ማሕልየ፡መሓልይ፡ዘሰሎሞን።

(ክለሳ.1.20020507)

_______________ማሕልየ፡መሓልይ፡ዘሰሎሞን፥ምዕራፍ፡1።______________
ምዕራፍ፡1።
1፤ከመዝሙር፡ዅሉ፡የሚበልጥ፡የሰሎሞን፡መዝሙር።
2፤በአፉ፡መሳም፡ይሳመኝ፥ፍቅርኽ፡ከወይን፡ጠጅ፡ይልቅ፡መልካም፡ነውና።
3፤ዘይትኽ፡መልካም፡መዐዛ፡አለው፤ስምኽ፡እንደሚፈስ፟፡ዘይት፡ነው፤ስለዚህ፥ደናግል፡ወደዱኽ።
4፤ሳበኝ፥ከአንተም፡በዃላ፡እንሮጣለን፤ንጉሡ፡ወደ፡ቤቱ፡አገባኝ፡ባንተ፡ደስ፡ይለናል፥ሐሤትም፡እናደርጋለን ፤ከወይን፡ጠጅ፡ይልቅ፡ፍቅርኽን፡እናስባለን፤በቅንነት፡ይወዱኻል።
5፤እናንተ፡የኢየሩሳሌም፡ቈነዣዥት፡ሆይ፥እኔ፡ጥቍር፡ነኝ፤ነገር፡ግን፥ውብ፡ነኝ፥እንደ፡ቄዳር፡ድንኳኖች፡እ ንደ፡ሰሎሞንም፡መጋረጃዎች።
6፤ፀሓይ፡መልኬን፡አክስሎታልና፤ጥቍር፡ስለ፡ኾንኹ፡አትዩኝ፤የእናቴ፡ልጆች፡ተጣሉኝ፥የወይን፡ቦታዎችንም፡ጠ ባቂ፡አደረጉኝ፤ነገር፡ግን፥የእኔን፡ወይን፡ቦታ፡አልጠበቅኹም።
7፤ነፍሴ፡የወደደችኽ፡አንተ፡ንገረኝ፤ወዴት፡ታሰማራለኽ፧በቀትርስ፡ጊዜ፡ወዴት፡ትመስጋለኽ፧ስለ፡ምንስ፡ከባ ልንጀራዎችኽ፡መንጋዎች፡በዃላ፡እቅበዘበዛለኹ፧
8፤አንቺ፡በሴቶች፡ዘንድ፡የተዋብሽ፡ሆይ፥ያላወቅሽ፡እንደ፡ኾነ፡የመንጋዎችን፡ፍለጋ፡ተከትለሽ፡ውጪ፥የፍየል ፡ግልገሎችሽንም፡በእረኛዎች፡ድንኳኖች፡አጠገብ፡አሰማሪ።
9፤ወዳጄ፡ሆይ፥በፈርዖን፡ሠረገላዎች፡እንዳለ፡ፈረስ፡መሰልኹሽ።
10፤የጕንጭሽ፡ውበት፡በከበረ፡ሉል፥ዐንገትሽም፡በዕንቍ፡ድሪ፡ያማረ፡ነው።
11፤ባለብር፡ጕብጕብ፡የኾነ፡የወርቅ፡ጠልሰም፡እናደርግልሻለን።
12፤ንጉሡ፡በማእዱ፡ሳለ፥የእኔ፡ናርዶስ፡መዐዛውን፡ሰጠ።
13፤ውዴ፡ለእኔ፡በጡቶቼ፡መካከል፡እንደሚያርፍ፡እንደ፡ተቋጠረ፡ከርቤ፡ነው።
14፤ውዴ፡ለእኔ፡በዐይንጋዲ፡ወይን፡ቦታ፡እንዳለ፡እንደ፡አበባ፡ዕቅፍ፡ነው።
15፤ወዳጄ፡ሆይ፥እንሆ፥ውብ፡ነሽ፤እንሆ፥አንቺ፡ውብ፡ነሽ፤ዐይኖችሽም፡እንደ፡ርግቦች፡ናቸው።
16፤ውዴ፡ሆይ፥እንሆ፥አንተ፡ውብ፡ነኽ፥መልከ፡መልካምም፡ነኽ፤ዐልጋችንም፡ለምለም፡ነው።
