ትንቢተ፡ዓሞጽ።

(ክለሳ.1.20020507)

_______________ትንቢተ፡ዓሞጽ፥ምዕራፍ፡1።______________
ምዕራፍ፡1።
1፤በቴቁሔ፡ከላም፡ጠባቂዎች፡መካከል፡የነበረ፡ዓሞጽ፡በይሁዳ፡ንጉሥ፡በዖዝያን፡ዘመን፥በእስራኤልም፡ንጉሥ፡ በዮአስ፡ልጅ፡በኢዮርብዓም፡ዘመን፥የምድር፡መናወጥ፡ከኾነበቱ፡ከኹለት፡ዓመት፡በፊት፡ስለ፡እስራኤል፡ያየው ፡ቃል፡ይህ፡ነው፦
2፤እንዲህም፡አለ፦እግዚአብሔር፡በጽዮን፡ኾኖ፡ድምፁን፡ከፍ፡አድርጎ፡ይጮኻል፥በኢየሩሳሌምም፡ኾኖ፡ቃሉን፡ይ ሰጣል፤የእረኛዎችም፡ማሰማሪያዎች፡ያለቅሳሉ፥የቀርሜሎስም፡ራስ፡ይደርቃል።
3፤እግዚአብሔር፡እንዲህ፡ይላል፦ገለዓድን፡በብረት፡መንኰራኵር፡አኺዷልና፥ስለ፡ሦስት፡ወይም፡ስለ፡አራት፡የ ደማስቆ፡ኀጢአት፡መቅሠፍቴን፡ከማድረግ፡አልመለስም።
4፤በአዛሄል፡ቤት፡እሳትን፡እሰዳ፟ለኹ፥የወልደ፡አዴርንም፡አዳራሾች፡ትበላለች።
5፤የደማስቆንም፡መወርወሪያ፡እሰብራለኹ፥ተቀማጮችንም፡ከአዌን፡ሸለቆ፡አጠፋለኹ፥በትር፡የያዘውንም፡ከዔዴን ፡ቤት፡አጠፋለኹ፤የሶርያም፡ሕዝብ፡ወደ፡ቂር፡ይማረካል፥ይላል፡እግዚአብሔር።
6፤እግዚአብሔር፡እንዲህ፡ይላል፦ለኤዶምያስ፡አሳልፈው፡ይሰጧቸው፡ዘንድ፡ምርኮኛዎችን፡ዅሉ፡ማርከዋልና፥ስለ ፡ሦስት፡ወይም፡ስለ፡አራት፡የጋዛ፡ኀጢአት፡መቅሠፍቴን፡ከማድረግ፡አልመለስም።
7፤በጋዛ፡ቅጥር፡ላይ፡እሳትን፡እሰዳ፟ለኹ፥አዳራሾቿንም፡ትበላለች።
8፤ተቀማጮችን፡ከአዛጦን፡አጠፋለኹ፥በትር፡የያዘውንም፡ከአስቀሎና፡አጠፋለኹ፤እጄንም፡በዐቃሮን፡ላይ፡እመል ሳለኹ፥ከፍልስጥኤማውያንም፡የቀሩት፡ይጠፋሉ፥ይላል፡ጌታ፡እግዚአብሔር።
9፤እግዚአብሔር፡እንዲህ፡ይላል፦ምርኮኛዎችን፡ዅሉ፡ለኤዶምያስ፡አሳልፈው፡ሰጥተዋልና፥የወንድሞችንም፡ቃል፡ ኪዳን፡አላሰቡምና፡ስለ፡ሦስት፡ወይም፡ስለ፡አራት፡የጢሮስ፡ኀጢአት፡መቅሠፍቴን፡ከማድረግ፡አልመለስም።
10፤በጢሮስ፡ቅጥር፡ላይ፡እሳትን፡እሰዳ፟ለኹ፥አዳራሾቿንም፡ትበላለች።
11፤እግዚአብሔር፡እንዲህ፡ይላል፦ወንድሙን፡በሰይፍ፡አሳዶ፟ታልና፥ርኅራኄንም፡ዅሉ፡ጥሏልና፥ቍጣውም፡ዅልጊ ዜ፡ቀዷ፟ልና፥መዓቱንም፡ለዘለዓለም፡ጠብቋልና፥ስለ፡ሦስት፡ወይም፡ስለ፡አራት፡የኤዶምያስ፡ኀጢአት፡መቅሠፍ ቴን፡ከማድረግ፡አልመለስም።
12፤በቴማን፡ላይ፡እሳትን፡እሰዳ፟ለኹ፥የባሶራንም፡አዳራሾች፡ትበላለች።
13፤እግዚአብሔር፡እንዲህ፡ይላል፦ዳርቻቸውን፡ያሰፉ፡ዘንድ፡የገለዓድን፡እርጕዞች፡ቀደ፟ዋልና፥ስለ፡ሦስት፡ ወይም፡ስለ፡አራት፡የዐሞን፡ልጆች፡ኀጢአት፡መቅሠፍቴን፡ከማድረግ፡አልመለስም።
14፤በረባት፡ቅጥር፡ላይ፡እሳትን፡አነዳ፟ለኹ፤በሰልፍም፡ቀን፡በጩኸት፡በዐውሎ፡ነፋስም፡ቀን፡በሁከት፡አዳራ ሾቿን፡ትበላለች፤
15፤ንጉሣቸውም፡ከአለቃዎቹ፡ጋራ፡በአንድነት፡ይማረካል፥ይላል፡እግዚአብሔር።
_______________ትንቢተ፡ዓሞጽ፥ምዕራፍ፡2።______________
ምዕራፍ፡2።
1፤እግዚአብሔር፡እንዲህ፡ይላል፦የኤዶምያስን፡ንጉሥ፡ዐጥንት፡ዐመድ፡እስኪኾን፡ድረስ፡አቃጥሎታልና፥ስለ፡ሦ ስት፡ወይም፡ስለ፡አራት፡የሞዐብ፡ኀጢአት፡መቅሠፍቴን፡ከማድረግ፡አልመለስም።
