ጳውሎስ፡በነገው፡ሊኼድ፡ስላሰበ፡ከነ ርሱ፡ጋራ፡ይነጋገር፡ነበር፥እስከ፡መንፈቀ፡ሌሊትም፡ነገሩን፡አስረዘመ።
8፤ተሰብስበንም፡በነበርንበት፡ሰገነት፡እጅግ፡መብራት፡ነበረ።
9፤አውጤኪስ፡የሚሉትም፡አንድ፡ጐበዝ፡በመስኮት፡ተቀምጦ፡ታላቅ፡እንቅልፍ፡አንቀላፍቶ፡ነበር፤ጳውሎስም፡ነገ ርን፡ባስረዘመ፡ጊዜ፡እንቅልፍ፡ከብዶት፡ከሦስተኛው፡ደርብ፡ወደ፡ታች፡ወደቀ፥ሞቶም፡አነሡት።
10፤ጳውሎስም፡ወርዶ፡በላዩ፡ወደቀ፥ዐቅፎም፦ነፍሱ፡አለችበትና፡አትንጫጩ፡አላቸው።
11፤ወጥቶም፡እንጀራ፡ቈርሶም፡በላ፤ብዙ፡ጊዜም፡እስኪነጋ፡ድረስ፡ተነጋገረ፡እንዲህም፡ኼደ።
12፤ብላቴናውንም፡ደኅና፡ኾኖ፡ወሰዱት፡እጅግም፡ተጽናኑ።
13፤እኛ፡ግን፡ጳውሎስን፡ከዚያ፡እንቀበለው፡ዘንድ፡ስለ፡አለን፥ወደ፡መርከብ፡ቀድመን፡ኼድንና፥ወደ፡አሶን፡ ተነሣን፤ርሱ፡በመሬት፡ይኼድ፡ዘንድ፡ስላሰበ፡እንደዚህ፡አዞ፡ነበርና።
14፤በአሶንም፡ባገኘን፡ጊዜ፡ተቀብለነው፡ወደ፡ሚጢሊኒ፡መጣን፤
15፤በማግስቱም፡ከዚያ፡በባሕር፡ተነሥተን፡በኪዩ፡ፊት፡ለፊት፡ደረስን፥በነገውም፡ወደ፡ሳሞን፡ተሻገርን፡በት ሮጊሊዮም፡ዐድረን፡በማግስቱ፡ወደ፡ሚሊጢን፡መጣን።
16፤ጳውሎስ፡በእስያ፡እጅግ፡እንዳይቀመጥ፡ኤፌሶንን፡ይተው፡ዘንድ፡ቈርጦ፡ነበርና፥ቢቻለውም፡በዓለ፡ኀምሳን ፡በኢየሩሳሌም፡ይውል፡ዘንድ፡ይቸኵል፡ነበርና።
17፤ከሚሊጢንም፡ወደ፡ኤፌሶን፡ልኮ፡የቤተ፡ክርስቲያንን፡ሽማግሌዎች፡አስጠራቸው፤
18-19፤ወደ፡ርሱም፡በመጡ፡ጊዜ፡እንዲህ፡አላቸው፦ወደ፡እስያ፡ከገባኹበት፡ከመዠመሪያ፡ቀን፡ዠምሮ፥በትሕትና፡ ዅሉና፡በእንባ፡ከአይሁድም፡ሤራ፡በደረሰብኝ፡ፈተና፡ለጌታ፡እየተገዛኹ፡ዘመኑን፡ዅሉ፡ከእናንተ፡ጋራ፡እንዴ ት፡እንደ፡ኖርኹ፡እናንተው፡ታውቃላችኹ፤
20-21፤ወደ፡እግዚአብሔር፡ዘንድ፡ንስሓንና፡በጌታችን፡በኢየሱስ፡ክርስቶስ፡ማመንን፡ለአይሁድና፡ለግሪክ፡ሰዎ ች፡እየመሰከርኹ፡በጉባኤም፡በየቤታችኹም፡አወራኹላችኹና፡አስተማርዃችኹ፡እንጂ፥ከሚጠቅማችኹ፡ነገር፡አንዳ ች፡ስንኳ፡አላስቀረኹባችኹም።
22፤አኹንም፥እንሆ፥እኔ፡በመንፈስ፡ታስሬ፡ወደ፡ኢየሩሳሌም፡እኼዳለኹ፥በዚያም፡የሚያገኘኝ፡ምን፡እንደ፡ኾነ ፡አላውቅም፤
23፤ነገር፡ግን፥መንፈስ፡ቅዱስ።እስራትና፡መከራ፡ይቈይኻል፡ብሎ፡በየከተማው፡ዅሉ፡ይመሰክርልኛል።
24፤ነገር፡ግን፥ሩጫዬንና፡ከጌታ፡ከኢየሱስ፡የተቀበልኹትን፡አገልግሎት፡ርሱም፡የእግዚአብሔርን፡ጸጋ፡ወንጌ ልን፡መመስከር፡እፈጽም፡ዘንድ፡ነፍሴን፡በእኔ፡ዘንድ፡እንደማትከብር፡እንደ፡ከንቱ፡ነገር፡እቈጥራለኹ።
25፤አኹንም፥እንሆ፥እኔ፡የእግዚአብሔርን፡መንግሥት፡እየሰበክኹ፡በመካከላችኹ፡የዞርኹ፡ዅላችኹ፡ከእንግዲህ ፡ወዲህ፡ፊቴን፡እንዳትዩ፡ዐውቃለኹ።
26፤ስለዚህ፥እኔ፡ከሰው፡ዅሉ፡ደም፡ንጹሕ፡እንደ፡ኾንኹ፡ዛሬ፡በዚች፡ቀን፡እመሰክርላችዃለኹ።
27፤የእግዚአብሔርን፡ምክር፡ዅሉ፡ነግሬያችዃለኹና፥ምንም፡አላስቀረኹባችኹም።
28፤በገዛ፡ደሙ፡የዋጃትን፡የእግዚአብሔርን፡ቤተ፡ክርስቲያን፡ትጠብቋት፡ዘንድ፡መንፈስ፡ቅዱስ፡እናንተን፡ጳ ጳሳት፡አድርጎ፡ለሾመባት፡ለመንጋው፡ዅሉና፡ለራሳችኹ፡ተጠንቀቁ።
29-30፤ከኼድኹ፡በዃላ፡ለመንጋው፡የማይራሩ፡ጨካኞች፡ተኩላዎች፡እንዲገቡባችኹ፥ደቀ፡መዛሙርትንም፡ወደ፡ዃላቸ ው፡ይስቡ፡ዘንድ፡ጠማማ፡ነገርን፡የሚናገሩ፡ሰዎች፡በመካከላችኹ፡እንዲነሡ፡እኔ፡ዐውቃለኹ።
31፤ስለዚህ፥ሦስት፡ዓመት፡ሌሊትና፡ቀን፡በእንባ፡እያንዳንዳችኹን፡ከመገሠጽ፡እንዳላቋረጥኹ፡እያሰባችኹ፡ት ጉ።
32፤አኹንም፡ለእግዚአብሔርና፡ያንጻችኹ፡ዘንድ፡በቅዱሳንም፡ዅሉ፡መካከል፡ርስትን፡ይሰጣችኹ፡ዘንድ፡ለሚችል ፡ለጸጋው፡ቃል፡ዐደራ፡ሰጥቻችዃለኹ።
33፤ከማንም፡ብር፡ወይም፡ወርቅ፡ወይም፡ልብስ፡አልተመኘኹም፤
34፤እነዚህ፡እጆቼ፡በሚያስፈልገኝ፡ነገር፡ለኔና፡ከእኔ፡ጋራ፡ላሉት፡እንዳገለገሉ፡እናንተ፡ታውቃላችኹ።
35፤እንዲሁ፡እየደከማችኹ፡ድውዮችን፡ልትረዱና፡ርሱ፡ራሱ።ከሚቀበል፡ይልቅ፡የሚሰጥ፡ብፁዕ፡ነው፡እንዳለ፡የ ጌታን፡የኢየሱስን፡ቃል፡ልታስቡ፡ይገ፟ባ፟ችኹ፡ዘንድ፡በዅሉ፡አሳየዃችኹ።
36፤ይህንም፡ብሎ፡ተንበርክኮ፡ከኹላቸው፡ጋራ፡ጸለየ።
37፤ዅሉም፡እጅግ፡አለቀሱ፥ጳውሎስንም፡ዐንገቱን፡ዐቅፈው፡ይስሙት፡ነበር፤
38፤ይልቁንም፦ከእንግዲህ፡ወዲህ፡ፊቴን፡አታዩም፡ስላላቸው፡ነገር፡እጅግ፡ዐዘኑ፤እስከ፡መርከብም፡ድረስ፡ሸ ኙት።
_______________የሐዋርያት፡ሥራ፥ምዕራፍ፡21።______________
ምዕራፍ፡21፤
1፤ከነርሱም፡ተለይተን፡ተነሣን፤በቀጥታም፡ኼደን፡ወደ፡ቆስ፡በነገውም፡ወደ፡ሩድ፡ከዚያም፡ወደ፡ጳጥራ፡መጣን ፤
2፤ወደ፡ፊንቄም፡የሚሻገር፡መርከብ፡አግኝተን፡ገባንና፡ተነሣን።
3፤ቆጵሮስንም፡ባየናት፡ጊዜ፡በስተግራችን፡ተውናት፡ወደ፡ሶርያም፡ኼደን፡ወደ፡ጢሮስ፡ደረስን፥መርከቡ፡ሸክሙ ን፡በዚያ፡የሚያራግፍ፡ነበርና።
4፤ደቀ፡መዛሙርትንም፡ባገኘን፡ጊዜ፡በዚያ፡ሰባት፡ቀን፡ተቀመጥን፤እነርሱም፡ጳውሎስን፡ወደ፡ኢየሩሳሌም፡እን ዳይወጣ፡በመንፈስ፡አሉት።
5፤ጊዜውንም፡በፈጸምን፡ጊዜ፡ወጥተን፡ኼድን፤ዅላቸውም፡ከሚስቶቻቸውና፡ከልጆቻቸው፡ጋራ፡እስከ፡ከተማው፡ውጭ ፡ድረስ፡ሸኙን፥በባሕሩም፡ዳር፡ተንበርክከን፡ጸለይን፤
6፤ርስ፡በርሳችንም፡ተሰነባብተን፡ወደ፡መርከብ፡ወጣን፥እነዚያም፡ወደ፡ቤታቸው፡ተመለሱ።
7፤እኛም፡የባሕሩን፡መንገድ፡ጨርሰን፡ከጢሮስ፡ወደ፡አካ፡ደረስን፥ለወንድሞችም፡ሰላምታ፡ሰጥተን፡ከነርሱ፡ዘ ንድ፡አንድ፡ቀን፡ተቀመጥን።
8፤በነገውም፡ወጥተን፡ወደ፡ቂሳርያ፡መጣን፥ከሰባቱም፡አንድ፡በሚኾን፡በወንጌላዊው፡ፊልጶስ፡ቤት፡ገብተን፡በ ርሱ፡ዘንድ፡ተቀመጥን።
9፤ለርሱም፡ትንቢት፡የሚናገሩ፡አራት፡ደናግል፡ሴቶች፡ልጆች፡ነበሩት።
