ትንቢተ፡ሚክያስ።

(ክለሳ.1.20020507)

_______________ትንቢተ፡ሚክያስ፥ምዕራፍ፡1።______________
ምዕራፍ፡1።
1፤በይሁዳ፡ነገሥታት፡በኢዮአታምና፡በአካዝ፡በሕዝቅያስም፡ዘመን፡ወደ፡ሞሬታዊው፡ወደ፡ሚክያስ፡የመጣው፥ስለ ፡ሰማርያና፡ስለ፡ኢየሩሳሌም፡ያየው፥የእግዚአብሔር፡ቃል፡ይህ፡ነው፦
2፤እናንተ፡አሕዛብ፡ዅሉ፥ስሙ፤ምድርም፡መላ፟ዋም፡ታድምጥ፤ጌታ፡እግዚአብሔርም፥ርሱም፡በቅዱስ፡መቅደሱ፡የኾ ነ፡ጌታ፥ይመስክርባችኹ።
3፤እንሆ፥እግዚአብሔር፡ከስፍራው፡ይወጣል፥ወርዶም፡በምድር፡ከፍታዎች፡ላይ፡ይረግጣል።
4፤ተራራዎችም፡በእሳት፡ፊት፡እንዳለ፡ሠም፥በገደልም፡ወርዶ፡እንደሚፈስ፟፡ውሃ፥በበታቹ፡ይቀልጣሉ፥ሸለቆዎች ም፡ይሰነጠቃሉ።
5፤ይህ፡ዅሉ፡ስለያዕቆብ፡በደልና፡ስለእስራኤል፡ቤት፡ኀጢአት፡ነው።የያዕቆብም፡በደል፡ምንድር፡ነው፧ሰማርያ ፡አይደለችምን፧የይሁዳስ፡የኰረብታው፡መስገጃ፡ምንድር፡ነው፧ኢየሩሳሌም፡አይደለችምን፧
6፤ስለዚህ፥ሰማርያን፡በሜዳ፡እንደሚገኝ፡የድንጋይ፡ክምር፥ወይን፡እንደሚተከልበትም፡ስፍራ፡አደርጋታለኹ፤ድ ንጋዮቿንም፡ወደ፡ሸለቆ፡እወረውራለኹ፥መሠረቶቿንም፡እገልጣለኹ።
7፤የተቀረጹትም፡ምስሎቿ፡ይደቃ፟ሉ፥በግልሙትና፡ያገኘችው፡ዋጋ፡ዅሉ፡በእሳት፡ይቃጠላል፥ጣዖታቷንም፡ዅሉ፡አ ጠፋለኹ፤በግልሙትና፡ዋጋ፡ሰበሰበቻቸው፥ወደ፡ግልሙትናም፡ዋጋ፡ይመለሳሉና።
8፤ስለዚህ፡ነገር፡ዋይ፡ብላ፡ታለቅሳለች፥ባዶ፡እግሯንና፡ዕራቍቷን፡ኾና፡ትኼዳለች፤እንደ፡ቀበሮ፡ታለቅሳለች ፥እንደ፡ሰጐንም፡ዋይ፡ትላለች፤
9፤ቍስሏ፡የማይፈወስ፡ነውና፤እስከ፡ይሁዳም፡ደርሷልና፥ወደሕዝቤም፡በር፡ወደ፡ኢየሩሳሌም፡ቀርቧልና።
10፤በጌት፡ላይ፡አታውሩ፤በአኮ፡ላይ፡እንባን፡አታድርጉ፤በቤትዓፍራ፡በትቢያ፡ላይ፡ተንከባለሉ።
11፤በሻፊር፡የምትቀመጪ፡ሆይ፥በዕራቍትነትሽና፡በዕፍረት፡ዕለፊ፤በጸዓናን፡የምትቀመጠው፡አልወጣችም፤የቤት ኤጼል፡ልቅሶ፡ከእናንተ፡ዘንድ፡መኖሪያውን፡ይወስዳል።
12፤ክፉ፡ነገር፡ከእግዚአብሔር፡ዘንድ፡እስከኢየሩሳሌም፡በር፡ድረስ፡ወርዷልና፥በማሮት፡የምትቀመጠው፡በጎነ ትን፡ትጠባበቃለች።
