ትንቢተ፡ሚልክያስ።

(ክለሳ.1.20020507)

_______________ትንቢተ፡ሚልክያስ፥ምዕራፍ፡1።______________
ምዕራፍ፡1።
1፤በሚልክያስ፡እጅ፡ለእስራኤል፡የኾነ፡የእግዚአብሔር፡ቃል፡ሸክም፡ይህ፡ነው።
2፤ወድጃችዃለኹ፥ይላል፡እግዚአብሔር፤እናንተ፡ግን፦በምን፡ወደድኸን፧ብላችዃል።ዔሳው፡የያዕቆብ፡ወንድም፡አ ልነበረምን፧ይላል፡እግዚአብሔር፤ያዕቆብንም፡ወደድኹ፥ዔሳውንም፡ጠላኹ፤
3፤ተራራዎቹንም፡በረሓ፡አደረግዃቸው፥ርስቱንም፡ለምድረ፡በዳ፡ቀበሮዎች፡አሳልፌ፡ሰጠዃቸው።
4፤ኤዶምያስ፦እኛ፡ፈርሰናል፥ነገር፡ግን፥የፈረሰውን፡መልሰን፡እንሠራለን፡ቢል፥የሰራዊት፡ጌታ፡እግዚአብሔር ፡እንዲህ፡ይላል፦እነርሱ፡ይሠራሉ፥እኔ፡ግን፡አፈርሳለኹ፤በሰዎችም፡ዘንድ፦የበደል፡ዳርቻና፡እግዚአብሔር፡ ለዘለዓለም፡የተቈጣው፡ሕዝብ፡ይባላል።
5፤ዐይኖቻችኹም፡ያያሉ፥እናንተም፦እግዚአብሔር፡ከእስራኤል፡ዳርቻ፡ወዲያ፡ታላቅ፡ይኹን፡ትላላችኹ።
6፤እናንተ፡ስሜን፡የምታቃልሉ፡ካህናት፡ሆይ፥ልጅ፡አባቱን፥ባሪያም፡ጌታውን፡ያከብራል፤እኔስ፡አባት፡ከኾንኹ ፡ክብሬ፡ወዴት፡አለ፧ጌታስ፡ከኾንኹ፡መፈራቴ፡ወዴት፡አለ፧ይላል፡የሰራዊት፡ጌታ፡እግዚአብሔር።እናንተም፦ስ ምኽን፡ያቃለልን፡በምንድር፡ነው፧ብላችዃል።
7፤በመሠዊያዬ፡ላይ፡ርኩስ፡እንጀራ፡ታቀርባላችኹ።እናንተም፦ያረከስንኽ፡በምንድር፡ነው፧ብላችዃል።የእግዚአ ብሔር፡ገበታ፡የተነቀፈ፡ነው፡በማለታችኹ፡ነው።
8፤ዕውር፡መሥዋዕትንም፡ስታቀርቡ፡ይህ፡ክፉ፡አይደለምን፧ዐንካሳውንና፡የታመመውን፡ስታቀርቡ፡ይህ፡ክፉ፡አይ ደለምን፧ያንን፡ለአለቃኽ፡አቅርብ፤በእውኑ፡ባንተ፡ደስ፡ይለዋልን፧ወይስ፡ፊትኽን፡ይቀበላልን፧ይላል፡የሰራ ዊት፡ጌታ፡እግዚአብሔር።
9፤አኹንም፡ጸጋን፡ይሰጠን፡ዘንድ፡እግዚአብሔርን፡ለምኑ፤ይህ፡ከእጃችኹ፡የተሰጠ፡ሲኾን፡ከቶ፡ፊታችኹን፡ይቀ በላልን፧ይላል፡የሰራዊት፡ጌታ፡እግዚአብሔር።
10፤በመሠዊያዬ፡ላይ፡እሳትን፡በከንቱ፡እንዳታቃጥሉ፡ከእናንተ፡ዘንድ፡ደጅ፡የሚዘጋ፡ሰው፡ምነው፡በተገኘ! በእናንተ፡ደስ፡አይለኝም፥ቍርባንንም፡ከእጃችኹ፡አልቀበልም፥ይላል፡የሰራዊት፡ጌታ፡እግዚአብሔር።