2፤በሞዐብ፡ላይ፡እሳትን፡እሰዳ፟ለኹ፥የቂርዮትንም፡አዳራሾች፡ትበላለች፤ሞዐብም፡በውካታና፡በጩኸት፡በመለከ ትም፡ድምፅ፡ይሞታል፤
3፤ፈራጅንም፡ከመካከሏ፡አጠፋለኹ፥ከርሱም፡ጋራ፡አለቃዎቿን፡ዅሉ፡እገድላለኹ፥ይላል፡እግዚአብሔር።
4፤እግዚአብሔር፡እንዲህ፡ይላል፦የእግዚአብሔርን፡ሕግ፡ጥለዋልና፥ትእዛዙንም፡አልጠበቁምና፥አባቶቻቸውም፡የ ተከተሉት፡ሐሰታቸው፡አስቷቸዋልና፥ስለ፡ሦስት፡ወይም፡ስለ፡አራት፡የይሁዳ፡ኀጢአት፡መቅሠፍቴን፡ከማድረግ፡ አልመለስም።
5፤በይሁዳ፡ላይ፡እሳትን፡እሰዳ፟ለኹ፥የኢየሩሳሌምንም፡አዳራሾች፡ትበላለች።
6፤እግዚአብሔር፡እንዲህ፡ይላል፦ጻድቁን፡ስለ፡ብር፥ችጋረኛውንም፡ስለ፡አንድ፡ጥንድ፡ጫማ፡ሽጠውታልና፥ስለ፡ ሦስት፡ወይም፡ስለ፡አራት፡የእስራኤል፡ኀጢአት፡መቅሠፍቴን፡ከማድረግ፡አልመለስም።
7፤የድኻዎችን፡ራስ፡በምድር፡ትቢያ፡ላይ፡ይረግጣሉ፥የትሑታንንም፡መንገድ፡ያጣምማሉ፤ቅዱሱንም፡ስሜን፡ያረክ ሱ፡ዘንድ፡አባትና፡ልጁ፡ወደ፡አንዲት፡ሴት፡ይገባሉ፤
8፤በመሠዊያውም፡ዅሉ፡አጠገብ፡ለመያዣነት፡በተወሰደው፡ልብስ፡ላይ፡ይተኛሉ፤በአምላካቸውም፡ቤት፡ውስጥ፡በካ ሣ፡የተወሰደውን፡ወይን፡ጠጅ፡ይጠጣሉ።
9፤እኔ፡ግን፡ቁመቱ፡እንደ፡ዝግባ፡ቁመት፥ብርታቱም፡እንደ፡ኮምበል፡ዛፍ፡የነበረውን፡አሞራዊውን፡ከፊታቸው፡ አጠፋኹ፤ፍሬውንም፡ከላዩ፥ሥሩንም፡ከታቹ፡አጠፋኹ።
10፤የአሞራዊውንም፡ምድር፡ትወርሱ፡ዘንድ፡ከግብጽ፡ምድር፡አወጣዃችኹ፥በምድረ፡በዳም፡አርባ፡ዓመት፡መራዃች ኹ።
11፤ከወንድ፡ልጆቻችኹም፡ነቢያትን፥ከጐበዛዝታችኹም፡ናዝራውያንን፡አስነሣኹ፤እናንተ፡የእስራኤል፡ልጆች፡ሆ ይ፥ይህ፡እንደዚህ፡አይደለምን፧ይላል፡እግዚአብሔር።
12፤እናንተ፡ግን፡ናዝራውያኑን፡የወይን፡ጠጅ፡አጠጣችዃቸው፤ነቢያቱንም፦ትንቢትን፡አትናገሩ፡ብላችኹ፡አዘዛ ችዃቸው።
13፤እንሆ፥ነዶ፡የተሞላች፡ሠረገላ፡እንደምትደቀድቅ፡እንዲሁ፡እደቀድቃችዃለኹ።
14፤ከሯጪም፡ሽሽት፡ይጠፋል፥ብርቱውም፡በብርታቱ፡አይበረታም፥ኀያሉም፡ነፍሱን፡አያድንም፤
15፤ቀስተኛውም፡አይቆምም፥ፈጣኑም፡አይድንም፥ፈረሰኛውም፡ነፍሱን፡አያድንም፤
16፤በኀያላኑም፡መካከል፡ልበ፡ሙሉው፡በዚያ፡ቀን፡ዕራቍቱን፡ኾኖ፡ይሸሻል፥ይላል፡እግዚአብሔር።
_______________ትንቢተ፡ዓሞጽ፥ምዕራፍ፡3።______________
ምዕራፍ፡3።
1፤የእስራኤል፡ልጆች፡ሆይ፥እግዚአብሔር፡በእናንተ፥ከግብጽ፡ምድር፡ባወጣኹት፡ወገን፡ዅሉ፡ላይ፡የተናገረውን ፡ይህን፡ቃል፡ስሙ፤
2፤እንዲህም፡ብሏል፦እኔ፡ከምድር፡ወገን፡ዅሉ፡እናንተን፡ብቻችኹን፡ዐውቄያችዃለኹ፤ስለዚህ፥ስለ፡ኀጢአታችኹ ፡ዅሉ፡እበቀላችዃለኹ።
3፤በእውኑ፡ኹለት፡ሰዎች፡ሳይስማሙ፡በአንድነት፡ይኼዳሉን፧
4፤ወይስ፡አንበሳ፡የሚነጥቀው፡ነገር፡ሳያገኝ፡በጫካ፡ውስጥ፡ያገሣልን፧ወይስ፡የአንበሳ፡ደቦል፡አንዳች፡ሳይ ዝ፡በመደቡ፡ኾኖ፡ይጮኻልን፧
5፤ወይስ፡ወፍ፥አጥማጅ፡ከሌለው፥በምድር፡ላይ፡በወጥመድ፡ይያዛልን፧ወይስ፡ወስፈንጠር፡አንዳች፡ሳይዝ፡ከምድ ር፡ይፈነጠራልን፧