17፤የቤታችን፡ሠረገላ፡የዝግባ፡ዛፍ፡ነው፥የጣሪያችንም፡ማዋቀሪያ፡የጥድ፡ዛፍ፡ነው።
_______________ማሕልየ፡መሓልይ፡ዘሰሎሞን፥ምዕራፍ፡2።______________
ምዕራፍ፡2።
1፤እኔ፡የሳሮን፡ጽጌ፡ረዳ፡የቈላም፡አበባ፡ነኝ።
2፤በሾኽ፡መካከል፡እንዳለ፡የሱፍ፡አበባ፥እንዲሁ፡ወዳጄ፡በቈነዣዥት፡መካከል፡ናት።
3፤በዱር፡እንዳለ፡እንኮይ፥እንዲሁ፡ውዴ፡በልጆች፡መካከል፡ነው።ከጥላው፡በታች፡እጅግ፡ወድጄ፡ተቀመጥኹ፥ፍሬ ውም፡በጕረሮዬ፡ጣፋጭ፡ነው።
4፤ወደወይን፡ጠጁም፡ቤት፡አገባኝ፥በእኔ፡ላይ፡ያለው፡ዐላማውም፡ፍቅር፡ነው።
5፤በዘቢብም፡አጽናኑኝ፥በእንኮይ፡አበረታቱኝ፥በፍቅሩ፡ተነድፌ፡ታምሜያለኹና።
6፤ግራው፡ከራሴ፡በታች፡ናት፥ቀኙም፡ታቅፈኛለች።
7፤እናንተ፡የኢየሩሳሌም፡ቈነዣዥት፡ሆይ፥ርሱ፡እስኪፈልግ፡ድረስ፥ፍቅርን፡እንዳታስነሡትና፡እንዳታነሣሡት፡ በሚዳቋ፡በምድረ፡በዳም፡ዋላ፡አምላችዃለኹ።
8፤እንሆ፥የውዴ፡ቃል! በተራራዎች፡ላይ፡ሲዘል፟፥በኰረብታዎችም፡ላይ፡ሲወረወር፡ይመጣል።
9፤ውዴ፡ሚዳቋን፡ወይም፡የዋላን፡እንቦሳ፡ይመስላል፤እንሆ፥በመስኮቶች፡ሲጐበኝ፥በዐይነ፡ርግብም፡ሲመለከት፥ ርሱ፡ከቅጥራችን፡በዃላ፡ቆሟል።
10፤ውዴ፡እንዲህ፡ብሎ፡ተናገረኝ፦ወዳጄ፡ሆይ፥ተነሺ፤ውበቴ፡ሆይ፥ነዪ።
11፤እንሆ፥ክረምት፡ዐለፈ፥ዝናቡም፡ዐልፎ፡ኼደ።
12፤አበባዎች፡በምድር፡ላይ፡ተገለጡ፥የዜማም፡ጊዜ፡ደረሰ፥የቍርዬውም፡ቃል፡በምድራችን፡ተሰማ።
13፤በለሱ፡ጐመራ፥ወይኖችም፡አበቡ፡መዐዛቸውንም፡ሰጡ፤ወዳጄ፡ሆይ፥ተነሺ፤ውበቴ፡ሆይ፥ነዪ።
14፤በአለት፡ንቃቃትና፡በገደል፡መሸሸጊያ፡ያለሽ፡ርግብ፡ሆይ፥ቃልሽ፡መልካም፡ፊትሽም፡ያማረ፡ነውና፥መልክሽ ን፡አሳዪኝ፥ድምፅሽንም፡አሰሚኝ።
15፤ወይናችን፡አብቧልና፥የወይናችንን፡ቦታ፡የሚያጠፉትን፡ቀበሮዎች፥ጥቃቅኑን፡ቀበሮዎች፡አጥምዳችኹ፡ያዙል ን።
16፤ውዴ፡የእኔ፡ነው፥እኔም፡የርሱ፡ነኝ፤በሱፍ፡አበባዎች፡መካከልም፡መንጋውን፡ያሰማራል።