10፤ዐያሌ፡ቀንም፡ተቀምጠን፡ሳለን፡ነቢይ፡የነበረ፡አጋቦስ፡የሚሉት፡አንድ፡ሰው፡ከይሁዳ፡ወረደ።
11፤ወደ፡እኛም፡መጣና፡የጳውሎስን፡መታጠቂያ፡ወስዶ፡የገዛ፡እጁንና፡እግሩን፡አስሮ፦እንዲሁ፡መንፈስ፡ቅዱስ ፦ይህ፡መታጠቂያ፡ያለውን፡ሰው፡አይሁድ፡በኢየሩሳሌም፡እንደዚህ፡ያስሩታል፡በአሕዛብም፡እጅ፡አሳልፈው፡ይሰ ጡታል፡ይላል፡አለ።
12፤ይህንም፡በሰማን፡ጊዜ፡እኛም፡በዚያ፡የሚኖሩትም፡ወደ፡ኢየሩሳሌም፡እንዳይወጣ፡ለመንነው።
13፤ጳውሎስ፡ግን፡መልሶ፦እያለቀሳችኹ፡ልቤንም፡እየሰበራችኹ፡ምን፡ማድረጋችኹ፡ነው፧እኔ፡ስለ፡ጌታ፡ስለኢየ ሱስ፡ስም፡በኢየሩሳሌም፡ለመሞት፡እንኳ፡ተሰናድቻለኹ፡እንጂ፡ለእስራት፡ብቻ፡አይደለም፡አለ።
14፤ምክርንም፡ሊቀበል፡እምቢ፡ባለ፡ጊዜ፦የጌታ፡ፈቃድ፡ይኹን፡ብለን፡ዝም፡አልን።
15፤ከዚህም፡ቀን፡በዃላ፡ተዘጋጅተን፡ወደ፡ኢየሩሳሌም፡ወጣን።
16፤በቂሳርያም፡ከነበሩ፡ደቀ፡መዛሙርት፡አንዳንዶች፡ደግሞ፡ከእኛ፡ጋራ፡መጡ፥እነርሱም፡ወደምናድርበት፡ወደ ቀደመው፡ደቀ፡መዝሙር፡ወደቆጵሮሱ፡ምናሶን፡ወደሚሉት፡ቤት፡መሩን።
17፤ወደ፡ኢየሩሳሌም፡በደረስን፡ጊዜ፡ወንድሞች፡በደስታ፡ተቀበሉን።
18፤በነገውም፡ጳውሎስ፡ከእኛ፡ጋራ፡ወደ፡ያዕቆብ፡ዘንድ፡ገባ፡ሽማግሌዎችም፡ዅሉ፡መጡ።
19፤ሰላምታም፡ካቀረበላቸው፡በዃላ፡በርሱ፡ማገልገል፡እግዚአብሔር፡በአሕዛብ፡መካከል፡ያደረገውን፡በያንዳን ዱ፡ተረከላቸው።
20፤እነርሱም፡በሰሙ፡ጊዜ፡እግዚአብሔርን፡አመሰገኑ፥አሉትም፦ወንድም፡ሆይ፥በአይሁድ፡መካከል፡አምነው፡የነ በሩት፡ስንት፡አእላፋት፡እንደ፡ኾኑ፡ታያለኽ፤ዅላቸውም፡ለሕግ፡የሚቀኑ፡ናቸው።
21፤ልጆቻቸውንም፡እንዳይገርዙ፡በሥርዐትም፡እንዳይኼዱ፡ብለኽ፡በአሕዛብ፡መካከል፡ያሉት፡አይሁድ፡ዅሉ፡ሙሴ ን፡ይክዱ፡ዘንድ፡እንድታስተምር፡ስለ፡አንተ፡ነግረዋቸዋል።
22፤እንግዲህ፡ምን፡ይኹን፧የአንተን፡መምጣት፡ይሰማሉና፡ብዙዎች፡የግድ፡ሳይሰበሰቡ፡አይቀሩም።
23፤እንግዲህ፡ይህን፡የምንልኽን፡አድርግ፤ስለት፡ያለባቸው፡አራት፡ሰዎች፡በእኛ፡ዘንድ፡አሉ።
24፤እነዚህንም፡ይዘኽ፡ከነርሱ፡ጋራ፡ንጻ፥ራሳቸውንም፡እንዲላጩ፡ገንዘብ፡ክፈልላቸው፤ዅሉም፡ስለ፡አንተ፡የ ተማሩት፡ከንቱ፡እንደ፡ኾነና፥አንተ፡ራስኽ፡ደግሞ፡ሕጉን፡እየጠበቅኽ፡በሥርዐት፡እንድትመላለስ፡ያውቃሉ።
25፤አምነው፡ስለነበሩ፡አሕዛብ፡ግን፡ለጣዖት፡ከተሠዋ፡ከደምም፡ከታነቀም፡ከዝሙትም፡ነፍሳቸውን፡እንዲጠብቁ ፡ፈርደን፡እኛ፡ጽፈንላቸዋል።
26፤በዚያን፡ጊዜ፡ጳውሎስ፡ሰዎችን፡ይዞ፡በማግስቱ፡ከነርሱ፡ጋራ፡እየነጻ፥መንጻታቸውን፡የሚፈጽሙበትን፡ቀን ፡አስታውቆ፡ወደ፡መቅደስ፡ገባ።በዚያም፡ቀን፡ስለ፡እያንዳንዳቸው፡መሥዋዕትን፡አቀረቡ።
27-28፤ሰባቱ፡ቀንም፡ይፈጸም፡ዘንድ፡ሲቀርብ፡ከእስያ፡የመጡ፡አይሁድ፡በመቅደስ፡አይተውት፡ሕዝብን፡ዅሉ፡አወ ኩና፦የእስራኤል፡ሰዎች፡ሆይ፥ርዱን፤ሕዝብን፡ሕግንም፡ይህንም፡ስፍራ፡ሲቃወም፡ሰውን፡ዅሉ፡በየስፍራው፡የሚ ያስተምረው፡ሰው፡ይህ፡ነው፤ጨምሮም፡የግሪክን፡ሰዎች፡ደግሞ፡ወደ፡መቅደስ፡አግብቶ፡ይህን፡የተቀደሰ፡ስፍራ ፡አርክሷል፡ብለው፡እየጮኹ፡እጃቸውን፡ጫኑበት።
29፤በፊት፡የኤፌሶኑን፡ጥሮፊሞስን፡ከርሱ፡ጋራ፡በከተማ፡አይተውት፡ነበርና፥ጳውሎስም፡ወደ፡መቅደስ፡ያገባው ፡መስሏቸው፡ነው።
30፤ከተማውም፡ዅሉ፡ታወከ፡ሕዝቡም፡ዅሉ፡ተሰበሰቡ፡ጳውሎስንም፡ይዘው፡ከመቅደስ፡ውጭ፡ጎተቱት፥ወዲያውም፡ደ ጆች፡ተዘጉ።
31፤ሊገድሉትም፡ሲፈልጉ፦ኢየሩሳሌም፡ፈጽማ፡ታወከች፡የሚል፡ወሬ፡ወደ፡ጭፍራው፡ሻለቃ፡ወጣ፤
32፤ርሱም፡ያን፡ጊዜ፡ወታደሮችን፡ከመቶ፡አለቃዎች፡ጋራ፡ይዞ፡እየሮጠ፡ወረደባቸው፤እነርሱም፡የሻለቃውንና፡ ወታደሮችን፡ባዩ፡ጊዜ፡ጳውሎስን፡መምታት፡ተዉ።
33፤በዚያን፡ጊዜም፡የሻለቃው፡ቀርቦ፡ያዘውና፡በኹለት፡ሰንሰለት፡ይታሰር፡ዘንድ፡አዞ፥ማን፡እንደ፡ኾነና፡ም ን፡እንዳደረገ፡ጠየቀ።
34፤ሕዝቡም፡እኩሌቶቹ፡እንዲህ፡እኩሌቶቹም፡እንዲያ፡እያሉ፡ይጮኹ፡ነበር፤ስለ፡ጫጫታውም፡ርግጡን፡ማወቅ፡ባ ልተቻለ፡ጊዜ፥ወደወታደሮች፡ሰፈር፡ይወስዱት፡ዘንድ፡አዘዘ።
35፤ወደ፡ደረጃውም፡በደረሰ፡ጊዜ፡ስለሕዝቡ፡ግፊያ፡ወታደሮች፡እንዲሸከሙት፡ኾነ፤
36፤ብዙ፡ሕዝብ።አስወግደው፡እያሉና፡እየጮኹ፡ይከተሉ፡ነበርና።
37፤ወደ፡ሰፈርም፡ሊያገቡት፡በቀረቡ፡ጊዜ፥ጳውሎስ፡የሻለቃውን፦አንድ፡ነገር፡ብነግርኽ፡ትፈቅዳለኽን፧አለው ።ርሱም፦የግሪክ፡ቋንቋ፡ታውቃለኽን፧
38፤አንተ፡ከዚህ፡ዘመን፡አስቀድሞ፡ከነፍሰ፡ገዳዮቹ፡አራቱን፡ሺሕ፡ሰዎች፡አሸፍተኽ፡ወደ፡ምድረ፡በዳ፡ያወጣ ኽ፡የግብጽ፡ሰው፡አይደለኽምን፧አለ።
39፤ጳውሎስ፡ግን፦እኔስ፡አይሁዳዊ፡በኪልቅያ፡ያለው፡የጠርሴስ፡ሰው፡ኾኜ፡ስመ፡ጥር፡በኾነ፡ከተማ፡የምኖር፡ ነኝ፤ለሕዝቡ፡እናገር፡ዘንድ፡እንድትፈቅድልኝ፡እለምንኻለኹ፡አለ።
40፤በፈቀደለትም፡ጊዜ፡ጳውሎስ፡በደረጃው፡ላይ፡ቆሞ፡በእጁ፡ወደ፡ሕዝቡ፡ጠቀሰ፥እጅግም፡ጸጥታ፡በኾነ፡ጊዜ፡ በዕብራይስጥ፡ቋንቋ፡እየተናገረ፡እንዲህ፡አለ፦
_______________የሐዋርያት፡ሥራ፥ምዕራፍ፡22።______________
ምዕራፍ፡22፤
1፤እናንተ፡ወንድሞች፡አባቶችም፥አኹን፡ለእናንተ፡ነገሬን፡ስገልጥ፡ስሙኝ።
2፤በዕብራይስጥም፡ቋንቋ፡ሲናገር፡በሰሙ፡ጊዜ፡ከፊት፡ይልቅ፡ዝም፡አሉ።ርሱም፡አለ፦
3፤እኔ፡የኪልቅያ፡በምትኾን፡በጠርሴስ፡የተወለድኹ፥በዚችም፡ከተማ፡በገማልኤል፡እግር፡አጠገብ፡ያደግኹ፥የአ ባቶችንም፡ሕግ፡ጠንቅቄ፡የተማርኹ፥ዛሬውንም፡እናንተ፡ዅሉ፡እንድትኾኑ፡ለእግዚአብሔር፡ቀናተኛ፡የኾንኹ፡አ ይሁዳዊ፡ሰው፡ነኝ።
4፤ወንዶችንም፡ሴቶችንም፡እያሰርኹ፡ወደ፡ወህኒም፡አሳልፌ፡እየሰጠኹ፡ይህን፡መንገድ፡እስከ፡ሞት፡ድረስ፡አሳ ደድኹ።
