መጽሐፈ፡አስቴር።

(ክለሳ.1.20020507)

_______________መጽሐፈ፡አስቴር፥ምዕራፍ፡1።______________
ምዕራፍ፡1።
1፤በአርጤክስስም፡ዘመን፡እንዲህ፡ኾነ፤ይህም፡አርጤክስስ፡ከህንድ፡ዠምሮ፡እስከ፡ኢትዮጵያ፡ድረስ፡በመቶ፡ኻ ያ፡ሰባት፡አገሮች፡ላይ፡ነገሠ።
2፤በዚያም፡ዘመን፡ንጉሡ፡አርጤክስስ፡በሱሳ፡ግንብ፡በነበረው፡በመንግሥቱ፡ዙፋን፡ላይ፡ተቀምጦ፡ሳለ፥
3፤በነገሠ፡በሦስተኛው፡ዓመት፡ለባለሟሎቹና፡ለአገልጋዮቹ፡ዅሉ፡ግብዣ፡አደረገ፤የፋርስና፡የሜዶን፡ታላላቆች ፡ዅሉ፥የየአገሩ፡ዐዛውንትና፡ሹማምት፥በፊቱ፡ነበሩ፤
4፤የከበረውንም፡የመንግሥቱን፡ሀብት፥የታላቁንም፡የግርማዊነቱን፡ክብር፡መቶ፡ሰማንያ፡ቀን፡ያኽል፡አሳያቸው ።
5፤ይህም፡ቀን፡በተፈጸመ፡ጊዜ፡በሱሳ፡ግንብ፡ውስጥ፡ለተገኙት፡ሕዝብ፡ዅሉ፡ከታላቁ፡ዠምሮ፡እስከ፡ታናሹ፡ድረ ስ፡ንጉሡ፡በንጉሡ፡ቤት፡አታክልት፡ውስጥ፡ባለው፡አደባባይ፡ሰባት፡ቀን፡ግብዣ፡አደረገ።
6፤ነጭ፥አረንጓዴ፥ሰማያዊም፡መጋረጃዎች፡ከጥሩ፡በፍታና፡ከሐምራዊ፡ግምጃ፡በተሠራ፡ገመድ፥በብር፡ቀለበትና፡ በእብነ፡በረድ፡አዕማድ፡ላይ፡ተዘርግተው፡ነበር፤ዐልጋዎቹም፡ከወርቅና፡ከብር፡ተሠርተው፡በቀይና፡በነጭ፡በ ብጫና፡በጥቍር፡እብነ፡በረድ፡ወለል፡ላይ፡ነበሩ።
7፤መጠጡም፡በልዩ፡ልዩ፡በወርቅ፡ዕቃ፡ይታደል፡ነበር፤የንጉሡም፡የወይን፡ጠጅ፡እንደ፡ንጉሡ፡ለጋስነት፡መጠን ፡እጅግ፡ብዙ፡ነበረ።
8፤ንጉሡም፡እንደ፡ሰው፡ዅሉ፡ፈቃድ፡ያደርጉ፡ዘንድ፡ለቤቱ፡አዛዦች፡ዅሉ፡አዞ፟፡ነበርና፥መጠጡ፡እንደ፡ወግ፡ አልነበረም።
9፤ንግሥቲቱም፡አስጢን፡በንጉሡ፡በአርጤክስስ፡ቤተ፡መንግሥት፡ለሴቶች፡ግብዣ፡አደረገች።
10፤11፤በሰባተኛውም፡ቀን፡ንጉሡ፡አርጤክስስ፡የወይን፡ጠጅ፡ጠጥቶ፡ደስ፡ባለው፡ጊዜ፥ንግሥቲቱ፡አስጢን፡መል ከ፡መልካም፡ነበረችና፡ውበቷ፡ለአሕዛብና፡ለአለቃዎች፡እንዲታይ፡የመንግሥቱን፡ዘውድ፡ጭነው፡ወደ፡ንጉሡ፡ፊ ት፡ያመጧት፡ዘንድ፡በፊቱ፡የሚያገለግሉትን፡ሰባቱን፡ጃን፡ደረባዎች፡ምሁማንን፥ባዛንን፥ሐርቦናን፥ገበታን፥ ዘቶልታን፥ዜታርን፥ከርከስን፡አዘዛቸው።
12፤ነገር፡ግን፥ንግሥቲቱ፡አስጢን፡በጃን፡ደረባዎቹ፡እጅ፡በላከው፡በንጉሡ፡ትእዛዝ፡ትመጣ፡ዘንድ፡እንቢ፡አ ለች፤ንጉሡም፡እጅግ፡ተቈጣ፥በቍጣውም፡ተናደደ።
13፤ሕግንና፡ፍርድን፡በሚያውቁ፥ዅሉ፡ፊት፡የንጉሡ፡ወግ፡እንዲህ፡ነበረና፡ንጉሡ፡የዘመኑን፡ነገር፡የሚያውቁ ትን፡ጥበበኛዎችን፥
14፤በመንግሥቱም፡ቀዳሚዎች፡ኾነው፡የሚቀመጡ፡የንጉሡ፡ባለሟሎች፡ሰባቱ፡የፋርስና፡የሜዶን፡መሳፍንት፡አርቄ ስዮስ፥ሼታር፥አድማታ፥ተርሺሽ፥ሜሬስ፥ማሌሴዓር፥ምሙካን፡በአጠገቡ፡ሳሉ፦
15፤በጃን፡ደረባዎች፡እጅ፡የተላከባትን፡የንጉሡን፡የአርጤክስስን፡ትእዛዝ፡ስላላደረገች፥በንግሥቲቱ፡በአስ ጢን፡ላይ፥እንደ፡ሕጉ፥የምናደርገው፡ምንድር፡ነው፧አላቸው።
16፤ምሙካንም፡በንጉሡና፡በዐዛውንቱ፡ፊት፡እንዲህ፡አለ፦ንግሥቲቱ፡አስጢን፡ዐዛውንቱን፡ዅሉና፡በንጉሡ፡በአ ርጤክስስ፡አገር፡ያሉትን፡አሕዛብ፡ዅሉ፡በድላለች፡እንጂ፡ንጉሡን፡ብቻ፡የበደለች፡አይደለችም።
17፤ይህ፡የንግሥቲቱ፡ነገር፡ወደ፡ሴቶች፡ዅሉ፡ይደርሳልና፦ንጉሡ፡አርጤክስስ፡ንግሥቲቱ፡አስጢን፡ወደ፡ርሱ፡ ትገባ፡ዘንድ፡አዘዘ፥ርሷ፡ግን፡አልገባችም፡ተብሎ፡በተነገረ፡ጊዜ፡ባሎቻቸው፡በዐይናቸው፡ዘንድ፡የተናቁ፡ይ ኾናሉ።
18፤ዛሬም፡የንግሥቲቱን፡ነገር፡የሰሙት፡የፋርስና፡የሜዶን፡ወይዛዝር፡እንዲህና፡እንዲህ፡ብለው፡ለንጉሡ፡ዐ ዛውንት፡ዅሉ፡ይናገራሉ፥ንቀትና፡ቍጣም፡ይበዛል።
19፤ንጉሡም፡ቢፈቅድ፥አስጢን፡ወደ፡ንጉሡ፡ወደ፡አርጤክስስ፡ፊት፡ከእንግዲህ፡ወዲህ፡እንዳትገባ፡የንጉሡ፡ት እዛዝ፡ከርሱ፡ይውጣ፥እንዳይፈርስም፡በፋርስና፡በሜዶን፡ሕግ፡ይጻፍ፤ንጉሡም፡ንግሥትነቷን፡ከርሷ፡ለተሻለች ው፡ለሌላዪቱ፡ይስጥ።
20፤የንጉሡም፡ትእዛዝ፡በሰፊው፡መንግሥቱ፡ዅሉ፡በተነገረ፡ጊዜ፡ሴቶች፡ዅሉ፡ባሎቻቸውን፡ታላቁንም፡ታናሹንም ፡ያከብራሉ።
21፤ይህም፡ምክር፡ንጉሡንና፡ዐዛውንቱን፡ደስ፡አሠኛቸው፤ንጉሡም፡እንደ፡ምሙካን፡ቃል፡አደረገ።