13፤በለኪሶ፡የምትቀመጪ፡ሆይ፥ሠረገላውን፡ለፈረስ፡እሰሪ፤ርሷ፡ለጽዮን፡ሴት፡ልጅ፡የኀጢአት፡መዠመሪያ፡ነበ ረች፤የእስራኤል፡በደል፡ባንቺ፡ዘንድ፡ተገኝቷልና።
14፤ስለዚህ፥ትሎት፡ለሞሬሼትጌት፡ትሰጪያለሽ፤የአክዚብ፡ቤቶች፡ለእስራኤል፡ነገሥታት፡አታላይ፡ይኾናሉ።
15፤በመሪሳ፡የምትቀመጪ፡ሆይ፥ወራሽ፡አመጣብሻለኹ፤የእስራኤል፡ክብር፡ወደ፡ዓዶላም፡ይመጣል።
16፤ተማርከው፡ከአንቺ፡ዘንድ፡ወጥተዋልና፥ስለተድላሽ፡ልጆች፡ራስሽን፡ንጪ፥ጠጕርሽንም፡ተቈረጪ፤ቡሓነትሽን ም፡እንደ፡ንስር፡አስፊ።
_______________ትንቢተ፡ሚክያስ፥ምዕራፍ፡2።______________
ምዕራፍ፡2።
1፤በመኝታቸው፡ላይ፡በደልን፡ለሚያስቡ፡ክፋትንም፡ለሚያደርጉ፡ወዮላቸው! ኀይል፡በእጃቸው፡ነውና፥ሲነጋ፡ይፈጽሙታል።
2፤በዕርሻው፡ላይ፡ይመኛሉ፥በግዴታም፡ይይዙታል፤በቤቶችም፡ላይ፡ይመኛሉ፥ይወስዷቸውማል፤ሰውንና፡ቤቱን፥ሰው ንና፡ርስቱንም፡ይነጥቃሉ።
3፤ስለዚህ፥እግዚአብሔር፡እንዲህ፡ይላል፦እንሆ፥በዚህ፡ወገን፡ላይ፡በክፉ፡ዐስባለኹ፥ከዚያም፡ዐንገታችኹን፡ አታነሡም፤ዘመኑም፡ክፉ፡ነውና፥ቀጥ፡ብላችኹ፡አትኼዱም።
4፤በዚያ፡ቀን፡በምሳሌ፡ይመስሉባችዃል፥በጽኑ፡ልቅሶም፡ያለቅሱላችዃል፤እነርሱም፦ፈጽመን፡ጠፍተናል፤የሕዝቤ ን፡ዕድል፡ፈንታ፡ይሰፍራል፥ርሱንም፡የሚከለክል፡የለም፤ዕርሻችንን፡ለዐመፀኛዎች፡ይከፍላል፡ይላሉ።
5፤ስለዚህ፥በእግዚአብሔር፡ጉባኤ፡መካከል፡በዕጣ፡ገመድ፡የሚጥል፡አይኖርኽም።
6፤ትንቢት፡አትናገሩ፡ብለው፡ይናገራሉ፤በእነዚህ፡ላይ፡ትንቢት፡አይናገሩም፥ስድብም፡አይርቅም።
7፤የያዕቆብ፡ቤት፡የተባልኽ፡ሆይ፥በእውኑ፡የእግዚአብሔር፡መንፈስ፡የማይታገሥ፡ነውን፧ወይስ፡ሥራው፡እንደዚ ች፡ናትን፧ቃሌስ፡በቅን፡ለሚኼድ፡በጎነት፡አያደርግምን፧
8፤ነገር፡ግን፥ከቅርብ፡ጊዜ፡ዠምሮ፡ሕዝቤ፡እንደ፡ጠላት፡ኾኖ፡ተነሥቷል፤ቀሚስንና፡መጐናጸፊያን፡ገፈፋችኹ፤ ሳይፈሩም፤የሚያልፉትን፡ከሰልፍ፡እንደሚመለሱ፡አደረጋችዃቸው።
9፤የሕዝቤንም፡ሴቶች፡ከተሸለሙ፡ቤቶቻቸው፡አሳደዳችዃቸው፤ከሕፃናታቸውም፡ክብሬን፡ለዘለዓለም፡ወሰዳችኹ።
10፤በዚህ፡ዕረፍት፡የላችኹምና፡ተነሥታችኹ፡ኺዱ፤በርኵሰት፡ምክንያት፡ክፉ፡ጥፋት፡ታጠፋችዃለች።