5፤እንዲህም፡ሊቀ፡ካህናቱ፡ደግሞ፡ሽማግሌዎቹም፡ዅሉ፡ይመሰክሩልኛል፤ከነርሱ፡ደግሞ፡መልእክትን፡ለወንድሞቻ ቸው፡ተቀብዬ፥በደማስቆ፡ያሉትን፡ደግሞ፡ታስረው፡እንዲቀጡ፡ወደ፡ኢየሩሳሌም፡ላመጣ፡ወደዚያ፡እኼድ፡ነበር።
6፤ስኼድም፡ወደ፡ደማስቆ፡በቀረብኹ፡ጊዜ፥ቀትር፡ሲኾን፡ድንገት፡ከሰማይ፡ታላቅ፡ብርሃን፡በዙሪያዬ፡አንጸባረ ቀ፤
7፤በምድርም፡ላይ፡ወድቄ።ሳውል፡ሳውል፥ስለ፡ምን፡ታሳድደኛለኽ፧የሚለኝን፡ድምፅ፡ሰማኹ።
8፤እኔም፡መልሼ፦ጌታ፡ሆይ፥አንተ፡ማን፡ነኽ፧አልኹ።ርሱም፦አንተ፡የምታሳድደኝ፡የናዝሬቱ፡ኢየሱስ፡እኔ፡ነኝ ፡አለኝ።
9፤ከእኔ፡ጋራ፡የነበሩትም፡ብርሃኑን፡አይተው፡ፈሩ፥የሚናገረኝን፡የርሱን፡ድምፅ፡ግን፡አልሰሙም።
10፤ጌታ፡ሆይ፥ምን፡ላድርግ፧አልኹት።ጌታም፦ተነሥተኽ፡ወደ፡ደማስቆ፡ኺድና፡ታደርገው፡ዘንድ፡ስለታዘዘው፡ዅ ሉን፡በዚያ፡ይነግሩኻል፡አለኝ።
11፤ከዚያ፡ብርሃንም፡ክብር፡የተነሣ፡ማየት፡ባይኾንልኝ፡ከእኔ፡ጋራ፡የነበሩት፡ሰዎች፡እጄን፡ይዘው፡እየመሩ ኝ፡ወደ፡ደማስቆ፡ደረስኹ።
12፤በዚያም፡የኖሩት፡አይሁድ፡ዅሉ፡የመሰከሩለት፡እንደ፡ሕጉም፡በጸሎት፡የተጋ፡ሐናንያ፡የሚሉት፡አንድ፡ሰው ፡ነበረ።
13፤ርሱም፡ወደ፡እኔ፡መጥቶ፡ባጠገቤም፡ቆሞ፦ወንድሜ፡ሳውል፡ሆይ፥እይ፡አለኝ።እኔም፡ያን፡ጊዜውን፡ወደ፡ርሱ ፡አየኹ።
14፤ርሱም፡አለኝ፦የአባቶቻችን፡አምላክ፡ፈቃዱን፡ታውቅ፡ዘንድና፡ጻድቁን፡ታይ፡ዘንድ፡ከአፉም፡ድምፅን፡ትሰ ማ፡ዘንድ፡አስቀድሞ፡መርጦኻል፡
15፤ባየኸውና፡በሰማኸው፡በሰው፡ዅሉ፡ፊት፡ምስክር፡ትኾንለታለኽና።
16፤አኹንስ፡ለምን፡ትዘገያለኽ፧ተነሣና፡ስሙን፡እየጠራኽ፡ተጠመቅ፡ከኀጢአትኽም፡ታጠብ።
17፤ወደ፡ኢየሩሳሌምም፡ከተመለሱ፡በዃላ፡በመቅደስ፡ስጸልይ፡ተመስጦ፡መጣብኝ፥
18፤ርሱም፦ፍጠን፡ከኢየሩሳሌምም፡ቶሎ፡ውጣ፥ስለ፡እኔ፡የምትመሰክረውን፡አይቀበሉኽምና፡ሲለኝ፡አየኹት።
19፤እኔም፦ጌታ፡ሆይ፥ባንተ፡የሚያምኑትን፡በምኵራብ፡ዅሉ፡እኔ፡በወህኒ፡አገባና፡እደበድብ፡እንደ፡ነበር፡እ ነርሱ፡ያውቃሉ፤
20፤የሰማዕትኽንም፡የእስጢፋኖስን፡ደም፡ባፈሰሱ፡ጊዜ፥ራሴ፡ደግሞ፡በአጠገባቸው፡ስቆም፡ተስማምቼ፡የገዳዮች ን፡ልብስ፡እጠብቅ፡ነበር፡አልኹ።
21፤ርሱም፦ኺድ፥እኔ፡ወደ፡አሕዛብ፡ከዚህ፡ወደ፡ሩቅ፡እልክኻለኹና፡አለኝ።
22፤እስከዚህም፡ቃል፡ድረስ፡ይሰሙት፡ነበር፥ድምፃቸውንም፡ከፍ፡አድርገው።እንደዚህ፡ያለውን፡ሰው፡ከምድር፡ አስወግደው፥በሕይወት፡ይኖር፡ዘንድ፡አይገ፟ባ፟ውምና፡አሉ።
23፤ሲጮኹና፡ልብሳቸውን፡ሲወረውሩ፡ትቢያንም፡ወደ፡ላይ፡ሲበትኑ፥
24፤የሻለቃው፡ወደ፡ሰፈሩ፡እንዲያገቡት፡አዘዘ፥እንደዚህም፡የጮኹበትን፡ምክንያት፡ያውቅ፡ዘንድ፦እየገረፋች ኹ፡መርምሩት፡አላቸው።
25፤በጠፍርም፡በገተሩት፡ጊዜ፡ጳውሎስ፡ባጠገቡ፡የቆመውን፡የመቶ፡አለቃ፦የሮሜን፡ሰው፡ያለፍርድ፡ትገርፉ፡ዘ ንድ፡ተፈቅዶላችዃልን፧አለው።
26፤የመቶ፡አለቃውም፡በሰማ፡ጊዜ፡ወደ፡ሻለቃው፡ቀርቦ፦ይህ፡ሰው፡ሮማዊ፡ነውና፥ታደርገው፡ዘንድ፡ካለኽ፡ተጠ በቅ፡ብሎ፡ነገረው።
27፤የሻለቃውም፡ቀርቦ፦አንተ፡ሮማዊ፡ነኽን፧ንገረኝ፡አለው፤ርሱም፦አዎን፡አለ።
28፤የሻለቃውም፡መልሶ፦እኔ፡ይህን፡ዜግነት፡በብዙ፡ገንዘብ፡አገኘኹት፡አለ።ጳውሎስም፦እኔ፡ግን፡በርሷ፡ተወ ለድኹ፡አለ።
29፤ስለዚህም፡ሊመረምሩት፡ያሰቡት፡ከርሱ፡ወዲያው፡ተለዩ፤የሻለቃውም፡ደግሞ፡ሮማዊ፡መኾኑን፡ባወቀ፡ጊዜ፡ፈ ራ፥አሳስሮት፡ነበርና።
30፤በማግስቱም፡አይሁድ፡የከሰሱት፡በምን፡ምክንያት፡እንደ፡ኾነ፡ርግጡን፡ያውቅ፡ዘንድ፡ዐስቦ፡ፈታው፥የካህ ናት፡አለቃዎችና፡ሸንጎውም፡ዅሉ፡ይሰበሰቡ፡ዘንድ፡አዘዘ፥ጳውሎስንም፡አውርዶ፡በፊታቸው፡አቆመው።
_______________የሐዋርያት፡ሥራ፥ምዕራፍ፡23።______________
ምዕራፍ፡23፤
1፤ጳውሎስም፡ሸንጎውን፡ትኵር፡ብሎ፡ተመልክቶ፦ወንድሞች፡ሆይ፥እኔ፡እስከዚች፡ቀን፡ድረስ፡በመልካም፡ኅሊና፡ ዅሉ፡በእግዚአብሔር፡ፊት፡ኖሬያለኹ፡አለ።
2፤ሊቀ፡ካህናቱም፡ሐናንያ፡አፉን፡ይመቱት፡ዘንድ፡በአጠገቡ፡ቆመው፡የነበሩትን፡አዘዘ።
3፤በዚያን፡ጊዜ፡ጳውሎስ፦አንተ፡በኖራ፡የተለሰነ፡ግድግዳ፥እግዚአብሔር፡አንተን፡ይመታ፡ዘንድ፡አለው፤አንተ ፡በሕግ፡ልትፈርድብኝ፡ተቀምጠኽ፡ሳለኽ፡ያለሕግ፡እመታ፡ዘንድ፡ታዛለኽን፧አለው።
4፤በአጠገቡ፡የቆሙትም፦የእግዚአብሔርን፡ሊቀ፡ካህናት፡ትሳደባለኽን፧አሉት።
5፤ጳውሎስም፦ወንድሞች፡ሆይ፥ሊቀ፡ካህናት፡መኾኑን፡ባላውቅ፡ነው፤በሕዝብኽ፡አለቃ፡ላይ፡ክፉ፡ቃል፡አትናገር ፡ተብሎ፡ተጽፏልና፥አላቸው።
6፤ጳውሎስ፡ግን፡እኩሌቶቹ፡ሰዱቃውያን፡እኩሌቶቹም፡ፈሪሳውያን፡መኾናቸውን፡አይቶ፦ወንድሞች፡ሆይ፥እኔ፡ፈሪ ሳዊ፡የፈሪሳዊም፡ልጅ፡ነኝ፤ስለ፡ተስፋና፡ስለሙታን፡መነሣት፡ይፈርዱብኛል፡ብሎ፡በሸንጎው፡ጮኸ።
7፤ይህንም፡ባለ፡ጊዜ፡በፈሪሳውያንና፡በሰዱቃውያን፡መካከል፡ጥል፡ኾነ፡ሸንጎውም፡ተለያየ።
8፤ሰዱቃውያን፦ትንሣኤም፡መልአክም፡መንፈስም፡የለም፡የሚሉ፡ናቸውና፤ፈሪሳውያን፡ግን፡ኹለቱን፡ያምናሉ።
9፤ታላቅ፡ጩኸትም፡ኾነ፥ከፈሪሳውያንም፡ወገን፡የኾኑት፡ጻፊዎች፡ተነሥተው፦በዚህ፡ሰው፡ላይ፡ምንም፡ክፉ፡ነገ ር፡አላገኘንበትም፤መንፈስ፡ወይስ፡መልአክ፡ተናግሮት፡ይኾን፧ብለው፡ተከራከሩ።
10፤ብዙ፡ጥልም፡በኾነ፡ጊዜ፡የሻለቃው፡ጳውሎስን፡እንዳይገነጣጥሉት፡ፈርቶ፡ጭፍራዎቹ፡ወርደው፡ከመካከላቸው ፡እንዲነጥቁት፡ወደ፡ሰፈሩም፡እንዲያገቡት፡አዘዘ።
11፤በኹለተኛውም፡ሌሊት፡ጌታ፡በአጠገቡ፡ቆሞ፦ጳውሎስ፡ሆይ፥በኢየሩሳሌም፡ስለ፡እኔ፡እንደ፡መሰከርኽ፡እንዲ ሁ፡በሮሜም፡ትመሰክርልኝ፡ዘንድ፡ይገ፟ባ፟ኻልና፥አይዞኽ፡አለው።
12፤በጠባም፡ጊዜ፡አይሁድ፡ጳውሎስን፡እስኪገድሉት፡ድረስ፡እንዳይበሉና፡እንዳይጠጡ፡በመሐላ፡ተስማሙ።