17፤ውዴ፡ሆይ፥ቀኑ፡እስኪነፍስ፥ጥላውም፡እስኪሸሽ፡ድረስ፡ተመለስ፤በቅመም፡ተራራ፡ላይ፡ሚዳቋውን፡ወይም፡የ ዋላውን፡እንቦሳ፡ምሰል።
_______________ማሕልየ፡መሓልይ፡ዘሰሎሞን፥ምዕራፍ፡3።______________
ምዕራፍ፡3።
1፤ሌሊት፡በምንጣፌ፡ላይ፡ነፍሴ፡የወደደችውን፡ፈለግኹት፤ፈለግኹት፡አላገኘኹትም።
2፤እነሣለኹ፡በከተማዪቱም፡እዞራለኹ፥ነፍሴ፡የወደደችውን፡በጐዳናና፡በአደባባይ፡እፈልጋለኹ፤ፈለግኹት፡አላ ገኘኹትም።
3፤ከተማዪቱን፡የሚዞሩት፡ጠባቂዎች፡አገኙኝ፤ነፍሴ፡የወደደችውን፡አያችኹትን፧አልዃቸውም።
4፤ከነርሱም፡ጥቂት፡እልፍ፡ብዬ፡ነፍሴ፡የወደደችውን፡አገኘኹት፥ያዝኹትም፡ወደእናቴም፡ቤት፡ወደወላጅ፡እናቴ ም፡ዕልፍኝ፡እስካገባው፡ድረስ፡አልተውኹትም።
5፤እናንተ፡የኢየሩሳሌም፡ቈነዣዥት፡ሆይ፥ርሱ፡እስኪፈልግ፡ድረስ፥ፍቅርን፡እንዳታስነሡትና፡እንዳታነሣሡት፡ በሚዳቋ፡በምድረ፡በዳም፡ዋላ፡አምላችዃለኹ።
6፤መዐዛም፡እንደ፡ከርቤና፡እንደ፡ዕጣን፡የኾነችው፥ከልዩ፡ከነጋዴ፡ቅመም፡ዅሉ፡የኾነችው፥ይህች፡ከምድረ፡በ ዳ፡እንደ፡ጢስ፡ምሰሶ፡የወጣችው፡ማን፡ናት፧
7፤እንሆ፥የሰሎሞን፡ዐልጋ፡ናት፤ከእስራኤል፡ኀያላን፡ስድሳ፡ኀያላን፡በዙሪያው፡ናቸው።
8፤ዅሉም፡ሰይፍ፡የያዙ፡ሰልፈኛዎች፡ናቸው፤በሌሊት፡ከሚወድቀው፡ፍርሀት፡የተነሣ፡ሰው፡ዅሉ፡ሰይፉ፡በወገቡ፡ አለ።
9፤ንጉሡ፡ሰሎሞን፡መሸከሚያን፡ከሊባኖስ፡ዕንጨት፡ለራሱ፡አሠራ።
10፤ምሰሶዎቹን፡የብር፥መደገፊያውንም፡የወርቅ፥መቀመጫውንም፡ሐምራዊ፡ግምጃ፡አደረገ፤ውስጡ፡በኢየሩሳሌም፡ ቈነዣዥት፡ፍቅር፡የተለበጠ፡ነው።
11፤እናንተ፡የጽዮን፡ቈነዣዥት፥ውጡ፤እናቱ፡በሰርጉ፡ቀንና፡በልቡ፡ደስታ፡ቀን፡ያደረገችለትን፡አክሊል፡ደፍ ቶ፡ንጉሥ፡ሰሎሞንን፡እዩ።
_______________ማሕልየ፡መሓልይ፡ዘሰሎሞን፥ምዕራፍ፡4።______________
ምዕራፍ፡4።
1፤ወዳጄ፡ሆይ፥እንሆ፥ውብ፡ነሽ፤እንሆ፥አንቺ፡ውብ፡ነሽ፤በዐይነ፡ርግብ፡መሸፈኛሽ፡ውስጥ፡ዐይኖችሽ፡እንደ፡ ርግቦች፡ናቸው፤ጠጕርሽ፡በገለዓድ፡ተራራ፡እንደሚወርድ፡እንደ፡ፍየል፡መንጋ፡ነው።