22፤ሰው፡ዅሉ፡በቤቱ፡አለቃ፡ይኹን፤በሕዝቡም፡ቋንቋ፡ይናገር፡ብሎ፡ለአገሩ፡ዅሉ፡እንደ፡ጽሕፈቱ፡ለሕዝቡም፡ ዅሉ፡እንደ፡ቋንቋው፡ደብዳቤዎችን፡ወደንጉሡ፡አገሮች፡ዅሉ፡ሰደደ።
_______________መጽሐፈ፡አስቴር፥ምዕራፍ፡2።______________
ምዕራፍ፡2።
1፤ከዚህም፡ነገር፡በዃላ፡የንጉሡ፡የአርጤክስስ፡ቍጣ፡በበረደ፡ጊዜ፡አስጢንና፡ያደረገችውን፡የፈረደባትንም፡ ነገር፡ዐሰበ።
2፤ንጉሡንም፡የሚያገለግሉ፡ብላቴናዎች፡እንዲህ፡አሉት፦መልከ፡መልካም፡የኾኑ፡ደናግል፡ለንጉሡ፡ይፈለጉለት፤
3፤ሴቶችን፡ከሚጠብቅ፡ከንጉሡ፡ጃን፡ደረባ፡ከሄጌ፡እጅ፡በታች፡እንዲያደርጓቸው፥መልከ፡መልካሞቹን፡ደናግል፡ ዅሉ፡ወደሱሳ፡ግንብ፡ወደ፡ሴቶች፡ቤት፡ይሰበስቧቸው፡ዘንድ፡ንጉሡ፡በመንግሥቱ፡አገሮች፡ዅሉ፡ሹማምቶችን፡ያ ኑር፤ቅባትና፡የሚያስፈልጋቸውም፡ይሰጣቸው፤
4፤ንጉሡንም፡ደስ፡የምታሠኝ፡ቈንዦ፡በአስጢን፡ስፍራ፡ትንገሥ።ይህም፡ነገር፡ንጉሡን፡ደስ፡አሠኘው፥እንዲሁም ፡አደረገ።
5፤አንድ፡አይሁዳዊ፡የቂስ፡ልጅ፡የሰሜኢ፡ልጅ፡የኢያዕር፡ልጅ፡መርዶክዮስ፡የሚባል፡ብንያማዊ፡በሱሳ፡ግንብ፡ ነበረ።
6፤ርሱም፡የባቢሎን፡ንጉሥ፡ናቡከደነጾር፡ከማረካቸው፡ከይሁዳ፡ንጉሥ፡ከኢኮንያን፡ጋራ፡ከተማረኩት፡ምርኮኛዎ ች፡ጋራ፡ከኢየሩሳሌም፡የተማረከ፡ነበረ።
7፤አባትና፡እናትም፡አልነበራትምና፥የአጎቱ፡ልጅ፡ሀደሳ፡የተባለችውን፡አስቴርን፡አሳድጎ፡ነበር፤ቈንዦዪቱም ፡የተዋበችና፡መልከ፡መልካም፡ነበረች፤አባቷና፡እናቷም፡ከሞቱ፡በዃላ፡መርዶክዮስ፡እንደ፡ልጁ፡አድርጎ፡ወስ ዷት፡ነበር።
8፤የንጉሡም፡ትእዛዝና፡ዐዋጅ፡በተሰማ፡ጊዜ፥ብዙም፡ቈነዣዥት፡ወደሱሳ፡ግንብ፡ወደሄጌ፡እጅ፡በተሰበሰቡ፡ጊዜ ፥አስቴር፡ወደንጉሡ፡ቤት፡ወደሴቶች፡ጠባቂው፡ወደ፡ሄጌ፡ተወሰደች።
9፤ቈንዦዪቱም፡ደስ፡አሠኘችው፥በርሱም፡ዘንድ፡ሞገስ፡አገኘች፤ቅባቷንም፡ድርሻዋንም፡ከንጉሡም፡ቤት፡ልታገኝ ፡የሚገ፟ባ፟ትን፡ሰባት፡ደንገጥሮች፡ፈጥኖ፡ሰጣት፤ርሷንና፡ደንገጥሮቿንም፡በሴቶች፡ቤት፡በተመረጠ፡ስፍራ፡ አኖረ።
10፤ይህንም፡እንዳትናገር፡መርዶክዮስ፡አዟ፟ት፡ነበርና፥አስቴር፡ሕዝቧንና፡ወገኗን፡አልተናገረችም።
11፤መርዶክዮስም፡የአስቴርን፡ደኅንነትና፡የሚኾንላትን፡ያውቅ፡ዘንድ፡ዕለት፡ዕለት፡በሴቶች፡ቤት፡ወለል፡ት ይዩ፡ይመላለስ፡ነበር።
12፤የመንጻታቸውም፡ወራት፡ስድስት፡ወር፡ያኽል፡በከርቤ፡ዘይት፥ስድስት፡ወርም፡በጣፋጭ፡ሽቱና፡በልዩ፡ልዩም ፡በሚያነጻ፡ነገር፡ይፈጸም፡ነበርና፥እንደ፡ሴቶች፡ወግ፡ዐሥራ፡ኹለት፡ወር፡እንዲሁ፡ከተደረገላት፡በዃላ፡ወ ደ፡ንጉሡ፡ወደ፡አርጤክስስ፡ለመግባት፡የአንዳንዲቱ፡ቈንዦ፡ተራ፡በደረሰ፡ጊዜ፥
13፤በዚህ፡ወግ፡ቈንዦዪቱ፡ወደ፡ንጉሡ፡ትገባ፡ነበር፤ከሴቶች፡ቤት፡ወደንጉሡ፡ቤት፡ለመውሰድ፡የምትሻውን፡ዅ ሉ፡ይሰጧት፡ነበር።
14፤ማታም፡ትገባ፡ነበር፥ሲነጋም፡ተመልሳ፡ወደኹለተኛው፡ሴቶች፡ቤት፡ቁባቶችን፡ወደሚጠብቅ፡ወደንጉሡ፡ጃን፡ ደረባ፡ወደ፡ጋይ፡ትመጣ፡ነበር፤ንጉሡም፡ያልፈለጋት፡እንደ፡ኾነ፥በስሟም፡ያልተጠራች፡እንደ፡ኾነ፥ከዚያ፡ወ ዲያ፡ወደ፡ንጉሡ፡አትገባም፡ነበር።
15፤ወደ፡ንጉሡም፡ትገባ፡ዘንድ፡የመርዶክዮስ፡አጎት፡የአቢካኢል፡ልጅ፡የአስቴር፡ተራ፡በደረሰ፡ጊዜ፡የሴቶች ፡ጠባቂው፡የንጉሡ፡ጃን፡ደረባ፡ሄጌ፡ከሚለው፡በቀር፡ምንም፡አልፈለገችም፡ነበር፤አስቴርም፡በሚያይዋት፡ዅሉ ፡ዐይን፡ሞገስ፡አግኝታ፡ነበርና።
16፤አርጤክስስም፡በነገሠ፡በሰባተኛው፡ዓመት፡አዳር፡በሚባለው፡በዐሥራ፡ኹለተኛው፡ወር፡አስቴር፡ወደንጉሡ፡ ቤት፡ተወሰደች።
17፤ንጉሡም፡ከሴቶች፡ዅሉ፡ይልቅ፡አስቴርን፡ወደደ፥በዐይኑም፡ከደናግል፡ዅሉ፡ይልቅ፡ሞገስንና፡መወደድን፡አ ገኘች፤የመንግሥቱንም፡ዘውድ፡በራሷ፡ላይ፡አደረገ፥በአስጢንም፡ፋንታ፡አነገሣት።
18፤ንጉሡም፡ስለ፡አስቴር፡ለባለሟሎቹና፡ለአገልጋዮቹ፡ዅሉ፡ሰባት፡ቀን፡ያኽል፡ትልቅ፡ግብዣ፡አደረገ፤ለአገ ሮቹም፡ዅሉ፡ይቅርታ፡አደረገ፥እንደ፡ንጉሡም፡ለጋስነት፡መጠን፡ስጦታ፡ሰጠ።
19፤ደናግሉም፡ዳግመኛ፡በተሰበሰቡ፡ጊዜ፡መርዶክዮስ፡በንጉሡ፡በር፡ይቀመጥ፡ነበር።