6፤ወይስ፡በከተማ፡ውስጥ፡መለከት፡ሲነፋ፡ሕዝቡ፡አይፈራምን፧ወይስ፡ክፉ፡ነገር፡በከተማ፡ላይ፡የመጣ፡እንደ፡ ኾነ፡ያደረገው፡እግዚአብሔር፡አይደለምን፧
7፤በእውነት፡ጌታ፡እግዚአብሔር፡ምስጢሩን፡ለባሪያዎቹ፡ለነቢያት፡ካልነገረ፡በቀር፡ምንም፡አያደርግም።
8፤አንበሳው፡አገሣ፤የማይፈራ፡ማን፡ነው፧ጌታ፡እግዚአብሔር፡ተናገረ፤ትንቢት፡የማይናገር፡ማን፡ነው፧
9፤በአዛጦን፡አዳራሾችና፡በግብጽ፡ምድር፡አዳራሾች፡አውሩና፦በሰማርያ፡ተራራዎች፡ላይ፡ተሰብሰቡ፥በውስጧም፡ የኾነውን፡ታላቁን፡ውካታ፥በመካከሏም፡ያለውን፡ግፍ፡ተመልከቱ፡በሉ።
10፤ግፍንና፡ቅሚያን፡በአዳራሾቻቸው፡የሚያከማቹት፡ቅን፡ነገርን፡ያደርጉ፡ዘንድ፡አያውቁም፥ይላል፡እግዚአብ ሔር።
11፤ስለዚህ፥ጌታ፡እግዚአብሔር፡እንዲህ፡ይላል፦በምድሪቱ፡ዙሪያ፡ጠላት፡ይመጣል፤ብርታትሽንም፡ከአንቺ፡ያወ ርዳል፥አዳራሾችሽም፡ይበዘበዛሉ።
12፤እግዚአብሔር፡እንዲህ፡ይላል፦እረኛ፡ከአንበሳ፡አፍ፡ኹለት፡እግርን፡ወይም፡የዦሮን፡ጫፍ፡እንደሚያድን፥ እንዲሁ፡በሰማርያ፡በዐልጋ፡ማእዘን፥በደማስቆም፡በምንጣፍ፡ላይ፡የተቀመጡት፡የእስራኤል፡ልጆች፡ይድናሉ።
13፤ስሙ፥በያዕቆብም፡ቤት፡ላይ፡መስክሩ፥ይላል፡የሰራዊት፡አምላክ፡ጌታ፡እግዚአብሔር።
14፤እስራኤልን፡ስለ፡ኀጢአቱ፡በምበቀልበት፡ቀን፡የቤቴልን፡መሠዊያዎች፡ደግሞ፡እበቀላለኹ፤የመሠዊያው፡ቀን ዶች፡ይሰበራሉ፥ወደ፡ምድርም፡ይወድቃሉ።
15፤የክረምቱንና፡የበጋውን፡ቤት፡እመታለኹ፤በዝኆንም፡ጥርስ፡የተለበጡት፡ቤቶች፡ይጠፋሉ፥ታላላቆችም፡ቤቶች ፡ይፈርሳሉ፥ይላል፡እግዚአብሔር።
_______________ትንቢተ፡ዓሞጽ፥ምዕራፍ፡4።______________
ምዕራፍ፡4።
1፤በሰማርያ፡ተራራ፡የምትኖሩ፥ድኻዎችንም፡የምትበድሉ፥ችጋረኛዎችንም፡የምታሰጨንቁ፥ጌታዎቻቸውንም፦አምጡ፡ እንጠጣ፡የምትሉ፡እናንተ፡የባሳን፡ላሞች፡ሆይ፥ይህን፡ቃል፡ስሙ።
2፤ጌታ፡እግዚአብሔር፦እናንተን፡በሰልፍ፡ዕቃ፥ቅሬታችኹንም፡በመቃጥን፡የሚወስዱበት፡ቀን፥እንሆ፥በላያችኹ፡ ይመጣል፡ብሎ፡በቅዱስነቱ፡ምሏል።
3፤እያንዳንዳችኹ፡በየፊታችኹ፡በተነደለ፡ስፍራ፡ትወጣላችኹ፤በሬማንም፡ትጣላላችኹ፥ይላል፡እግዚአብሔር።
4፤የእስራኤል፡ልጆች፡ሆይ፥ይህን፡ወዳ፟ችዃልና፥ወደ፡ቤቴል፡ኑና፡ኀጢአትን፡ሥሩ፤ወደ፡ገልገላ፡ኑና፡ኀጢአት ን፡አብዙ፤በየማለዳውም፡መሥዋዕታችኹን፥በየሦስተኛውም፡ቀን፡ዐሥራታችኹን፡አቅርቡ፤
5፤ርሾ፡ካለበትም፡የምስጋናውን፡መሥዋዕት፡አቅርቡ፥በፈቃዳችኹም፡የምታቀርቡትን፡ዐውጁና፡አውሩ፥ይላል፡ጌታ ፡እግዚአብሔር።
6፤በከተማችኹ፡ዅሉ፡ጥርስን፡ማጥራት፥በስፍራችኹም፡ዅሉ፡እንጀራን፡ማጣት፡ሰጠዃችኹ፤እናንተ፡ግን፡ወደ፡እኔ ፡አልተመለሳችኹም፥ይላል፡እግዚአብሔር።
7፤መከር፡ሳይደርስ፡ገና፡ከሦስት፡ወር፡በፊት፡ዝናብ፡ከለከልዃችኹ፤በአንድም፡ከተማ፡ላይ፡አዘነብኹ፥በሌላው ም፡ከተማ፡ላይ፡እንዳይዘንብ፡አደረግኹ፤ባንድ፡ወገን፡ዘነበ፥ያልዘነበበትም፡ወገን፡ደረቀ።
8፤የኹለት፡ወይም፡የሦስት፡ከተማዎች፡ሰዎች፡ወደ፡አንዲት፡ከተማ፡ውሃ፡ይጠጡ፡ዘንድ፡ኼዱ፥ነገር፡ግን፥አልረ ኩም፤እናንተ፡ግን፡ወደ፡እኔ፡አልተመለሳችኹም፥ይላል፡እግዚአብሔር።