11፤ከፀሓይ፡መውጫ፡ዠምሮ፡እስከ፡መግቢያዋ፡ድረስ፡ስሜ፡በአሕዛብ፡ዘንድ፡ታላቅ፡ይኾናልና፤በየስፍራውም፡ለ ስሜ፡ዕጣን፡ያጥናሉ፥ንጹሕም፡ቍርባን፡ያቀርባሉ፤ስሜ፡በአሕዛብ፡ዘንድ፡ታላቅ፡ይኾናልና፥ይላል፡የሰራዊት፡ ጌታ፡እግዚአብሔር።
12፤እናንተ፡ግን፦የእግዚአብሔር፡ገበታ፡ርኩስ፡ነው፤ፍሬውና፡መብሉም፡የተናቀ፡ነው፡በማለታችኹ፡አስነቀፋች ኹት።
13፤እናንተ፦እንሆ፥ይህ፡ድካም፡ነው፡ብላችኹ፡ጢቅ፡አላችኹበት፥ይላል፡የሰራዊት፡ጌታ፡እግዚአብሔር፤በቅሚያ ፡የያዛችኹትንም፡ዐንካሳውንም፡የታመመውንም፡አቅርባችዃል፤እንዲሁ፡ቍርባንን፡ታመጣላችኹ፤በእውኑ፡ከእጃች ኹ፡ይህን፡ልቀበለውን፧ይላል፡እግዚአብሔር።
14፤እኔ፡ታላቅ፡ንጉሥ፡ነኝና፥ይላል፡የሰራዊት፡ጌታ፡እግዚአብሔር፥ስሜም፡በአሕዛብ፡ዘንድ፡የተፈራ፡ነውና፥ በመንጋው፡ውስጥ፡ተባት፡እያለው፡ለጌታ፡ተስሎ፡ነውረኛውን፡የሚሠዋ፡ሸንጋይ፡ሰው፡ርጉም፡ይኹን።
_______________ትንቢተ፡ሚልክያስ፥ምዕራፍ፡2።______________
ምዕራፍ፡2።
1፤አኹንም፡እናንተ፡ካህናት፡ሆይ፥ይህ፡ትእዛዝ፡ለእናንተ፡ነው።
2፤ለስሜ፡ክብር፡ትሰጡ፡ዘንድ፡ባትሰሙ፥በልባችኹም፡ባታደርጉት፥ይላል፡የሰራዊት፡ጌታ፡እግዚአብሔር፥ርግማን ፡እሰድ፟ባችዃለኹ፥በረከታችኹንም፡እረግማታለኹ፤አኹንም፡በልባችኹ፡አላደረጋችኹትምና፡እኔ፡ረግሜያታለኹ።
3፤እንሆ፥ክንዳችኹን፡እገሥጻለኹ፥የመሥዋዕታችኹንም፡ፋንድያ፡በፊታችኹ፡ላይ፡እበትናለኹ፤ከርሱም፡ጋራ፡በአ ንድነት፡ትወሰዳላችኹ።
4፤ቃል፡ኪዳኔ፡ከሌዊ፡ጋራ፡ይኾን፡ዘንድ፡ይህን፡ትእዛዝ፡እንደ፡ሰደድኹላችኹ፡ታውቃላችኹ፥ይላል፡የሰራዊት፡ ጌታ፡እግዚአብሔር።
5፤ቃል፡ኪዳኔ፡ከርሱ፡ጋራ፡የሕይወትና፡የሰላም፡ቃል፡ኪዳን፡ነበረ፤ይፈራ፡ዘንድም፡እነርሱን፡ሰጠኹት፤ርሱም ፡ፈራኝ፥ከስሜም፡የተነሣ፡ደነገጠ።
6፤የእውነት፡ሕግ፡በአፉ፡ውስጥ፡ነበረች፥በከንፈሩም፡ውስጥ፡በደል፡አልተገኘበትም፤ከእኔም፡ጋራ፡በሰላምና፡ በቅንነት፡ኼደ፥ብዙ፡ሰዎችንም፡ከኀጢአት፡መለሰ።
7፤ካህኑ፡የሰራዊት፡ጌታ፡የእግዚአብሔር፡መልእክተኛ፡ነውና፥ከንፈሮቹ፡ዕውቀትን፡ይጠብቁ፡ዘንድ፡ይገ፟ባ፟ቸ ዋል፥ሰዎችም፡ሕግን፡ከአፉ፡ይፈልጉ፡ዘንድ፡ይገ፟ባ፟ቸዋል።
8፤እናንተ፡ግን፡ከመንገዱ፡ፈቀቅ፡ብላችዃል፤በሕግም፡ብዙ፡ሰዎችን፡አሰናክላችዃል፤የሌዊንም፡ቃል፡ኪዳን፡አ ስነውራችዃል፥ይላል፡የሰራዊት፡ጌታ፡እግዚአብሔር።