20፤አስቴርም፡ከርሱ፡ጋራ፡እንዳደገችበት፡ጊዜ፡የመርዶክዮስን፡ትእዛዝ፡ታደርግ፡ነበርና፥መርዶክዮስ፡እንዳ ዘዛት፡አስቴር፡ወገኗንና፡ሕዝቧን፡አልተናገረችም።
21፤በዚያም፡ወራት፡መርዶክዮስ፡በንጉሡ፡በር፡ተቀምጦ፡ሳለ፡ደጁን፡ከሚጠብቁት፡ከንጉሡ፡ጃን፡ደረባዎች፡ኹለ ቱ፡ገበታና፡ታራ፡ተቈጡ፥እጃቸውንም፡በንጉሡ፡በአርጤክስስ፡ላይ፡ያነሡ፡ዘንድ፡ፈለጉ።
22፤ነገሩም፡ለመርዶክዮስ፡ተገለጠ፥ርሱም፡ለንግሥቲቱ፡ለአስቴር፡ነገራት፤አስቴርም፡በመርዶክዮስ፡ስም፡ለን ጉሡ፡ነገረች።
23፤ነገሩም፡ተመረመረ፥እንዲህም፡ኾኖ፡ተገኘ፥ኹለቱም፡በዛፍ፡ላይ፡ተሰቀሉ፤ያም፡በንጉሡ፡ፊት፡በታሪክ፡መጽ ሐፍ፡ተጻፈ።
_______________መጽሐፈ፡አስቴር፥ምዕራፍ፡3።______________
ምዕራፍ፡3።
1፤ከዚህም፡ነገር፡በዃላ፡ንጉሡ፡አርጤክስስ፡የአጋጋዊውን፡የሐመዳቱን፡ልጅ፡ሐማን፡ከፍ፡ከፍ፡አደረገው፥አከ በረውም፥ወንበሩንም፡ከርሱ፡ጋራ፡ከነበሩት፡ዐዛውንት፡ዅሉ፡በላይ፡አደረገለት።
2፤ንጉሡም፡ስለ፡ርሱ፡እንዲሁ፡አዞ፟፡ነበርና፥በንጉሡ፡በር፡ያሉት፡የንጉሡ፡ባሪያዎች፡ዅሉ፡ተደፍተው፡ለሐማ ፡ይሰግዱ፡ነበር።መርዶክዮስ፡ግን፡አልተደፋም፥አልሰገደለትም።
3፤በንጉሡም፡በር፡ያሉት፡የንጉሡ፡ባሪያዎች፡መርዶክዮስን፦የንጉሡን፡ትእዛዝ፡ለምን፡ትተላለፋለኽ፧አሉት።
4፤ይህንም፡ዕለት፡ዕለት፡እየተናገሩ፡ርሱ፡ባልሰማቸው፡ጊዜ፡አይሁዳዊ፡እንደ፡ኾነ፡ነግሯቸው፡ነበርና፥የመር ዶክዮስ፡ነገር፡እንዴት፡እንደ፡ኾነ፡ያዩ፡ዘንድ፡ለሐማ፡ነገሩት።
5፤ሐማም፡መርዶክዮስ፡እንዳልተደፋለት፡እንዳልሰገደለትም፡ባየ፡ጊዜ፡እጅግ፡ተቈጣ።
6፤የመርዶክዮስን፡ወገን፡ነግረውት፡ነበርና፥በመርዶክዮስ፡ብቻ፡እጁን፡ይጭን፡ዘንድ፡በዐይኑ፡ተናቀ፤ሐማም፡ በአርጤክስስ፡መንግሥት፡ዅሉ፡የነበሩትን፡የመርዶክዮስን፡ሕዝብ፡አይሁድን፡ዅሉ፡ሊያጠፋ፡ፈለገ።
7፤በንጉሡም፡በአርጤክስስ፡በዐሥራ፡ኹለተኛው፡ዓመት፡ከመዠመሪያው፡ወር፡ከኒሳን፡ዠምሮ፡በየዕለቱና፡በየወሩ ፡እስከ፡ዐሥራ፡ኹለተኛው፡ወር፡እስከ፡አዳር፡ድረስ፡በሐማ፡ፊት፡ፉር፡የተባለውን፡ዕጣ፡ይጥሉ፡ነበር።
8፤ሐማም፡ንጉሡን፡አርጤክስስን፦አንድ፡ሕዝብ፡በአሕዛብ፡መካከል፡በመንግሥትኽ፡አገሮች፡ዅሉ፡ተበትነዋል፤ሕ ጋቸውም፡ከሕዝቡ፡ዅሉ፡ሕግ፡የተለየ፡ነው፥የንጉሡንም፡ሕግ፡አይጠብቁም፤ንጉሡም፡ይተዋቸው፡ዘንድ፡አይገ፟ባ ፟ውም።
9፤ንጉሡም፡ቢፈቅድ፡እንዲጠፉ፡ይጻፍ፤እኔም፡ወደንጉሡ፡ግምጃ፡ቤት፡ያገቡት፡ዘንድ፡ዐሥር፡ሺሕ፡መክሊት፡ብር ፡የንጉሡን፡ሥራ፡በሚሠሩት፡እጅ፡እመዝናለኹ፡አለው።
10፤ንጉሡም፡ቀለበቱን፡ከእጁ፡አወለቀ፥ለአይሁድም፡ጠላት፡ለአጋጋዊው፡ለሐመዳቱ፡ልጅ፡ለሐማ፡ሰጠው።
11፤ንጉሡም፡ሐማን፦ደስ፡የሚያሠኝኽን፡ነገር፡ታደርግባቸው፡ዘንድ፡ብሩም፡ሕዝቡም፡ለአንተ፡ተሰጥቶኻል፡አለ ው።
12፤በመዠመሪያውም፡ወር፡ከወሩም፡በዐሥራ፡ሦስተኛው፡ቀን፡የንጉሡ፡ጸሓፊዎች፡ተጠሩ፤ከህንድ፡ዠምሮ፡እስከ፡ ኢትዮጵያ፡ድረስ፡ወዳሉ፡መቶ፡ኻያ፡ሰባት፡አገሮች፥በያገሩ፡ወዳሉ፡ሹማምትና፡አለቃዎች፡ወደ፡አሕዛብም፡ዅሉ ፡ገዢዎች፡እንደ፡ቋንቋቸው፡በንጉሡ፡በአርጤክስስ፡ቃል፡ሐማ፡እንዳዘዘ፡ተጻፈ፥በንጉሡም፡ቀለበት፡ታተመ።
13፤በዐሥራ፡ኹለተኛው፡ወር፡በአዳር፡በዐሥራ፡ሦስተኛው፡ቀን፡አይሁድን፡ዅሉ፥ልጆችንና፡ሽማግሌዎችን፥ሕፃና ትንና፡ሴቶችን፥ባንድ፡ቀን፡ያጠፉና፡ይገድሉ፡ዘንድ፥ይደመስሱም፡ዘንድ፥ምርኳቸውንም፡ይዘርፉ፡ዘንድ፡ደብዳ ቤዎች፡በመልእክተኛዎች፡እጅ፡ወደንጉሡ፡አገሮች፡ዅሉ፡ተላኩ።
14፤በዚያም፡ቀን፡ይዘጋጁ፡ዘንድ፡የደብዳቤው፡ቅጅ፡በያገሩ፡ላሉ፡አሕዛብ፡ዅሉ፡ታወጀ።
15፤መልእክተኛዎቹም፡በንጉሡ፡ትእዛዝ፡እየቸኰሉ፡ኼዱ፥ዐዋጁም፡በሱሳ፡ግንብ፡ተነገረ።ንጉሡና፡ሐማ፡ሊጠጡ፡ ተቀመጡ፤ከተማዪቱ፡ሱሳ፡ግን፡ተደናገጠች።
_______________መጽሐፈ፡አስቴር፥ምዕራፍ፡4።______________
ምዕራፍ፡4።
1፤መርዶክዮስም፡የተደረገውን፡ዅሉ፡ባወቀ፡ጊዜ፡ልብሱን፡ቀደደ፥ማቅም፡ለበሰ፡ዐመድም፡ነሰነሰ፥ወደከተማዪቱ ም፡መካከል፡ወጣ፥ታላቅም፡የመረረ፡ጩኸት፡ጮኸ።