13፤ይህንም፡ሤራ፡ያደረጉት፡ሰዎች፡ከአርባ፡ይበዙ፡ነበር፤
14፤እነርሱም፡ወደካህናት፡አለቃዎችና፡ወደ፡ሽማግሌዎቹ፡መጥተው፦ጳውሎስን፡እስክንገድል፡ድረስ፡ምንም፡እን ዳንቀምስ፡ተረጋግመን፡ተማምለናል።
15፤እንግዲህ፡አኹን፡እናንተ፡ከሸንጎው፡ጋራ፡ኾናችኹ፡ስለ፡ርሱ፡አጥብቃችኹ፡እንደምትመረምሩ፡መስላችኹ፡ወ ደ፡እናንተ፡እንዲያወርደው፡ለሻለቃው፡አመልክቱት፤እኛም፡ሳይቀርብ፡እንድንገድለው፡የተዘጋጀን፡ነን፡አሏቸ ው።
16፤የጳውሎስ፡የእኅቱ፡ልጅ፡ግን፡ደባቸውን፡በሰማ፡ጊዜ፥መጥቶ፡ወደ፡ሰፈሩ፡ገባና፡ለጳውሎስ፡ነገረው።
17፤ጳውሎስም፡ከመቶ፡አለቃዎች፡አንዱን፡ጠርቶ፦ይህን፡ብላቴና፡ወደ፡ሻለቃው፡ውሰድ፥የሚያወራለት፡ነገር፡አ ለውና፡አለው።
18፤ርሱም፡ይዞት፡ወደ፡ሻለቃው፡ወሰደውና፦ይህ፡ብላቴና፡የሚነግርኽ፡ነገር፡ስለ፡አለው፡እስረኛው፡ጳውሎስ፡ ጠርቶ፡ወዳንተ፡እንድወስደው፡ለመነኝ፡አለው።
19፤የሻለቃውም፡እጁን፡ይዞ፡ፈቀቅ፡አለና፥ለብቻው፡ኾኖ፦የምታወራልኝ፡ነገር፡ምንድር፡ነው፧ብሎ፡ጠየቀው።
20፤ርሱም፦አይሁድ፡ስለ፡ጳውሎስ፡ከፊት፡ይልቅ፡አጥብቀኽ፡እንደምትመረምር፡መስለኽ፥ነገ፡ወደ፡ሸንጎ፡ታወር ደው፡ዘንድ፡ሊለምኑኽ፡ተስማምተዋል።
21፤እንግዲህ፡አንተ፦በጀ፡አትበላቸው፤እስኪገድሉት፡ድረስ፡እንዳይበሉና፡እንዳይጠጡ፡ተማምለው፡ከነርሱ፡ከ አርባ፡የሚበዙ፡ሰዎች፡ያደቡበታልና፤አኹንም፡የተዘጋጁ፡ናቸው፥የአንተንም፡ምላሽ፡ይጠብቃሉ፡አለው።
22፤የሻለቃውም፦ይህን፡ነገር፡ለእኔ፡ማመልከትኽን፡ለማንም፡እንዳትገልጥ፡ብሎ፡ካዘዘ፡በዃላ፡ብላቴናውን፡አ ሰናበተው።
23፤ከመቶ፡አለቃዎቹም፡ኹለት፡ጠርቶ፦ወደ፡ቂሳርያ፡ይኼዱ፡ዘንድ፡ኹለት፡መቶ፡ወታደሮችንና፡ሰባ፡ፈረሰኛዎች ን፡ኹለት፡መቶም፡ባለጦር፡መሣሪያዎችን፡ከሌሊቱ፡በሦስተኛው፡ሰዓት፡አዘጋጁ፡አላቸው።
24፤ጳውሎስንም፡ወደ፡አገረ፡ገዢው፡ወደ፡ፊልክስ፡በደኅና፡እንዲያደርሱት፡የሚያስቀምጡበትን፡ከብት፡ያዘጋጁ ፡ዘንድ፡አዘዛቸው።
25፤ደብዳቤም፡ጻፈ፡እንዲህ፡የሚል።
26፤ከቀላውዴዎስ፡ሉስዮስ፡ወደ፡ክቡር፡አገረ፡ገዢው፡ወደ፡ፊልክስ፤ሰላም፡ለአንተ፡ይኹን።
27፤ይህን፡ሰው፡አይሁድ፡ይዘው፡ሊገድሉት፡ባሰቡ፡ጊዜ፡ከጭፍራዎቹ፡ጋራ፡ደርሼ፡አዳንኹት፥ሮማዊ፡እንደ፡ኾነ ፡ዐውቄ፡ነበርና።
28፤የሚከሰስበትንም፡ምክንያት፡ዐውቅ፡ዘንድ፡ዐስቤ፥ወደ፡ሸንጓቸው፡አወረድኹት፤
29፤በሕጋቸውም፡ስለ፡መከራከር፡እንደ፡ከሰሱት፡አገኘኹ፡እንጂ፡ለሞት፡ወይም፡ለእስራት፡የሚያደርስ፡ክስ፡አ ይደለም።
30፤በዚህም፡ሰው፡አይሁድ፡ሤራ፡እንዲያደርጉበት፡ባመለከቱኝ፡ጊዜ፥ያን፡ጊዜውን፡ወዳንተ፡ሰደድኹት፥ከሳሾቹ ንም፡ደግሞ፡በፊትኽ፡ይከሱት፡ዘንድ፡አዘዝዃቸው።ደኅና፡ኹን።
31፤ወታደሮቹም፡እንደ፡ታዘዙት፡ጳውሎስን፡ይዘው፡በሌሊት፡ወደ፡አንቲጳጥሪስ፡አደረሱት፤
32፤በነገውም፡ከርሱ፡ጋራ፡ይኼዱ፡ዘንድ፡ፈረሰኛዎችን፡ትተው፡ወደ፡ሰፈር፡ተመለሱ።
33፤እነዚያም፡ወደ፡ቂሳርያ፡ገብተው፡ደብዳቤውን፡ለአገረ፡ገዢው፡በሰጡ፡ጊዜ፡ጳውሎስን፡ደግሞ፡በፊቱ፡አቆሙ ት።
34፤ካነበበውም፡በዃላ፡የወዴት፡አውራጃ፡እንደ፡ኾነ፡ጠየቀው፤የኪልቅያ፡ሰው፡መኾኑንም፡ባወቀ፡ጊዜ፦
35፤ከሳሾችኽ፡ደግሞ፡ሲመጡ፡እሰማኻለኹ፡አለው፤በሄሮድስም፡ግቢ፡ውስጥ፡ይጠብቁት፡ዘንድ፡አዘዘ።
_______________የሐዋርያት፡ሥራ፥ምዕራፍ፡24።______________
ምዕራፍ፡24፤
1፤ከዐምስት፡ቀንም፡በዃላ፡ሊቀ፡ካህናቱ፡ሐናንያ፡ከሽማግሌዎችና፡ጠርጠሉስ፡ከሚሉት፡ካንድ፡ጠበቃ፡ጋራ፡ወረ ደ፤እነርሱም፡ስለ፡ጳውሎስ፡ለአገረ፡ገዢው፡አመለከቱት።
2-3፤በተጠራም፡ጊዜ፡ጠርጠሉስ፡ይከሰው፡ዘንድ፡ዠመረ፡እንዲህ፡እያለ፦ክቡር፡ፊልክስ፡ሆይ፥ባንተ፡በኩል፡ብዙ ፡ሰላም፡ስለምናገኝ፡ለዚህም፡ሕዝብ፡በዐሳብኽ፡በየነገሩ፡በየስፍራውም፡መልካም፡መሻሻል፡ስለሚኾንለት፥በፍ ጹም፡ምስጋና፡እንቀበለዋለን።
4፤ነገር፡ግን፥እጅግ፡እንዳላቈይኽ፡በቸርነትኽ፡በዐጪሩ፡ትሰማን፡ዘንድ፡እለምንኻለኹ።
5፤ይህ፡ሰው፡በሽታ፡ኾኖ፡በዓለም፡ባሉት፡አይሁድ፡ዅሉ፡ሁከት፡ሲያስነሣ፥የመናፍቃን፡የናዝራውያን፡ወገን፡መ ሪ፡ኾኖ፡አግኝተነዋልና፤
6፤መቅደስንም፡ደግሞ፡ሊያረክስ፡ሲሞክር፡ያዝነው፥እንደ፡ሕጋችንም፡እንፈርድበት፡ዘንድ፡ወደድን።
7፤ነገር፡ግን፥የሻለቃው፡ሉስዮስ፡መጥቶ፡በብዙ፡ኀይል፡ከእጃችን፡ወሰደው፥
8፤ከሳሾቹንም፡ወዳንተ፡ይመጡ፡ዘንድ፡አዘዘ፤አንተም፡ራስኽ፡ርሱን፡መርምረኽ፡እኛ፡ስለምንከስበት፡ነገር፡ዅ ሉ፡ልታውቅ፡ትችላለኽ።
9፤አይሁድም፡ደግሞ፦ይህ፡ነገር፡እንዲሁ፡ነው፡እያሉ፡ተስማሙ።
10፤ገዢውም፡በጠቀሰው፡ጊዜ፡ጳውሎስ፡መለሰ፡እንዲህ፡ሲል፦ከብዙ፡ዘመን፡ዠምረኽ፡ለዚህ፡ሕዝብ፡አንተ፡ፈራጅ ፡እንደ፡ኾንኽ፡ዐውቃለኹና፡ደስ፡እያለኝ፡ስለእኔ፡ነገር፡እመልሳለኹ፤
11፤እሰግድ፡ዘንድ፡ወደ፡ኢየሩሳሌም፡ከወጣኹ፡ከዐሥራ፡ኹለት፡ቀን፡እንዳይበልጥ፡ልታውቀው፡ትችላለኽ።
12፤ከአንድም፡ስንኳ፡ስነጋገር፡ወይም፡ሕዝብን፡ስሰበስብ፡በመቅደስ፡ቢኾን፡በምኵራብም፡ቢኾን፡በከተማም፡ቢ ኾን፡አላገኙኝም።
13፤አኹንም፡ስለሚከሱኝ፡ያስረዱኽ፡ዘንድ፡አይችሉም።
14፤ነገር፡ግን፥ይህን፡እመሰክርልኻለኹ፤በሕጉ፡ያለውን፡በነቢያትም፡የተጻፉትን፡ዅሉ፡አምኜ፡የአባቶቼን፡አ ምላክ፡እነርሱ፡ኑፋቄ፡ብለው፡እንደሚጠሩት፡መንገድ፡አመልካለኹ፤
15፤እነዚህም፡ራሳቸው፡ደግሞ፡የሚጠብቁት፥ጻድቃንም፡ዐመፀኛዎችም፡ከሙታን፡ይነሡ፡ዘንድ፡እንዳላቸው፡ተስፋ ፡በእግዚአብሔር፡ዘንድ፡አለኝ።
16፤ስለዚህ፥እኔ፡ደግሞ፡በእግዚአብሔርና፡በሰው፡ፊት፡ዅልጊዜ፡ነውር፡የሌለባት፡ኅሊና፡ትኖረኝ፡ዘንድ፡እተ ጋለኹ።
17፤ከብዙ፡ዓመትም፡በዃላ፡ለሕዝቤ፡ምጽዋትና፡መሥዋዕት፡ኣደርግ፡ዘንድ፡መጣኹ፤