9፤ስለዚህ፥መንገዴን፡እንዳልጠበቃችኹ፥በሕግም፡ለሰው፡ፊት፡እንዳዳላችኹ፡መጠን፥እኔ፡ደግሞ፡በሕዝብ፡ዅሉ፡ ፊት፡የተናቃችኹና፡የተዋረዳችኹ፡አድርጌያችዃለኹ።
10፤ለዅላችን፡አንድ፡አባት፡ያለን፡አይደለምን፧አንድ፡አምላክስ፡የፈጠረን፡አይደለምን፧የአባቶቻችንን፡ቃል ፡ኪዳን፡ለማስነቀፍ፡እኛ፡እያንዳንዳችን፡ወንድማችንን፡ስለ፡ምን፡አታለልን፧
11፤እግዚአብሔር፡የወደደውን፡መቅደስ፡ይሁዳ፡አርክሷልና፥የእንግዳውንም፡አምላክ፡ልጅ፡ሚስት፡አድርጎ፡አግ ብቷልና፥ይሁዳ፡አታ፟ሏ፟ል፥በእስራኤልና፡በኢየሩሳሌም፡ውስጥ፡ርኵሰት፡ተሠርቷል።
12፤ይህን፡ከሚያደርግ፡ሰው፥እግዚአብሔር፡የሚጠራውንና፡የሚመልሰውን፡ለሰራዊትም፡ጌታ፡ለእግዚአብሔር፡ቍር ባን፡የሚያቀርበውን፡ከያዕቆብ፡ድንኳን፡ያጠፋል።
13፤ይህንም፡ደግሞ፡አድርጋችዃል፤እግዚአብሔር፡ቍርባኑን፡ዳግመኛ፡እንዳይመለከት፥ከእጃችኹም፡በደስታ፡እን ዳይቀበለው፡መሠዊያውን፡በእንባና፡በልቅሶ፡በሐዘንም፡ትከድናላችኹ።
14፤እናንተም፦ስለ፡ምንድር፡ነው፧ብላችዃል።ሚስትኽ፡ባልንጀራኽና፡የቃል፡ኪዳንኽ፡ሚስት፡ኾና፡ሳለች፡ርሷን ፡አታ፟ለ፟ኻታልና፥እግዚአብሔር፡በአንተና፡በልጅነት፡ሚስትኽ፡መካከል፡ምስክር፡ስለ፡ኾነ፡ነው።
15፤እግዚአብሔር፡የሕይወትን፡መንፈስ፡አንድ፡አድርጎ፡ጠብቆልን፡የለምን፧ርሱም፡የሚፈልገው፡ምንድር፡ነው፧ ዘር፡አይደለምን፧ስለዚህ፡መንፈሳችኹን፡ጠብቁ፥ማንም፡የልጅነት፡ሚስቱን፡አያታል፟።
16፤መፋታትን፡እጠላለኹ፥ይላል፡የእስራኤል፡አምላክ፡እግዚአብሔር፥ልብሱንም፡በግፍ፡ሥራ፡የሚከድነውን፡ሰው ፡እጠላለኹ፥ይላል፡የሰራዊት፡ጌታ፡እግዚአብሔር፤ስለዚህ፥እንዳታታልሉ፡መንፈሳችኹን፡ጠብቁ።
17፤እግዚአብሔርን፡በቃላችኹ፡አታክታችዃል።እናንተም፦ያታከትነው፡በምንድር፡ነው፧ብላችዃል።ክፉን፡የሚያደ ርግ፡ዅሉ፡በእግዚአብሔር፡ዘንድ፡መልካም፡ነው፥ርሱም፡በእነርሱ፡ደስ፡ይለዋል፤ወይስ።የፍርድ፡አምላክ፡ወዴ ት፡አለ፧በማለታችኹ፡ነው።
_______________ትንቢተ፡ሚልክያስ፥ምዕራፍ፡3።______________
ምዕራፍ፡3።