2፤ማቅም፡ለብሶ፡በንጉሥ፡በር፡መግባት፡አይገ፟ባ፟ም፡ነበርና፥እስከንጉሡ፡በር፡አቅራቢያ፡መጣ።
3፤የንጉሡም፡ትእዛዝና፡ዐዋጅ፡በደረሰበት፡አገር፡ዅሉ፡በአይሁድ፡ላይ፡ታላቅ፡ሐዘንና፡ጾም፡ልቅሶና፡ዋይታም ፡ኾነ፡ብዙዎችም፡ማቅና፡ዐመድ፡አነጠፉ።
4፤የአስቴርም፡ደንገጥሮቿና፡ጃን፡ደረባዎቿ፡መጥተው፡ነገሯት፥ንግሥቲቱም፡እጅግ፡ዐዘነች፤ማቁንም፡ለውጦ፡ል ብስ፡ይለብስ፡ዘንድ፡ለመርዶክዮስ፡ሰደደችለት፤ርሱ፡ግን፡አልተቀበለም።
5፤አስቴርም፡ያገለግላት፡ዘንድ፡ንጉሡ፡ያቆመውን፡አክራትዮስን፡ጠራች፥ርሱም፡ከጃን፡ደረባዎች፡አንዱ፡ነበረ ፤ርሷም፡ይህ፡ነገር፡ምንና፡ምን፡እንደ፡ኾነ፡ያስታውቃት፡ዘንድ፡ወደ፡መርዶክዮስ፡እንዲኼድ፡አዘዘችው።
6፤አክራትዮስም፡በንጉሥ፡በር፡ፊት፡ወደነበረችው፡ወደከተማዪቱ፡አደባባይ፡ወደ፡መርዶክዮስ፡ወጣ።
7፤መርዶክዮስም፡የተደረገውን፡ዅሉ፥አይሁድንም፡ለማጥፋት፡ሐማ፡በንጉሡ፡ግምጃ፡ቤት፡ይመዝን፡ዘንድ፡የተናገ ረውን፡የብሩን፡ቍጥር፡ነገረው።
8፤ለአስቴርም፡እንዲያሳያት፡ለመጥፋታቸው፡በሱሳ፡የተነገረውን፡የዐዋጁን፡ጽሕፈት፡ቅጅ፡ሰጠው፤ወደ፡ንጉሡም ፡ገብታ፡ስለ፡ሕዝቧ፡ትለምነውና፡ትማልደው፡ዘንድ፡እንዲነግራትና፡እንዲያዛ፟ት፡ነገረው።
9፤አክራትዮስም፡መጥቶ፡የመርዶክዮስን፡ቃል፡ለአስቴር፡ነገራት።
10፤አስቴርም፡አክራትዮስን፡ተናገረችው፥ለመርዶክዮስም፡እንዲህ፡የሚል፡መልእክት፡ሰጠችው፦
11፤የንጉሡ፡ባሪያዎችና፡በአገሮችም፡የሚኖሩ፡ሕዝብ፡ዅሉ፡ወንድ፡ወይም፡ሴት፡ቢኾን፡ሳይጠራ፡ወደ፡ንጉሡ፡ወ ደውስጠኛው፡ወለል፡የሚገባ፡ዅሉ፥በሕይወት፡ይኖር፡ዘንድ፡ንጉሡ፡የወርቁን፡ዘንግ፡ካልዘረጋለት፡በቀር፥ርሱ ፡ይሞት፡ዘንድ፡ሕግ፡እንዳለ፡ያውቃሉ፤እኔ፡ግን፡ወደ፡ንጉሡ፡ለመግባት፡ይህን፡ሠላሳውን፡ቀን፡አልተጠራኹም ።
12፤አክራትዮስም፡የአስቴርን፡ቃል፡ለመርዶክዮስ፡ነገረው።
13፤መርዶክዮስም፡አክራትዮስን፦ኺድና፡ለአስቴር፡እንዲህ፡በላት፡አለው፦አንቺ፦በንጉሥ፡ቤት፡ስለ፡ኾንኹ፡ከ አይሁድ፡ዅሉ፡ይልቅ፡እድናለኹ፡ብለሽ፡በልብሽ፡አታስቢ።
14፤በዚህ፡ጊዜ፡ቸል፡ብትዪ፡ዕረፍትና፡መዳን፡ለአይሁድ፡ከሌላ፡ስፍራ፡ይኾንላቸዋል፥አንቺና፡የአባትሽ፡ቤት ፡ግን፡ትጠፋላችኹ፤ደግሞስ፡ወደ፡መንግሥት፡የመጣሽው፡እንደዚህ፡ላለው፡ጊዜ፡እንደ፡ኾነ፡ማን፡ያውቃል፧
15፤አስቴርም፡እንዲህ፡ብሎ፡ለመርዶክዮስ፡እንዲመልስ፡አዘዘችው።
16፤ኼደኽ፡በሱሳ፡ያሉትን፡አይሁድ፡ዅሉ፡ሰብስብ፥ለኔም፡ጹሙ፤ሦስት፡ቀን፡ሌሊቱንና፡ቀኑን፡አትብሉም፥አትጠ ጡም፤እኔና፡ደንገጥሮቼ፡ደግሞ፡እንዲሁ፡እንጾማለን፤ምንም፡እንኳ፡ያለሕግ፡ቢኾን፡ወደ፡ንጉሡ፡እገባለኹ፤ብ ጠፋም፡እጠፋለኹ።
17፤መርዶክዮስም፡ኼዶ፡አስቴር፡እንዳዘዘችው፡ዅሉ፡አደረገ።
_______________መጽሐፈ፡አስቴር፥ምዕራፍ፡5።______________
ምዕራፍ፡5።
1፤በሦስተኛውም፡ቀን፡አስቴር፡ልብሰ፡መንግሥቷን፡ለብሳ፡በንጉሡ፡ቤት፡ትይዩ፡በንጉሡ፡ቤት፡በውስጠኛው፡ወለ ል፡ቆመች፤ንጉሡም፡በቤቱ፡መግቢያ፡ትይዩ፡በቤተ፡መንግሥቱ፡ውስጥ፡በንጉሡ፡ዙፋን፡ላይ፡ተቀምጦ፡ነበር።
2፤ንጉሡም፡ንግሥቲቱ፡አስቴር፡በወለሉ፡ላይ፡ቆማ፡ባየ፡ጊዜ፡በዐይኑ፡ሞገስ፡አገኘች፤ንጉሡም፡በእጁ፡የነበረ ውን፡የወርቁን፡ዘንግ፡ለአስቴር፡ዘረጋላት፤አስቴርም፡ቀርባ፡የዘንጉን፡ጫፍ፡ነካች።
3፤ንጉሡም፦ንግሥት፡አስቴር፡ሆይ፥የምትለምኚኝ፡ምንድር፡ነው፧የምትሺውስ፡ምንድር፡ነው፧እስከ፡መንግሥቴ፡እ ኩሌታ፡እንኳ፡ቢኾን፡ይሰጥሻል፡አላት።
4፤አስቴርም፦ለንጉሡ፡መልካም፡ኾኖ፡ቢታይ፡ንጉሡ፡ወዳዘጋጀኹለት፡ግብዣ፡ከሐማ፡ጋራ፡ዛሬ፡ይምጣ፡አለች።
5፤ንጉሡም፦አስቴር፡እንዳለች፡ይደረግ፡ዘንድ፡ሐማን፡አስቸኵሉት፡አለ።ንጉሡና፡ሐማ፡አስቴር፡ወዳዘጋጀችው፡ ግብዣ፡መጡ።
6፤ንጉሡም፡በወይኑ፡ጠጅ፡ግብዣ፡ሳለ፡አስቴርን፦የምትሺው፡ምንድር፡ነው፧ይሰጥሻል፤ልመናሽስ፡ምንድር፡ነው፧ እስከ፡መንግሥቴ፡እኩሌታ፡እንኳ፡ቢኾን፡ይደረግልሻል፡አላት።
7፤አስቴርም፡መልሳ፦ልመናዬና፡የምሻው፡ነገር፡ይህ፡ነው፤