18፤ይህንም፡ሳደርግ፡ሳለኹ፡ሕዝብ፡ሳይሰበሰብ፡ሁከትም፡ሳይኾን፡በመቅደስ፡ስነጻ፡አገኙኝ።
19፤ነገር፡ግን፥በእኔ፡ላይ፡ነገር፡ያላቸው፡እንደ፡ኾነ፥በፊትኽ፡መጥተው፡ይከሱኝ፡ዘንድ፡የሚገ፟ባ፟ቸው፡ከ እስያ፡የመጡ፡አንዳንድ፡አይሁድ፡አሉ።
20-21፤ወይም፡በመካከላቸው፡ቆሜ፦ዛሬ፡ስለ፡ሙታን፡መነሣት፡በፊታችኹ፡በእኔ፡ይፈርዱብኛል፡ብዬ፡ከጮኽኹት፡ከ ዚህ፡ካንድ፡ነገር፡በቀር፥በሸንጎ፡ፊት፡ቆሜ፡ሳለኹ፡በእኔ፡አንድ፡ዐመፃ፡ያገኙ፡እንደ፡ኾን፡እነዚህ፡ራሳቸ ው፡ይናገሩ።
22፤ፊልክስ፡ግን፡የመንገዱን፡ነገር፡አጥብቆ፡ዐውቋልና፦የሻለቃው፡ሉስዮስ፡በወረደ፡ጊዜ፡ነገራችኹን፡እቈር ጣለኹ፡ብሎ፡ወደ፡ፊት፡አዘገያቸው።
23፤የመቶውንም፡አለቃ፡ጳውሎስን፡ሲጠብቅ፡እንዲያደላለት፥ከወዳጆቹም፡ማንም፡ሲያገለግለው፡ወይም፡ወደ፡ርሱ ፡ሲመጣ፡እንዳይከለክልበት፡አዘዘው።
24፤ከጥቂት፡ቀንም፡በዃላ፡ፊልክስ፡አይሁዳዊት፡ከነበረች፡ድሩሲላ፡ከሚሏት፡ከሚስቱ፡ጋራ፡መጥቶ፡ጳውሎስን፡ አስመጣ፥በኢየሱስ፡ክርስቶስም፡ስለ፡ማመን፡የሚናገረውን፡ሰማው።
25፤ርሱም፡ስለ፡ጽድቅና፡ራስን፡ስለ፡መግዛት፡ስለሚመጣውም፡ኵነኔ፡ሲነጋገር፡ሳለ፥ፊልክስ፡ፈርቶ፦አኹንስ፡ ኺድ፥በተመቸኝም፡ጊዜ፡ልኬ፡አስጠራኻለኹ፡ብሎ፡መለሰለት።
26፤ያን፡ጊዜም፡ደግሞ፡እንዲፈታው፡ጳውሎስ፡ገንዘብ፡ይሰጠው፡ዘንድ፡ተስፋ፡አደረገ፤ስለዚህ፡ደግሞ፥ብዙ፡ጊ ዜ፡እያስመጣ፡ያነጋግረው፡ነበር።
27፤ኹለት፡ዓመትም፡ከሞላ፡በዃላ፡ጶርቅዮስ፡ፊስጦስ፡በፊልክስ፡ፈንታ፡ተተካ።ፊልክስም፡አይሁድን፡ደስ፡ያሠ ኝ፡ዘንድ፡ወዶ፡ጳውሎስን፡እንደ፡ታሰረ፡ተወው።
_______________የሐዋርያት፡ሥራ፥ምዕራፍ፡25።______________
ምዕራፍ፡25፤
1፤ፊስጦስም፡ወደ፡አውራጃው፡ገብቶ፡ከሦስት፡ቀን፡በዃላ፡ከቂሳርያ፡ወደ፡ኢየሩሳሌም፡ወጣ።
2፤የካህናቱ፡አለቃዎችና፡የአይሁድም፡ታላላቆች፡በጳውሎስ፡ላይ፡አመለከቱ፥
3፤ጳውሎስንም፡ሲቃወም፡እንዲያደላላቸው፡እየለመኑ፥በመንገድ፡ሸምቀው፡ይገድሉት፡ዘንድ፡ዐስበው፡ወደ፡ኢየሩ ሳሌም፡እንዲያስመጣው፡ማለዱት።
4፤ፊስጦስ፡ግን፡ጳውሎስ፡በቂሳርያ፡እንዲጠበቅ፡ርሱም፡ራሱ፡ወደዚያ፡ፈጥኖ፡ይኼድ፡ዘንድ፡እንዳለው፡መለሰላ ቸው፤
5፤እንግዲህ፡በዚህ፡ሰው፡ክፋት፡ቢኾን፡ከእናንተ፡ዘንድ፡ያሉት፡ባለሥልጣኖች፡ከእኔ፡ጋራ፡ወርደው፡ይክሰሱት ፡አላቸው።
6፤በእነርሱም፡ዘንድ፡ከስምንት፡ወይም፡ከዐሥር፡የማይበልጥ፡ቀን፡ተቀምጦ፡ወደ፡ቂሳርያ፡ወረደ፤በነገውም፡በ ፍርድ፡ወንበር፡ተቀምጦ፡ጳውሎስን፡ያመጡት፡ዘንድ፡አዘዘ።
7፤በቀረበም፡ጊዜ፡ከኢየሩሳሌም፡የወረዱት፡አይሁድ፡ከበ፟ውት፡ቆሙ፥ይረቱበትም፡ዘንድ፡የማይችሉትን፡ብዙና፡ ከባድ፡ክስ፡አነሡበት፤
8፤ጳውሎስም፡ሲሟገት፦የአይሁድን፡ሕግ፡ቢኾን፡መቅደስንም፡ቢኾን፡ቄሳርንም፡ቢኾን፡አንዳች፡ስንኳ፡አልበደል ኹም፡አለ።
9፤ፊስጦስ፡ግን፡አይሁድን፡ደስ፡ያሠኝ፡ዘንድ፡ወዶ፡ጳውሎስን፦ወደ፡ኢየሩሳሌም፡ወጥተኽ፡ስለዚህ፡ነገር፡ከዚ ያው፡በፊቴ፡ትፋረድ፡ዘንድ፡ትወዳለኽን፧ብሎ፡መለሰለት።
10፤ጳውሎስ፡ግን፦እፋረድበት፡ዘንድ፡በሚገ፟ባ፟ኝ፡በቄሳር፡ፍርድ፡ወንበር፡ፊት፡ቆሜያለኹ።አንተው፡ደግሞ፡ ፈጽመኽ፡እንደምታውቅ፡አይሁድን፡ምንም፡አልበደልኹም።
11፤እንግዲህ፡በድዬ፡ወይም፡ሞት፡የሚገ፟ባ፟ውን፡ነገር፡አድርጌ፡እንደ፡ኾነ፡ከሞት፡ልዳን፡አልልም፤እነዚህ ፡የሚከሱኝ፡ክስ፡ከንቱ፡እንደ፡ኾነ፡ግን፡ለእነርሱ፡አሳልፎ፡ይሰጠኝ፡ዘንድ፡ማንም፡አይችልም፤ወደ፡ቄሳር፡ ይግባኝ፡ብያለኹ፡አለ።
12፤በዚያን፡ጊዜ፡ፊስጦስ፡ከአማካሪዎቹ፡ጋራ፡ተማክሮ፦ወደ፡ቄሳር፡ይግባኝ፡ብለኻል፤ወደ፡ቄሳር፡ትኼዳለኽ፡ ብሎ፡መለሰለት።
13፤ከጥቂት፡ቀንም፡በዃላ፡ንጉሡ፡አግሪጳ፡በርኒቄም፡ለፊስጦስ፡ሰላምታ፡እንዲያቀርቡ፡ወደ፡ቂሳርያ፡ወረዱ።
14፤በዚያውም፡ብዙ፡ቀን፡ስለተቀመጡ፡ፊስጦስ፡የጳውሎስን፡ነገር፡ለንጉሡ፡እንዲህ፡ብሎ፡ገለጠ።ፊልክስ፡አስ ሮ፡የተወው፡አንድ፡ሰው፡በዚህ፡አለ፤
15፤በኢየሩሳሌምም፡ሳለኹ፡የካህናት፡አለቃዎችና፡የአይሁድ፡ሽማግሌዎች፡እፈርድበት፡ዘንድ፡እየለመኑ፡ስለ፡ ርሱ፡አመለከቱኝ።
16፤እኔም፦ተከሳሹ፡በከሳሾቹ፡ፊት፡ለፊት፡ሳይቆም፡ለተከሰሰበትም፡መልስ፡ይሰጥ፡ዘንድ፡ፈንታ፡ሳያገኝ፥ማን ንም፡ቢኾን፡አሳልፎ፡መስጠት፡የሮማውያን፡ሥርዐት፡አይደለም፡ብዬ፡መለስኹላቸው።
17፤ስለዚህም፡በዚህ፡በተሰበሰቡ፡ጊዜ፥ሳልዘገይ፡በማግስቱ፡በፍርድ፡ወንበር፡ተቀምጬ፡ያንን፡ሰው፡ያመጡት፡ ዘንድ፡አዘዝኹ።
18፤ከሳሾቹም፡በቆሙ፡ጊዜ፡እኔ፡ያሰብኹትን፡ክፉ፡ነገር፡ክስ፡ምንም፡አላመጡበትም፤
19፤ነገር፡ግን፥ስለገዛ፡ሃይማኖታቸውና፡ጳውሎስ፦ሕያው፡ነው፡ስለሚለው፥ስለሞተው፥ኢየሱስ፡ስለተባለው፥ከር ሱ፡ጋራ፡ይከራከሩ፡ነበር።
20፤እኔም፡ይህን፡ነገር፡እንዴት፡እንድመረምር፡አመንትቼ፦ወደ፡ኢየሩሳሌም፡ኼደኽ፡በዚህ፡ነገር፡ከዚያ፡ልት ፋረድ፡ትወዳለኽን፧አልኹት።
21፤ጳውሎስ፡ግን፡አውግስጦስ፡ቄሳር፡እስኪቈርጥ፡ድረስ፡እንዲጠበቅ፡ይግባኝ፡ባለ፡ጊዜ፥ወደ፡ቄሳር፡እስክሰ ደው፡ድረስ፡ይጠበቅ፡ዘንድ፡አዘዝኹ።
22፤አግሪጳም፡ፊስጦስን፦ያንንስ፡ሰው፡እኔ፡ዳግም፡እኮ፡እሰማው፡ዘንድ፡እወድ፡ነበር፡አለው።ርሱም፦ነገ፡ት ሰማዋለኽ፡አለው።
23፤በነገውም፡አግሪጳና፡በርኒቄ፡በብዙ፡ግርማ፡መጥተው፡ከሻለቃዎችና፡ከከተማው፡ታላላቆች፡ጋራ፡ወደ፡ፍርድ ፡ቤት፡ገቡ፤ፊስጦስም፡ባዘዘ፡ጊዜ፡ጳውሎስን፡አመጡት።
24፤ፊስጦስም፡አለ፦አግሪጳ፡ንጉሥ፡ሆይ፡እናንተም፡ከእኛ፡ጋራ፡ያላችኹ፡ሰዎች፡ዅሉ፥ከእንግዲህ፡ወዲህ፡በሕ ይወት፡ይኖር፡ዘንድ፡እንዳይገ፟ባ፟ው፡እየጮኹ፡የአይሁድ፡ሕዝብ፡ዅሉ፡በኢየሩሳሌም፡በዚህም፡ስለ፡ርሱ፡የለ መኑኝን፡ይህን፡ሰው፡ታዩታላችኹ።