2፤ጥርሶችሽ፡ታጥበው፡እንደ፡ተሸለቱ፡ዅሉም፡መንታ፡እንደ፡ወለዱ፡ከነርሱም፡መካን፡እንደሌለባቸው፡መንጋዎች ፡ናቸው።
3፤ከንፈሮችሽ፡እንደ፡ቀይ፡ሐር፡ፈትል፡ናቸው፥አፍሽም፡ያማረ፡ነው፤በዐይነ፡ርግብ፡መሸፈኛሽ፡ውስጥ፡ጕንጭና ፡ጕንጭሽ፡እንደ፡ተከፈለ፡ሮማን፡ናቸው።
4፤ዐንገትሽ፡ለሰልፍ፡ዕቃ፡መስቀያ፡እንደ፡ተሠራው፡እንደ፡ዳዊት፡ግንብ፡ነው፤ሺሕ፡ጋሻ፡የኀያላንም፡መሣሪያ ፡ዅሉ፡ተንጠልጥሎበታል።
5፤ኹለቱ፡ጡቶችሽ፡መንታ፡እንደ፡ተወለዱ፥በሱፍ፡አበባ፡መካከል፡እንደሚሰማሩ፡እንደ፡ሚዳቋ፡ግልገሎች፡ናቸው ።
6፤ቀኑ፡እስኪነፍስ፡ጥላውም፡እስኪያልፍ፡ድረስ፥ወደከርቤው፡ተራራ፡ወደዕጣኑም፡ኰረብታ፡እኼዳለኹ።
7፤ወዳጄ፡ሆይ፥ዅለንተናሽ፡ውብ፡ነው፥ነውርም፡የለብሽም።
8፤ሙሽራዬ፡ሆይ፥ከሊባኖስ፡ከእኔ፡ጋራ፡ነዪ፤ከሊባኖስ፡ከእኔ፡ጋራ፡ነዪ፤ከአማና፡ራስ፡ከሳኔርና፡ከኤርሞን፡ ራስ፥ከአንበሳዎች፡መኖሪያ፡ከነብሮችም፡ተራራ፡ተመልከች።
9፤እኅቴ፡ሙሽራ፡ሆይ፥ልቤን፡በደስታ፡አሳበድሽው፤አንድ፡ጊዜ፡በዐይኖችሽ፥ከዐንገትሽ፡ድሪ፡በአንዱ፡ልቤን፡ በደስታ፡አሳበድሽው።
10፤እኅቴ፡ሙሽራ፡ሆይ፥ፍቅርሽ፡እንዴት፡መልካም፡ነው! ፍቅርሽ፡ከወይን፡ጠጅ፡ይልቅ፡እንዴት፡ይሻላል! የዘይትሽም፡መዐዛ፡ከሽቱ፡ዅሉ!
11፤ሙሽራዬ፡ሆይ፥ከከንፈሮችሽ፡ማር፡ይንጠበጠባል፤ከምላስሽ፡በታች፡ማርና፡ወተት፡አለ፥የልብስሽም፡መዐዛ፡ እንደ፡ሊባኖስ፡ሽታ፡ነው።
12፤እኅቴ፡ሙሽራ፡የተቈለፈ፡ገነት፥የተዘጋ፡ምንጭ፡የታተመም፡ፈሳሽ፡ናት።
13፤ቡቃያሽ፡ሮማንና፡የተመረጠ፡ፍሬ፥ቆዕ፡ከናርዶስ፡ጋራ፡ያለበት፡ገነት፡ነው፥
14፤ናርዶስ፡ከቀጋ፡ጋራ፥የሽቱ፡ሣርና፡ቀረፋ፥ከልዩ፡ልዩ፡ዕጣን፡ጋራ፥ከርቤና፡ሬት፡ከክቡር፡ሽቱ፡ዅሉ፡ጋራ ።
15፤አንቺ፡የገነት፡ምንጭ፥የሕይወት፡ውሃ፡ጕድጓድ፥ከሊባኖስም፡የሚፈስ፟፡ወንዝ፡ነሽ።
16፤የሰሜን፡ነፋስ፡ሆይ፥ተነሥ፥የደቡብም፡ነፋስ፡ና፤በገነቴ፡ላይ፡ንፈስ፥ሽቱውም፡ይፍሰስ፤ውዴ፡ወደ፡ገነቱ ፡ይግባ፥መልካሙንም፡ፍሬ፡ይብላ።
_______________ማሕልየ፡መሓልይ፡ዘሰሎሞን፥ምዕራፍ፡5።______________
ምዕራፍ፡5።