9፤በዋግና፡በዐረማሞ፡መታዃችኹ፤የአታክልታችኹንም፡ብዛት፡ወይኖቻችኹንም፡በለሶቻችኹንም፡ወይራዎቻችኹንም፡ ተምች፡በልቷል፤እናንተ፡ግን፡ወደ፡እኔ፡አልተመለሳችኹም፥ይላል፡እግዚአብሔር።
10፤በግብጽ፡እንደ፡ነበረው፡ቸነፈርን፡ሰደድኹባችኹ፤ጐበዛዝታችኹን፡በሰይፍ፡ገደልኹ፥ፈረሶቻችኹንም፡አስማ ረክኹ፤የሰፈራችኹንም፡ግማት፡ወደ፡አፍንጫችኹ፡አወጣኹ፤እናንተ፡ግን፡ወደ፡እኔ፡አልተመለሳችኹም፥ይላል፡እ ግዚአብሔር።
11፤ሰዶምንና፡ገሞራን፡እግዚአብሔር፡እንደ፡ገለበጣቸው፥እንዲሁ፡ገለበጥዃችኹ፥እናንተም፡ከእሳት፡ውስጥ፡እ ንደ፡ተነጠቀ፡ትንታግ፡ኾናችኹ፤ነገር፡ግን፥ወደ፡እኔ፡አልተመለሳችኹም፥ይላል፡እግዚአብሔር።
12፤ስለዚህ፥እስራኤል፡ሆይ፥እንደዚህ፡አደርግብኻለኹ፤እስራኤልም፡ሆይ፥እንደዚህ፡ስለማደርግብኽ፡አምላክኽ ን፡ለመገናኘት፡ተዘጋጅ።
13፤እንሆ፥ተራራዎችን፡የሠራ፥ነፋስንም፡የፈጠረ፥የልቡንም፡ዐሳብ፡ለሰው፡የሚነግር፥ንጋትን፡ጨለማ፡የሚያደ ርግ፥በምድርም፡ከፍታዎች፡ላይ፡የሚረግጥ፥ስሙ፡የሰራዊት፡አምላክ፡እግዚአብሔር፡ነው።
_______________ትንቢተ፡ዓሞጽ፥ምዕራፍ፡5።______________
ምዕራፍ፡5።
1፤የእስራኤል፡ቤት፡ሆይ፥በእናንተ፡ላይ፡ለሙሾ፡የማነሣውን፡ይህን፡ቃል፡ስሙ።
2፤የእስራኤል፡ድንግል፡ወደቀች፥ከእንግዲህም፡ወዲህ፡አትነሣም፤በምድሯ፡ላይ፡ተጣለች፥የሚያስነሣትም፡የለም ።
3፤ጌታ፡እግዚአብሔርም፡እንዲህ፡ይላልና፦ሺሕ፡ከሚወጣባት፡ከተማ፡መቶ፡ይቀርላታል፥መቶም፡ከሚወጣባት፡ከተማ ፡ለእስራኤል፡ቤት፡ዐሥር፡ይቀርላታል።
4፤እግዚአብሔርም፡ለእስራኤል፡ቤት፡እንዲህ፡ይላልና፦እኔን፡ፈልጉ፥በሕይወትም፡ትኖራላችኹ፤
5፤ነገር፡ግን፥ገልገላ፡ፈጽሞ፡ትማረካለችና፥ቤቴልም፡ከንቱ፡ትኾናለችና፡ቤቴልን፡አትፈልጉ፥ወደ፡ገልገላም፡ አትግቡ፥ወደ፡ቤርሳቤሕም፡አትለፉ።
6፤በዮሴፍ፡ቤት፡እሳት፡እንዳትቃጠል፥በቤቴል፡የሚያጠፋትም፡ሳይኖር፡እንዳትበላ፥እግዚአብሔርን፡ፈልጉ፥በሕ ይወትም፡ትኖራላችኹ።
7፤ፍርድን፡ወደ፡ሬት፡የምትለውጡ፥ጽድቅንም፡በምድር፡ላይ፡የምትጥሉ፡እናንተ፡ሆይ፥
8፤ሰባቱን፡ከዋክብትና፡ኦሪዮን፡የተባለውን፡ኮከብ፡የፈጠረውን፥የሞትን፡ጥላ፡ወደ፡ንጋት፡የሚለውጠውን፥ቀኑ ንም፡በሌሊት፡የሚያጨልመውን፥የባሕሩንም፡ውሃዎች፡ጠርቶ፡በምድር፡ፊት፡ላይ፡የሚያፈሳ፟ቸውን፥
9፤ዐምባውም፡እንዲፈርስ፡በብርቱ፡ላይ፡የድንገት፡ጥፋት፡የሚያመጣውን፡ፈልጉ፤ስሙ፡እግዚአብሔር፡ነው።
10፤በበሩ፡አደባባይ፡የሚገሥጸውን፡ጠሉ፥እውነትም፡የሚናገረውን፡ተጸየፉ።
11፤ድኻውንም፡ደብድባችዃልና፥የስንዴውንም፡ቀረጥ፡ከርሱ፡ወስዳችዃልና፥ከተጠረበ፡ድንጋይ፡ቤቶችን፡ሠርታች ዃል፥ነገር፡ግን፥አትቀመጡባቸውም፤ያማሩ፡የወይን፡ቦታዎች፡ተክላችዃል፥ነገር፡ግን፥ከወይን፡ጠጃቸው፡አትጠ ጡም።
12፤ጻድቁን፡የምታስጨንቁ፥ጕቦንም፡የምትቀበሉ፥በበሩም፡አደባባይ፡የችጋረኛውን፡ፍርድ፡የምታጣምሙ፡እናንተ ፡ሆይ፥በደላችኹ፡እንዴት፡እንደ፡በዛ፥ኀጢአታችኹም፡እንዴት፡እንደ፡ጸና፡እኔ፡ዐውቃለኹና።