8፤በንጉሡ፡ዘንድ፡ሞገስ፡አግኝቼ፡እንደ፡ኾነ፥ልመናዬንም፡ይፈጽም፡ዘንድና፡የምሻውን፡ያደርግ፡ዘንድ፡ንጉሡ ፡ደስ፡ቢያሠኘው፥ንጉሡና፡ሐማ፡ወደማዘጋጅላቸው፡ግብዣ፡ይምጡ፤እንደ፡ንጉሡም፡ነገር፡ነገ፡አደርጋለኹ፡አለ ች።
9፤በዚያም፡ቀን፡ሐማ፡ደስ፡ብሎት፡በልቡም፡ተደስቶ፡ወጣ፤ነገር፡ግን፥መርዶክዮስ፡በንጉሡ፡በር፡ያለመነሣትና ፡ያለመናወጥ፡ተቀምጦ፡ባየ፡ጊዜ፡ሐማ፡በመርዶክዮስ፡ላይ፡እጅግ፡ተቈጣ።
10፤ሐማ፡ግን፡ታግሦ፡ወደ፡ቤቱ፡ኼደ፤ልኮም፡ወዳጆቹንና፡ሚስቱን፡ዞሳራን፡አስጠራ።
11፤ሐማም፡የሀብቱን፡ክብርና፡የልጆቹን፡ብዛት፥ንጉሡም፡ያከበረበትን፡ክብር፡ዅሉ፥በንጉሡም፡ዐዛውንትና፡ባ ሪያዎች፡ላይ፡ከፍ፡ከፍ፡እንዳደረገው፡አጫወታቸው።
12፤ሐማም፦ንግሥቲቱ፡አስቴር፡ወዳዘጋጀችው፡ግብዣ፡ከእኔ፡በቀር፡ከንጉሡ፡ጋራ፡ማንንም፡አልጠራችም፤ደግሞ፡ ነገ፡ከንጉሡ፡ጋራ፡ወደ፡ርሷ፡ተጠርቻለኹ።
13፤ነገር፡ግን፥አይሁዳዊው፡መርዶክዮስ፡በንጉሡ፡በር፡ተቀምጦ፡ካየኹ፡ይህ፡ዅሉ፡ለእኔ፡ምንም፡ምን፡አይጠቅ ምም፡አለ።
14፤ሚስቱም፡ዞሳራና፡ወዳጆቹ፡ዅሉ፦ቁመቱ፡ዐምሳ፡ክንድ፡የኾነ፡ግንድ፡ይደረግ፥ነገም፡መርዶክዮስ፡ይሰቀልበ ት፡ዘንድ፡ለንጉሡ፡ተናገር፤ደስም፡ብሎኽ፡ከንጉሡ፡ጋራ፡ወደ፡ግብዣው፡ግባ፡አሉት።ነገራቸውም፡ሐማን፡ደስ፡ አሠኘው፥ግንዱንም፡አስደረገ።
_______________መጽሐፈ፡አስቴር፥ምዕራፍ፡6።______________
ምዕራፍ፡6።
1፤በዚያም፡ሌሊት፡እንቅልፍ፡ከንጉሡ፡ሸሸ፤የዘመኑንም፡ታሪክ፡መጽሐፍ፡ያመጡ፡ዘንድ፡አዘዘ፥በንጉሡም፡ፊት፡ ተነበበ።
2፤ደጁንም፡ከሚጠብቁት፡ከንጉሡ፡ጃን፡ደረባዎች፡ኹለቱ፡ገበታና፡ታራ፡እጃቸውን፡በንጉሡ፡በአርጤክስስ፡ላይ፡ ያነሡ፡ዘንድ፡እንደ፡ፈለጉ፥መርዶክዮስ፡እንደ፡ነገረው፡ተጽፎ፡ተገኘ።
3፤ንጉሡም፦ስለዚህ፡ነገር፡ለመርዶክዮስ፡ምን፡ክብርና፡በጎነት፡ተደረገለት፧አለ።ንጉሡንም፡የሚያገለግሉ፡ብ ላቴናዎች።ምንም፡አልተደረገለትም፡አሉት።
4፤ንጉሡም፦በአዳራሹ፡ማን፡አለ፧አለ።ሐማም፡ባዘጋጀው፡ግንድ፡ላይ፡መርዶክዮስን፡ለማሰቀል፡ለንጉሡ፡ይናገር ፡ዘንድ፡ወደንጉሡ፡ቤት፡ወደውጭው፡አዳራሽ፡ገብቶ፡ነበር።
5፤የንጉሡም፡ብላቴናዎች፦እንሆ፥ሐማ፡በአዳራሹ፡ቆሟል፡አሉት።ንጉሡም፦ይግባ፡አለ።
6፤ሐማም፡ገባ፤ንጉሡም፦ንጉሡ፡ሊያከብረው፡ለሚወደ፟ው፡ሰው፡ምን፡ይደረግለታል፧አለው።ሐማም፡በልቡ።ንጉሡ፡ ከእኔ፡ይልቅ፡ማንን፡ያከብር፡ዘንድ፡ይወዳ፟ል፧አለ።
7፤ሐማም፡ንጉሡን፡እንዲህ፡አለው፦ንጉሡ፡ያከብረው፡ዘንድ፡ለሚወደ፟ው፡ሰው፡እንዲህ፡ይደረግ፤
8፤ንጉሡ፡የለበሰው፡የክብር፡ልብስ፥ንጉሡም፡የተቀመጠበት፡ፈረስ፡ይምጣለት፥የንጉሡም፡ዘውድ፡በራሱ፡ላይ፡ይ ደረግ፤
9፤ልብሱንና፡ፈረሱንም፡ከንጉሡ፡ዐዛውንት፡በዋነኛው፡እጅ፡ያስረክቡት፤ንጉሡም፡ያከብረው፡ዘንድ፡የሚወደ፟ው ን፡ሰው፡ያልብሱት፤በፈረሱም፡ላይ፡አስቀምጠውት፡በከተማዪቱ፡አደባባይ፡ያሳልፉት፤በፊቱም፦ንጉሡ፡ያከብረው ፡ዘንድ፡ለሚወደ፟ው፡ሰው፡እንዲህ፡ይደረግለታል፡ተብሎ፡ዐዋጅ፡ይነገር።
10፤ንጉሡም፡ሐማን፦ፍጠን፥እንደ፡ተናገርኸውም፡ልብሱንና፡ፈረሱን፡ውሰድ፤በንጉሡም፡በር፡ለሚቀመጠው፡አይሁ ዳዊ፡ለመርዶክዮስ፡እንዲሁ፡አድርግለት፤ከተናገርኸውም፡ዅሉ፡ምንም፡አይቅር፡አለው።
11፤ሐማም፡ልብሱንና፡ፈረሱን፡ወሰደ፥መርዶክዮስንም፡አለበሰው፥በፈረሱም፡ላይ፡አስቀመጠው፥በከተማዪቱም፡አ ደባባይ፡በፊቱ፡አሳለፈው።በፊቱም፦ንጉሡ፡ያከብረው፡ዘንድ፡ለሚወደ፟ው፡ሰው፡እንዲህ፡ይደረግለታል፡ብሎ፡ዐ ዋጅ፡ነገረ።
12፤መርዶክዮስም፡ወደንጉሡ፡በር፡ተመለሰ።ሐማ፡ግን፡ዐዝኖና፡ራሱን፡ተከናንቦ፡ቸኵሎ፡ወደ፡ቤቱ፡ኼደ።
13፤ሐማም፡ለሚስቱ፡ለዞሳራና፡ለወዳጆቹ፡ዅሉ፡ያገኘውን፡ዅሉ፡አጫወታቸው።ጥበበኛዎቹና፡ሚስቱ፡ዞሳራም፦በፊ ቱ፡መውደቅ፡የዠመርኽለት፡መርዶክዮስ፡ከአይሁድ፡ወገን፡የኾነ፡እንደ፡ኾነ፡በፊቱ፡ፈጽሞ፡ትወድቃለኽ፡እንጂ ፡አታሸንፈውም፡አሉት።
14፤እነርሱም፡ሲናገሩት፡ሳሉ፥እንሆ፥የንጉሡ፡ጃን፡ደረባዎች፡መጡ፥አስቴርም፡ወዳዘጋጀችው፡ግብዣ፡ይመጣ፡ዘ ንድ፡ሐማን፡አስቸኰሉት።