11፤ነፋስንም፡ተከትሎ፦ስለወይን፡ጠጅና፡ስለ፡ስካር፡ትንቢት፡እናገርልኻለኹ፡ብሎ፡ሐሰትን፡የሚናገር፡ሰው፡ ቢኖር፡ርሱ፡ለዚህ፡ሕዝብ፡ነቢይ፡ይኾናል።
12፤ያዕቆብ፡ሆይ፥ዅለንተናኽን፡ፈጽሞ፡እሰበስባለኹ፥የእስራኤልንም፡ቅሬታ፡ፈጽሞ፡አከማቻለኹ፤እንደ፡ባሶራ ፡በጎችና፡እንደ፡መንጋ፡በማሰማሪያቸው፡ውስጥ፡በአንድነት፡አኖራቸዋለኹ፤ከሰው፡ብዛት፡የተነሣ፡ድምፃቸውን ፡ያሰማሉ።
13፤ሰባሪው፡በፊታቸው፡ወጥቷል፤እነርሱም፡ሰብረው፡ወደ፡በሩ፡አልፈዋል፥በርሱም፡በኩል፡ወጥተዋል፤ንጉሣቸው ም፡በፊታቸው፡ዐልፏል፥እግዚአብሔርም፡በራሳቸው፡ላይ፡ነው።
_______________ትንቢተ፡ሚክያስ፥ምዕራፍ፡3።______________
ምዕራፍ፡3።
1፤እንዲህም፡አልኹ።የያዕቆብ፡አለቃዎችና፡የእስራኤል፡ቤት፡ገዢዎች፡ሆይ፥እባካችኹ፡ስሙኝ፤ፍርድን፡ታውቁ፡ ዘንድ፡አይገ፟ባ፟ችኹምን፧
2፤መልካሙን፡ጠልታችዃል፥ክፉውንም፡ወዳ፟ችዃል፤ቍርበታቸውን፡ገፋ፟ችዃቸዋል፥ሥጋቸውንም፡ከዐጥንታቸው፡ለያ ይታችዃል፤
3፤የሕዝቤን፡ሥጋ፡በልታችዃል፥ቍርበታቸውንም፡ገፋ፟ችዃቸዋል፥ዐጥንታቸውንም፡ሰብራችዃል፤ለአፍላል፡እንደሚ ኾን፡ሥጋ፡ለድስትም፡እንደሚኾን፡ሙዳ፡ቈራረጣችዃቸው።
4፤የዚያን፡ጊዜ፡ወደ፡እግዚአብሔር፡ይጮኻሉ፥ርሱም፡አይሰማቸውም፤ሥራቸውንም፡ክፉ፡አድርገዋልና፥በዚያን፡ጊ ዜ፡ፊቱን፡ከነርሱ፡ይሰውራል።
5፤እግዚአብሔር፡ሕዝቤን፡ስለሚያስቱ፡ነቢያት፡እንዲህ፡ይላል፤በጥርሳቸው፡ሲነክሱ፡በሰላም፡ይሰብካሉ፤በአፋ ቸው፡ግን፡አንዳች፡በማይሰጥ፡ሰው፡ላይ፡ሰልፍን፡ያስቡበታል።
6፤ስለዚህ፥ሌሊት፡ይኾንባችዃል፡እንጂ፡ራእይ፡አይኾንላችኹም፤ጨለማም፡ይኾንባችዃል፡እንጂ፡አታሟርቱም፤ፀሓ ይም፡በነቢያት፡ላይ፡ትገባለች፥ቀኑም፡ይጠቍርባቸዋል።
7፤ከእግዚአብሔርም፡ዘንድ፡መልስ፡የለምና፡ባለራእዩቹ፡ያፍራሉ፥ሟርተኛዎችም፡ይዋረዳሉ፤ዅሉም፡ከንፈራቸውን ፡ይሸፍናሉ።
8፤እኔ፡ግን፡በደሉን፡ለያዕቆብ፥ኀጢአቱንም፡ለእስራኤል፡እነግር፡ዘንድ፡በእግዚአብሔር፡መንፈስ፡ኀይልንና፡ ፍርድን፡ብርታትንም፡ተሞልቻለኹ።
9፤ፍርድን፡የምትጠሉ፡ቅን፡ነገርንም፡ዅሉ፡የምታጣምሙ፡እናንተ፡የያዕቆብ፡ቤት፡አለቃዎችና፡የእስራኤል፡ቤት ፡ገዢዎች፡ሆይ፥እባካችኹ፡ይህን፡ስሙ።
10፤ጽዮንን፡በደም፥ኢየሩሳሌምንም፡በኀጢአት፡ይሠራሉ።