13፤ስለዚህ፥ክፉ፡ዘመን፡ነውና፥በዚያ፡ዘመን፡አስተዋይ፡የሚኾን፡ዝም፡ይላል።
14፤በሕይወት፡ትኖሩ፡ዘንድ፡መልካሙን፡እንጂ፡ክፉውን፡አትፈልጉ፤እንዲህም፡እናንተ፡እንደ፡ተናገራችኹ፡የሰ ራዊት፡አምላክ፡እግዚአብሔር፡ከእናንተ፡ጋራ፡ይኾናል።
15፤ክፉውን፡ጥሉ፥መልካሙንም፡ውደዱ፥በበሩም፡አደባባይ፡ፍርድን፡አጽኑ፤ምናልባት፡የሰራዊት፡አምላክ፡እግዚ አብሔር፡ለዮሴፍ፡ቅሬታ፡ይራራ፡ይኾናል።
16፤ስለዚህ፥ጌታ፡የሰራዊት፡አምላክ፡እግዚአብሔር፡እንዲህ፡ይላል፦በያደባባዩ፡ዅሉ፡ላይ፡ዋይታ፡ይኾናል፤በ የመንገዱም፡ዅሉ፡ላይ፡ወዮ፡ወዮ፡ይባላል፤ገበሬዎቹም፡ወደ፡ልቅሶ፥አልቃሾቹም፡ወደ፡ዋይታ፡ይጠራሉ።
17፤በመካከልኽ፡ዐልፋለኹና፡በወይኑ፡ቦታ፡ዅሉ፡ልቅሶ፡ይኾናል፥ይላል፡እግዚአብሔር።
18፤የእግዚአብሔርን፡ቀን፡ለምትፈልጉ፡ወዮላችኹ! የእግዚአብሔርን፡ቀን፡ለምን፡ትፈልጋላችኹ፧ጨለማ፡ነው፡እንጂ፡ብርሃን፡አይደለም።
19፤ከአንበሳ፡ፊት፡እንደ፡ሸሸ፡ድብም፡እንዳገኘው፡ሰው፥ወይም፡ወደ፡ቤት፡ገብቶ፡እጁን፡በግድግዳ፡ላይ፡እን ዳስደገፈና፡እባብ፡እንደ፡ነደፈው፡ሰው፡ነው።
20፤የእግዚአብሔር፡ቀን፡ብርሃን፡ሳይኾን፡ጨለማ፡አይደለምን፧ጸዳል፡የሌለውም፡ድቅድቅ፡ጨለማ፡አይደለምን፧
21፤ዓመት፡በዓላችኹን፡ጠልቼዋለኹ፡ተጸይፌውማለኹ፤የተቀደሰውም፡ጉባኤያችኹ፡ደስ፡አያሠኘኝም።
22፤የሚቃጠለውን፡መሥዋዕታችኹና፡የእኽሉን፡ቍርባናችኹን፡ብታቀርቡልኝም፡እንኳ፡አልቀበለውም፤ለምስጋና፡መ ሥዋዕት፡የምታቀርቡልኝን፡የሰቡትን፡እንስሳዎች፡አልመለከትም።
23፤የዝማሬኽንም፡ጩኸት፡ከእኔ፡ዘንድ፡አርቅ፤የመሰንቆኽንም፡ዜማ፡አላደምጥም።
24፤ነገር፡ግን፥ፍርድ፡እንደ፡ውሃ፥ጽድቅም፡እንደማይደርቅ፡ፈሳሽ፡ይፍሰስ።
25፤የእስራኤል፡ቤት፡ሆይ፥በእውኑ፡በምድረ፡በዳ፡አርባ፡ዓመት፡ሙሉ፡መሥዋዕትንና፡ቍርባንን፡አቅርባችኹልኛ ልን፧
26፤ለራሳችኹም፡የሠራችዃቸውን፡ምስሎች፥የሞሎክን፡ድንኳንና፡የአምላካችኹን፡የሬፋን፡ኮከብ፡አነሣችኹ።
27፤ስለዚህ፥ከደማስቆ፡ወደዚያ፡አስማርካችዃለኹ፥ይላል፡ስሙ፡የሰራዊት፡አምላክ፡የተባለ፡እግዚአብሔር።
_______________ትንቢተ፡ዓሞጽ፥ምዕራፍ፡6።______________
ምዕራፍ፡6።
1፤በጽዮን፡ላሉ፡ዓለመኛዎች፥በሰማርያም፡ተራራ፡ላይ፡ተዘልለው፡ለተቀመጡ፥የእስራኤልም፡ቤት፡ወደ፡እነርሱ፡ ለመጡባቸው፡ለአሕዛብ፡አለቃዎች፡ወዮላቸው!
2፤ወደ፡ካልኔ፡ዐልፋችኹ፡ተመልከቱ፤ከዚያም፡ወደ፡ታላቂቱ፡ሐማት፡ኺዱ፤ከዚያም፡ወደ፡ፍልስጥኤም፡ጌት፡ውረዱ ፤እነርሱ፡ከነዚህ፡መንግሥታት፡ይሻላሉን፧ወይስ፡ድንበራቸው፡ከድንበራችኹ፡ይሰፋልን፧
3፤ክፉውን፡ቀን፡ከእናንተ፡ለምታርቁ፥የግፍንም፡ወንበር፡ለምታቀርቡ፥
4፤ከዝኆን፡ጥርስ፡በተሠራ፡ዐልጋ፡ላይ፡ለምትተኙ፥በምንጣፋችኹም፡ላይ፡ተደላድላችኹ፡ለምትቀመጡ፥ከበጎችም፡ መንጋ፡ጠቦትን፡ከጋጥም፡ውስጥ፡ጥጃን፡ለምትበሉ፥
5፤በመሰንቆም፡ድምፅ፡ለምትንጫጩ፥እንደ፡ዳዊትም፡የዜማን፡ዕቃ፡ለምታዘጋጁ፥
6፤በፋጋ፡የወይን፡ጠጅ፡ለምትጠጡ፥እጅግ፡ባማረ፡ሽቱም፡ለምትቀቡ፥ስለዮሴፍ፡መከራ፡ግን፡ለማታዝኑ፡ለእናንተ ፡ወዮላችኹ!