1፤እንሆ፥መልእክተኛዬን፡እልካለኹ፥መንገድንም፡በፊቴ፡ያስተካክላል፤እናንተም፡የምትፈልጉት፡ጌታ፡በድንገት ፡ወደ፡መቅደሱ፡ይመጣል፤የምትወዱትም፡የቃል፡ኪዳን፡መልእክተኛ፥እንሆ፥ይመጣል፥ይላል፡የሰራዊት፡ጌታ፡እግ ዚአብሔር።
2፤ነገር፡ግን፥ርሱ፡እንደ፡አንጥረኛ፡እሳትና፡እንደ፡ዐጣቢ፡ሳሙና፡ነውና፥የሚመጣበትን፡ቀን፡መታገሥ፡የሚች ል፡ማን፡ነው፧ርሱስ፡በተገለጠ፡ጊዜ፡የሚቆም፡ማን፡ነው፧
3፤ርሱም፡ብርን፡እንደሚያነጥርና፡እንደሚያጠራ፡ሰው፡ይቀመጣል፥የሌዊንም፡ልጆች፡ያጠራል፥እንደ፡ወርቅና፡እ ንደ፡ብርም፡ያነጥራቸዋል፤እነርሱም፡ለእግዚአብሔር፡በጽድቅ፡ቍርባንን፡የሚያቀርቡ፡ይኾናሉ።
4፤እግዚአብሔርም፡እንደ፡ዱሮው፡ዘመንና፡እንደ፡ቀደሙት፡ዓመታት፡በይሁዳና፡በኢየሩሳሌም፡ቍርባን፡ደስ፡ይለ ዋል።
5፤ለፍርድ፡ወደ፡እናንተ፡እቀርባለኹ፤በመተተኛዎችና፡በአመንዝራዎች፥በሐሰትም፡በሚምሉ፥የምንደኛውን፡ደመ፡ ወዝ፡በሚከለክሉ፥መበለቲቱንና፡ድኻ፡አደጉን፡በሚያስጨንቁ፥የመጻተኛውንም፡ፍርድ፡በሚያጣምሙ፥እኔንም፡በማ ይፈሩ፡ላይ፡ፈጣን፡ምስክር፡እኾንባቸዋለኹ፥ይላል፡የሰራዊት፡ጌታ፡እግዚአብሔር።
6፤እኔ፡እግዚአብሔር፡አልለወጥም፤እናንተ፡የያዕቆብ፡ልጆች፡ሆይ፥ስለዚህ፡የጠፋችኹ፡አይደላችኹም።
7፤ከአባቶቻችኹ፡ዘመን፡ዠምር፡ከሥርዐቴ፡ፈቀቅ፡ብላችዃል፥ርሷንም፡አልጠበቃችኹም፦ወደ፡እኔ፡ተመለሱ፥እኔም ፡ወደ፡እናንተ፡እመለሳለኹ፥ይላል፡የሰራዊት፡ጌታ፡እግዚአብሔር።እናንተ፡ግን፦የምንመለሰው፡በምንድር፡ነው ፧ብላችዃል።
8፤ሰው፡እግዚአብሔርን፡ይሰርቃልን፧እናንተ፡ግን፡እኔን፡ሰርቃችዃል።እናንተም፦የሰረቅንኽ፡በምንድር፡ነው፧ ብላችዃል።በዓሥራትና፡በበኵራት፡ነው።
9፤እናንተ፥ይህ፡ሕዝብ፡ዅሉ፥እኔን፡ሰርቃችዃልና፥በርግማን፡ርጉሞች፡ናችኹ።
10፤በቤቴ፡ውስጥ፡መብል፡እንዲኾን፡ዓሥራቱን፡ዅሉ፡ወደ፡ጐተራ፡አግቡ፤የሰማይንም፡መስኮት፡ባልከፍትላችኹ፥ በረከትንም፡አትረፍርፌ፡ባላፈስ፟ላችኹ፡በዚህ፡ፈትኑኝ፥ይላል፡የሰራዊት፡ጌታ፡እግዚአብሔር።
11፤ስለ፡እናንተ፡ነቀዙን፡እገሥጻለኹ፥የምድራችኹንም፡ፍሬ፡አያጠፋም፤በዕርሻችኹም፡ያለው፡ወይን፡ፍሬውን፡ አያረግፍም፥ይላል፡የሰራዊት፡ጌታ፡እግዚአብሔር።
12፤የተድላ፡ምድር፡ትኾናላችኹና፡አሕዛብ፡ዅሉ፡ብፁዓን፡ብለው፡ይጠሯችዃል፥ይላል፡የሰራዊት፡ጌታ፡እግዚአብ ሔር።