11፤አለቃዎቿ፡በጕቦ፡ይፈርዳሉ፥ካህናቷም፡በዋጋ፡ያስተምራሉ፥ነቢያቷም፡በገንዘብ፡ያሟርታሉ፤ከዚህም፡ጋራ። እግዚአብሔር፡በመካከላችን፡አይደለምን፧ክፉ፡ነገር፡ምንም፡አይመጣብንም፡እያሉ፡በእግዚአብሔር፡ይታመናሉ።
12፤ስለዚህ፥በእናንተ፡ምክንያት፡ጽዮን፡እንደ፡ዕርሻ፡ትታረሳለች፥ኢየሩሳሌምም፡የድንጋይ፡ክምር፡ትኾናለች ፥የቤቱም፡ተራራ፡እንደ፡ዱር፡ከፍታ፡ይኾናል።
_______________ትንቢተ፡ሚክያስ፥ምዕራፍ፡4።______________
ምዕራፍ፡4።
1፤በመጨረሻውም፡ዘመን፡የእግዚአብሔር፡ቤት፡ተራራ፡በተራራዎች፡ራስ፡ላይ፡ጸንቶ፡ይቆማል፥ከኰረብታዎችም፡በ ላይ፡ከፍ፡ከፍ፡ይላል፤አሕዛብም፡ወደ፡ርሱ፡ይጐርፋሉ።
2፤ከጽዮን፡ሕግ፥ከኢየሩሳሌምም፡የእግዚአብሔር፡ቃል፡ይወጣልና፥ብዙዎች፡አሕዛብ፡ኼደው፦ኑ፥ወደእግዚአብሔር ፡ተራራ፥ወደያዕቆብ፡አምላክ፡ቤት፡እንውጣ፤ርሱም፡መንገዱን፡ያስተምረናል፥በፍለጋውም፡እንኼዳለን፡ይላሉ።
3፤በብዙዎችም፡አሕዛብ፡መካከል፡ይፈርዳል፥በሩቅም፡ባሉ፡በብርቱዎች፡አሕዛብ፡ላይ፡ይበይናል፤ሰይፋቸውንም፡ ማረሻ፥ጦራቸውንም፡ማጭድ፡ለማድረግ፡ይቀጠቅጣሉ፤ሕዝብም፡በሕዝብ፡ላይ፡ሰይፍ፡አያነሣም፡ከእንግዲህም፡ወዲ ህ፡ሰልፍ፡አይማሩም።
4፤የሰራዊት፡ጌታ፡የእግዚአብሔር፡አፍም፡ተናግሯልና፥ሰው፡እያንዳንዱ፡ከወይኑና፡ከበለሱ፡በታች፡ይቀመጣል፥ የሚያስፈራውም፡የለም።
5፤ሕዝብም፡ዅሉ፡እያንዳንዱ፡በያምላኩ፡ስም፡ይኼዳል፥እኛም፡በአምላካችን፡በእግዚአብሔር፡ስም፡ለዘለዓለም፡ እንኼዳለን።
6፤በዚያ፡ቀን፡ዐንካሳዪቱን፡እሰበስባለኹ፥ይላል፡እግዚአብሔር፥የባከነችውንና፡ያስጨነቅዃትንም፡አከማቻለኹ ፤
7፤ዐንካሳዪቱንም፡ለቅሬታ፥ወደ፡ሩቅም፡የተጣለችውን፡ለብርቱ፡ሕዝብ፡አደርጋታለኹ፤ከዚያም፡ወዲያ፡እስከ፡ዘ ለዓለም፡ድረስ፡እግዚአብሔር፡በጽዮን፡ተራራ፡በእነርሱ፡ላይ፡ይነግሣል።
8፤አንተም፡የመንጋ፡ግንብ፡ሆይ፥የጽዮን፡ሴት፡ልጅ፡ዐምባ፥ወዳንተ፡ትመጣለች፤የቀደመችው፡ግዛት፥የኢየሩሳሌ ም፡ሴት፡ልጅ፡መንግሥት፡ትደርሳለች።
9፤አኹንስ፡ለምን፡ትጮኺያለሽ፧እንደምትወልድ፡ሴት፡ምጥ፡የደረሰብሽ፥ንጉሥ፡ስለሌለሽ፡ነውን፧ወይስ፡መካሪ፡ ስለ፡ጠፋብሽ፡ነውን፧