7፤ስለዚህ፥በምርኮ፡መዠመሪያ፡ይማረካሉ፥ተደላድለው፡ከተቀመጡትም፡ዘንድ፡ዘፈን፡ይርቃል።
8፤ጌታ፡እግዚአብሔር፦የያዕቆብን፡ትዕቢት፡ተጸይፌያለኹ፥አዳራሾቹንም፡ጠልቻለኹ፤ስለዚህ፥ከተማዪቱንና፡የሚ ኖሩባትን፡ዅሉ፡አሳልፌ፡እሰጣለኹ፡ብሎ፡በራሱ፡ምሏል፥ይላል፡የሰራዊት፡አምላክ፡እግዚአብሔር።
9፤እንዲህም፡ይኾናል፤ዐሥር፡ሰዎች፡ባንድ፡ቤት፡ውስጥ፡ቢቀሩ፡እነርሱ፡ይሞታሉ።
10፤ዐጥንቱንም፡ከቤቱ፡ያወጡ፡ዘንድ፡የሰው፡ዘመድና፡አቃጣዩ፡ባነሡት፡ጊዜ፥በቤቱም፡ውስጥ፡ያለውን፦እስከ፡ አኹን፡ድረስ፡ገና፡ሰው፡ባንተ፡ዘንድ፡አለን፧ባለው፡ጊዜ፥ርሱም፦ማንም፡የለም፡ባለ፡ጊዜ፤ያን፡ጊዜ፦የእግዚ አብሔርን፡ስም፡እንጠራ፡ዘንድ፡አይገ፟ባ፟ንምና፥ዝም፡በል፡ይለዋል።
11፤እንሆም፥እግዚአብሔር፡ያዛ፟ል፤ታላቁንም፡ቤት፡በማፍረስ፥ታናሹንም፡ቤት፡በመሰባበር፡ይመታል።
12፤13፤ፍርድን፡ወደ፡ሐሞት፥የጽድቅንም፡ፍሬ፡ወደ፡ሬት፡የለወጣችኹ፥በከንቱም፡ነገር፡ደስ፡የሚላችኹ፦በኀይ ላችን፡ቀንድ፡የወሰድን፡አይደለምን፧የምትሉ፥እናንተ፡ሆይ፥በእውኑ፡ፈረሶች፡በጭንጫ፡ላይ፡ይጋልባሉን፧ወይ ስ፡በሬዎች፡በዚያ፡ላይ፡ያርሳሉን፧
14፤የእስራኤል፡ቤት፡ሆይ፥እንሆ፥እኔ፡ሕዝብን፡አስነሣባችዃለኹ፥ይላል፡የሰራዊት፡አምላክ፡እግዚአብሔር፤እ ነርሱም፡ከሐማት፡መግቢያ፡ዠምረው፡እስከዐረባ፡ወንዝ፡ድረስ፡ያስጨንቋችዃል።
_______________ትንቢተ፡ዓሞጽ፥ምዕራፍ፡7።______________
ምዕራፍ፡7።
1፤ጌታ፡እግዚአብሔር፡እንዲህ፡አሳየኝ፤እንሆም፥የዃለኛው፡ሣር፡በሚበቅልበት፡መዠመሪያ፡ላይ፡አንበጣን፡ፈጠ ረ፤እንሆም፥ከንጉሡ፡ዐጨዳ፡በዃላ፡የበቀለ፡የገቦ፡ነበረ።
2፤የምድሩንም፡ሣር፡በልተው፡ከጨረሱ፡በዃላ፥እኔ፦ጌታ፡እግዚአብሔር፡ሆይ፥ይቅር፡እንድትል፡እለምንኻለኹ፤ያ ዕቆብ፡ታናሽ፡ነውና፥እንዴት፡ይቆማል፧አልኹ።
3፤እግዚአብሔርም፡ስለዚህ፡ነገር፡ተጸጸተ፤ይህ፡አይኾንም፥ይላል፡እግዚአብሔር።
4፤ጌታ፡እግዚአብሔርም፡እንዲህ፡አሳየኝ፤እንሆም፥ጌታ፡እግዚአብሔር፡በእሳት፡ለመፍረድ፡ጠራ፤ርሷም፡ታላቁን ፡ቀላይና፡ምድርን፡በላች።
5፤እኔም፦ጌታ፡እግዚአብሔር፡ሆይ፥እንድትተው፡እለምንኻለኹ፤ያዕቆብ፡ታናሽ፡ነውና፥እንዴት፡ይቆማል፧አልኹ።
6፤እግዚአብሔርም፡ስለዚህ፡ነገር፡ተጸጸተ፤ይህ፡ደግሞ፡አይኾንም፥ይላል፡ጌታ፡እግዚአብሔር።
7፤እንዲህም፡አሳየኝ፤እንሆም፥ጌታ፡ቱንቢውን፡ይዞ፡በቱንቢ፡በተሠራ፡ቅጥር፡ላይ፡ቆሞ፡ነበር።
8፤እግዚአብሔርም፦ዓሞጽ፡ሆይ፥የምታየው፡ምንድር፡ነው፧አለኝ።እኔም፦ቱንቢ፡ነው፡አልኹ።ጌታም፦እንሆ፥በሕዝ ቤ፡በእስራኤል፡መካከል፡ቱንቢ፡አደርጋለኹ፤ከእንግዲህም፡ወዲህ፡ደግሞ፡አላልፋቸውም፤
9፤የይሥሐቅም፡የኰረብታው፡መስገጃዎች፡ይፈርሳሉ፥የእስራኤልም፡መቅደሶች፡ባድማ፡ይኾናሉ፤በኢዮርብዓምም፡ቤ ት፡ላይ፡በሰይፍ፡እነሣለኹ፡አለ።
10፤11፤የቤቴልም፡ካህን፡አሜስያስ፡ወደእስራኤል፡ንጉሥ፡ወደ፡ኢዮርብዓም፡ልኮ፦ዓሞጽ፦ኢዮርብዓም፡በሰይፍ፡ ይሞታል፥እስራኤልም፡ከአገሩ፡ተማርኮ፡ይኼዳል፡ብሏልና፥ዓሞጽ፡በእስራኤል፡ቤት፡መካከል፡ዐምፆብኻል፤ምድሪ ቱም፡ቃሉን፡ዅሉ፡ልትሸከም፡አትችልም፡አለ።