13፤ቃላችኹ፡በእኔ፡ላይ፡ድፍረት፡ኾኗል፥ይላል፡እግዚአብሔር።እናንተ፡ግን፦ባንተ፡ላይ፡ደፍረን፡የተናገርነ ው፡በምንድር፡ነው፧ብላችዃል።
14፤እናንተም፦እግዚአብሔርን፡ማገልገል፡ከንቱ፡ነው፤ትእዛዙንስ፡በመጠበቅ፥በሰራዊት፡ጌታ፡በእግዚአብሔር፡ ፊት፡ሐዘንተኛዎች፡ኾነን፡በመኼድ፡ምን፡ይረባናል፧
15፤አኹንም፡የሚታበዩትን፡ሰዎች፡ብፁዓን፡ብለን፡እንጠራቸዋለን፤ክፉንም፡የሚሠሩ፡ጸንተዋል፡እግዚአብሔርን ም፡ይፈታተናሉ፥ያመልጣሉም፡ብላችዃል።
16፤የዚያን፡ጊዜ፡እግዚአብሔርን፡የሚፈሩ፡ርስ፡በርሳቸው፡ተነጋገሩ፤እግዚአብሔርም፡አደመጠ፥ሰማም፥እግዚአ ብሔርንም፡ለሚፈሩ፡ስሙንም፡ለሚያስቡ፡የመታሰቢያ፡መጽሐፍ፡በፊቱ፡ተጻፈ።
17፤እኔ፡በምሠራበት፡ቀን፡እነርሱ፡የእኔ፡ገንዘብ፡ይኾናሉ፥ይላል፡የሰራዊት፡ጌታ፡እግዚአብሔር፤ሰውም፡የሚ ያገለግለውን፡ልጁን፡እንደሚምር፥እንዲሁ፡እምራቸዋለኹ።
18፤ተመልሳችኹም፡በጻድቁና፡በኀጢአተኛው፡መካከል፥ለእግዚአብሔር፡በሚገዛውና፡በማይገዛው፡መካከል፡ትለያላ ችኹ።
_______________ትንቢተ፡ሚልክያስ፥ምዕራፍ፡4።______________
ምዕራፍ፡4።
1፤እንሆ፥እንደ፡ምድጃ፡እሳት፡የሚነድ፟፡ቀን፡ይመጣል፤ትዕቢተኛዎችና፡ኀጢአትን፡የሚሠሩ፡ዅሉ፡ገለባ፡ይኾና ሉ፤የሚመጣውም፡ቀን፡ያቃጥላቸዋል፥ሥርንና፡ቅርንጫፍንም፡አይተውላቸውም፥ይላል፡የሰራዊት፡ጌታ፡እግዚአብሔ ር።
2፤ነገር፡ግን፥ስሜን፡ለምትፈሩት፡ለእናንተ፡የጽድቅ፡ፀሓይ፡ትወጣላችዃለች፥ፈውስም፡በክንፎቿ፡ውስጥ፡ይኾና ል፤እናንተም፡ትወጣላችኹ፥እንደ፡ሰባ፟ም፡እንቦሳ፡ትፈነጫላችኹ።
3፤በምሠራበት፡ቀን፡በደለኛዎች፡ከእግራችኹ፡ጫማ፡በታች፡ዐመድ፡ይኾናሉና፡እናንተ፡ትረግጧቸዋላችኹ፥ይላል፡ የሰራዊት፡ጌታ፡እግዚአብሔር።
4፤ለእስራኤል፡ዅሉ፡ሥርዐትንና፡ፍርድን፡አድርጌ፡በኰሬብ፡ያዘዝኹትን፡የባሪያዬን፡የሙሴን፡ሕግ፡ዐስቡ።
5፤እንሆ፥ታላቁና፡የሚያስፈራው፡የእግዚአብሔር፡ቀን፡ሳይመጣ፡ነቢዩን፡ኤልያስን፡እልክላችዃለኹ።
6፤መጥቼም፡ምድርን፡በርግማን፡እንዳልመታ፡ርሱ፡የአባቶችን፡ልብ፡ወደ፡ልጆች፥የልጆችንም፡ልብ፡ወደ፡አባቶች ፡ይመልሳል፨

http://www.gzamargna.net