10፤የጽዮን፡ልጅ፡ሆይ፥እንደምትወልድ፡ሴት፡አምጠሽ፡ውለጂ፤አኹን፡ከከተማ፡ትወጫለሽና፥በሜዳም፡ትቀመጫለሽ ፥ወደ፡ባቢሎንም፡ትደርሻለሽ፤በዚያም፡ያድንሻል፥በዚያም፡እግዚአብሔር፡ከጠላቶችሽ፡እጅ፡ይቤዥሻል።
11፤አኹንም፦ርኩስ፡ትኹን፥ዐይናችንም፡በጽዮን፡ላይ፡ይይ፡የሚሉ፡ብዙ፡አሕዛብ፡ባንቺ፡ላይ፡ተሰብስበዋል።
12፤ነገር፡ግን፥የእግዚአብሔርን፡ዐሳብ፡አያውቁም፥ምክሩንም፡አያስተውሉም፤እንደ፡ነዶ፡ወደ፡ዐውድማ፡አከማ ችቷቸዋልና።
13፤የጽዮን፡ልጅ፡ሆይ፥ቀንድሽን፡ብረት፥ጥፍርሽንም፡ናስ፡አደርጋለኹና፡ተነሺ፥አኺጂ፤ብዙ፡አሕዛብንም፡ታደ ቂ፟ያለሽ፤ትርፋቸውንም፡ለእግዚአብሔር፥ሀብታቸውንም፡ለምድር፡ዅሉ፡ጌታ፡ትቀድሻለሽ።
_______________ትንቢተ፡ሚክያስ፥ምዕራፍ፡5።______________
ምዕራፍ፡5።
1፤የጭፍራዎች፡ሴት፡ልጅ፡ሆይ፥ጭፍራዎችሽን፡አኹን፡ሰብስቢ፤ከቦ፟፡አስጨንቆናል፤የእስራኤልን፡ፈራጅ፡ጕንጩ ን፡በበትር፡ይመታሉ።
2፤አንቺም፡ቤተ፡ልሔም፡ኤፍራታ፡ሆይ፥አንቺ፡በይሁዳ፡አእላፋት፡መካከል፡ትኾኚ፡ዘንድ፡ታናሽ፡ነሽ፤ከአንቺ፡ ግን፡አወጣጡ፡ከቀድሞ፡ዠምሮ፡ከዘለዓለም፡የኾነ፥በእስራኤልም፡ላይ፡ገዢ፡የሚኾን፡ይወጣልኛል።
3፤ስለዚህ፥ወላጂቱ፡እስከምትወልድበት፡ጊዜ፡ድረስ፡አሳልፎ፡ይሰጣቸዋል፤የቀሩትም፡ወንድሞቹ፡ወደ፡እስራኤል ፡ልጆች፡ይመለሳሉ።
4፤ርሱም፡ይቆማል፥በእግዚአብሔርም፡ኀይል፡በአምላኩ፡በእግዚአብሔር፡ስም፡ግርማ፡መንጋውን፡ይጠብቃል፤እነር ሱም፡ይኖራሉ፤ርሱ፡አኹን፡እስከምድር፡ዳርቻ፡ድረስ፡ታላቅ፡ይኾናልና።
5፤ይህም፡ለሰላም፡ይኾናል፤አሶራዊውም፡ወደ፡አገራችን፡በገባ፡ጊዜ፥ምድራችንንም፡በረገጠ፡ጊዜ፡ሰባት፡እረኛ ዎችና፡ስምንት፡አለቃዎች፡እናስነሣበታለን።
6፤የአሶርንም፡አገር፡በሰይፍ፥የናምሩድንም፡አገር፡በመግቢያው፡ውስጥ፡ያፈርሳሉ፤አሶራዊውም፡ወደ፡አገራችን ፡በገባ፡ጊዜ፥ዳርቻዎቻችንንም፡በረገጠ፡ጊዜ፡ርሱ፡ይታደገናል።
7፤የያዕቆብም፡ቅሬታ፡በብዙ፡አሕዛብ፡መካከል፡ከእግዚአብሔር፡ዘንድ፡እንደሚወርድ፡ጠል፥በሣር፡ላይ፡እንደሚ ወርድ፡ካፊያ፤ሰውንም፡እንደማይጠብቅ፥የሰውንም፡ልጆች፡ተስፋ፡እንደማያደርግ፡ይኾናል።