12፤አሜስያስም፡ዓሞጽን፦ባለራእዩ፡ሆይ፥ኺድ፡ወደይሁዳም፡ምድር፡ሽሽ፥በዚያም፡እንጀራን፡ብላ፥
13፤በዚያም፡ትንቢትን፡ተናገር፤ነገር፡ግን፥ቤቴል፡የንጉሥ፡መቅደስና፡የመንግሥት፡ቤት፡ናትና፥ከእንግዲህ፡ ወዲህ፡በዚህ፡ደግሞ፡ትንቢት፡አትናገር፡አለው።
14፤ዓሞጽም፡መልሶ፡አሜስያስን፡አለው፦እኔ፡ላም፡ጠባቂና፡ወርካ፡ለቃሚ፡ነኝ፡እንጂ፡ነቢይ፡ወይም፡የነቢይ፡ ልጅ፡አይደለኹም፤
15፤እግዚአብሔርም፡በጎቹን፡ከመከተል፡ወሰደኝ፥እግዚአብሔርም፦ኺድ፥ለሕዝቤም፡ለእስራኤል፡ትንቢት፡ተናገር ፡አለኝ።
16፤አኹንም፡የእግዚአብሔርን፡ቃል፡ስማ፤አንተ፦በእስራኤል፡ላይ፡ትንቢት፡አትናገር፥በይሥሐቅም፡ቤት፡ላይ፡ አትስበክ፡ብለኻል፤
17፤ስለዚህ፥እግዚአብሔር፡እንዲህ፡ይላል፦ሚስትኽ፡በከተማዪቱ፡ውስጥ፡ጋለሞታ፡ትኾናለች፥ወንዶችና፡ሴቶች፡ ልጆችኽም፡በሰይፍ፡ይወድቃሉ፥ምድርኽም፡በገመድ፡ትከፈላለች፤አንተም፡በረከሰች፡ምድር፡ትሞታለኽ፥እስራኤል ም፡ከምድሩ፡ተማርኮ፡ይኼዳል።
_______________ትንቢተ፡ዓሞጽ፥ምዕራፍ፡8።______________
ምዕራፍ፡8።
1፤ጌታ፡እግዚአብሔር፡እንዲህ፡አሳየኝ፡እንሆም፥የቃርሚያ፡ፍሬ፡የሞላበት፡እንቅብ፡ነበረ።
2፤ርሱም፦ዓሞጽ፡ሆይ፥የምታየው፡ምንድር፡ነው፧አለኝ።እኔም፦የቃርሚያ፡ፍሬ፡የሞላበት፡እንቅብ፡ነው፡አልኹት ።እግዚአብሔርም፡አለኝ፦ፍጻሜ፡በሕዝቤ፡በእስራኤል፡ላይ፡መጥቷል፤ከእንግዲህ፡ወዲህ፡ደግሞ፡አላልፋቸውም።
3፤የመቅደሱ፡ዝማሬ፡በዚያ፡ቀን፡ዋይታ፡ይኾናል፥ይላል፡ጌታ፡እግዚአብሔር፤የሰዎችም፡ሬሳ፡ይበዛል፥በስፍራው ም፡ዅሉ፡በዝምታ፡ይጣላል።
4፤ችጋረኛውን፡የምትውጡ፥የአገሩንም፡ድኻ፡የምታጠፉ፡እናንተ፡ሆይ፦
5፤እኽልን፡እንሸጥ፡ዘንድ፡መባቻው፡መቼ፡ያልፋል፧የኢፍ፡መስፈሪያውንም፡እያሳነስን፥ሰቅሉንም፡እያበዛን፥በ ሐሰተኛም፡ሚዛን፡እያታለልን፥
6፤ድኻውን፡በብር፡ችጋረኛውንም፡ባንድ፡ጥንድ፡ጫማ፡እንገዛ፡ዘንድ፥የስንዴውን፡ግርድ፡እንሸጥ፡ዘንድ፡ስንዴ ውን፡እንድንሸምት፡ሰንበት፡መቼ፡ያልፋል፧የምትሉ፡እናንተ፡ሆይ፥ይህን፡ስሙ።
7፤እግዚአብሔር፡በያዕቆብ፡ክብር፡እንዲህ፡ብሎ፡ምሏል።ሥራቸውን፡ዅሉ፡ለዘለዓለም፡ምንም፡አልረሳም።
8፤በእውኑ፡ምድሪቱ፡ስለዚህ፡ነገር፡አትናወጥምን፧በርሷም፡የሚኖር፡ዅሉ፡አያለቅስምን፧መላ፟ዋም፡እንደ፡ወን ዙ፡ትነሣለች፤እንደ፡ግብጽም፡ወንዝ፡ትነሣለች፡ደግሞም፡ትወርዳለች።
9፤በዚያም፡ቀን፡ፀሓይ፡በቀትር፡እንድትገባ፡አደርጋለኹ፥ይላል፡ጌታ፡እግዚአብሔር፤በብርሃንም፡ቀን፡ምድሩን ፡አጨልማለኹ።
10፤ዓመት፡በዓላችኹንም፡ወደ፡ልቅሶ፥ዝማሬያችኹንም፡ወደ፡ዋይታ፡እለውጣለኹ፤ማቅንም፡በወገብ፡ዅሉ፥ራስ፡መ ንጨትንም፡በዅሉ፡ላይ፡አመጣለኹ፤እንደ፡አንድያ፡ልጅም፡ልቅሶ፥ፍጻሜውንም፡እንደ፡መራራ፡ቀን፡አደርገዋለኹ ።
11፤እንሆ፥በምድር፡ላይ፡ራብን፡የምሰድ፟በት፡ዘመን፡ይመጣል፥ይላል፡ጌታ፡እግዚአብሔር፤ርሱም፡የእግዚአብሔ ርን፡ቃል፡ከመስማት፡እንጂ፡እንጀራን፡ከመራብና፡ውሃን፡ከመጠማት፡አይደለም።
12፤ከባሕርም፡እስከ፡ባሕር፡ድረስ፥ከሰሜንም፡እስከ፡ምሥራቅ፡ድረስ፡ይቅበዘበዛሉ፤የእግዚአብሔርን፡ቃል፡ለ መሻት፡ይሯሯጣሉ፥አያገኙትምም።