1፤እኅቴ፡ሙሽራዬ፡ሆይ፥ወደ፡ገነቴ፡ገባኹ፥ከርቤዬን፡ከሽቱዬ፡ጋራ፡ለቀምኹ፥እንጀራዬን፡ከማሬ፡ጋራ፡በላኹ፥ የወይን፡ጠጄን፡ከወተቴ፡ጋራ፡ጠጣኹ።ባልንጀራዎቼ፡ሆይ፥ብሉ፤ወዳጄ፡ሆይ፥ጠጪ፤እስክትረኪ፡ድረስ፡ጠጪ።
2፤እኔ፡ተኝቻለኹ፥ልቤ፡ግን፡ነቅቷል፤የውዴ፡ቃል፡ነው፥ርሱም፡ደጁን፡ይመታል፤እኅቴ፥ወዳጄ፥ርግቤ፥መደምደሚ ያዬ፡ሆይ፥በራሴ፡ጠል፥በቈንዳላዬም፡የሌሊት፡ነጠብጣብ፡ሞልቶበታልና፥ክፈቺልኝ።
3፤ቀሚሴን፡አወለቅኹ፤እንዴት፡እለብሰዋለኹ፧እግሬን፡ታጠብኹ፤እንዴት፡አሳድፈዋለኹ፧
4፤ውዴ፡እጁን፡በቀዳዳ፡ሰደደ፥አንዠቴም፡ስለ፡ርሱ፡ታወከ።
5፤ለውዴ፡እከፍትለት፡ዘንድ፡ተነሣኹ፤እጆቼ፡በደጅ፡መወርወሪያ፡ላይ፡ከርቤን፡አፈሰሱ፥ጣቶቼ፡ፈሳሹን፡ከርቤ ፡አንጠበጠቡ።
6፤ለውዴ፡ከፈትኹለት፥ውዴ፡ግን፡ፈቀቅ፡ብሎ፡ዐልፎ፡ነበር።ነፍሴ፡ከቃሉ፡የተነሣ፡ደነገጠች፤ፈለግኹት፥አላገ ኘኹትም፤ጠራኹት፥አልመለሰልኝም።
7፤ከተማዪቱን፡የሚዞሩት፡ጠባቂዎች፡አገኙኝ፤መቱኝ፥አቈሰሉኝም፤ቅጥር፡ጠባቂዎችም፡የዐይነ፡ርግብ፡መሸፈኛዬ ን፡ወሰዱት።
8፤እናንተ፡የኢየሩሳሌም፡ቈነዣዥት፡ሆይ፥አምላችዃለኹ፤ውዴን፡ያገኛችኹት፡እንደ፡ኾነ፥እኔ፡ከፍቅር፡የተነሣ ፡መታመሜን፡ንገሩት።
9፤አንቺ፡በሴቶች፡ዘንድ፡የተዋብሽ፡ሆይ፥ከሌላ፡ወዳጅ፡ይልቅ፡ውድሽ፡ማን፡ነው፧ይህን፡የሚያኽል፡አምለሽናል ና፥ከሌላ፡ወዳጅ፡ይልቅ፡ውድሽ፡ማን፡ነው፧
10፤ውዴ፡ነጭና፡ቀይ፡ነው፥ከእልፍ፡የተመረጠ፡ነው።
11፤ራሱ፡ምዝምዝ፡ወርቅ፡ነው፤ቈንዳላው፡የተዝረፈረፈ፡ነው፥እንደ፡ቍራ፡ጥቍረትም፡ጥቍር፡ነው።
12፤ዐይኖቹ፡በሙሉ፡ፈሳሽ፡አጠገብ፡እንዳሉ፡በወተት፡እንደ፡ታጠቡ፡በፈሳሽ፡ውሃ፡አጠገብ፡እንደ፡ተቀመጡ፡እ ንደ፡ርግቦች፡ናቸው።
13፤ጕንጩና፡ጕንጩ፡የሽቱ፡መደብ፡ዕርከን፡እንዳለበት፡እንደ፡ሽቱ፡አትክልት፡ናቸው፤ከንፈሮቹ፡እንደ፡አበባ ዎች፡ናቸው፥የሚፈስ፟፡ከርቤንም፡ያንጠበጥባሉ።
14፤እጆቹ፡የቢረሌ፡ፈርጥ፡እንዳለበት፡እንደ፡ወርቅ፡ቀለበት፡ናቸው፤አካሉ፡ብልኀተኛ፡እንደ፡ሠራው፡በሰንፔ ር፡እንዳጌጠ፡እንደ፡ዝኆን፡ጥርስ፡ነው።