8፤በዱር፡አራዊትም፡መካከል፡እንዳለ፡አንበሳ፥በበጎች፡መንጋም፡መካከል፡ዐልፎ፡እንደሚረግጥ፥የሚታደግም፡ሳ ይኖር፡እንደሚነጥቅ፡እንደ፡አንበሳ፡ደቦል፥እንዲሁ፡የያዕቆብ፡ቅሬታ፡በአሕዛብና፡በብዙ፡ወገኖች፡መካከል፡ ይኾናል።
9፤እጅኽ፡በጠላቶችኽ፡ላይ፡ከፍ፡ከፍ፡ትበል፥ጠላቶችኽም፡ዅሉ፡ይጥፉ።
10፤በዚያም፡ቀን፡ፈረሶችኽን፡ከመካከልኽ፡አጠፋለኹ፥ሠረገላዎችኽንም፡እሰብራለኹ፥ይላል፡እግዚአብሔር፤
11፤የምድርኽንም፡ከተማዎች፡አጠፋለኹ፥ምሽጎችኽንም፡ዅሉ፡አፈርሳለኹ፤
12፤መተትንም፡ከእጅኽ፡አጠፋለኹ፥ሟርተኛዎችም፡ከእንግዲህ፡ወዲህ፡አይኾኑልኽም፤
13፤የተቀረጹትን፡ምስሎችኽንና፡ሐውልቶችኽን፡ከመካከልኽ፡አጠፋለኹ፥ለእጅኽም፡ሥራ፡ከእንግዲህ፡ወዲህ፡አት ሰግድም፤
14፤የማምለኪያ፡ዐጸዶችኽንም፡ከመካከልኽ፡እነቅላለኹ፥ከተማዎችኽንም፡አፈርሳለኹ።
15፤ባልሰሙም፡አሕዛብ፡ላይ፡በቍጣና፡በመዓት፡እበቀላለኹ።
_______________ትንቢተ፡ሚክያስ፥ምዕራፍ፡6።______________
ምዕራፍ፡6።
1፤አኹን፦ተነሣ፥በተራራዎችም፡ፊት፡ተፋረድ፥ኰረብታዎችም፡ቃልኽን፡ይስሙ፡ብሎ፡እግዚአብሔር፡የሚለውን፡ስሙ ።
2፤ተራራዎች፡ሆይ፥ጠንካራዎች፡የምድር፡መሠረቶችም፡ሆይ፥እግዚአብሔር፡ከሕዝቡ፡ጋራ፡ክርክር፡አለውና፥ከእስ ራኤልም፡ጋራ፡ይፋረዳልና፥የእግዚአብሔርን፡ክርክር፡ስሙ።
3፤ሕዝቤ፡ሆይ፥ምን፡አድርጌኻለኹ፧በምንስ፡አድክሜኻለኹ፧መስክርብኝ።
4፤ከግብጽ፡ምድር፡አውጥቼኻለኹ፥ከባርነት፡ቤትም፡ተቤዥቼኻለኹ፤በፊትኽም፡ሙሴንና፡አሮንን፡ማርያምንም፡ልኬ ልኽ፡ነበር።
5፤ሕዝቤ፡ሆይ፥የሞዐብ፡ንጉሥ፡ባላቅ፡የመከረውን፥የቢዖርም፡ልጅ፡በለዓም፡የመለሰለትን፡አኹን፡ዐስብ፤የእግ ዚአብሔርንም፡የጽድቅ፡ሥራ፡ታውቅ፡ዘንድ፡ከሰጢም፡ዠምሮ፡እስከ፡ገልገላ፡ድረስ፡ዐስብ።
6፤ምን፡ይዤ፡ወደእግዚአብሔር፡ፊት፡ልምጣና፡በልዑል፡አምላክ፡ፊት፡ልስገድ፧የሚቃጠለውን፡መሥዋዕትና፡የአን ዱን፡ዓመት፡ጥጃ፡ይዤ፡በፊቱ፡ልምጣን፧
7፤እግዚአብሔርስ፡በሺሕ፡አውራ፡በጎች፡ወይስ፡በእልፍ፡የዘይት፡ፈሳሾች፡ደስ፡ይለዋልን፧ወይስ፡የበኵር፡ልጄ ን፡ስለ፡በደሌ፥የሆዴንም፡ፍሬ፡ስለነፍሴ፡ኀጢአት፡እሰጣለኹን፧