13፤በዚያ፡ቀን፡መልካካሞች፡ደናግል፡ጐበዛዝትም፡በጥም፡ይዝላሉ።
14፤በሰማርያ፡ኀጢአት፡የሚምሉና፦ዳን፡ሆይ፥ሕያው፡አምላክኽን! ደግሞ፦ሕያው፡የቤርሳቤሕን፡መንገድ! ብለው፡የሚሉ፥እነርሱ፡ይወድቃሉ፥ደግሞም፡አይነሡም።
_______________ትንቢተ፡ዓሞጽ፥ምዕራፍ፡9።______________
ምዕራፍ፡9።
1፤ጌታን፡በመሠዊያው፡አጠገብ፡ቆሞ፡አየኹት፤ርሱም፡እንዲህ፡አለ፦መድረኮቹ፡ይናወጡ፡ዘንድ፡ጕልላቶቹን፡ምታ ፥በራሳቸውም፡ዅሉ፡ላይ፡ሰባብራቸው፤እኔም፡ከነርሱ፡የቀሩትን፡በሰይፍ፡እገድላለኹ፤የሚሸሽ፡አያመልጥም፥የ ሚያመልጥም፡አይድንም።
2፤ወደ፡ሲኦል፡ቢወርዱ፡እጄ፡ከዚያ፡ታወጣቸዋለች፤ወደ፡ሰማይም፡ቢወጡ፡ከዚያ፡አወርዳቸዋለኹ፤
3፤በቀርሜሎስም፡ራስ፡ውስጥ፡ቢሸሸጉ፡ፈልጌ፡ከዚያ፡አወጣቸዋለኹ፤በጥልቅ፡ባሕርም፡ውስጥ፡ከዐይኔ፡ቢደበቁ፡ ከዚያ፡እባቡን፡አዛ፟ለኹ፥ርሱም፡ይነድፋቸዋል፤
4፤በጠላቶቻቸውም፡ፊት፡ተማርከው፡ቢኼዱ፡ከዚያ፡ሰይፍን፡አዛ፟ለኹ፥ርሱም፡ይገድላቸዋል፤ዐይኔንም፡በእነርሱ ፡ላይ፡ለክፋት፡እንጂ፡ለመልካም፡አላደርግም።
5፤የሰራዊት፡ጌታ፡እግዚአብሔር፡ምድርን፡ይዳስሳል፡ርሷም፡ትቀልጣለች፥የሚኖሩባትም፡ዅሉ፡ያለቅሳሉ፤መላ፟ዋ ም፡እንደ፡ግብጽ፡ወንዝ፡ትነሣለች፥ደግሞ፡እንደ፡ግብጽ፡ወንዝ፡ትወርዳለች።
6፤አዳራሹን፡በሰማይ፡የሠራ፥ጠፈሩንም፡በምድር፡ላይ፡የመሠረተ፥የባሕርንም፡ውሃ፡ጠርቶ፡በምድር፡ፊት፡ላይ፡ የሚያፈሰ፟ው፡ርሱ፡ነው፤ስሙም፡እግዚአብሔር፡ነው።
7፤የእስራኤል፡ልጆች፡ሆይ፥እናንተ፡ለእኔ፡እንደ፡ኢትዮጵያ፡ልጆች፡አይደላችኹምን፧ይላል፡እግዚአብሔር፦እስ ራኤልን፡ከግብጽ፡ምድር፥ፍልስጥኤማውያንንም፡ከከፍቶር፥ሶርያውያንንም፡ከቂር፡አላወጣኹምን፧
8፤እንሆ፥የጌታ፡የእግዚአብሔር፡ዐይኖች፡በኀጢአተኛ፡መንግሥት፡ላይ፡ናቸው፥ከምድርም፡ፊት፡አጠፋታለኹ፤ነገ ር፡ግን፥የያዕቆብን፡ቤት፡ፈጽሜ፡አላጠፋም፥ይላል፡እግዚአብሔር።
9፤እንሆ፥አዛ፟ለኹ፥እኽልም፡በወንፊት፡እንዲነፋ፡የእስራኤልን፡ቤት፡በአሕዛብ፡ዅሉ፡መካከል፡እነፋለኹ፤ነገ ር፡ግን፥አንዲት፡ቅንጣት፡በምድር፡ላይ፡አትወድቅም።
10፤ክፉው፡ነገር፡አይደርስብንም፥አያገኘንምም፡የሚሉ፡የሕዝቤ፡ኀጢአተኛዎች፡ዅሉ፡በሰይፍ፡ይሞታሉ።
11፤በዚያ፡ቀን፡የወደቀችውን፡የዳዊትን፡ድንኳን፡አነሣለኹ፥የተናደውንም፡ቅጥሯን፡እጠግናለኹ፤የፈረሰውንም ፡ዐድሳለኹ፥እንደ፡ቀደመውም፡ዘመን፡እሠራታለኹ፤
12፤ይኸውም፡የኤዶምያስን፡ቅሬታ፥ስሜም፡የተጠራባቸውን፡አሕዛብን፡ዅሉ፡ይወርሱ፡ዘንድ፡ነው፥ይላል፡ይህን፡ የሚያደርግ፡እግዚአብሔር።
13፤እንሆ፥አራሹ፡ዐጫጁን፥ወይን፡ጠማቂውም፡ዘሪውን፡የሚያገኝበት፡ወራት፡ይመጣል፥ይላል፡እግዚአብሔር፤ተራ ራዎችም፡በተሓውን፡የወይን፡ጠጅ፡ያንጠባጥባሉ፥ኰረብታዎችም፡ዅሉ፡ይቀልጣሉ።
14፤የሕዝቤን፡የእስራኤልን፡ምርኮ፡እመልሳለኹ፥የፈረሱትንም፡ከተማዎች፡ሠርተው፡ይቀመጡባቸዋል፤ወይንንም፡ ይተክላሉ፥የወይን፡ጠጁንም፡ይጠጣሉ፤አታክልትንም፡ያበጃሉ፥ፍሬውንም፡ይበላሉ።
15፤በምድራቸውም፡እተክላቸዋለኹ፥ከእንግዲህም፡ወዲህ፡ከሰጠዃቸው፡ከምድራቸው፡አይነቀሉም፥ይላል፡አምላክኽ ፡እግዚአብሔር፨

http://www.gzamargna.net