15፤እግሮቹ፡በምዝምዝ፡ወርቅ፡እንደ፡ተመሠረቱ፡እንደ፡እብነ፡በረድ፡ምሰሶዎች፡ናቸው፤መልኩ፡እንደ፡ሊባኖስ ና፡እንደ፡ዝግባ፡ዛፍ፡መልካም፡ነው።
16፤አፉ፡እጅግ፡ጣፋጭ፡ነው፥ርሱም፡ፈጽሞ፡ያማረ፡ነው፤እናንተ፡የኢየሩሳሌም፡ቈነዣዥት፡ሆይ፥ውዴ፡ይህ፡ነው ፥ባልንጀራዬም፡ይህ፡ነው።
_______________ማሕልየ፡መሓልይ፡ዘሰሎሞን፥ምዕራፍ፡6።______________
ምዕራፍ፡6።
1፤አንቺ፡በሴቶች፡ዘንድ፡የተዋብሽ፡ሆይ፥ከአንቺ፡ጋራ፡እንፈልገው፡ዘንድ፡ውድሽ፡ወዴት፡ኼደ፧ውድሽስ፡ወዴት ፡ፈቀቅ፡አለ፧
2፤ውዴ፡በገነቱ፡መንጋውን፡ያሰማራ፡ዘንድ፡አበባውንም፡ይሰበስብ፡ዘንድ፡ወደሽቱ፡መደብ፡ወደ፡ገነቱ፡ወረደ።
3፤እኔ፡የውዴ፡ነኝ፡ውዴም፡የእኔ፡ነው፤በሱፉ፡አበባ፡መካከል፡መንጋውን፡ያሰማራል።
4፤ወዳጄ፡ሆይ፥እንደ፡ቴርሳ፡ውብ፡ነሽ፥እንደ፡ኢየሩሳሌምም፡ያማርሽ፡ነሽ፤ዐላማ፡ይዞ፡እንደ፡ተሰለፈ፡ሰራዊ ት፡ታስፈሪያለሽ።
5፤አውከውኛልና፥ዐይኖችሽን፡ከፊቴ፡መልሺ፤ጠጕርሽ፡ከገለዓድ፡እንደ፡ወረደ፡እንደ፡ፍየል፡መንጋ፡ነው።
6፤ጥርሶችሽ፡ታጥበው፡እንደወጡ፡ዅሉ፡መንታ፡እንደወለዱ፡ከነርሱም፡መካን፡እንደሌለባቸው፡መንጋዎች፡ናቸው።
7፤በዐይነ፡ርግብ፡መሸፈኛሽ፡ውስጥ፡ጕንጭና፡ጕንጭሽ፡እንደ፡ተከፈለ፡ሮማን፡ናቸው።
8፤ስድሳ፡ንግሥታት፣ሰማንያም፡ቁባቶች፣ቍጥር፡የሌላቸውም፡ቈነዣዥት፡አሉ።
9፤ርግቤ፡መደምደሚያዬም፡አንዲት፡ናት፤ለእናቷ፡አንዲት፡ናት፥ለወለደቻትም፡የተመረጠች፡ናት።ቈነዣዥትም፡አ ይተው፡አሞገሷት፥ንግሥታትና፡ቁባቶችም፡አመሰገኗት።
10፤ይህች፡እንደ፡ማለዳ፡ብርሃን፡የምትጐበኝ፥እንደ፡ጨረቃ፡የተዋበች፥እንደ፡ፀሓይም፡የጠራች፥ዐላማ፡ይዞ፡ እንደ፡ተሰለፈ፡ሰራዊት፡የምታስፈራ፡ማን፡ናት፧
11፤የወንዙን፡ዳር፡ልምላሜ፡አይ፡ዘንድ፥ወይኑ፡አብቦ፣ሮማኑም፡አፍርቶ፡እንደ፡ኾነ፡እመለከት፡ዘንድ፡ወደገ ውዝ፡ገነት፡ወረድኹ።
12፤ሳላውቅ፡ነፍሴ፡በከበረው፡ሠረገላ፡ላይ፡አስቀመጠችኝ።