8፤ሰው፡ሆይ፥መልካሙን፡ነግሮኻል፤እግዚአብሔርም፡ከአንተ፡ዘንድ፡የሚሻው፡ምንድር፡ነው፧ፍርድን፡ታደርግ፡ዘ ንድ፥ምሕረትንም፡ትወድ፟፡ዘንድ፥ከአምላክኽም፡ጋራ፡በትሕትና፡ትኼድ፡ዘንድ፡አይደለምን፧
9፤የእግዚአብሔር፡ድምፅ፡ከተማዪቱን፡ይጠራታል፤ስምኽን፡መፍራት፡ጥበብ፡ነው፤የመቅሠፍትን፡በትር፥ርሱንም፡ ያዘጋጀ፡ማን፡እንደ፡ኾነ፡ስሙ።
10፤በእውኑ፡በኀጢአተኛ፡ቤት፡የኀጢአት፡መዝገብ፥የተጸየፈም፡ውሸተኛ፡መስፈሪያ፡ገና፡አለ፡ይኾን፧
11፤በአባይ፡ሚዛንና፡በከረጢት፡ባለ፡በተንኰል፡መመዘኛ፡ንጹሕ፡እኾናለኹን፧
12፤ባለጠጋዎቿን፡ግፍ፡ሞልቶባቸዋል፤በርሷም፡የሚኖሩ፡በሐሰት፡ተናግረዋል፥ምላሳቸውም፡በአፋቸው፡ውስጥ፡ተ ንኰለኛ፡ነው።
13፤ስለዚህ፥እኔ፡ደግሞ፡በክፉ፡ቍስል፡መታኹኽ፤ስለ፡ኀጢአትኽም፡አፈረስኹኽ።
14፤ትበላለኽ፥ነገር፡ግን፥አትጠግብም፤ችጋርኽም፡በመካከልኽ፡ይኾናል፤ትወስዳለኽ፥ነገር፡ግን፥አታድንም፤የ ምታድነውንም፡ለሰይፍ፡እሰጣለኹ።
15፤ትዘራለኽ፥ነገር፡ግን፥አታጭድም፤ወይራውንም፡ትጨምቃለኽ፥ነገር፡ግን፥ዘይቱን፡አትቀባም፤ወይኑንም፡ትጨ ምቃለኽ፥ነገር፡ግን፥የወይን፡ጠጁን፡አትጠጣም።
16፤አንተን፡ለጥፋት፥በርሷም፡የሚኖሩትን፡ለማፏጫ፡እሰጥ፡ዘንድ፡የዘንበሪን፡ሥርዐትና፡የአክአብን፡ቤት፡ሥ ራ፡ዅሉ፡ጠብቃችዃል፥በምክራቸውም፡ኼዳችዃል፤የሕዝቤንም፡ስድብ፡ትሸከማላችኹ።
_______________ትንቢተ፡ሚክያስ፥ምዕራፍ፡7።______________
ምዕራፍ፡7።
1፤የዛፍ፡ፍሬና፡የወይን፡ፍሬ፡ከተለቀሙ፡በዃላ፡እንደ፡ቀረው፡ቃርሚያ፡ኾኛለኹና፡ወዮልኝ! መብል፡የሚኾን፡ዘለላ፥ነፍሴም፡የተመኘችው፡በመዠመሪያ፡የበሰለው፡በለስ፡የለም።
2፤ደግ፡ሰው፡ከምድር፡ጠፍቷል፥በሰውም፡መካከል፡ቅን፡የለም፤ዅሉ፡ደምን፡ለማፍሰስ፡ያደባሉ፥ሰውም፡ዅሉ፡ወን ድሙን፡በመረብ፡ለመያዝ፡ይከታተለዋል።
3፤እጆቻቸውን፡ለክፋት፡ያነሣሉ፤አለቃውና፡ፈራጁ፡ጕቦን፡ይፈልጋሉ፥ትልቁም፡ሰው፡እንደ፡ነፍሱ፡ምኞት፡ይናገ ራል፤እንዲሁም፡ክፋትን፡ይጐነጕናሉ።
4፤ከነርሱም፡ዅሉ፡የተሻለው፡ርሱ፡እንደ፡አሜከላ፡ነው፥ከዅሉም፡ቅን፡የኾነው፡እንደ፡ኵርንችት፡ነው፤ጠባቂዎ ችኽ፡የሚጐበኙበት፡ቀን፡መጥቷል፤አኹን፡ይሸበራሉ።
5፤ባልንጀራን፡አትመኑ፥በወዳጅም፡አትታመኑ፤የአፍኽን፡ደጅ፡በብብትኽ፡ከምትተኛው፡ጠብቅ።