_______________መጽሐፈ፡አስቴር፥ምዕራፍ፡7።______________
ምዕራፍ፡7።
1፤ንጉሡና፡ሐማም፡ከንግሥቲቱ፡ከአስቴር፡ጋራ፡ለመጠጣት፡መጡ።
2፤በኹለተኛውም፡ቀን፡ንጉሡ፡በወይኑ፡ጠጅ፡ግብዣ፡ሳለ፡አስቴርን፦ንግሥት፡አስቴር፡ሆይ፥የምትለምኚኝ፡ምንድ ር፡ነው፧ይሰጥሻል፤የምትሺውስ፡ምንድር፡ነው፧እስከመንግሥቴ፡እኩሌታ፡እንኳ፡ቢኾን፡ይደረግልሻል፡አላት።
3፤ንግሥቲቱም፡አስቴር፡መልሳ፦ንጉሥ፡ሆይ፥ባንተ፡ዘንድ፡ሞገስ፡አግኝቼ፡እንደ፡ኾነ፥ንጉሡንም፡ደስ፡ቢያሠኘ ው፥ሕይወቴ፡በልመናዬ፡ሕዝቤም፡በመሻቴ፡ይሰጠኝ፤
4፤እኔና፡ሕዝቤ፡ለመጥፋትና፡ለመገደል፡ለመደምሰስም፡ተሸጠናልና፦ባሪያዎች፡ልንኾን፡ተሸጠን፡እንደ፡ኾነ፡ዝ ም፡ባልኹ፡ነበር፤የኾነ፡ኾኖ፡ጠላቱ፡የንጉሡን፡ጕዳት፡ለማቅናት፡ባልቻለም፡ነበር፡አለች።
5፤ንጉሡም፡አርጤክስስ፡ንግሥቲቱን፡አስቴርን፦ይህን፡ያደርግ፡ዘንድ፡በልቡ፡የደፈረ፡ማን፡ነው፧ርሱስ፡ወዴት ፡ነው፧ብሎ፡ተናገራት።
6፤አስቴርም፦ያ፡ጠላትና፡ባለጋራ፡ሰው፡ክፉው፡ሐማ፡ነው፡አለች።ሐማም፡በንጉሡና፡በንግሥቲቱ፡ፊት፡ደነገጠ።
7፤ንጉሡም፡ተቈጥቶ፡የወይን፡ጠጅ፡ከመጠጣቱ፡ተነሣ፥ወደንጉሡም፡ቤት፡አታክልት፡ውስጥ፡ኼደ።ሐማም፡ከንጉሡ፡ ዘንድ፡ክፉ፡ነገር፡እንደ፡ታሰበበት፡አይቷልና፥ከንግሥቲቱ፡ከአስቴር፡ሕይወቱን፡ይለምን፡ዘንድ፡ቆመ።
8፤ንጉሡም፡ከቤቱ፡አታክልት፡ወደ፡ወይን፡ጠጁ፡ግብዣ፡ስፍራ፡ተመለሰ፤ሐማም፡አስቴር፡ባለችበት፡ዐልጋ፡ላይ፡ ወድቆ፡ነበር።ንጉሡም፦ደግሞ፡በቤቴ፡በእኔ፡ፊት፡ንግሥቲቱን፡ይጋፋታልን፧አለ።ይህም፡ቃል፡ከንጉሡ፡አፍ፡በ ወጣ፡ጊዜ፡የሐማን፡ፊት፡ሸፈኑት።
9፤በንጉሡም፡ፊት፡ካሉት፡ጃን፡ደረባዎች፡አንዱ፡ሐርቦና፦እንሆ፥ሐማ፡ለንጉሡ፡በጎ፡ለተናገረው፡ለመርዶክዮስ ፡ያሠራው፡ርዝመቱ፡ዐምሳ፡ክንድ፡የኾነው፡ግንድ፡በሐማ፡ቤት፡ተተክሏል፡አለ።ንጉሡም፦በርሱ፡ላይ፡ስቀሉት፡ አለ።
10፤ሐማንም፡ለመርዶክዮስ፡ባዘጋጀው፡ግንድ፡ላይ፡ሰቀሉት፤በዚያም፡ጊዜ፡የንጉሡ፡ቍጣ፡በረደ።
_______________መጽሐፈ፡አስቴር፥ምዕራፍ፡8።______________
ምዕራፍ፡8።
1፤በዚያም፡ቀን፡ንጉሡ፡አርጤክስስ፡የአይሁድን፡ጠላት፡የሐማን፡ቤት፡ለንግሥቲቱ፡ለአስቴር፡ሰጠ።አስቴርም፡ ለርሷ፡ምን፡እንደ፡ኾነ፡ነግራው፡ነበርና፥መርዶክዮስ፡ወደ፡ንጉሡ፡ፊት፡ገባ።
2፤ንጉሡም፡ከሐማ፡ያወለቀውን፡ቀለበቱን፡አወጣ፥ለመርዶክዮስም፡ሰጠው።አስቴርም፡በሐማ፡ቤት፡ላይ፡መርዶክዮ ስን፡ሾመች።
3፤አስቴርም፡እንደ፡ገና፡በንጉሡ፡ፊት፡ተናገረች፤በእግሩም፡ላይ፡ወድቃ፡እያለቀሰች፡የአጋጋዊውን፡የሐማን፡ ክፋትና፡በአይሁድ፡ላይ፡የተተነኰለውን፡ተንኰል፡ይሽር፡ዘንድ፡ለመነችው።
4፤ንጉሡም፡የወርቁን፡ዘንግ፡ለአስቴር፡ዘረጋላት፤አስቴርም፡ተነሥታ፡በንጉሡ፡ፊት፡ቆመችና፦
5፤ንጉሡን፡ደስ፡ቢያሠኘው፥በፊቱም፡ሞገስ፡አግኝቼ፡እንደ፡ኾነ፥ይህም፡ነገር፡በፊቱ፡ቅን፡ቢኾን፥እኔም፡በር ሱ፡ዘንድ፡ተወድጄ፡እንደ፡ኾነ፥አጋጋዊው፡የሐመዳቱ፡ልጅ፡ሐማ፡በንጉሡ፡አገር፡ዅሉ፡ያሉትን፡አይሁድ፡ለማጥ ፋት፡የጻፈው፡ተንኰል፡ይገለበጥ፡ዘንድ፡ይጻፍ።
6፤እኔ፡በሕዝቤ፡ላይ፡የሚወርደውን፡ክፉ፡ነገር፡አይ፡ዘንድ፡እንዴት፡እችላለኹ፧ወይስ፡የዘመዶቼን፡ጥፋት፡አ ይ፡ዘንድ፡እንዴት፡እችላለኹ፧አለች።
7፤ንጉሡም፡አርጤክስስ፡ንግሥቲቱን፡አስቴርንና፡አይሁዳዊውን፡መርዶክዮስን፦እንሆ፥የሐማን፡ቤት፡ለአስቴር፡ ሰጥቻለኹ፥ርሱም፡እጆቹን፡በአይሁድ፡ላይ፡ስለ፡ዘረጋ፡በግንድ፡ላይ፡ተሰቀለ።
8፤በንጉሡ፡ስም፡የተጻፈና፡በንጉሡ፡ቀለበት፡የታተመ፡አይገለበጥምና፥እናንተ፡ደግሞ፡ደስ፡የሚያሠኛችኹን፡በ ንጉሡ፡ስም፡ስለ፡አይሁድ፡ጻፉ፥በንጉሡም፡ቀለበት፡ዐትሙ፡አላቸው።
9፤በዚያን፡ጊዜም፡ኒሳን፡በተባለው፡በመዠመሪያው፡ወር፡ከወሩም፡በኻያ፡ሦስተኛው፡ቀን፡የንጉሡ፡ጸሓፊዎች፡ተ ጠሩ፤መርዶክዮስም፡ስለ፡አይሁድ፡እንዳዘዘው፡ዅሉ፡ከህንድ፡ዠምሮ፡እስከ፡ኢትዮጵያ፡ድረስ፡በመቶ፡ኻያ፡ሰባ ቱ፡አገሮች፡ላሉ፡ሹማምትና፡አለቃዎች፡ዐዛውንትም፡ለያንዳንዱም፡አገር፡እንደ፡ጽሕፈቱ፡ለያንዳንዱም፡ሕዝብ ፡እንደ፡ቋንቋው፡ለአይሁድም፡እንደ፡ጽሕፈታቸውና፡እንደ፡ቋንቋቸው፡ተጻፈ።