_______________ማሕልየ፡መሓልይ፡ዘሰሎሞን፥ምዕራፍ፡7።______________
ምዕራፍ፡7።
1፤አንቺ፡ሱላማጢስ፡ሆይ፥ተመለሽ፥ተመለሽ፤እናይሽ፡ዘንድ፡ተመለሽ፥ተመለሽ።በሱላማጢስ፡ምን፡ታያላችኹ፧ርሷ ፡እንደ፡መሃናይም፡ዘፈን፡ናት።
2፤አንቺ፡የመኰንን፡ልጅ፡ሆይ፥እግሮችሽ፡በጫማ፡ውስጥ፡እንዴት፡ውቦች፡ናቸው! ዳሌዎችሽስ፡በአንጥረኛ፡እጅ፡እንደ፡ተሠሩ፡እንደ፡ዕንቍዎች፡ይመስላሉ።
3፤ዕንብርትሽ፡የወይን፡ጠጅ፡እንደማይጐድልበት፡እንደ፡ተነጠጠ፡ጽዋ፡ነው፤ሆድሽ፡እንደ፡ስንዴ፡ክምር፥በአበ ባም፡እንደ፡ታጠረ፡ነው።
4፤ኹለቱ፡ጡቶችሽ፡እንደ፡ኹለቱ፡መንታ፡እንደ፡ሚዳቋ፡ግልገሎች፡ናቸው።
5፤ዐንገትሽ፡እንደ፡ዝኆን፡ጥርስ፡ግንብ፡ነው፤ዐይኖችሽ፡በሐሴቦን፡ውስጥ፡በባትረቢ፡በር፡አጠገብ፡እንደ፡ው ሃ፡ኵሬዎች፡ናቸው፤አፍንጫሽ፡ወደደማስቆ፡አፋዛዥ፡እንደሚመለከት፡እንደ፡ሊባኖስ፡ግንብ፡ነው።
6፤ራስሽ፡እንደ፡ቀርሜሎስ፡ተራራ፡በላይሽ፡ነው፤የራስሽም፡ጠጕር፡እንደ፡ሐምራዊ፡ሐር፡ነው፤ንጉሡ፡በሹርባው ፡ታስሯል።
7፤ወዳጄ፡ሆይ፥እንዴት፡የተዋብሽ፡ነሽ! እንዴትስ፡ደስ፡ታሠኛለሽ!
8፤ይህ፡ቁመትሽ፡የዘንባባ፡ዛፍ፡ይመስላል፥ጡቶችሽም፡የወይን፡ዘለላ፡ይመስላሉ።
9፤ወደዘንባባው፡ዛፍ፡እወጣለኹ፡ጫፎቿንም፡እይዛለኹ፡አልኹ፤ጡቶችሽ፡እንደ፡ወይን፡ዘለላ፡የአፍንጫሽም፡ሽቱ ፡እንደ፡እንኮይ፡ናቸው።
10፤ጕረሮሽ፡ለወዳጄ፡እየጣፈጠ፡እንደሚገባ፥የተኙትን፡ከንፈሮች፡ይናገሩ፡ዘንድ፡እንደሚያደርግ፥እንደ፡ማለ ፊያ፡የወይን፡ጠጅ፡ነው።
11፤እኔ፡የውዴ፡ነኝ፥የርሱም፡ምኞት፡ወደ፡እኔ፡ነው።
12፤ውዴ፡ሆይ፥ና፥ወደ፡መስክ፡እንውጣ፡በመንደሮችም፡እንደር።
13፤ወደወይኑ፡ቦታ፡ማልደን፡እንኺድ፤ወይኑ፡አብቦ፡አበባውም፡ፍሬ፡አንዠርጎ፟፡ሮማኑም፡አፍርቶ፡እንደ፡ኾነ ፡እንይ፤በዚያ፡ውዴን፡እሰጥኻለኹ።
14፤ትርንጎዎች፡መዐዛን፡ሰጡ፤መልካሞች፡ፍሬዎች፡ዅሉ፥አሮጌው፡ከዐዲሱ፡ጋራ፥በደጃችን፡አሉ፤ውዴ፡ሆይ፥ዅሉ ን፡ለአንተ፡ጠበቅኹልኽ።
_______________ማሕልየ፡መሓልይ፡ዘሰሎሞን፥ምዕራፍ፡8።______________
ምዕራፍ፡8።