6፤ወንድ፡ልጅ፡አባቱን፡ይንቃልና፥ሴት፡ልጅ፡በእናቷ፡ላይ፥ምራቲቱም፡በአማቷ፡ላይ፡ትነሣለችና፥የሰው፡ጠላቶ ች፡የቤቱ፡ሰዎች፡ናቸውና።
7፤እኔ፡ግን፡ወደ፡እግዚአብሔር፡እመለከታለኹ፥የመድኀኒቴንም፡አምላክ፡ተስፋ፡አደርጋለኹ፤አምላኬም፡ይሰማኛ ል።
8፤ጠላቴ፡ሆይ፥ብወድቅ፡እነሣለኹና፥በጨለማም፡ብቀመጥ፡እግዚአብሔር፡ብርሃን፡ይኾንልኛልና፥በእኔ፡ላይ፡ደስ ፡አይበልሽ።
9፤በእግዚአብሔር፡ላይ፡ኀጢአት፡ሠርቻለኹና፡እስኪሟገትልኝ፡ድረስ፥ፍርድን፡ለእኔ፡እስኪያደርግ፡ድረስ፡ቍጣ ውን፡እታገሣለኹ።ወደ፡ብርሃን፡ያወጣኛል፥ጽድቅንም፡አያለኹ።
10፤ጠላቴም፡ታያለች፥እኔንም፦አምላክኽ፡እግዚአብሔር፡ወዴት፡ነው፧ያለች፡በዕፍረት፡ትከደናለች።
11፤ዐይኖቼ፡ይመለከቷታል፤አኹን፡እንደ፡መንገድ፡ጭቃ፡ትረገጣለች።ቅጥርሽ፡በሚሠራበት፡በዚያ፡ቀን፡ድንበር ሽ፡ትስፋፋለች።
12፤በዚያ፡ቀን፡ከአሶርና፡ከግብጽ፡ከተማዎች፥ከግብጽ፡እስከ፡ወንዙ፥ከባሕርም፡እስከ፡ባሕር፥ከተራራም፡እስ ከ፡ተራራ፡ድረስ፡ወደ፡አንቺ፡ይመጣሉ።
13፤ምድሪቱ፡ግን፡በሚኖሩባት፡በሥራቸው፡ፍሬ፡ምክንያት፡ባድማ፡ትኾናለች።
14፤በቀርሜሎስ፡መካከል፡ባለው፡ዱር፡ብቻቸውን፡የተቀመጡት፡ሰዎችኽ፥የርስትኽን፡በጎች፥በበትርኽ፡አግድ፤እ ንደ፡ቀደመውም፡ዘመን፡በበሳንና፡በገለዓድ፡ይሰማሩ።
15፤ከግብጽ፡ምድር፡እንደ፡ወጣኽበት፡ዘመን፡ተኣምራትን፡አሳያቸዋለኹ።
16፤አሕዛብ፡አይተው፡በጕልበታቸው፡ዅሉ፡ያፍራሉ፤እጃቸውን፡በአፋቸው፡ላይ፡ያኖራሉ፥ዦሯቸውም፡ትደነቍራለች ፤
17፤እንደ፡እባብም፡መሬት፡ይልሳሉ፥እንደምድርም፡ተንቀሳቃሾች፡እየተንቀጠቀጡ፡ከግንባቸው፡ይመጣሉ፤ፈርተው ም፡ወደ፡አምላካችን፡ወደ፡እግዚአብሔር፡ይመጣሉ፥ስለ፡አንተም፡ይፈራሉ።
18፤በደልን፡ይቅር፡የሚል፥የርስቱንም፡ቅሬታ፡ዐመፅ፡የሚያሳልፍ፡እንደ፡አንተ፡ያለ፡አምላክ፡ማን፡ነው፧ምሕ ረትን፡ይወዳ፟ልና፥ቍጣውን፡ለዘለዓለም፡አይጠብቅም።
19፤ተመልሶ፡ይምረናል፤ክፋታችንንም፡ይጠቀጥቃል፥ኀጢአታችንንም፡በባሕሩ፡ጥልቅ፡ይጥለዋል።
20፤ከቀድሞ፡ዘመን፡ዠምረኽ፡ለአባቶቻችን፡የማልኽላቸውን፡እውነት፡ለያዕቆብ፥ምሕረትንም፡ለአብርሃም፡ታደር ጋለኽ፨

http://www.gzamargna.net