25፤እኔ፡ግን፡ሞት፡የሚገ፟ባ፟ውን፡ነገር፡እንዳላደረገ፡አስተዋልኹ፥ርሱም፡ወደ፡አውግስጦስ፡ይግባኝ፡ስለ፡ አለ፡እሰደው፡ዘንድ፡ቈረጥኹ።
26፤ስለ፡ርሱም፡ወደ፡ጌታዬ፡የምጽፈው፡ርግጥ፡ነገር፡የለኝም፤ስለዚህ፥ከተመረመረ፡በዃላ፡የምጽፈውን፡ነገር ፡አገኝ፡ዘንድ፡በፊታችኹ፡ይልቁንም፡በፊትኽ፥ንጉሥ፡አግሪጳ፡ሆይ፥አመጣኹት፤
27፤እስረኛ፡ሲላክ፡የተከሰሰበትን፡ምክንያት፡ደግሞ፡አለማመልከት፡ሞኝነት፡መስሎኛልና።
_______________የሐዋርያት፡ሥራ፥ምዕራፍ፡26።______________
ምዕራፍ፡26፤
1፤አግሪጳም፡ጳውሎስን፦ስለ፡ራስኽ፡ትናገር፡ዘንድ፡ተፈቅዶልኻል፡አለው።በዚያን፡ጊዜ፡ጳውሎስ፡እጁን፡ዘርግ ቶ፡መለሰ፡እንዲህ፡ሲል፦
2-3፤ንጉሥ፡አግሪጳ፡ሆይ፥የአይሁድን፡ሥርዐት፡ክርክርንም፡ዅሉ፡አጥብቀኽ፡ዐውቀኻልና፥በአይሁድ፡በተከሰስኹ በት፡ነገር፡ዅሉ፡ዛሬ፡በፊትኽ፡ስለምመልስ፥ራሴን፡እጅግ፡እንደ፡ተመረቀ፡አድርጌ፡እቈጥረዋለኹ፤ስለዚህ፥በ ትዕግሥት፡ትሰማኝ፡ዘንድ፡እለምንኻለኹ።
4፤ከመዠመሪያ፡አንሥቶ፡በሕዝቤ፡መካከል፡በኢየሩሳሌም፡የኾነውን፥ከታናሽነቴ፡ዠምሬ፡የኖርኹትን፡ኑሮዬን፡አ ይሁድ፡ዅሉ፡ያውቃሉ፤
5፤ሊመሰክሩ፡ይወዱ፡እንደ፡ኾነ፥በአምልኳችን፡ከዅሉ፡ይልቅ፡ሕግን፡በመጠንቀቅ፡እንደሚተጋ፡ወገን፡ፈሪሳዊ፡ ኾኜ፡እንደኖርኹ፡ከጥንት፡ዠምረው፡ዐውቀውኛልና።
6፤አኹንም፡ከእግዚአብሔር፡ዘንድ፡ለአባቶቻችን፡ስለተሰጠው፡ስለተስፋ፡ቃል፡አለኝታ፡ልፋረድ፡ቆሜያለኹ።
7፤ወደዚህም፡ወደ፡ተስፋ፡ቃል፡ዐሥራ፡ኹለቱ፡ወገኖቻችን፡ሌሊትና፡ቀን፡በትጋት፡እያመለኩ፡ይደርሱ፡ዘንድ፡አ ለኝታ፡አላቸው፤ስለዚህም፡አለኝታ፥ንጉሥ፡አግሪጳ፡ሆይ፥ከአይሁድ፡እከሰሳለኹ።
8፤እግዚአብሔር፡ሙታንን፡የሚያስነሣ፡እንደ፡ኾነ፡ስለ፡ምን፡በእናንተ፡ዘንድ፡የማይታመን፡ነገር፡ኾኖ፡ይቈጠ ራል፧
9፤እኔም፡ራሴ፡የናዝሬቱን፡የኢየሱስን፡ስም፡የሚቃወም፡እጅግ፡ነገር፡ኣደርግ፡ዘንድ፡እንዲገባኝ፡ይመስለኝ፡ ነበር።
10፤ይህንም፡ደግሞ፡በኢየሩሳሌም፡አደረግኹት፤ከካህናት፡አለቃዎችም፡ሥልጣን፡ተቀብዬ፡እኔ፡ከቅዱሳን፡ብዙዎ ችን፡በወህኒ፡አሳሰርዃቸው፥ሲገድሏቸውም፡ዐብሬ፡ተቸኹ።
11፤በምኵራብም፡ዅሉ፡ብዙ፡ጊዜ፡እየቀጣኹ፡ይሰድቡት፡ዘንድ፡ግድ፡አልዃቸው፤ያለልክ፡ስቈጣባቸውም፡እስከውጭ ፡አገር፡ከተማዎች፡ድረስ፡እንኳ፡አሳድድ፡ነበር።
12፤ስለዚህም፡ነገ፡ከካህናት፡አለቃዎች፡ሥልጣንና፡ትእዛዝ፡ተቀብዬ፡ወደ፡ደማስቆ፡ስኼድ፥
13፤ንጉሥ፡ሆይ፥በመንገድ፡ሳለኹ፡እኩል፡ቀን፡ሲኾን፡በዙሪያዬና፡ከእኔ፡ጋራ፡በኼዱት፡ዙሪያ፡ከፀሓይ፡ብሩህ ነት፡የበለጠ፡ብርሃን፡ከሰማይ፡ሲበራ፡አየኹ፤
14፤ዅላችንም፡በምድር፡ላይ፡በወደቅን፡ጊዜ፦ሳውል፡ሳውል፥ስለ፡ምን፡ታሳድደኛለኽ፧የመውጊያውን፡ብረት፡ብት ቃወም፡ለአንተ፡ይብስብኻል፡የሚል፡ድምፅ፡በዕብራይስጥ፡ቋንቋ፡ሲናገረኝ፡ሰማኹ።
15፤እኔም፦ጌታ፡ሆይ፥ማን፡ነኽ፧አልኹ።ርሱም፡አለኝ፦አንተ፡የምታሳድደኝ፡እኔ፡ኢየሱስ፡ነኝ።
16፤ነገር፡ግን፥ተነሣና፡በእግርኽ፡ቁም፤ስለዚህ፥እኔን፡ባየኽበት፡ነገር፡ለአንተም፡በምታይበት፡ነገር፡አገ ልጋይና፡ምስክር፡ትኾን፡ዘንድ፡ልሾምኽ፡ታይቼልኻለኹና።
17-18፤የኀጢአትንም፡ስርየት፡በእኔም፡በማመን፡በተቀደሱት፡መካከል፡ርስትን፡ያገኙ፡ዘንድ፥ከጨለማ፡ወደ፡ብር ሃን፡ከሰይጣንም፡ሥልጣን፡ወደ፡እግዚአብሔር፡ዘወር፡እንዲሉ፡ዐይናቸውን፡ትከፍት፡ዘንድ፥ከሕዝቡና፡ወደ፡እ ነርሱ፡ከምልክኽ፡ከአሕዛብ፡አድንኻለኹ።
19፤ንጉሥ፡አግሪጳ፡ሆይ፥ስለዚህ፡ከሰማይ፡የታየኝን፡ራእይ፡እምቢ፡አላልኹም።
20፤ነገር፡ግን፥አስቀድሜ፡በደማስቆ፡ላሉት፡በኢየሩሳሌምም፡በይሁዳም፡አገር፡ዅሉ፡ለአሕዛብም፡ንስሓ፡ይገቡ ፡ዘንድና፡ለንስሓ፡የሚገ፟ባ፟፡ነገር፡እያደረጉ፡ወደ፡እግዚአብሔር፡ዘወር፡ይሉ፡ዘንድ፡ተናገርኹ።
21፤ስለዚህ፥አይሁድ፡በመቅደስ፡ያዙኝ፥ሊገድሉኝም፡ሞከሩ።
22-23፤ከእግዚአብሔርም፡ዘንድ፡ረድኤት፡ተቀብዬ፡ለታናሹም፡ለታላቁም፡ስመሰክር፡እስከዚች፡ቀን፡ድረስ፡ቆሜያ ለኹ፤ነቢያትና፡ሙሴ፡ይኾን፡ዘንድ፡ያለውን፥ክርስቶስ፡መከራን፡እንዲቀበል፡በሙታንም፡ትንሣኤ፡ለሕዝብና፡ለ አሕዛብ፡ብርሃንን፡በመዠመሪያ፡ሊሰብክ፡እንዳለው፥ከተናገሩት፡በቀር፡አንድ፡ስንኳ፡የተናገርኹት፡የለም።
24፤እንዲህም፡ብሎ፡ስለ፡ራሱ፡ሲመልስ፡ፊስጦስ፡በታላቅ፡ድምፅ፦ጳውሎስ፡ሆይ፥አብደኻል፡እኮ፤ብዙ፡ትምህርት ኽ፡ወደ፡እብደት፡ያዞርኻል፡አለው።
25፤ጳውሎስ፡ግን፡እንዲህ፡አለ፦ክቡር፡ፊስጦስ፡ሆይ፥የእውነትንና፡የአእምሮን፡ነገር፡እናገራለኹ፡እንጂ፡እ ብደትስ፡የለብኝም።
26፤በርሱ፡ፊት፡ደግሞ፡በግልጥ፡የምናገረው፡ንጉሥ፡ይህን፡ነገር፡ያውቃል፤ከዚህ፡ነገር፡አንዳች፡እንዳይሰወ ርበት፡ተረድቻለኹና፤ይህ፡በስውር፡የተደረገ፡አይደለምና።
27፤ንጉሥ፡አግሪጳ፡ሆይ፥ነቢያትን፡ታምናለኽን፧እንድታምናቸው፡ዐውቃለኹ።
28፤አግሪጳም፡ጳውሎስን፦በጥቂት፡ክርስቲያን፡ልታደርገኝ፡ትወዳለኽ፡አለው።
29፤ጳውሎስም፦በጥቂት፡ቢኾን፡ወይም፡በብዙ፥አንተ፡ብቻ፡አይደለኽም፤ነገር፡ግን፥ዛሬ፡የሚሰሙኝ፡ዅሉ፡ደግሞ ፡ከዚህ፡እስራቴ፡በቀር፥እንደ፡እኔ፡ይኾኑ፡ዘንድ፡ወደ፡እግዚአብሔር፡እለምናለኹ፡አለው።
30፤ንጉሡም፡አገረ፡ገዢውም፡በርኒቄም፡ከነርሱም፡ጋራ፡ተቀምጠው፡የነበሩት፡ተነሡ፥
31፤ፈቀቅ፡ብለውም፡ርስ፡በርሳቸው፦ይህ፡ሰው፡እንኳንስ፡ለሞት፡ለእስራትም፡የሚገ፟ባ፟፡ምንም፡አላደረገ፡ብ ለው፡ተነጋገሩ።
32፤አግሪጳም፡ፈስጦስን፦ይህ፡ሰው፡እኮ፡ወደ፡ቄሳር፡ይግባኝ፡ባይል፡ይፈታ፡ዘንድ፡ይቻል፡ነበር፡አለው።
_______________የሐዋርያት፡ሥራ፥ምዕራፍ፡27።______________
ምዕራፍ፡27፤