10፤በንጉሡም፡በአርጤክስስ፡ስም፡አስጻፈው፥በንጉሡም፡ቀለበት፡አሳተመው፤ደብዳቤውንም፡በንጉሡ፡ፈረስ፡ቤት ፡በተወለዱት፥ለንጉሡም፡አገልግሎት፡በተለዩ፡በፈጣን፡ፈረሶች፡በተቀመጡ፡መልእክተኛዎች፡እጅ፡ሰደደው።
11፤በዚያም፡ደብዳቤ፡በከተማዎቹ፡ዅሉ፡የሚኖሩት፡አይሁድ፡እንዲሰበሰቡ፥ለሕይወታቸውም፡እንዲቆሙ፥በጥል፡የ ሚነሡባቸውን፡የሕዝቡንና፡የአገሩን፡ሰራዊት፡ዅሉ፡ከሕፃናታቸውና፡ከሴቶቻቸው፡ጋራ፡እንዲያጠፉና፡እንዲገድ ሉ፡እንዲደመስሱም፥ምርኳቸውንም፡እንዲዘርፉ፡ንጉሡ፡ፈቀደላቸው።
12፤ይህም፡አዳር፡በሚባለው፡በዐሥራ፡ኹለተኛው፡ወር፡በዐሥራ፡ሦስተኛው፡ቀን፡በንጉሡ፡በአርጤክስስ፡አገሮች ፡ዅሉ፡ባንድ፡ቀን፡እንዲኾን፡ነው።
13፤አይሁድም፡ጠላቶቻቸውን፡እንዲበቀሉ፡በዚያ፡ቀን፡ይዘጋጁ፡ዘንድ፡የደብዳቤው፡ቅጅ፡በያገሩ፡ላሉ፡አሕዛብ ፡ዅሉ፡ታወጀ።
14፤ለንጉሡ፡አገልግሎት፡በተለዩ፡በፈጣን፡ፈረሶች፡የተቀመጡት፡መልእክተኛዎች፡በንጉሡ፡ትእዛዝ፡ተርበትብተ ውና፡ቸኵለው፡ወጡ፤ዐዋጁም፡በሱሳ፡ግንብ፡ተነገረ።
15፤መርዶክዮስም፡በሰማያዊና፡በነጭ፡ሐር፡የተሠራውን፡የንጉሡን፡የክብር፡ልብስ፡ለብሶ፡ታላቅም፡የወርቅ፡አ ክሊል፡ደፍቶ፡ከጥሩ፡በፍታና፡ከሐምራዊ፡ግምጃ፡የተሠራ፡መጐናጸፊያ፡ተጐናጽፎ፡ከንጉሡ፡ፊት፡ወጣ፤የሱሳም፡ ከተማ፡ደስ፡አላት፥እልልም፡አለች።
16፤ለአይሁድም፡ብርሃንና፡ደስታ፡ተድላና፡ክብርም፡ኾነ።
17፤የንጉሡም፡ትእዛዝና፡ዐዋጅ፡በደረሰበት፡አገርና፡ከተማ፡ዅሉ፡ለአይሁድ፡ደስታና፡ተድላ፥የግብዣም፡ቀን፡ መልካምም፡ቀን፡ኾነ።አይሁድንም፡መፍራት፡ስለ፡ወደቀባቸው፡ከምድር፡አሕዛብ፡ብዙ፡ሰዎች፡አይሁድ፡ኾኑ።
_______________መጽሐፈ፡አስቴር፥ምዕራፍ፡9።______________
ምዕራፍ፡9።
1፤አዳር፡በሚባለውም፡በዐሥራ፡ኹለተኛው፡ወር፡ከወሩም፡በዐሥራ፡ሦስተኛው፡ቀን፥የንጉሡ፡ትእዛዝና፡ዐዋጅ፡ሊ ፈጸምበት፡በነበረው፡ቀን፥የአይሁድ፡ጠላቶች፡ሊሠለጥኑባቸው፡በነበረው፡ቀን፥አይሁድ፡በጠላቶቻቸው፡ላይ፡እ ንዲሠለጥኑ፡ነገሩ፡ተገለበጠ።
2፤አይሁድም፡ክፋታቸውን፡በሚሹት፡ሰዎች፡ላይ፡እጃቸውን፡ይዘረጉ፡ዘንድ፡በንጉሡ፡በአርጤክስስ፡አገሮች፡ዅሉ ፡በነበሩ፡ከተማዎቻቸው፡ውስጥ፡ተሰበሰቡ፤እነርሱንም፡መፍራት፡በአሕዛብ፡ዅሉ፡ላይ፡ወድቆ፡ነበርና፥እነርሱ ን፡የሚቃወም፡ሰው፡አልነበረም።
3፤መርዶክዮስን፡መፍራት፡በላያቸው፡ስለ፡ወደቀ፡በያገሩ፡የነበሩ፡ዐዛውንትና፡ሹማምቶች፡አለቃዎችም፥የንጉሡ ንም፡ሥራ፡የሚሠሩቱ፡ዅሉ፡አይሁድን፡አገዙ።
4፤ያ፡ሰው፡መርዶክዮስ፡ከፍ፡ከፍ፡እያለ፡ስለ፡ኼደ፡በንጉሡ፡ቤት፡ታላቅ፡ኾኖ፡ነበርና፥የመርዶክዮስም፡ዝና፡ በያገሩ፡ዅሉ፡ተሰምቶ፡ነበርና።
5፤አይሁድም፡ጠላቶቻቸውን፡ዅሉ፡በሰይፍ፡እየመቱ፡ገደሏቸው፥አጠፏቸውም፤በሚጠሏቸውም፡ላይ፡እንደ፡ወደዱ፡አ ደረጉባቸው።
6፤አይሁድም፡በሱሳ፡ግንብ፡ዐምስት፡መቶ፡ያኽል፡ሰዎች፡ገደሉ፡አጠፉም።
7፤8፤ፈርሰኔስ፥ደልፎን፥ፋስጋ፥ፋረዳታ፥
9፤በርያ፥ሰርባካ፥መርመሲማ፥ሩፋዮስ፥አርሳዮስ፥ዛቡታዮስ፡የሚባሉትን፥
10፤የሐመዳቱን፡ልጅ፡የአይሁድን፡ጠላት፡ዐሥሩን፡የሐማን፡ልጆች፡ገደሉ፤ነገር፡ግን፥ወደ፡ብዝበዛው፡እጃቸው ን፡አልዘረጉም።
11፤በዚያም፡ቀን፡በሱሳ፡ግንብ፡የተገደሉት፡ሰዎች፡ቍጥር፡ወደ፡ንጉሡ፡መጣ።
12፤ንጉሡም፡ንግሥቲቱን፡አስቴርን፦አይሁድ፡በሱሳ፡ግንብ፡ዐምስት፡መቶ፡ሰዎችንና፡ዐሥሩን፡የሐማ፡ልጆች፡ገ ደሉ፡አጠፏቸውም፤በቀሩትስ፡በንጉሡ፡አገሮች፡እንዴት፡አድርገው፡ይኾን! አኹንስ፡ልመናሽ፡ምንድር፡ነው፧ይሰጥሻል፤ሌላስ፡የምትሺው፡ምንድር፡ነው፧ይደረጋል፡አላት።
13፤አስቴርም፦ንጉሡን፡ደስ፡ቢያሠኘው፥በሱሳ፡የሚኖሩ፡አይሁድ፡ዛሬ፡እንደተደረገው፡ትእዛዝ፡ነገ፡ደግሞ፡ያ ድርጉ፤ዐሥሩም፡የሐማ፡ልጆች፡በግንድ፡ላይ፡ይሰቀሉ፡አለች።
14፤ንጉሡም፡ይህ፡ይደረግ፡ዘንድ፡አዘዘ፤ዐዋጅም፡በሱሳ፡ተነገረ፤ዐሥሩንም፡የሐማን፡ልጆች፡ሰቀሉ።