1፤አንተ፡የእናቴን፡ጡት፡እንደ፡ጠባ፡እንደ፡ወንድሜ፡ምነው፡በኾንኽ! በሜዳ፡ባገኘኹኽ፡ጊዜ፡በሳምኹኽ፥ማንም፡ባልናቀኝም፡ነበር።
2፤መርቼ፡ወደእናቴ፡ቤት፡ባገባኹኽ፥በዚያም፡አንተ፡ባስተማርከኝ፤እኔም፡ከመልካሙ፡ወይን፡ጠጅ፡ከሮማኔም፡ው ሃ፡ባጠጣኹኽ፡ነበር።
3፤ግራው፡ከራሴ፡በታች፡በኾነች፡ቀኙም፡ባቀፈችኝ፡ነበር።
4፤እናንተ፡የኢየሩሳሌም፡ቈነዣዥት፡ሆይ፥ርሱ፡እስኪፈልግ፡ድረስ፡ፍቅርን፡እንዳታስነሡት፡እንዳታነሣሡትም፡ አምላችዃለኹ።
5፤በውዷ፡ላይ፡ተደግፋ፡ከምድረ፡በዳ፡የምትወጣ፡ይህች፡ማን፡ናት፧ከእንኮይ፡በታች፡አስነሣኹኽ፤በዚያ፡እናት ኽ፡ወለደችኽ፥በዚያም፡ወላጅ፡እናትኽ፡አማጠችኽ።
6፤እንደ፡ማኅተም፡በልብኽ፥እንደ፡ማኅተም፡በክንድኽ፡አኑረኝ፤ፍቅር፡እንደ፡ሞት፡የበረታች፡ናትና፥ቅንአትም ፡እንደ፡ሲኦል፡የጨከነች፡ናትና።ፍንጣሪዋ፡እንደ፡እሳት፡ፍንጣሪ፥እንደእግዚአብሔር፡ነበልባል፡ነው።
7፤ብዙ፡ውሃ፡ፍቅርን፡ያጠፋት፡ዘንድ፡አይችልም፥ፈሳሾችም፡አያሰጥሟትም፤ሰው፡የቤቱን፡ሀብት፡ዅሉ፡ስለ፡ፍቅ ር፡ቢሰጥ፡ፈጽሞ፡ይንቁታል።
8፤እኛ፡ጡት፡የሌላት፡ታናሽ፡እኅት፡አለችን፤ስለ፡ርሷ፡በሚናገሩባት፡ቀን፡ለእኅታችን፡ምን፡እናድርግላት፧
9፤ርሷ፡ቅጥር፡ብትኾን፡የብር፡ግንብ፡በላይዋ፡እንሠራለን፤ደጅም፡ብትኾን፡በዝግባ፡ሳንቃ፡እንከባ፟ታለን።
10፤እኔ፡ቅጥር፡ነኝ፡ጡቶቼም፡እንደ፡ግንብ፡ናቸው፤በዚያን፡ጊዜ፡በፊቱ፡ሰላምን፡እንደምታገኝ፡ኾንኹ።
11፤ለሰሎሞን፡በብኤላሞን፡የወይን፡ቦታ፡ነበረው፤የወይኑን፡ቦታ፡ለጠባቂዎች፡አከራየው፤ሰው፡ዅሉ፡ለፍሬው፡ ሺሕ፡ብር፡ያመጣለት፡ነበር።
12፤ለእኔ፡ያለኝ፡የወይን፡ቦታ፡በፊቴ፡ነው፤ሰሎሞን፡ሆይ፥ሺሑ፡ለአንተ፥ኹለት፡መቶውም፡ፍሬውን፡ለሚጠብቁ፡ ይኾናል።
13፤በገነቱ፡የምትቀመጪ፡ሆይ፥ባልንጀራዎች፡የአንቺን፡ቃል፡ያደምጣሉ፤ቃልሽን፡አሰሚኝ።
14፤ውዴ፡ሆይ፥ፍጠን፤በቅመም፡ተራራ፡ላይ፡ሚዳቋን፡ወይም፡የዋላን፡እንቦሳ፡ምሰል፨

http://www.gzamargna.net