1፤ወደ፡ኢጣሊያም፡በመርከብ፡እንኼድ፡ዘንድ፡በተቈረጠ፡ጊዜ፥ጳውሎስንና፡ሌላዎችን፡እስረኛዎች፡ከአውግስጦስ ፡ጭፍራ፡ለነበረ፡ዩልዮስ፡ለሚሉት፡ለመቶ፡አለቃ፡አሳልፈው፡ሰጧቸው።
2፤በእስያም፡ዳርቻ፡ወዳሉ፡ስፍራዎች፡ይኼድ፡ዘንድ፡ባለው፡በአድራሚጢስ፡መርከብ፡ገብተን፡ተነሣን፤የመቄዶን ያም፡ሰው፡የኾነ፡የተሰሎንቄው፡አርስጥሮኮስ፡ከእኛ፡ጋራ፡ነበረ።
3፤በነገውም፡ወደ፡ሲዶና፡ስንደርስ፡ዩልዮስ፡ለጳውሎስ፡ቸርነት፡አድርጎ፡ርዳታቸውን፡ይቀበል፡ዘንድ፡ወደ፡ወ ዳጆቹ፡እንዲኼድ፡ፈቀደለት።
4፤ከዚያም፡ተነሥተን፡ነፋሱ፡ፊት፡ለፊት፡ነበረና፡በቆጵሮስ፡ተተግነን፡ኼድን፤
5፤በኪልቅያና፡በጵንፍልያም፡አጠገብ፡ያለውን፡ባሕር፡ከተሻገርን፡በዃላ፡በሉቅያ፡ወዳለ፡ወደ፡ሙራ፡ደረስን።
6፤የመቶ፡አለቃውም፡በዚያ፡ወደ፡ኢጣሊያ፡የሚኼድ፡የእስክንድርያውን፡መርከብ፡አግኝቶ፡ወደ፡ርሱ፡አገባን።
7፤ብዙ፡ቀንም፡እያዘገምን፡ኼደን፡በጭንቅ፡ወደቀኒዶስ፡አንጻር፡ደረስን፤ነፋስም፡ስለ፡ከለከለን፡በቀርጤስ፡ ተተግነን፡በሰልሙና፡አንጻር፡ኼድን፤
8፤በጭንቅም፡ጥግ፡ጥጉን፡አልፈን፡ለላሲያ፡ከተማ፡ወደቀረበች፡መልካም፡ወደብ፡ወደሚሏት፡ስፍራ፡መጣን።
9፤ብዙ፡ጊዜም፡ካለፈ፡በዃላ፥የጦም፡ወራት፡አኹን፡ዐልፎ፡ስለ፡ነበረ፡በመርከብ፡ለመኼድ፡አኹን፡የሚያስፈራ፡ ነበርና፥ጳውሎስ።
10፤እናንተ፡ሰዎች፡ሆይ፥ይህ፡ጕዞ፡በጥፋትና፡በብዙ፡ጕዳት፡እንዲኾን፡አያለኹ፤ጥፋቱም፡በገዛ፡ሕይወታችን፡ ነው፡እንጂ፡በጭነቱና፡በመርከቡ፡ብቻ፡አይደለም፡ብሎ፡መከራቸው።
11፤የመቶ፡አለቃው፡ግን፡ጳውሎስ፡ከተናገረው፡ይልቅ፡የመርከብ፡መሪውንና፡የመርከቡን፡ባለቤት፡ያምን፡ነበር ።
12፤ያም፡ወደብ፡ይከርሙበት፡ዘንድ፡የማይመች፡ስለ፡ኾነ፥የሚበዙቱ፡ቢቻላቸው፡በሰሜንና፡በደቡብ፡ምዕራብ፡ት ይዩ፡ወዳለው፡ፍንቄ፡ወደሚሉት፡ወደቀርጤስ፡ወደብ፡ደርሰው፡ይከርሙ፡ዘንድ፥ከዚያ፡እንዲነሡ፡መከሩ።
13፤ልከኛም፡የደቡብ፡ነፋስ፡በነፈሰ፡ጊዜ፥እንዳሰቡት፡የኾነላቸው፡መስሏቸው፡ተነሡ፡በቀርጤስም፡አጠገብ፡ጥ ግ፡ጥጉን፡ዐለፉ።
14፤ነገር፡ግን፥እጅግ፡ሳይዘገይ፡አውራቂስ፡የሚሉት፡ዐውሎ፡ነፋስ፡ከዚያ፡ወረደባቸው፤
15፤መርከቡም፡ተነጥቆ፡ነፋሱን፡ሲቃወም፡መኼድ፡ስላልቻለ፡ለቀነው፡ተነዳን።
16፤ቄዳ፡በሚሏትም፡ደሴት፡በተተገን፟፡ጊዜ፡ታንኳዪቱን፡ለመግዛት፡በጭንቅ፡ቻልን፤
17፤ወደ፡ላይም፡ካወጧት፡በዃላ፡መርከቡን፡በገመድ፡አስታጥቀው፡አጸኑ፤ስርቲስም፡ወደሚሉት፡ወደ፡አሸዋ፡እን ዳይወድቁ፡ፈርተው፡ሸራውን፡አውርደው፡እንዲሁ፡ተነዱ።
18፤ነፋሱም፡በርትቶ፡ሲያስጨንቀን፡በማግስቱ፡ከጭነቱ፡ወደ፡ባሕር፡ይጥሉ፡ነበር፥
19፤በሦስተኛውም፡ቀን፡የመርከቡን፡ዕቃ፡በእጃችን፡ወረወርን።
20፤ብዙ፡ቀንም፡ፀሓይን፡ከዋክብትንም፡ሳናይ፡ትልቅ፡ነፋስም፡ሲበረታብን፡ጊዜ፥ወደ፡ፊት፡እንድናለን፡የማለ ት፡ተስፋ፡ዅሉ፡ተቈረጠ።
21፤ሳይበሉም፡ብዙ፡ቀን፡ከቈዩ፡በዃላ፥ያን፡ጊዜ፡ጳውሎስ፡በመካከላቸው፡ቆሞ፡እንዲህ፡አለ፦እናንተ፡ሰዎች፡ ሆይ፥ሰምታችኹኝ፡በኾነ፡ኖሮ፡ከቀርጤስ፡እንዳትነሡ፡ይህንም፡ጥፋትና፡ጕዳት፡እንዳታገኙ፡ይገ፟ባ፟ችኹ፡ነበ ር።
22፤አኹንም፦አይዟችኹ፡ብዬ፡እመክራችዃለኹ፤ይህ፡መርከብ፡እንጂ፡ከእናንተ፡አንድ፡ነፍስ፡እንኳ፡አይጠፋምና ።
23፤የርሱ፡የምኾንና፡ደግሞ፡የማመልከው፡የእግዚአብሔር፡መልአክ፡በዚች፡ሌሊት፡በአጠገቤ፡ቆሞ፡ነበርና፥ርሱ ም፦
24፤ጳውሎስ፡ሆይ፥አትፍራ፤በቄሳር፡ፊት፡ልትቆም፡ይገ፟ባ፟ኻል፤እንሆም፥እግዚአብሔር፡ከአንተ፡ጋራ፡የሚኼዱ ትን፡ዅሉ፡ሰጥቶኻል፡አለኝ።
25፤ስለዚህ፥እናንተ፡ሰዎች፡ሆይ፥አይዟችኹ፤እንደ፡ተናገረኝ፡እንዲሁ፡እንዲኾን፡እግዚአብሔርን፡አምናለኹና ።
26፤ነገር፡ግን፥ወደ፡አንዲት፡ደሴት፡እንድንወድቅ፡ያስፈልገናል።
27፤በዐሥራ፡አራተኛውም፡ሌሊት፡በአድርያ፡ባሕር፡ወዲህና፡ወዲያ፡ስንነዳ፥መርከበኛዎች፡በእኩለ፡ሌሊት፡ወደ ፡አንድ፡ምድር፡የቀረቡ፡መሰላቸው።
28፤መለኪያ፡ገመድም፡ቢጥሉ፡ኻያ፡በሰው፡ቁመት፡አገኙ፡ጥቂትም፡ቈይተው፡ኹለተኛ፡ቢጥሉ፡ዐሥራ፡ዐምስት፡በሰ ው፡ቁመት፡አገኙ፤
29፤ድንጋያማም፡ወደ፡ኾነ፡ስፍራ፡እንዳይወድቁ፡ፈርተው፥ከመርከቡ፡በስተዃላ፡አራት፡መልሕቅ፡አወረዱ፥ቀንም ፡እንዲኾን፡ተመኙ።
30፤መርከበኛዎቹም፡ከመርከቡ፡ይሸሹ፡ዘንድ፡ፈልገው፡ከመርከቡ፡በስተፊት፡መልሕቅ፡መጣል፡እንዳላቸው፡አመካ ኝተው፡ታንኳዪቱን፡ወደ፡ባሕር፡ባወረዱ፡ጊዜ፥
31፤ጳውሎስ፡ለመቶ፡አለቃውና፡ለወታደሮቹ፦እነዚህ፡በመርከቡ፡ካልቈዩ፡እናንተ፡ትድኑ፡ዘንድ፡አትችሉም፡አላ ቸው።
32፤ያን፡ጊዜ፡ወታደሮቹ፡የታንኳዪቱን፡ገመድ፡ቈርጠው፡ትወድቅ፡ዘንድ፡ተዉአት።
33፤ቀንም፡ሲነጋ፡ጳውሎስ፡ምግብ፡ይበሉ፡ዘንድ፡ዅሉን፡ይለምን፡ነበር፥እንዲህም፡አላቸው፦እየጠበቃችኹ፡ምን ም፡ሳትቀበሉ፡ጦማችኹን፡ከሰነበታችኹ፡ዛሬ፡ዐሥራ፡አራተኛ፡ቀናችኹ፡ነው።
34፤ሰለዚህ፡ምግብ፡ትበሉ፡ዘንድ፡እለምናችዃለኹ፤ይህ፡ለደኅንነታችኹ፡ይኾናልና፤ከእናንተ፡ከአንዱ፡የራስ፡ ጠጕር፡እንኳ፡አትጠፋምና።
35፤ይህንም፡ብሎ፡እንጀራን፡ይዞ፡በዅሉ፡ፊት፡እግዚአብሔርን፡አመሰገነ፥ቈርሶም፡ይበላ፡ዘንድ፡ዠመረ።
36፤ኹሉም፡ተጽናንተው፡ራሳቸው፡ደግሞ፡ምግብ፡ተቀበሉ።
37፤በመርከቡም፡ያለን፡ዅላችን፡ኹለት፡መቶ፡ሰባ፡ስድስት፡ነፍስ፡ነበርን።
38፤በልተውም፡በጠገቡ፡ጊዜ፡ስንዴውን፡ወደ፡ባሕር፡እየጣሉ፡መርከቡን፡አቃለሉት።
39፤በነጋም፡ጊዜ፡ምድሩን፡አላወቁትም፥ነገር፡ግን፥የአሸዋ፡ዳር፡ያለውን፡የባሕር፡ስርጥ፡ተመለከቱ፥ቢቻላቸ ውም፡መርከቡን፡ወደዚያ፡ይገፉ፡ዘንድ፡ቈረጡ።
40፤መልሕቆቹንም፡ፈተ፟ው፡በባሕር፡ተዉአቸው፥ያን፡ጊዜም፡የመቅዘፊያውን፡ማሠሪያ፡ፈቱት፤ታናሹንም፡ሸራ፡ለ ነፋስ፡ከፍ፡አድርገው፡ወደ፡ዳር፡አቅንተው፡ይኼዱ፡ዘንድ፡ዠመሩ።