15፤በሱሳም፡የነበሩ፡አይሁድ፡አዳር፡በሚባለው፡ወር፡በዐሥራ፡አራተኛው፡ቀን፡ደግሞ፡ተሰብስበው፡በሱሳ፡ሦስ ት፡መቶ፡ያኽል፡ሰዎች፡ገደሉ፤ነገር፡ግን፥ወደ፡ብዝበዛው፡እጃቸውን፡አልዘረጉም።
16፤የቀሩትም፡በንጉሡ፡አገር፡ያሉ፡አይሁድ፡ተሰብስበው፡ለሕይወታቸው፡ቆሙ፥ከጠላቶቻቸውም፡ዐረፉ፤ከሚጠሏቸ ውም፡ሰባ፡ዐምስት፡ሺሕ፡ገደሉ፤ነገር፡ግን፥ወደ፡ብዝበዛው፡እጃቸውን፡አልዘረጉም።
17፤አዳር፡በሚባለው፡ወር፡በዐሥራ፡ሦስተኛው፡ቀን፡ይህ፡ተደረገ፤በዐሥራ፡አራተኛውም፡ቀን፡ዐረፉ፥የግብዣና ፡የደስታም፡ቀን፡አደረጉ።
18፤በሱሳ፡የነበሩት፡አይሁድ፡ግን፡በዐሥራ፡ሦስተኛውና፡በዐሥራ፡አራተኛው፡ቀን፡ተሰበሰቡ፤በዐሥራ፡ዐምስተ ኛውም፡ቀን፡ዐረፉ፥የመጠጥና፡የደስታም፡ቀን፡አደረጉት።
19፤ስለዚህም፡በመንደሮችና፡ባልተመሸጉ፡ከተማዎች፡የሚኖሩ፡አይሁድ፡አዳር፡በሚባለው፡ወር፡ዐሥራ፡አራተኛው ን፡ቀን፡የደስታና፡የመጠጥ፡የመልካምም፡ቀን፥ርስ፡በርሳቸውም፡ስጦታ፡የሚሰጣጡበት፡ቀን፡ያደርጉታል።
20፤መርዶክዮስም፡ይህን፡ነገር፡ጻፈ፥በንጉሡም፡በአርጤክስስ፡አገሮች፡ዅሉ፡በቅርብና፡በሩቅ፡ወዳሉት፡አይሁ ድ፡ዅሉ፡ደብዳቤዎችን፡ላከ።
21፤በየዓመቱም፡አዳር፡በሚባለው፡ወር፡ዐሥራ፡አራተኛውና፡ዐሥራ፡ዐምስተኛው፡ቀን፥
22፤አይሁድ፡ከጠላቶቻቸው፡ዕረፍትን፡ያገኙበት፡ቀን፥ወሩም፡ከሐዘን፡ወደ፡ደስታ፡ከልቅሶም፡ወደ፡መልካም፡ቀ ን፡የተለወጠበት፡ወር፡ኾኖ፡ይጠብቁት፡ዘንድ፥የግብዣና፡የደስታም፡ቀን፥ርስ፡በርሳቸውም፡ስጦታ፡የሚሰጣጡበ ትና፡ለድኻዎች፡ስጦታ፡የሚሰጡበት፡ቀን፡ያደርጉት፡ዘንድ፡አዘዛቸው።
23፤አይሁድም፡ለመሥራት፡የዠመሩትን፥መርዶክዮስም፡የጻፈላቸውን፡ያደርጉ፡ዘንድ፡ተቀበሉት፤
24፤አጋጋዊው፡የሐመዳቱ፡ልጅ፡የአይሁድ፡ዅሉ፡ጠላት፡ሐማ፡አይሁድን፡ያጠፋ፡ዘንድ፡ተተንኵሎ፡ነበር፤ሊደመስ ሳቸውና፡ሊያጠፋቸውም፡ፉር፡የሚባል፡ዕጣ፡ጥሎ፡ነበር።
25፤አስቴርም፡ወደንጉሡ፡ፊት፡በገባች፡ጊዜ፡በአይሁድ፡ላይ፡የተተነኰለው፡ክፉ፡ተንኰል፡በራሱ፡ላይ፡እንዲመ ለስ፥ርሱና፡ልጆቹም፡በግንድ፡ላይ፡እንዲሰቀሉ፡በደብዳቤው፡አዘዘ።
26፤ስለዚህም፡እነዚህ፡ቀኖች፡እንደ፡ፉር፡ስም፡ፉሪም፡ተባሉ።በዚህም፡ደብዳቤ፡ስለተጻፈው፡ቃል፡ዅሉ፥ስላዩ ትና፡ስላገኟቸውም፡ነገር፡ዅሉ፥
27፤28፤አይሁድ፡እነዚህን፡ኹለት፡ቀኖች፡እንደ፡ጽሕፈቱና፡እንደ፡ጊዜው፡በየዓመቱ፡ይጠብቁ፡ዘንድ፥እነዚህም ፡ቀኖች፡በየትውልዳቸውና፡በየወገናቸው፡በያገራቸውም፡በየከተማቸውም፡የታሰቡና፡የተከበሩ፡ይኾኑ፡ዘንድ፥እ ነዚህም፡የፉሪም፡ቀኖች፡በአይሁድ፡ዘንድ፡እንዳይሻሩ፥መታሰባቸውም፡ከዘራቸው፡እንዳይቈረጥ፥በራሳቸውና፡በ ዘራቸው፡ወደ፡እነርሱም፡በተጠጉት፡ዅሉ፡ላይ፡እንዳይቀር፡ሥርዐት፡አድርገው፡ተቀበሉ።
29፤የአቢካኢልም፡ልጅ፡ንግሥቲቱ፡አስቴርና፡አይሁዳዊው፡መርዶክዮስ፡ይህችን፡ስለ፡ፉሪም፡የምትናገረውን፡ኹ ለተኛዪቱን፡ደብዳቤ፡በሥልጣናቸው፡ዅሉ፡ያጸኗት፡ዘንድ፡ጻፉ።
30፤ደብዳቤዎቹንም፡በአርጤክስስ፡መንግሥት፡በመቶ፡ኻያ፡ሰባቱ፡አገሮች፡ወዳሉ፡አይሁድ፡ዅሉ፡በሰላምና፡በእ ውነት፡ቃል፡ላኩ።
31፤እነዚህንም፡የፉሪም፡ቀኖች፥አይሁዳዊው፡መርዶክዮስና፡ንግሥቲቱ፡አስቴር፡እንዳዘዙ፥ለራሳቸውና፡ለዘራቸ ውም፡የጾማቸውንና፡የልቅሷቸውን፡ነገር፡ለማክበር፡እንደ፡ተቀበሉ፥በየጊዜያቸው፡ያጸኑ፡ዘንድ፡ጻፉ።
32፤የአስቴርም፡ትእዛዝ፡ይህን፡የፉሪምን፡ነገር፡አጸና፤በመጽሐፍም፡ተጻፈ።
_______________መጽሐፈ፡አስቴር፥ምዕራፍ፡10።______________
ምዕራፍ፡10።
1፤ንጉሡም፡አርጤክስስ፡በምድርና፡በባሕር፡ደሴቶች፡ላይ፡ግብር፡ጣለ።
2፤የኀይሉና፡የብርታቱም፡ሥራ፡ዅሉ፡ንጉሡም፡እስከ፡ምን፡ድረስ፡እንዳከበረው፡የመርዶክዮስ፡ክብር፡ታላቅነት ፥በሜዶንና፡በፋርስ፡ነገሥታት፡ታሪክ፡መጽሐፍ፡የተጻፈ፡አይደለምን፧
3፤አይሁዳዊውም፡መርዶክዮስ፡ለንጉሡ፡ለአርጤክስስ፡በማዕርግ፡ኹለተኛ፡ነበረ፤በአይሁድም፡ዘንድ፡የከበረ፥በ ብዙ፡ወንድሞችም፡ዘንድ፡የተወደደ፥ለሕዝቡም፡መልካምን፡የፈለገ፥ለዘሩም፡ዅሉ፡በደኅና፡የተናገረ፡ነበረ፨

http://www.gzamargna.net