41፤ነገር፡ግን፥ኹለት፡ባሕር፡በተገናኙበት፡ስፍራ፡ወድቀው፡መርከቡን፡በዲብ፡ላይ፡ነዱ፤በስተፊቱም፡ተተክሎ ፡የማይነቃነቅ፡ኾነ፥በስተዃላው፡ግን፡ከማዕበሉ፡ግፊያ፡የተነሣ፡ይሰበር፡ነበር።
42፤ወታደሮቹም፡ከእስረኛዎች፡አንድ፡ስንኳ፡ዋኝቶ፡እንዳያመልጥ፡ይገድሏቸው፡ዘንድ፡ተማከሩ።
43፤የመቶ፡አለቃው፡ግን፡ጳውሎስን፡ያድነው፡ዘንድ፡ዐስቦ፡ምክራቸውን፡ከለከለ፤ዋና፡የሚያውቁትም፡ከመርከብ ፡ራሳቸውን፡እየወረወሩ፡አስቀድመው፡ወደ፡ምድር፡ይወጡ፡ዘንድ፥
44፤የቀሩትም፡እኩሌቶቹ፡በሳንቃዎች፡ላይ፡እኩሌቶቹም፡በመርከቡ፡ስባሪ፡ይወጡ፡ዘንድ፡አዘዘ።እንዲሁም፡ዅሉ ፡በደኅና፡ወደ፡ምድር፡ደረሱ።
_______________የሐዋርያት፡ሥራ፥ምዕራፍ፡28።______________
ምዕራፍ፡28፤
1፤በደኅና፡ከደረስን፡በዃላ፡በዚያን፡ጊዜ፡ደሴቲቱ፡መላጥያ፡እንድትባል፡ዐወቅን።
2፤አረማውያንም፡የሚያስገርም፡ቸርነት፡አደረጉልን፤ዝናብ፡ስለ፡ኾነም፡ስለ፡ብርዱም፡እሳት፡አንድደው፡ዅላች ንን፡ተቀበሉን።
3፤ጳውሎስ፡ግን፡ብዙ፡ጭራሮ፡አከማችቶ፡ወደ፡እሳት፡ሲጨምር፥እፍኝት፥ከሙቀት፡የተነሣ፥ወጥታ፡እጁን፡ነደፈች ው።
4፤አረማውያንም፡እባብ፡በእጁ፡ተንጠልጥላ፡ባዩ፡ጊዜ፥ርስ፡በርሳቸው፦ይህ፡ሰው፡በርግጥ፡ነፍሰ፡ገዳይ፡ነው፥ ከባሕርም፡ስንኳ፡በደኅና፡ቢወጣ፥የእግዚአብሔር፡ፍርድ፡በሕይወት፡ይኖር፡ዘንድ፡አልተወውም፡አሉ።
5፤ርሱ፡ግን፡እባቢቱን፡ወደ፡እሳት፡አራገፋት፥አንዳችም፡አልጐዳችውም፤
6፤እነርሱም፦ሊያብጥ፡ወይም፡ወዲያው፡ሞቶ፡ሊወድቅ፡ነው፡ብለው፡ይጠባበቁት፡ነበር።ብዙ፡ጊዜ፡ግን፡ሲጠባበቁ ፡በርሱ፡ላይ፡የሚያስገርም፡ነገር፡ምንም፡ባላዩ፡ጊዜ፦ይህስ፡አምላክ፡ነው፡ብለው፥ዐሳባቸውን፡ለወጡ።
7፤በዚያም፡ስፍራ፡አጠገብ፡ፑፕልዮስ፡የሚሉት፡የደሴት፡አለቃ፡መሬት፡ነበረ፥ርሱም፡እንግድነት፡ተቀብሎን፡ሦ ስት፡ቀን፡በፍቅር፡አሳደረን።
8፤የፑፕልዮስም፡አባት፡በንዳድና፡በተቅማጥ፡ታሞ፡ተኝቶ፡ነበር፤ጳውሎስም፡ወደ፡ርሱ፡ገብቶ፡ጸለየለት፥እጁን ም፡በላዩ፡ጭኖ፡ፈወሰው።
9፤ይህም፡በኾነ፡ጊዜ፡የቀሩት፡ደግሞ፡በደሴቲቱ፡ደዌ፡የነበረባቸው፡እየመጡ፡ተፈወሱ፤
10፤በብዙ፡ክብርም፡ደግሞ፡አከበሩን፥በተነሣንም፡ጊዜ፡በመርከብ፡ላይ፡የሚያስፈልገንን፡ነገር፡አኖሩልን።
11፤ከሦስት፡ወርም፡በዃላ፡በደሴቲቱ፡ከርሞ፡በነበረው፡በእስክንድርያው፡መርከብ፡ተነሣን፥በርሱም፡የዲዮስቆ ሮስ፡ዐላማ፡ነበረበት።
12፤ወደ፡ሰራኩስም፡በገባን፡ጊዜ፡ሦስት፡ቀን፡ተቀመጥን፤
13፤ከዚያም፡እየተዛወርን፡ወደ፡ሬጊዩም፡ደረስን።ካንድ፡ቀን፡በዃላም፡የደቡብ፡ነፋስ፡በነፈሰ፡ጊዜ፡በኹለተ ኛው፡ቀን፡ወደ፡ፑቲዮሉስ፡መጣን።
14፤በዚያም፡ወንድሞችን፡አግኝተን፡በእነርሱ፡ዘንድ፡ሰባት፡ቀን፡እንድንቀመጥ፡ለመኑን፤እንዲሁም፡ወደ፡ሮሜ ፡መጣን።
15፤ከዚያም፡ወንድሞች፡ስለኛ፡ሰምተው፡እስከ፡አፍዩስ፡ፋሩስና፡ሦስት፡ማደሪያ፡እስከሚባለው፡ሊቀበሉን፡ወጡ ፥ጳውሎስም፡ባያቸው፡ጊዜ፡እግዚአብሔርን፡አመሰገነ፡ልቡም፡ተጽናና።
16፤ወደ፡ሮሜም፡በገባን፡ጊዜ፡ጳውሎስ፡ከሚጠብቀው፡ወታደር፡ጋራ፡ለብቻው፡ይቀመጥ፡ዘንድ፡ተፈቀደለት።
17፤ከሦስት፡ቀንም፡በዃላ፡ጳውሎስ፡የአይሁድን፡ታላላቆች፡ወደ፡ርሱ፡ጠራ፤በተሰበሰቡም፡ጊዜ፡እንዲህ፡አላቸ ው፦ወንድሞች፡ሆይ፥እኔ፡ሕዝቡን፡ወይም፡የአባቶችን፡ሥርዐት፡የሚቃወም፡አንዳች፡ሳላደርግ፥ከኢየሩሳሌም፡እ ንደ፡ታሰርኹ፡በሮማውያን፡እጅ፡አሳልፈው፡ሰጡኝ።
18፤እነርሱም፡መርምረው፡ለሞት፡የሚገ፟ባ፟፡ምክንያት፡ስላልነበረብኝ፡ሊፈቱኝ፡ዐሰቡ፤
19፤አይሁድ፡ግን፡በተቃወሙ፡ጊዜ፥ወደ፡ቄሳር፡ይግባኝ፡እንድል፡ግድ፡ኾነብኝ፡እንጂ፡ሕዝቤን፡የምከስበት፡ነ ገር፡ኖሮኝ፡አይደለም።
20፤ስለዚህም፡ምክንያት፡አያችኹና፡እነግራችኹ፡ዘንድ፡ጠራዃችኹ፤ስለ፡እስራኤል፡ተስፋ፡ይህን፡ሰንሰለት፡ለ ብሻለኹና።
21፤እነርሱም፦እኛ፡ከይሁዳ፡ስለ፡አንተ፡ደብዳቤ፡አልተቀበልንም፥ከወንድሞችም፡አንድ፡ስንኳ፡መጥቶ፡ስለ፡አ ንተ፡ክፉ፡ነገር፡አላወራልንም፡ወይም፡አልተናገረብኽም።
22፤ነገር፡ግን፥ስለዚህ፡ወገን፡በየስፍራው፡ዅሉ፡እንዲቃወሙ፡በእኛ፡ዘንድ፡ታውቋልና፥የምታስበውን፡ከአንተ ፡እንሰማ፡ዘንድ፡እንፈቅዳለን፡አሉት።
23፤ቀንም፡ቀጥረውለት፡ብዙ፡ኾነው፡ወደ፡መኖሪያው፡ወደ፡ርሱ፡መጡ፤ስለእግዚአብሔር፡መንግሥትም፡እየመሰከረ ፡ስለ፡ኢየሱስም፡ከሙሴ፡ሕግና፡ከነቢያት፡ጠቅሶ፡እያስረዳቸው፥ከጧት፡ዠምሮ፡እስከ፡ማታ፡ድረስ፡ይገልጥላቸ ው፡ነበር።
24፤እኩሌቶቹም፡የተናገረውን፡አመኑ፥እኩሌቶቹ፡ግን፡አላመኑም፤
25፤ርስ፡በርሳቸውም፡ባልተስማሙ፡ጊዜ፥ጳውሎስ፡አንዲት፡ቃል፡ከተናገረ፡በዃላ፡ኼዱ፤እንዲህም፡አለ፦መንፈስ ፡ቅዱስ፡በነቢዩ፡በኢሳይያስ፡ለአባቶቻችን።
26፤ወደዚህ፡ሕዝብ፡ኺድና፦መስማትን፡ትሰማላችኹና፡አታስተውሉም፥ማየትንም፡ታያላችኹና፡አትመለከቱም፤
27፤በዐይናቸው፡እንዳያዩ፡በዦሯቸው፡እንዳይሰሙ፡በልባቸውም፡እንዳያስተውሉ፡ተመልሰውም፡እንዳልፈውሳቸው፥ የዚህ፡ሕዝብ፡ልብ፡ደንድኗል፡ዦሯቸውም፡ደንቍሯል፡ዐይናቸውንም፡ጨፍነዋል፡በላቸው፡ሲል፡መልካም፡ተናገረ።
28፤እንግዲህ፡ይህ፡የእግዚአብሔር፡ደኅንነት፡ለአሕዛብ፡እንደ፡ተላከ፡በእናንተ፡ዘንድ፡የታወቀ፡ይኹን፤እነ ርሱ፡ደግሞ፡ይሰሙታል።
29፤ይህንም፡በተናገረ፡ጊዜ፡አይሁድ፡ርስ፡በርሳቸው፡እጅግ፡እየተከራከሩ፡ኼዱ።
30፤ጳውሎስም፡በተከራየው፡ቤት፡ኹለት፡ዓመት፡ሙሉ፡ተቀመጠ፥ወደ፡ርሱም፡የሚመጡትን፡ዅሉ፡ይቀበል፡ነበር፤
31፤ማንም፡ሳይከለክለው፡የእግዚአብሔርን፡መንግሥት፡እየሰበከ፡ስለ፡ጌታ፡ስለ፡ኢየሱስ፡ክርስቶስ፡እጅግ፡ገ ልጦ፡ያስተምር፡ነበር፨

http://www.gzamargna.net